ESO68's Profile

第一次是大概一年多至兩年前朋友請食午飯，當時已經由第一道菜開始覺得味道好特別，好奇底下問師傅Ivan，原來好多醬汁都係自家研發調製的。冇幾耐之後又再去咗一次，但係今次就係食夜晚飯，雖然價錢比午餐貴都幾算多，但係食過佢哋嘅晚餐之後，真係少有地有回味無窮嘅感覺。特色係由頭到尾，每一道菜都會有驚喜嘅味道。…Read More

今晚喺度請一位好耐冇見過嘅海國朋友食飯，先唔好講有咩感覺。我哋叫咗如下。頭盤- 醉雞- 海蜇頭（呢兩味還可以）主菜- 例牌燒鵝 (肉嚡熠熠、乾噌噌)- 上湯竹笙時蔬 (還可以，根本零難度)- 黃金蝦 (呢味簡直係離譜，有異味，蝦身有少許霉口感，油膩，垃圾)以前疫情前喺度午飯飲茶印象幾好的，晚飯係第一次，亦會係我最後一次。仲有落單嘅時候完全冇話過要燒腩仔，但竟然側側膊落咗喺張單度。最離譜係叫甜品後大約十幾分鐘，啲甜品竟然攞咗係左近嘅上菜枱十幾分鐘，個個伙記行過望下就算，完全冇打算上甜品，直至到我反問佢哋嗰啲甜品係唔係我嘅都仲要擺出一副不大願意嘅態度先去上載。究竟你呢間係乜嘢餐廳，我一定唔會再嚟幫襯。👎🏻👎🏻👎🏻👎🏻…Read More

以前正斗係其中一間最鍾意去嘅粥麵店，今日見打風，於是叫外賣。總共叫咗兩個粥，一個炸両，蘿蔔糕，爽脆魚皮，牛腩撈麵。一打開盒魚皮先嚇咗一跳，裡面大嘅只有六片，咁就收咗我$90，貴唔重要，最慘係難食，重要呢味原本係凍食嘅魚皮，因為擺咗喺兩碗粥中間變咗熱食。重有就係個炸両，裏面條油炸鬼都唔知係唔係琴日賣剩嘅，味道怪怪兼硬晒，豉油咸到飛起，有怪味。艇仔粥味道還可以，但配料之中嘅瘦肉有怪味，應該係唔新鮮所致。又一間以後唔會去嘅老店。…Read More

好唔想咁講，這裡今晚試咗兩個甜品，芒果涼粉加芒果汁，雜果豆腐花，我可以講真係幾差。重點係無論味道，温度(完全唔凍)，生果嘅新鮮程度，全部都唔掂。唔該認真少少做甜品，重要加埋伙記態度差。睇怕幾難再嚟呢度。…Read More