annaaa.c's Profile

這間餐廳由裝修前光顧到裝修後，餐廳格調提升了好多，服務質素也是越來越好（除了曾遇冷氣機滴水外😅），不但有口罩袋供客人使用，現在下單只需掃描QR code即可，省時方便，難怪分店越來越多🥳。他們（好像是）每星期更新餐牌，曾嘗試過全日早餐、不同配菜的意粉、咖喱飯、甜品等，唯獨未嘗試過他們的漢堡，決定一試😎等候時間比較長 (差不多20分鐘🤪)，但值得等待，味道一流👍🏼可能是早前在另一日式餐廳試過的日式鰻魚飯超級難吃，這次本着一試無妨的心態，卻是出乎意外地好吃。鰻魚沒有雪藏味，配上燒汁甜甜的，而且燒得有點脆脆；炒蛋不但賣相佳，亦非常嫩滑；漢堡已塗上少許牛油，也是焗得有點脆口；蕃薯條有點油，但又熱又脆，味道一流👍🏼👍🏼👍🏼芥末醬也是我喜愛的😋總括而言：三字訣👇🏼試下啦！…Read More

全港獨家FLIPPER’S @CWB🔸和幸福pancake走不同路線(但同樣地好食😋)🔸蛋味香濃🔸空氣感十足，所以入口即化等位大約10分鐘，但有得坐🤓叫左綠茶紅豆班戟 $119 (所有價錢比幸福pancake便宜少少😛)賣相一流，味道佳建議開始時不作任何添加先嚐一口，蛋味極為濃郁👍🏻👍🏻👍🏻👍🏻👍🏻質感與幸福pancake相比下較為濕，亦沒有那麼實，因此楓糖漿在品嘗前一刻才添加較好，再加上紅豆蓉/ 綠茶cream/ cream /綠茶醬 品嚐，實是畫龍點睛。班戟份量和配料十足(個人因為配料分配不均，導致最後班戟食晒，剩食紅豆蓉😂)另外，店員會主動為你添加檸水🍋值得一讚的是雖然身處商場內，但環境優雅寧靜，疫情下清潔衞生做得好好，客人離去後店員並不會因為急於引進下一枱而馬虎，清理杯碟餐具後會噴上消毒液抹枱。因此等得樂意，食得安心😌…Read More

同朋友去佐敦，順便食午餐，揾咗間唔少人都話好食既「秘」，咁岩有位唔使等😮‍💨猶豫咗好耐究竟要唔要板燒…一場黎到，都係想試新野，拍板叫咗個…😋板燒安格斯牛😋$118只食板燒太油膩，+ $20午巿加配定食，有🥸秘之飯素🥸，🍁楓糖流心蛋🍁，🥤汽水一罐🥤。先講安格斯牛：份量唔少，賣相好，雪花分佈平均，肉質鮮嫩唔會過肥，燒耐左亦唔會變到好韌好難食👍🏻唯一美中不足既係啲油出得好多，多到我要攞走舊肥膏之後，依然搶火，油花四濺。再講秘之飯素：紫菜多，醬油適量，芝麻香；流心蛋ok流心。最後清哂碟😎朋友叫咗個…😋浦燒原條鰻魚飯😋$78試過一小塊鰻魚，有口感😛再睇下個環境…以下呢個係有得睇無得食🤤🤭🤭全日免收加一，幾抵食架。一場去到不妨一試😏***提提大家攞多對筷子🥢分開夾生熟牛🐂***…Read More

Dated back October 2020，想試蟲二好耐喇，空中花園有開放，但可能因為疫情關係，沒有太多人。因為打算再食第二餐，作為第一餐，只叫了小食和甜品，沒有叫飲品。蛋黃醬烤魚餅，賣相不錯，味道亦佳，但真的略嫌鹹了一點，真係食完都怕個腎有事😂炸雞軟骨豚肉棒棒餃子，不俗，外脆內軟，但份量真係好少...果然係「小」食。最後叫左個伯爵茶懷舊班戟，係同呢加巿面常見既鬆軟pancake唔同，但真心無咩特別，伯爵茶味道亦都唔重，作為佢既signature真心不能接受。…Read More

Dated back July 2020，一個星期五既lunch hour係海港城同朋友相聚，係Paper Moon先訂位，最後選擇左露天茶座。當日風和日麗，景色正不在話下，侍應生既服務態度亦超級好，主動走黎問你有咩需要，亦容許我地揀位🥰。睇完Menu揀左2個lunch set。首先，有餐前麵包，3款，可添。朋友選左好濃既南瓜湯，我揀左沙律，好好食，啲菜新鮮之餘，配埋脆脆既麵包粒有唔同既質感👍🏻朋友main course選左羊扒，賣相唔算太吸引。但你以為只係普通炸物？Nonono...我都試左一小塊，外脆內軟，調味適中，非常juicy，無得彈😋👍🏻👍🏻👍🏻我叫既Pizza Regina就失策喇，味道okay，但份量太多，亦略嫌有點油膩同埋太咸，食左兩塊已經非常飽滯，最後打包走人...😔個lunch set仲有配埋甜品同餐飲，賣相一流，味道不錯。總括而言，景色一流，但選擇露天座位需考慮會否太大風，吹到頭都亂埋...服務不錯，食物也有一定的水準，特別推薦羊扒（雖然唔係我叫，但諗起都想食😂）。…Read More

我只可以話自己叫錯餐... ...大蝦沙律賣相吸引，但啲蝦一啲味都無；唔期望係鮮蝦，但唔新鮮之餘啲蝦無調味，就好似食緊有咬口既蝦型白開水，成件事好難受。沙律菜就幾好食。配翡翠檸檬綠茶，唔知翡翠係咩意思，但杯檸綠都幾甜。呢個大蝦沙律一定唔會再嗌........見大家都話All Day Breakfast好食，唯有下次有機會試試佢。…Read More

係附近返工都唔知有間咁嘅好嘢，直至細佬介紹先一齊去食。3點鐘先開門，因為疫情又趕住喺6點之前去堂食，好彩趕得切😊最後叫左個養生紫米露配芋圓大份，抵食，又好味😋紫米露一向都鍾意食❤️啲芋圓又真係俾我食到有芋頭味，唔係一食就有，而係咬完要吞個下有陣味出左黎🤭是幻覺嗎？哈哈🤭🤣🤣…Read More

Green Tech Cafe開左好耐，雖然住喺附近但一直都未幫襯；直到今次有朋友山長水遠過海黎到，俾個藉口自己一齊試新嘢😆睇完餐牌先去counter落單，呢加有唔少新式素食店都係土呢個模式。朋友叫左未來漢堡配蕃薯條，好好味，個包切落去有好清脆既「咔咔」聲😂😂😂日式吉列豬扒咖喱意大利飯，因為個人幾喜歡咖喱，個飯味濃但偏辣...但個豬扒無得彈，食一啖讚一次，朋友都覺得我煩😂唔同出邊有啲店直接用豆腐當豬肉，佢呢個外脆內軟，好有咬口，質感同豬肉無分別，比起一般豬扒重要嫩，而且佢個調味做得好，超正😋😋😋但接受唔到既係杯唔記得Green Milk Tea定Green Tea Milk，$19，跟餐飲品減$10。點知counter話係之前promotion，呢加無，雖然到最後都係照做俾我，但就真係綠茶加奶，又稀又難飲...咁樣既我自己都識整啦😡個飯係超級正，店家要revise個menu啦...唯有下次小心叫野飲😟…Read More

打左電話book位先，所以唔使等😆上樓食，環境唔錯～叫左2個lunch set是日餐湯係南瓜忌廉湯，南瓜味好重，個湯好濃郁，好好味😋😋😋(就黎飲哂先決定要寫食評推介😂)叫左個小食：黑松露薯條，份量十足，好脆，但咸左啲；如果沙律醬分開上會更好，太多喇～無影到menu，又唔係好記得個名，先發現原來佢個menu會轉。加分👍🏻叫左蒜蓉菠菜大蝦扁意粉(?)同香煎鯛魚蕃茄意大利飯(?)，好好味，個蝦細左小小但好好食；個魚皮煎得脆，無骨無魚鱗，食得好開心，而且價錢唔貴，都係$7X，所以性價比極高。餐飲加$8叫左熱鮮奶焙茶，個樣唔討好但好好飲，個拉花又唔錯，奶同茶味平衡得剛剛好，岩哂我既口味😋👍🏻👍🏻👍🏻唯獨有2樣嘢要彈既係：1. 個洗手間遠左啲，要經過既地方比較污糟2. 啲野食唔夠熱，特別我同朋友邊傾邊食好快凍讚既地方有好多：- 性格比高，好食😋得黎唔貴😆；- 服務態度好好，除左送餐、主動添檸水、提我地last order既時間之外，其餘時間係「放縱」我同朋友傾計，傾到我地走既時候發現佢外面已掛休息牌🤣- 疫情關係同隔離枱加左板，私隱度即刻提高哂- 環境好relaxing總之一句講晒：揾日去，之後去，跟住再去🤩…Read More

本來想去咖啡熱，見OpenRice冇得book位諗住walk in都得啦，果然係冇位既...冇辦法，3點幾都仲未食lunch，於是走去皇室堡搵咗間唔黃唔藍嘅，就係意粉狂熱喇，勁少人⋯張櫈好污糟，要自行清潔；諗好落單要嗌幾次先有人嚟。叫set lunch，右手面個啲hot tea原來全部係茶包，所以改叫咖啡 (雖然我知UCC唔好)咖啡已經落左coffee creamer，唔滿，我重未飲架；聽到隔離枱想添但侍應哥哥係話唔得既。沙律幾好味，幾開胃。個香草烤雞雜菌羅勒忌廉意粉好唔掂，除左夠熱之外，無野可以讚。意粉唔夠煙韌，有啲癡住咗，好油，食到好滯，食到最後唔想食。個雞普通；香草係夠既，嫌多左少少㖭。個pizza不過不失，個皮幾脆幾薄，但放耐少少再食係酥皮味，牛油味勁重，唔想再食。不如俾多個沙律嚟？簡單總結，肚餓食都覺得唔好食。意粉狂熱但意粉唔好食。意粉狂熱剩係沙律好食。你會唔會再去呀？我唔會。…Read More

樓上cafe，唔好諗住門口有人招待你，係無架。唔係有人外賣自取走出黎，我差啲就以為入錯店。一入去右手面係咁既⋯一開始滿座，所以坐吧枱，把風扇就擺喺隔離，好污糟 (唯一扣分位）。但係無特別要求下，老細主動係有客人賣單之後換左枱，服務真心係好既👍🏼👍🏼👍🏼咁啱坐既位對面就係呢幅牆，等嘢食之餘都欣賞下⋯😎之所以話性價比高，係因為食物質素真心唔差之餘，價錢唔貴，環境都算唔錯。抹茶咖啡：$42拉花簡單得黎靚 (之所以話靚係因為對比另一杯焙茶朱古力，個杯既拉花真係核突到我唔想影😂😏)，相比出面好多既Matcha Coffee，呢杯唔會太甜，抹茶味濃，又唔會蓋過咖啡味😋慢煮雞胸肉意大利麵：好似$72雞胸肉唔會太老，意大利麵煙煙韌韌好正👍🏼👍🏼👍🏼個青醬都唔錯，但係咸左少少⋯五品料理：$89（雞胸肉沙律、溫泉蛋、芝麻醬豆腐、鯖魚、南乳雞塊加紅米飯)南乳雞塊同芝麻醬豆腐唔錯；雞胸肉同意大利麵個個差唔多質感；鯖魚略嫌細塊左啲；溫泉蛋略嫌生左啲⋯紫羅蘭荔枝慕絲蛋糕：好似係加$25？食第一啖以為好甜，再食又唔會；紫羅蘭味(好似係)同陣荔枝味慢慢摻出嚟，又有唔水同質感，好味😋😋😋👍🏻賣單好happy🥳🥳🥳，因為唔貴(唔記得幾錢)，但啲野係好食，所以好抵！臨走之前去左門口睇貓：呢隻好似叫埃及妖后😂呢隻好似係叫August。兩隻都係老細叫名就望，我都有叫名⋯係無用架🥺哈…Read More

排左好耐，但非常時期無辦法，假期、新冠疫情、黃店⋯第一次幫襯，剩係叫左杯野飲⋯欣賞佢用紙飲管，環保又有衞生👍🏻味道除咗咖啡味😂之外，甜得黎又帶啲咸，好似落咗啲鹽咁，但幾好飲，質感味道都好特別，係嫌啲冰多左啲啫⋯⋯警告⚠️：可能會飲上癮⋯⋯因為打算有機會再幫襯😌…Read More

引頸以待，一直係我名單第一位，終於book到 唔係太多人，環境尚可，係有啲焗促。（每人一shot vodka, currant flavor。老闆娘話要一啖飲哂，再慢慢回味留係喉嚨個個滋味。咁岩呢排興酒精搓手液，其實都係個陣味😂 我地好聽話，但係飲完湯先飲，怕醉😂）諗左一陣先落單，但都漏左基輔炸雞扒😂烏茲別克牛肉湯，$68，清淡。烏克蘭三文魚湯，$68，好味😋 三文魚味濃郁，重有唔少細細塊既三文魚。地道香燒豬肋骨，$198，必食之選👍🏼👍🏼👍🏼 回味無窮😋😋😋 有得睇、有得影、有得食！但係等左3分鐘左右個火都未熄😂 最後忍唔住淋啲汁上去想滅火，但作用唔大，因為都係酒🤣 燒焦既地方香脆可口，肉質鮮嫩，好少骨，好容易起肉。酒味剛剛好，唔係第一啖食落去就好大陣酒味，而係食多幾嚿個陣酒味慢慢出嚟，又唔會醉⋯重之就係好好好好好好味😍芝士焗非鯽魚，$148。普通🙂 鍾意食魚既可以會覺得好食。得面個層有芝士，連魚食係好好味，但底嗰浸就冇咗啲芝士⋯值得一讚既係蕃茄好甜好甜，同埋佢擺左兩片檸檬係條魚入面，魚味好濃，有好多骨⋯⋯烏克蘭芝士餅，$88，好好味好好味好好味😋😋😋個人好鍾意，因為好特別，煙煙韌韌，而且暖暖地，又唔會太熱，絕對絕對唔係出面一般食到既芝士餅，唔好諗住芝士味好濃⋯⋯但真係好正好正好正，夠特別👍🏼👍🏼👍🏼最後要讚既係杯檸水😂 唔知點解又覺得好好飲，檸檬味好濃，唔苦，甜甜地，問左侍應哥哥話無落糖👍🏼平時唔鍾意飲白開水，但呢種應該飲全日都唔會厭😂真係食過翻尋味💃🏻一定會揾機會再幫襯，加油💪🏼…Read More