熱奶茶的個人專頁

今次搵到灣仔呢間，快，靚，正嘅牛肉麵，真係要推介吓先得，落咗order之後，撳兩下電話，個牛肉麵就已經極速送到，重點係一啲都唔會因為快就冇咗個品質，牛肉大大嚿，煮到腍晒，入晒味，加埋有嚿大紅蘿蔔，有嚿大白蘿蔔，夠甜冇喳，性價比咪就係呢啲囉，個湯底都好抵讚，食完又唔會好口渴，真係值得推介，加埋有杯珍珠奶茶，珍珠夠晒彈牙，煙靭，水準正常發揮，係唔錯嘅！見到隔籬枱大大塊炸雞扒，已經諗定下次經過可以嗌啲咩嚟食😋😋…查看更多

今日黎到中環呢間杣 yashima ，試吓佢哋dinner嘅 omakase！喺歌賦街街頭就已經望到呢間充滿日式建築風嘅餐廳🥳今日就係食呢個$2680嘅dinner set😍😍打卡一流，好有心思嘅菜式設計係依勢龍蝦配蛋黃醬焗，龍蝦夠爽口加赤膽，紫蘇花跟住係一個青森縣吞拿魚杯，中拖羅配上蛋黃醋再加上魚子點綴，好吸引之後係九繪魚刺身，雞翼配紫蘇花酸汁，辣蘿蔔泥，芽蔥捲食😋九品壽司都係勁鮮甜，最深刻係金目鯛，北寄貝，拖羅，海膽甜品前，再有一個海膽杯，真係要我好滿足咁完成呢一餐…查看更多

放工同朋友行開銅鑼灣，諗下食咩好見到呢間餃子店，好吸引喎🤩🤩 講到明不加味精，全天然！岩哂我呢啲崇尚自然，健康嘅人同朋友叫咗三份餃子，松茸餃子勁香勁鮮甜，連埋個湯真係好好味！！雲耳椰菜餃亦都好清新，有屋企嘅味道！芝士粟米餃，呢個煎餃煎得好惹味，香噴噴！一流呀🤩叫多咗碟龍鳳蛋，整得好出色呀，流心㗎！勁想叫多一碟😍檸檬薏米水都合乎預期，係唔錯嘅一餐！Overall 黎講，呢度啲嘢食中上水平，而且平日夜晚都唔算多人，同朋友黎食嘢傾吓偈係非常舒服㗎姐姐又唔會趕我哋走，服務仲好好添同埋呢度門面好乾淨，同平時街坊舖餃子店好唔同，係食得好舒服㗎！…查看更多

近日朋友介紹一間貓貓cafe 在崇光百貨公司附近，好想去探下貓貓，去到發現餐廳非常乾淨，進入餐廳人士要脫鞋或更換店舖提供的拖鞋。我哋一入到去已經急不及待就與貓貓玩耍，場內約有13隻貓貓，每隻也掛上名牌，而且店內有一幅很大的貓貓介紹海報，旁邊有棵貓貓樹屋，讓貓隻可自由地爬上爬落，每隻貓貓非常溫純，可任意撫摸。只顧着與不同貓貓玩，連選擇食物都忘記了😆餐廳有時鐘收費或套餐給食客選擇，每位每小時$78（包一杯飲品），如叫了東西吃，第2個小時可免費。我1-2小時當然不夠，咁我就選擇餐廳套餐，因為叫套餐除了有食物甜品和飲品外，最緊要是不限時逗留。店舖有10款晚餐供食客選擇，餐廳內不論餐具及杯子，都印有可愛貓貓圖案，牆身也掛滿店內貓隻的卡通自畫像。最後我選了個香草肉醬意粉和小食拼盤，全部食物即叫即整，一邊玩一邊吃得津津有味。飲品就叫了杯蜂蜜白提爽、朱古力及凍檸茶。…查看更多

今日經開鰂魚涌，就問朋友呢度附近有咩好食，我就想食烏冬，佢就想食壽司，結果我哋就嚟咗呢間海鯛魚湯專門店。一入到去啲梳化位都幾舒服，侍應會介紹吓呢度有咩招牌好食，我就叫咗個海雕魚湯烏冬，朋友就叫咗個丼飯，見到有波子汽水，即刻叫咗喇！估唔到呢度食海鯛魚湯烏冬，仲會有波子汽水飲，波子汽水簡直係我細細個嘅童年回憶，呢樣嘢真係加晒分。另外呢度嘅裝修都好舒服，橙黃色嘅裝修，連埋燈光，成個用餐體驗都好好，而且人流唔多可以慢慢坐，勁舒服，我同朋友坐咗大概兩個鐘頭，侍應都冇嚟趕我哋走，呢度服務好好，下次想食嘢傾偈都可以再嚟呢度食，特別係飲返佢個波子汽水，回味一下我嘅童年回憶，臨走前，侍應仲問使唔使幫我哋影相，服務真係好好…查看更多

呢間餐廳係朋友介紹嘅，話環境好好，有live Band，又望到好靚嘅街景，嘢又好食。行到入去，感覺的確係幾好，好舒服。如果夜晚黎有歌聽，又有嘢食，一定好正。我今次係中午時間幫襯，客唔算多…我等咗個朋友好耐都未到，一個人坐喺度，侍應好細心咁拎咗杯暖水俾我，話可以慢慢等，唔使心急。其實，香港好多餐廳都計翻枱率，睇吓午市可以做到幾多枱客。係呢度就感受到好有人情味，唔會趕時間，亦都好貼心咁送上一杯暖水，由我慢慢坐，呢點已經好值得加分。朋友嚟咗，叫咗一個羊膝，一個牛板鍵，食物質素的確係非常之高，朋友冇介紹錯。而且蘑菇湯，蜆湯都非常之真材實料，係飲到濃濃嘅蘑菇味同海鮮味，。呢一餐，真係食得好舒服，食物質素高不在話下，最重要嘅係，有溫度，有人情味嘅餐廳喺香港已經買少見少……查看更多

成日經過都見到呢間水門雞大排長龍，今日有啲時間，我同個friend又去排埋一份先😆😆喺門口排隊，已經睇定一陣要叫啲乜嘢食😆😆門口啲玻璃貼晒Menu，方便大家可以諗定先😄😄咁必叫嘅就一定係水門雞飯啦，加咗$10 ，要轉雞髀肉，一場嚟到排隊，緊係要食最滑嘅雞髀啦😋😋水門雞飯會跟一碗冬瓜湯，清甜嘅冬瓜湯，好味！雞俾肉勁滑呀😍好好食呀😍點埋佢個汁，好開胃，個飯係好香嘅香茅味，我同朋友平時都食好少飯，而家個飯俾我哋食晒😆跟住叫左一份有3串嘅串燒雞，雞肉醃料足，入哂味，燒得啱啱好，夠juice! 會配埋個沙嗲醬同醋青瓜洋蔥😋跟住梗係唔少得嘅燒豬頸肉啦，好夠燒烤味😍配埋個少少辣嘅泰式醬汁，好match ar😋跟住叫埋佢哋嘅芒果沙冰，同埋菊花茶芒果沙冰OK嘅，菊花茶就同超市盒裝嘅無分別😄整體黎講，係銅鑼灣地區算係性價比好高嘅推介！…查看更多

朋友喺鰂魚涌附近做嘢，今日約咗佢食個靚早餐，呢間樓下冰室我一早book mark左，因為見人share過佢嘅滷水雞髀同滷水雞翼好正，想試好耐，今日終於有機會啦😍😍我哋去到嘅時候係10點幾，原來早餐餐牌係冇滷水雞髀㗎，問咗侍應姐姐，佢哋話11點後先有架，咁我哋時間都好鬆動，就揀咗個早餐慢慢食住等11點，食佢個雞脾啦🤤🤤見到佢嘅招牌係蕃茄湯厚餐肉通粉，咁就試下佢啦，朋友就揀左芝士煎蛋菠蘿包餐個蕃茄湯真係不得之了，勁多蕃茄蓉，勁足料，好fresh arrr🤤🤤後餐肉真係夠晒邪惡，真係勁後設，滿足晒口腹之欲😂見就嚟11點，紅豆冰係同雞髀係絕配，所以早餐嘅餐飲，叫定杯紅豆冰，等11點嘅滷水雞髀🤤🤤朋友嘅菠蘿包到啦，好誇張，除咗芝士煎蛋，仲有生菜，菠蘿包皮夠晒脆，個咸勁豐富，勁滿足呀！一到11點，即刻嗌咗份滷水雞髀同雞翼😂真係勁好味，雞皮入晒味，個滷水汁調得好出色呀！一定要再幫襯！…查看更多

今日lunch有食神呀😍有朋友同我食海鮮丼😍Lunch黎食抵啲，有lunch set，朋友仔本身唔食生野，近年被太多人感染慢慢開始試下食魚生，咁人生又多一樣樂趣啦☺️睇返個lunch menu ，都好多選擇架咁我就緊係不能夠唔揀海鮮丼啦😆呢個究極丼真係好正呀😍😍魚生海膽三文魚子多到不得之了😍😍新鮮之餘，又夠厚切，咁正得唔得架😍😍我都以為海膽得個小小，原來2隻大海老下面仲有好多海膽呀😍😍真係好好好興奮呀！已經好想再去食啦😍朋友就揀左火炙壽司配烏冬，條海鰻好長呀！另外叫咗個玉子燒，有個泡菜魷魚玉子燒，好吸引咁，就試下啦！又真係好好食，讚！原來炸串都好正呀，我哋叫左個墨魚炸串，入面好juice又彈牙！可以encore ar!!加左2杯野飲，呢個抹茶紅豆鮮奶，超好飲，奶味好濃，抹茶粉足料，紅豆夠大粒😍另一杯係藍莓燒酎沙冰，好特別，燒酎加自選水果再打成沙冰，好吸睛😋…查看更多

一早就聽聞sugar plus有無敵海景，上到去，發現環境確實好正，樓低高之餘配置整塊大玻璃，銅鑼灣避風塘維港景色一覽無遺呀！😍😍我今日午餐時間嚟，夜晚黎食嘢加睇夜景一定仲正😍今日呢個午餐Teppanyaki好抵食😄歐陸海鮮餐做緊promotion $338😍。啲食材勁非常新鮮，最正係個2隻南非鮑魚，仲係度郁緊勁生猛😍首先前菜係鴨肉啫喱伴雪梨紫蘇葉，又靚又好味，好夾！然後係海鮮茶碗蒸，仲食到入面有日本新鮮百合，師傅真係有好多details位😍之後就到煙三文魚，燒得啱啱好，啲肉則仲係好亂畫，又夠Juice南非鮑魚燒得夠哂味，多汁又彈牙，好滿足呀😍仲有鐵板燒師傅好有表演慾，落調味料有哂功架😂之後就到厚燒牛同薄燒美國牛啦，師傅offer左厚燒同薄燒俾我哋，好開心，兩款都有得試😍美國牛牛肉味濃，燒得啱啱好😋蟹肉炒飯真係一大加分位呀！用料十足，炒到粒粒分明，香到爆。跟住仲有麵豉湯同肥嘟嘟嘅炒芽菜最後仲有chocolate mousse cake同埋真係好想encore 嘅 red bean macha tofu pudding 😋一定要搵日再黎食dinner!!…查看更多

今日約咗朋友去灣仔買嘢，搞掂哂都點零鐘，咁我哋就搵地方食lunch，朋友想食麵，我就係想食牛腩，行行吓見到間呢度啊間廣麪子😆真係有齊我哋想食嘅嘢呀！勁開心！見到入面坐滿晒人，不過都唔使點等， 5分鐘就入得啦！員工姐姐勁Nice，未開始食嘢已經對呢度加左分☺️☺️朋友叫咗個切腩四寶撈粗麵，佢揀咗魚蛋魚片，墨魚丸，雲吞，會跟碗清湯，個切腩真係好正，牛味十足，煮得夠晒林，魚片夠晒彈牙，原來係日日新鮮即炸，真係好好食，今次我哋叫得太多嘢食😆😆如果唔係會叫埋佢個原條魚片，下次有機會真係要再食！😄我就叫咗個沙爽腩淨食，真係無敵咁好食😍😍哇，完全顛覆咗我對清湯腩嘅認知，所以嚟到一定一定要食沙爽腩！之後我哋嗌多咗杯鮮忌廉紅豆冰同埋西多士，好足料嘅紅豆冰，西多士熱辣辣炸到金黃色面頭夠晒脆，仲飯後甜品一流呀！今餐真係大滿足！…查看更多

今個星期返工心情麻麻，係時候要約朋友食個靚靚晚餐開心下，好鍾意日式餐廳，所以我們決定搵間居酒屋食餐飽，今次被我們選中是黑門水產🤣。出面街熱辣辣，入門首件事當然係叫嘢飲，叫左個赤子草莓和巨峰乳酸，又靚又好飲🤭。正餐開始啦，先來個黑門蟹味噌甲羅燒，仲有專人幫我哋燒，蟹籽蟹糕燒起來超香，聞到陣味就令我們食慾大增，都燒緊殼，咁就同時燒埋蟹油蒜燒帶子和蟹味噌帶子，帶子燒得剛好收水，加埋蟹油或蟹膏香味，鮮味出眾而且層次分明，不會互相搶過對方鮮味🤣。食完貝殼，當然食些肉，於是叫左個鐵板燒牛舌，開頭以為薄切，結果有驚喜，條舌有口感有趙頭，我們驚唔夠飽，叫個海老反卷，嘩一上枱，我以為來錯食物，海老面鋪滿三文魚籽蟹籽沙律醬，我開頭還以為真是一碟沙律。友人就話不如試埋個漢堡啦，一上枱時，又有驚喜，雖然不是成條鰻魚上，但那一大塊鰻魚扒，卻非常滿足。最後一碟，當然要來個首尾呼應，叫個鐵板海鮮大雜燴(鐵板燒海鮮雜菌)，鮑魚、蝦、魷魚加埋菇菇炒，所有海鮮汁被雜菌吸收晒，故此雜菌才是整碟菜的精髓。不錯不錯，食左這餐晚飯，成個人生猛開心番🤭🤭…查看更多

今晚與友人吃完晚餐，想着到那兒吃甜品好呢，經過中環街市，發現開了一間意大利Tiramisu 的專門店，由於我和朋友都對Tiramisu非常喜愛，所以一看見就像傻了一樣，一定要買來吃，我們一共買了三款口味(Classic, matcha, strawberry)。首先當然要試個傳統啦，香滑質感唔錯，有彈性入口圓滑，咖啡味有但不算特出，個人覺得濃度不夠，整體來說做到層次分明。之後就試個抹茶味啦，這個質感比傳統細緻幼滑，茶味充足，after taste 沒有苦澀味，有機會可能因為先食了傳統味，味道較強於是抵消了matcha 味的澀味。最後就試 Strawberry 看看是否能令口腔回復清新，食落口發現又幾多士多啤梨喎，而且質感更加creamy，感覺有些像吃緊士多啤梨gelato😄，口氣即刻清新晒。我個人覺得還是傳統較好吃，因為我個人一向比較傳統啊🤭🤭…查看更多

去過日本嘅朋友，都一定食過磯燒水產的居酒屋，咁啱有個去咗大馬工作咗兩年幾嘅舊同學來香港，今次因為工作關係，公司派她來香港，我哋就有機會聚下舊。咁難得，於是就搵咗間好有氣氛嘅居酒屋食餐飯。我哋大家都好鍾意食日本嘢，呢度啱晒大家口味！終於到了，舖頭好有氣氛，掛住好多燈籠，侍應好熱情，成個氛圍好正！我哋第一時間睇下水缸有咩食，之後就看餐牌啦，首先要cheers左先，叫左杯啤酒和燒酌，大熱天時冰冰佢，菠蘿燒酌好正，有一大片新鮮菠蘿架！叫了食物後，好helpful 嘅店員會過來幫我們燒兩款不同味的甲羅燒，看到蟹蓋上裝得滿滿的蟹膏蟹肉魚子，在爐上燒著，陣陣蟹膏香味撲鼻，真係好好味！之後店員就幫我哋燒埋兩款味道嘅燒帆立貝，我哋等燒嘢食期間，就食咗個壽司同刺身，質素就一般啦之後就到燒魷魚出場啦，最喜歡食燒魷魚，之後係燒虎蝦做結尾，大蝦要燒到個殼濃濃地好香口！我哋真係好似去咗日本一轉咁🥹…查看更多

今晚約左個好耐無見嘅朋友食飯😍搵左間勁多好評嘅餐廳，見到餐廳嘅環境都好啱我哋傾吓偈，所以就book咗呢間musicbox啦!! 期待見朋友傾吓近況🥰又期待有好嘢食😋一出𨋢已經聽到好chill嘅音樂聲，朋友味道，我睇咗Menu等佢，勁多選擇，仲要好多都好吸引！唔知點揀好，因為我有少少選擇困難嘅問題，睇睇吓Menu原來有個dinner set for Two，就決定揀呢個😆有兩杯餐飲，我哋叫咗佢先上餐飲😂揀咗杯凍檸茶，自己加糖，令一杯係Regular Coca-Cola 忌廉湯正常，配咗一件勁香脆嘅蒜蓉包，超鍾意佢嘅蒜蓉包！仲講緊想食多幾塊，蒜蓉包嘅時候，原來garlic better clams係會配埋蒜蓉包架😍啲蜆好大隻，好鮮甜，仲要份量勁多，呢個性價比勁高！跟住就到主菜，煎三文魚配龍酸辣舌蘭忌廉汁三文魚肉嫩滑，三文魚皮如果煎脆身就Perfect啦仲有佢個汁真係好match，佢啲配菜都好好味！跟住就到澳洲草飼10oz ribeye la，ordered medium 真係煎得岩岩好，表面網紋好靚，rest得夠，肉汁鎖住哂，又嫩又Juice！最後仲有兩個甜品， cheese cake 正常，焦糖燉蛋係好味嘅！…查看更多