Ed Dai C's Profile

我和朋友們去酒店食自助餐都必然開懷暢談，故來酒店食自助餐，美食固然重要，環境、服務都缺一不可，而這餐自助餐就正滿足到我們需求。這餐廳的感覺，就係寧靜、高雅。有廣闊的空間感，枱與枱間有充足的距離，佈置精美富藝術氣派，很悠閒寫意的感覺。至愛食海鮮的我，來得食酒店自助餐，當然先要重點出擊海鮮區﹗一大堆的鮮蝦、青口、螺肉等等，看到已經食指大動。味道好高質，肉質嫩滑又彈牙，當然要encore完再encore。至愛螺肉。又軟又彈的質感，仿如在口內不斷跳躍。再好味的海鮮還是不得不節制一下，不然就會冷落了其他的美食。熟食擺放是在餐廳更入一些的地方，也許不少人未來到這區已經吃外面的美食吃飽了。除了西餐必備的一系列豬扒、雞扒等上乘肉扒，新鮮魚肉外，還有許多非一般的選擇。例如竟然有咖哩魚蛋，和一系列的串燒﹗當然是升級版，肉質比一般街邊售賣的貨色好味新鮮得多了﹗實在是另一番體驗。食自助餐的好處，就是喜愛的食物可以盡食再拿，吃過滿足為止。這些都是我的ENCORE之選。食得飽飽，才想起還未吃甜品。傳說中女性是有另一個胃用作吃甜品的，但我顯然不是這種人，只好挺著漲漲的肚子淺嘗一下好了。有 Haagen dazs 和 Movenpick 雪糕。拿雪糕的時候，看著不斷轉動的雪糕機，實在非常有趣。大概是部機的功力，雪糕口感份外軟滑眼見還有許多甜品，包括多款切件蛋糕、泡芙、多士布甸等，只好留待下次再挑戰。…Read More

我返工既地點係馬鐡沿線，所以約d係九龍工作既朋友放工見，大圍依個中間位置完全係perfect !!今次都當然唔例外，不過今次依間餐廳真係要介紹下1. 地點: 距離港鐵站有dd遠，不過只係大馬路直行，非常容易搵2. 環境: 入到去一來個樓底好高，二來d位又超舒服，所以一坐底成個環境都好舒服☺3. 食物: 食佐好多野，不過特別介紹兩樣啦! - 蟹特盛丼 千企唔好以為係吞拿魚，其實係蟹! 個配搭係正，同時一個超懶拆殼既我，依個係超好既選擇👍🏼- 雞泡魚乾 我之前食係室溫硬硬的，不過今次有驚喜! 食落去好好岩岩燒出黎，仲好有咬口! 我食到停唔到口…Read More

同朋友出開街，行到熱熱地又累累地想搵個地方坐下，就黎左呢度啦許留山分店多，前後左右緊有間起度同個朋友都無諗太多，好快就一人一碗左邊係佢叫嘅椰汁小丸子，右邊係我叫嘅紅豆小丸子食甜品，我地要求唔係好高，不過都有D基本要求，就係要口感好，唔太甜呢兩款都合我地要求同埋丸子夠多，好咬口，味道又幾好，不過就都係甜左D，唔係咁好，即係多糖啦，食得多易肥所以綜合黎講，我都係只能夠比OK評分炸我試過朋友嘅椰汁比較我個紅豆小丸子，好似佢那個椰汁好味D夠清新好FRESH…Read More

食韓國野，好多人先入為主就係覺得一定一味好熱氣好油不過黎左呢間之後，我個印象完全改觀，韓國野，其實可以好有層次鮮帶子 $128帶子當然唔可以唔食，我至愛，超級大隻，又鮮味彈牙濟洲島黑毛豬五花腩(無醃) $138/150g無醃、燒完之後，入口即溶，雖然看似好肥，但口感唔油膩店家推介將燒左嘅肉，用生菜再加D醬包埋一齊食，好惹味架辣海鮮鍋 $358呢個海鮮鍋雖然辣，唔會好似有D舖頭咁無腦一堆辣油，呢個係比較辣得有層次，唔會蓋過食物嘅美味，反而相得益彰不過咁，辣野會刺激腸胃同皮膚，少食多滋味，但唔好食得咁密呀蜂蜜柚子茶 $12邊個話韓國野無好野飲，呢杯蜂蜜柚子茶就無得輸既可清熱，又好味，有種淡淡嘅幽香最後食完餐廳仲送鮮橙果盤，驚喜，而且D橙又甜又多汁…Read More

近年開了不少主題餐廳，但興趣都不大，唯一感興趣的就是老夫子的主題café。近日同我內人講開原來已經開左一排, 立即約左一班朋友同內人去尋一尋味。還未進去，餐廳的門外已經充滿童年回憶，好親切，而入座後，更見周圍都是以老夫子漫畫為主題，很有親切感，就連餐牌也是老夫子形狀的!一看餐牌, 立即發掘一下有甚麼好喝的，原來每款菜色的名字都是以漫畫的標題來命名, 我就叫左小巧玲瓏 ($46)。點知原來個侍應記唔到咩係小巧玲瓏，最後都是講番水蜜桃果粒茶 (我估侍應年中都遇到唔少好似我D咁貪得意用漫畫名黎叫野食既人) 蜜桃茶的壺幾特別，潮得黎又帶點優雅，而蜜桃味濃郁又不是假味，值得一試。我比較欣賞的就是鐵板套餐-出神入化。即係黑椒牛柳! 改個咁有氣勢的名, 質素當然都有留咁上下。牛柳嫩滑可口，肉汁豐富，雖然上碟時唔係好滾, 淋D汁落去無 “喳”一聲，但是卻入口即溶，真的有出神入化的感覺，可以再encore。…Read More

有時未想好想食咩好, 點算好? 最好有得多野食, 坐低先再慢慢想!呢間店, 就絕對可以做到咁! 咁多菜, 除左波板糖形Menu入面的好多餸菜之外, 仲有另外擺開嘅推介晚餐同小菜, 真係包有款啱你同埋朋友話款款都幾高質想多無謂, 食多會滯, 最後同朋友兩個人就各叫咗一款再share!鮮茄豬扒意粉 $52豬扒外脆內軟, 肉質嫩滑又香脆, 幾隻意粉都好爽口黑椒牛柳粒 連飯$78大獲, 就黎食完先記得要影相, 不過得返粒都要影下, 無圖又點有真相呢雖然得一粒, 都睇到肉質好鬆軟, 紋理鮮明牛有牛味，口感軟滑, 正…Read More

呢日目標好明確，就係同班海鮮友一齊食靚海鮮呢間野聽過人講堅係正，今日終於約齊人一齊黎食啦~得海鮮緊係要食下蝦，呢個白灼九節蝦 就無得輸，(連埋加工費每斤$56)，共$72細隻但肉質彈牙可口，相當鮮甜美味蝦肉易拎, 蘸埋辣椒豉油，好惹味果皮蒸鮑魚 ，呢度 一斤七両(連埋加工費每斤$56)，共$103.5飽魚肉質好厚但幾軟腍，口感真係好享受，啖啖肉，仲好新鮮甜美黃金鮮魷 $118金黃色澤配微鹹，又好香口，粉脆的鮮魷，加上蛋黃，超好味清蒸杉班 一斤連加工費每斤$56，共$72魚質好美味，新鮮又滑的魚肉，蘸上魚油 ，甘香令人回味不經不覺就食完一餐好飯，依依家捨地離開~…Read More

第1次食呢個蟹，價錢唔知算唔算抵，我就覺得好抵，咁好食呢日黎呢度食，好大程度就係為左食呢個蟹~~避風塘炒蟹雖只是用上一隻蟹，但蟹份量十足，蟹四周佈滿避風塘煮法必備的香蒜和辣椒。一張圖，其實加咗文字都反映唔哂佢有幾好食，真係要食過先知，不過都即管試下講一聞佢陣香，哎吔吔已經覺得好惹味。一野揀咗件蟹身連蟹腳食，咁一食，蟹肉勁鮮甜，避風塘炒法無得輸，香辣味由頭到尾每一啖蟹肉都有，仲引到連同枱怕辣的食友都食返件下次再黎食，一定專食返呢個蟹先!…Read More

這日成班FD一齊慶祝一個升職的同事，唔駛講當然升職個同事請，佢請到，加上佢本身人緣好，好多人都有黎 升職後就係我地supervisor, 仲唔有大食大咩? 趁機...食左太多野不能盡錄，淨係講下呢個串燒泰式串燒拼盤 ，每件都好嘢味嘩, 有雞、牛、豬、肉質乾身，但好彈口，雞肉十分鮮嫩，厚切好JUICY，豬同牛都皮脆肉滑。真係好正，其他菜都，不過不失，不能盡錄，下次再食時再寫呢間應該新開，已經咁高質，開耐左會仲正…Read More

聽朋友推薦,第1次食醬油蟹, 泥到尖沙咀既阿利水韓國料理!380蚊兩隻, 吾知抵吾抵, 不過覺得市價應該咁上下。前菜先泥, 好正統一小碟一小碟咁。最滿足係蜂蜜糖髎小魚干, 好食到清碟, 配酒一流。醬油蟹, 汁酸酸地, 開胃, 但你話好多肉呢, 又吾係, 肉質似大閛蟹口感。紫菜拌飯, 陣陣痳油香, 不過略油左些小。店主請我地食, 有D似粉皮, 質感還好, 不過太淡味。牛肉粉絲煲, 不過不失, 肉都幾多。最期待既部隊窩!!!好正呀, 佢芝士係提味既一大元素。午餐肉, 公仔面都韓國貨, 原汁不味。年糕係扁, ROUND SHAPE個款, 但期待可能會有既芝士年糕就落空左。…Read More

今日去開紅磡,即興約係紅磡返工既朋友仔一齊LUNCH 下先~ 見到間CAFÉ 環境好似唔錯而且見到好多食客台上都點了大大塊既雞扒飯/意粉~ 同朋友坐底搶住點呢個->燒雞扒配日式照燒汁加飯/意粉/天使面今日餐湯: 忌廉蘑菇湯配小餐包好香既蘑菇蓉味, 但份量好細碗, 兩,三啖就飲完了……同埋佢先上湯,後上餐包, 結果湯飲晒, 面包要乾啃,哈哈 ( 因為牛油要另加兩蚊,我地覺得唔抵)之後好快上主菜,嘩~真係好大塊燒雞扒呀~ 幾乎佔左2/3 隻碟,雞皮煎得香脆, 食落有少少似炸雞甘, 而雞肉就好JUICY好嫩滑,不錯!  天使面亦都好多, 煮得岩岩好淋, 反而照燒汁有點偏咸, 所以要撈勻食會好味D…Read More

香港大排檔數量唔算多, 位於沙田既陳根記比較出名, 所以日日都甘多人等位, 而且顧客要自己等, 明明對方才吃到一半就已經企係隔離等, 我們也有點不好意思了…幾經辛苦終於等到位了, 即刻落order先, 我地點了: 椒鹽九肚魚同埋時菜炒花枝片大排檔既炸物一向好有水準, 椒鹽九肚魚炸得非常脆口,外脆內軟, 好滑身又夠大件, 每件應該有半條中size ge 九肚魚,  而且熱辣辣, 好鬼好食 (p.s佢椒鹽同醋分開上, 可以按喜好點或不點)時菜炒花枝片, 我地揀左好大路既西蘭花, 都算新鮮, 花枝片炒得岩岩好,唔會太老,咬落去唔會太林又唔UM, 好食!可惜花枝片分量比較少, 而且呢碟送等左超過40分鐘, 仲要比伙記話唔好催....建議大家要有等得既心理準備。生意太好, 所以有排等位, 員工態度唔好...…Read More

休閒復活假, 最好當然偽文青, 睡懶覺, 午後去食all day breakfast~依間呼吸冰室完全符合雖求 !!!今次一人點左一個全日早餐, 分別係4同5號餐, 分別只在於係ham定煙肉~我就食煙肉個個既 ,基本上都好好食!!!但裡面兩片厚切蕃茄中, 一塊冇烘底 ,吾知係咪漏左程序 。炸薯角係新鮮薯仔切開泥炸咖, 仲有薯仔皮, 吾係冷凍野!!!多士中間夾左蒜蓉牛油, 得十蚊銀左右大 ,中間一點仔有, 略為不足 ,但烘得熱度均衡 ,吾焦亦啖啖都咁脆~另外咖啡佢冰用一條長咖啡冰的 ,好夠誠意!!!…Read More

松記大舖搬細舖後既第一次幫襯 ,水準依舊不改。 我食既係凍楊枝甘露加雪糕, 雪糕味道可以揀, 不過就美中不足地冇雲尼拿揀 ,所以揀左芒果, 味都夾既~最抵贊係佢芒果 ,平時店係細細粒既 ,松記則係大大片的, 又厚!!! 好抵食~…Read More

依間新茶飲店, 吾似得開到成行成市加盟店咁, 見咁特別, 所以一試!!! 點知就一試愛上~ 紅豆甜甜的又夠軟綿綿, 冇誇張, 用條脷梅得爛 ;抹茶亦茶香又濃, 平時甜既抹茶其實好易得個甜字同得d色, 但依間吾會, 相信佢真係用茶整的!!!   …Read More