荷蘭村村長's Profile

好耐都冇寫食評~因為心淡~好~講番呢間野~環境幾好懷舊feel 點解又寫番~因為呢間野實在抵食~味道可以價錢$128~係二人餐揀兩餸湯面或一餸撈面或蒸飯~~其中~揀二, 我就揀左墨九撈同牛肉餅蒸飯仲有油菜, 小食可以三種, 我揀左牛腩, 因為覺得抵d. 最後係兩杯飲品凍熱任揀講番食物質素, 墨丸都幾好食夠彈牙, 但最重要係佢有六粒, 反而面就一般而飯,夠晒熱都大碗, 仲有條菜tim.牛腩先係重點~夠入味, 最多,最冧,重有羅白底. 我人生第一次食牛腩食到唔想食~因為太多最後係菜~最新鮮又夠多~不過得蠔油~冇其他揀野飲就冇特別出呢個食評,最要主係驚佢做唔住, 成晚大約五成滿到.但野食同價錢係同區真係頭幾位.如果大食又鐘意食呢類型野食~我真係推介你…Read More

見到食評唔算太差都諗住試下因為去開台灣都有食~點知中招第一個差首先~我同朋友p叫左一個三寶牛肉同牛筋牛腩面, menu 上寫明唔辣, 而我本身食云南米線都食得小辣點知一黎到, 三寶面湯底等於我食開云南米線既小辣, 而另牛筋牛腩直情我食唔到咁濟, 最尾問佢攞左d 清湯先食等我完全唔明點解咁辣都唔寫明. 第二個差油!!!!!!!我未食過d 面可以咁油! 最好笑係最尾我先發現佢有個notice 話個d 油唔係"肥油", 而怕既可以叫少油我真係未聽過食面可以叫少油. 而我如果一早發現可以叫少油我直情會叫走油, 但佢個notice比佢d貨隔住左最後拎走左d 貨我知可以得到第三個差打正旗號話正宗台灣面, 我去台灣食過永康, 老董. 係台北車站有個地方係食牛肉面. 我完全未見過有站係咁油咁辣如果佢唔係話正宗,我唔會唔比咁差佢. 但我覺得佢完全唔係個會事, 湯唔得上面講左, 而面又好大陣面粉味. 佢唔好叫程班長叫留班長吧啦!最後都公平d, 佢d 牛肉牛筋事實係好食, 夠冧夠入味大家睇完呢個食評,去唔去就各下諗諗…Read More

利強記雞蛋仔,真係好出名但好多時都唔經過今日啱啱好經過又見冇咩人排隊即時去買番底~$13 唔算貴唔算平等左5分鐘到就有得食熱辣辣~好諗ok wo一咬一下......點解好似冇咩"涵"咁既以為邊邊個d 係咁點知粒粒都係咁有圖有真相一半....都差唔多冇~老實講味道算唔錯, 但得一半"涵"即係d 味道減一半要幾差有幾差~我奉勸大家除非人地請你食~要比錢買...咪攪啦…Read More

本身係灣仔番工~有時都會去灣仔道個邊食飯,呢間日溢就搬左去呢度~諗住之前都正正常常~凍飲唔加錢都叫唔錯所以見佢新搬都試下佢佢有A-H咁多個餐,三個人去~想SHARE分別叫左焗朱扒飯+咸魚雞粒炒飯+XO雞扒炒公仔面焗朱扒飯居然係唔熱, D 朱扒接近冇味, 好彩佢有炒飯底加少少芝士,打番個和咸魚雞粒,冇咸魚,冇咸味,雞又大條,又係凍既....個炒公仔面先精彩....個面一早洽定,跟住加色是但炒,都唔緊要....仲要炒埋一舊面餅咁...我以為食緊日本燒餅三個餐總括黎講...唔夠味~唔夠HEART~唔好食~基本上係難食....野飲都唔想再講....難得打...希望遲下佢會好番D.....…Read More

係呢頭番工~有時都上黎睇下有咩新餐廳開咁咁啱比我搵到呢間野~見d 相又幾靚可以一試一行4人~分別叫左常餐(牛肉米+火腿奄列+多士), 蝦醬炒飯,泰式牛河同蘿蔔牛腩飯常餐係同事k 食~話冇特別~而另外三個係我地share食~ 蝦醬炒飯~ 蝦醬味唔夠之餘仲覺得佢係一早炒定個所謂泰式牛河,只可以加左辣油炒既牛河.冇咩特別而牛腩飯,d 牛腩好冧,但冇味,感覺得到佢係先用滾水煮熟先加汁野飲係三杯奶茶+檸茶~我飲奶茶,感覺得都係一般,唔出色總結係唔會再黎~因為都唔平, 平均$40以上一個餐凍飲仲要加$3一般呢種餐廳我唔會寫食評,因為唔太差又唔太好~但見到樓下2個"疑似假食評"~所以希望比呢個大家參考下…Read More

因為有d事,要同朋友m 去順利村攪d野所以一早上黎睇下食評見到呢間野既食評都唔差,咁一心都揀左呢間食但....入去前都覺得奇怪,門口冇餐牌.人生路不熟所以都廢事再諗一坐低就知中招....只不係一個公屋商場, 仲要係未翻新個隻一個燒味單併都$27 雙併要$30, 仲要冇野飲~熱加$9凍加$11面餐就叫多野d $36 2餸面加豬扒or 雞翼加薯條 or 多士凍飲要加$3我2個人就叫左呢個share食....講番野食~叉鵝飯($33), 叉燒唔太硬~唔夠冧仲有dry, 但燒鵝唔錯,唔算肥膏分佈適中味道啱啱好而個面餐要左沙爹牛肉蛋一丁同豬扒薯條. 面者得太硬沙爹牛叫做似番d 樣. 豬扒薯條都冇咩特別餐飲叫左凍奶茶少甜...甜係少左呀~但黎到我一飲以為自己飲緊紅豆冰....d 奶多到喊,叫佢再加番d茶都係一樣~冇得救~出呢個post係希望大家留意一係門口冇餐牌既餐廳永遠係有d 古怪....所以相都廢事影~唔想晒心機...唉...冇下次... …Read More

食完LUNCH經過呢間餅店,同事P見到有得賣糯米茲又話好耐冇食~所以買左3舊黎試(2花生1紅豆~番到公司等到4點左右食味道唔會話太甜, 個皮好有咬口都又唔會好冧!仲要$3一個~做下午茶一流如果要挑剔一下~係兩種涵料都比較少啦…Read More

本身好少去megabox~~但因為有d 特別野要呢頭攪所以約好個friend 一齊食晚飯原本想去白本屋~因為樓下派左8折coupon,但點知一上去~上錯左去foodcourt個陣咁冇計~又想食日本野所以揀呢間朋友a叫左日式肥牛窩($70),而我叫左個特別d既飯~溫泉蛋芝士豬軟骨石頭窩飯($60)<單睇個名已經好掂咁!朋友a 對佢既肥牛窩既評價係=同吉野家一樣但又貴過吉野家不過我都試過~真係一樣味而我個飯,賣相幾好~溫泉蛋幾好味,飯面全部都係芝士, 豬軟骨都幾多, 飯都唔少~但整體味道唔算太突出,最要讚係佢d 飯,好有咬口幾彈牙.食完都覺得唔錯~但番到屋企就黎料啦~~口渴到爆,飲左2杯水都仲覺得口渴.... 再問番朋友a ,佢都話一樣口渴不過環境算唔錯,坐得都幾舒服~如果唔我會比喊面…Read More

上黎openrice, 搵搵下搵到呢間~見其他朋友post d 相同食評都唔錯所以lunch黎試一試一行3人,可能我地早約1235唔洗等位,即入即坐大家都係叫左蒜蓉雞脾脆皮腸仔意粉x1/薯菜x2+南瓜湯+奶茶x2+凍奶菜少甜x1首先要讚係個意粉,佢地個意粉係炒底,有d 牛油+蕃汁味!verygood!湯就唔覺有南瓜味,只係一般creamy味道啦,腸仔冇咩特別啦當然,但個雞脾十分不錯,因為唔係生炸,係煎既...唔算太油味道適中呀而奶茶都好好,不過我叫既少甜都係比較甜,覺得佢冇少到law!埋單$44一個凍既加$2如果少左個湯,未番$4,覺得good fit啦而環境就幾乾淨,待應都夠既~都會encore番啦…Read More

因為工作好忙,都少左寫食評但今日試過呢間野真係唔寫唔得!!!有3奇!4個人去, 叫左1個金邊粉,1個雞濕河,菠蘿炒飯同魚餅,仲有2杯青檸同凍奶茶本身想食蝦餅,落單姐仔話lunch唔得閑幫你整(但魚餅又有),真係奇!張枱本身有碗仔同快子等d 野食黎晒,都冇幫我地攞快子最後我去其他枱攞快子.碗仔要吹左10次先比~真係奇野食本身有問題,可以話係合格有餘. 特別係金邊河,夠酦同有d spicy tim問題係野飲度...杯凍奶茶叫左少甜...佢冇!之後叫佢加番d茶算啦....點知佢加番水...攪到我火都黎!下次請都唔去~!!!講完~…Read More

因為要番學,所以上完堂係呢頭搵食其實都食過幾間,之後食過間倫x我真係永遠都記得不過抱住試食心態~黎左搵阿妹(因為門口實在唔吸引)$14一餸粉面, $18一餸飯個人覺得都叫做平,點知一坐低,未叫野佢都比左碗雞腳蘿蔔咩咩菇例湯(記住係例湯唔係例水)本身我自己唔鐘意係街飲例湯,因為好多都係味精or 勁溝水但因為天氣乾燥,我都試飲左,發覺幾清,一d 味精都冇(因為飲完番屋企唔口渴)而我叫左炸肉米粉,份量都ok,d 肉味道夠,但又唔會太咸,又夠脆!因為太肚餓,所以冇影到相,不過一定encore(因為夠平又ok)下次影番最後我坐係度食野個時,佢係度整緊d 雞,發覺好香酒味!!!下次要試啦…Read More

首先~好奇怪~我唔明白樓下個位朋友仔點解17/11 d 格餅同雞蛋仔會賣$7 而再上一位 05/07會賣$9唔通17/11做特價?!我係27/11去$10, 未食都覺得貴,因為個區只係一般住宅區都賣咁貴~估唔到!去到唔洗等~即有!同其他朋友仔post既相一樣~個感覺好怪,係勁反光!唔知佢落左d咩第一啖食落去都ok但食多3,4舊開始冇咩味真係講你都唔信雖然食晒(因為冇食早餐,2點先食雞蛋仔),但個人覺得係唔合格因為蛋味唔夠, 脆得太過假, 同裡面唔夠軟完全唔明白阿so...點解會推介!…Read More

如果食評個分可以比負數~我諗呢間野我一定比負100分地方dirty, d人冇禮貌, 買野唔清楚 我同一個朋友仔~係工聯會學完野~搵野食見呢間食評都唔太差所以入黎試下~我叫左魚餅,墨丸同牛肚米粉朋友就叫左牛腩,雞翼,紅腸首先要講~雞翼得一隻~佢當一個餸,我係第一次見到車仔面係咁魚餅墨丸冇味勁粉,牛肚勁腥!牛腩先驚,我朋友完全冇食過,d 顏色係黑色,唔知咩部位,因為見到有骨係個紅腸同米粉叫正常,湯底都冇色冇味,驚到我呢我同朋友食左一半都唔夠就停手全間野,最抵讚係有2部高清電視la,最後唔好意思.....真係太難食, 一張相都冇影到,而價錢係$20 三餸一面…Read More

係灣仔番工~見佢開左一排又諗唔到食咩好所以試下去到,原來好細間,點知老細話樓上啦,行到最後有樓梯上去不過又迫又窄仲要係洗碗既地方(女仕們著裙就唔好上去啦) 4個人叫左海濤雞飯/窩蛋牛肉飯/北菇雞飯/日式炒烏冬窩蛋牛肉飯/日式炒烏冬/北菇雞飯可以唔講因為冇特別,味道一般要講既係海濤雞飯!呢個係佢主打既食物一般海南雞飯,d雞唔會熱or 室溫我都食過但呢個雞,你食個時完全feel到係雪櫃拎出黎,凍冰冰既感覺都係第一次又冇咩雞味~真係攞膽!!!真係不可一不可再!…Read More

本身信德個度都好多野食,但爬過文知道呢間kfc比較少人咁啱又有coupon~上船前~諗住食個靚早餐啦叫左魚柳+蛋+鬆餅蛋同鬆餅完全冇問題但塊魚柳就"出事啦"個面績係大過包糖少少~可以話細到無倫其實我拎餐時已經問佢,係咪咁大塊個收銀話"係...不過可以幫你換"但換完其實都一樣真係嚇死我~!!!同佢個張post 100%唔同希望大家下次去食~都係食番雞算…Read More