jyshet's Profile

見yoho新開，裝修又靚靚地Weekend就去試試佢叫左個牛白湯牛肉麵同鹽酥雞麵聲稱係手打麵，但個樣一啲都唔似其次煮到腍啤啤 想點？。。。期望佢係煙煙韌韌咁，但衰過自己淥個麵兩碗麵都係咁！鹽酥雞望落正正常常可惜，係人生食過最難食既鹽酥雞又粉又盛又無乜味仲要跟個碗麵個湯冇味既牛肉麵個牛肉同出邊食到既好唔同普通煲湯牛腱咁款最好食係配菜兩碟👍🏻服務正常有禮可惜食物整到咁，真係有回頭客咩？平都唔食佢，何況唔平…Read More

又一中伏之選🤡本身對雞蛋仔既容忍度好高，小店連鎖店都會食，鐘意食脆身，就算唔脆，有蛋味都收貨。依家店經常有人介紹，但真係黑人問號？脆就脆，脆到近乎燶！最差係無蛋味，學人叫咩雞蛋仔😂真係唔清楚讚佢既人平時係食開咩雞蛋仔？重要成$16。。。請都唔會食唔緊要可能啲人話班戟好食，排多次隊試埋佢。Sorry個皮都係淡口，普通，無特別，唔值依個價唔好再吹捧依間野啦唔該，嘥人錢同時間，真心求其街邊食一間雞蛋仔都好過佢…Read More

第一次黎，但唔會再黎！首先，食物普通份量少，但價錢進取。未試過食冰比得咁細碗，冰咁唔值錢既野，通常會比到個份量多到食唔曬，size咁細真係第一次見，重要唔係平🤪芒果個個正常，但黃豆粉個個唔掂重叫左一粒伯爵味既野，純粹因為要一人叫一樣食物，又唔想叫多個冰第二，竟然係舖頭入面見到老鼠爬落黎！差啲hi到我朋友omg 我知食肆一定會有曱甴老鼠，但係比我見到就唔OK囉，同埋本身餐廳環境比我感覺冇話好乾淨，差啲走都走唔切，因為環境擠迫。。。。…Read More

本身唔係好食牛，但同行朋友想試依間野，唯有陪下佢。入到去環境唔舒適，座位迫夾之餘又污糟，當時店員換左隔離張凳俾我，點知又係污糟既點搞呀。現場環境又熱，未食都想快啲走。我叫左個雞絲扎肉香濃雞湯河粉，朋友叫左碗胡志明綜合粉就正正常常，當我碗粉黎到既時候，真係震驚左我，第一眼以為係咖喱湯底，黃到油到，雞絲得幾條，扎肉得一塊圓形仔分一半，離譜到你😃以為無比錢，呃錢都唔係咁，重要收$72，食完重要唔係好飽，真係用依個價錢上去食譚仔重開心。…Read More

其實成日幫襯依間，本身好欣賞佢個豬頸肉，但係好似越做越差咁。。。🥹依排去食親的豬勁肉都係好肥之餘，重要外皮無以前燒得咁好，今次重好似烚熟咁款lol，重要有啲酸味🥶講起酸味，曾經都試過一次食到酸既椒鹽雞翼，真係唔知係店舖保存得唔好定係點，但本身佢個椒鹽雞翼真係好味既，唔使點甜酸醬都好惹味，每次都會叫重有每次都幾乎會叫微麻辣湯底，但係唔知點解轉左餐牌之後就無左微麻，最少都要叫小辣。最欣賞既野都無左或者變差，失望！唔知其他分店係咪咁…Read More

依前好鐘意食篤篤車，覺得個鱷魚湯底好正，所以係元朗執左笠嗰陣都覺得好傷心~~~見佢開返梗係要支持下，可惜幫襯左兩次都覺得食物麻麻地。。。。😔三餸泡飯套餐($81)叫左不辣鱷魚湯泡飯試一試，飯份量係多，但係湯唔夠，食到最尾剩返啲飯都無晒湯，不過有湯都無乜分別，因為招牌既鱷魚湯底淡到無味。。。以前好出色香濃架明明，失望😞另外餸方面，叫左蘿蔔+咖喱魚蛋+腸仔，比起以前蘿蔔少左，咖喱魚蛋由大粒爽口變左陳皮魚蛋，腸仔正常菜以前好鍾意食馬拉盞唐生菜，宜家無左呢個選項，得返馬拉盞芥蘭，唯有叫金銀蒜菜心，都炒得香口惹味小食點左泰式炸雞翼，就咁食味道唔夠，點上泰式辣醬先ok可能人手不足？見飲品都無得叫凍檸茶凍奶茶個啲，就無飲野lu仲諗住執過再開返都好有熱誠，可惜食物感受唔到誠意，建議生意難做可以加價但不是降低食物水準😔…Read More

下午經過試一試大概要等10張飛因為得一個人手，所以都等左大約二十分鐘排隊個陣見到好多人買芝麻卷同白糖糕試左砵仔糕($8)+芝麻卷($35一卷)+黃糖糕+白糖糕+椰汁紅豆糕($21/3件)佢既黃糖糕好味！煙煙韌韌之餘，濃黃糖味又唔太甜！砵仔糕味道正常，略嫌口感過實。但係淨返個三款(芝麻卷/白糖糕/椰汁紅豆糕)都好淡口無乜味，可以用失望來形容，尤其是見到咁多人買芝麻卷同白糖糕，唔少人重要幾盒幾盒咁買，真係咁好味咩？白糖糕重有少少酸雖然佢黃糖糕不錯，但係唔會再來了，其他好差🤪我都係幫襯返生隆了~…Read More

見咁多好評，上黎一試又中伏，都係假既🥹首先個環境勁嘈，街市咁樣，同朋友對面坐都可以對話唔到，慘過坐m記，加上座位狹窄，咁既環境令到成個用餐體驗好差，搞到野食相都冇心機影，唔會再黎🙂試左肉眼扒配黑松露薯蓉。。。扒唔算好大塊，五成熟都好鞋，重有筋咁，雖然個薯蓉唔錯，但係兩啖都無，完全無飽肚感。。。另外叫左個意粉同黑松露薯條，意粉普通質素同細碟，薯條最正常😁食物份量比較細份食完都唔飽，質素同價錢唔成比例，情願去食outback，起碼食黑糖麵包都可以食飽😉…Read More

去買首先店員已經唔係好熟悉店舖有咩飲品咁，落單搞勁耐，建議係飲品前面加返個號碼，唔使等人讀水蛇春咁長既飲品名😑已經試過佢既拿鐵同芝士奶蓋，兩樣都有一個共通點就係稀😀佢個拿鐵無奶味，稀似水，三十幾蚊俾多少少奶唔係好過分啫，賣杯咁既野很好賺。芝士奶蓋又係稀，勁快同啲茶融合咗，唔知飲緊乜。今次叫左杯是諗但泰式珍珠奶茶($33)，面頭有芝士奶蓋，無味的仲要起粒粒，泰式奶茶底淡味，珍珠就比勁多，飲左幾啖就剩返勁多珍珠，掉了俾左幾次機會，嘥左百幾蚊，請都唔飲謝謝…Read More

之前食過兩次覺得都ok今次外賣叫左兩個飯一杯野飲杯野飲倒瀉左啲落飯都算。。。啲飯竟然唔熟！重要唔係少少，有一半以上都未熟！每一啖都食到生米，飯都唔識煲。。。係delixxxoo叫，竟然無得重新送餐，又唔退款比我即時叫，真係好無奈！好似我呃佢咁，叫佢收走個飯又唔肯，勸大家用依個外賣apps三思…Read More

星期日去食，去到點餐待應都奇奇怪怪，六個人份，筆都唔攞就咁諗住記低晒我地食乜，叫咗兩碟又記唔住，要拎返部iPad。落完單之後大半個鐘有第一碟意粉，到第一碟食完之後第二碟all day breakfast先黎，又過一兩個字第三四碟先到。到第三四點差唔多食完，野飲都未到，話未到就唔要，終於點餐後成個幾鐘先至上第一杯野飲，飲完諗住快啲走。叫埋單，5分鐘都出唔到張單，火都黎，行埋去counter叫佢幫我收錢，門口又窄，待應想拎食物出門口，唔該都冇聲推我背脊，係咪痴線架。人手唔夠唔好開咁多台，食法國菜咩，食左兩個鐘，同埋比返小小禮貌，乜服務都無學人收加一。食評:食物一般無特別無驚喜，對我黎講有啲咸，份量夠飽，一個普通意粉加野飲加一要百二百三蚊，一般價錢但唔會再黎，除非你唔肚餓可以慢慢等+想慢慢坐…Read More

第一次試佢個甜品，外賣，法式綠茶茉莉班戟蛋糕，酸既喂，上網search過佢入面用乜整，好似冇一個成份係酸的，唔知佢係變壞定係乜，有冇食過嘅人話我聽佢係咩味😑另外蛋糕底紙都無一張，直接放喺紙盒上面，見到紙盒一早摺好咗都唔知有冇鋪塵，諗起都核突。總之成個蛋糕食咗兩啖就掉咗，好彩冇肚痛🙂…Read More

之前一路都覺得個幾杯水墨風飲品幾靚，終於撞啱時間試試於是叫左杯 麻糬芝麻烏龍鮮奶茶真係非常非常非常非常失望！又唔係平，唔知點解可以咁難飲！！！杯野飲冇烏龍茶味冇奶味，好似芝麻口味既水，淡而無味，(食碗芝麻糊都冇咁嬲)，唯一入得口既只有麻糬，真係想知杯野係咪溝左水店員又唔係nice除左打卡之外，成杯野可以直入垃圾桶簡直係浪費錢同飲手搖既機會！其他款式同種類既飲品都唔會想再試尖沙咀咁多野飲真係無謂幫襯佢，依間出品真心送都唔飲…Read More

第一次試叫左杯豆腐奶蓋四季春首先個奶蓋又稀又淡然後個茶底無茶味又甜成杯野完全唔match好奇怪完全唔知飲緊乜野飲兩啖就棄左浪費左三十幾蚊伏呀，無下次有好多更好既選擇…Read More

見咁多好評第一次嚟食，可惜期望越大失望越大。星期六大約下午茶時間入到去，唔使等位，入到去到坐低都冇人理過，坐咗一陣先有人俾個QR code落單。落單後食物都好快嚟到叫左下午茶，比午餐只係平八蚊，但係雞扒得半塊，肉燥味道好奇怪，從來未係台式餐廳食到呢個味。。。。飲品要另外加錢，叫左蜂蜜綠茶，正常無特別芝士奶蓋四季春，芝士奶蓋味道唔錯但好稀，未上枱就見到奶蓋同下面既茶融合緊，無耐就變咗一杯甜嘅茶，完全唔想飲，失望。。。牛肉麵係最正常…Read More