Sabin's Profile

有鑊氣又有良心的小菜茶餐廳，香港真的越見越少了！ 他們的美食可以媲美大酒家，不遑多讓！其實我來過很多次，每次都好想幫他們寫食評，但又懶得執筆！今天因為帶朋友們來試菜，個個都讚不絕口，所以我真係扚起心肝寫食評，鼓勵一下他！真心推介：👍🏻👍🏻👍🏻百花炸釀蟹鉗：啖啖蟹肉鮮味，彈牙爽口，大大隻，正！😋👍🏻👍🏻👍🏻籠仔蒸龍躉炒飯：呢個真係一定要試，炒飯好香荷葉味，魚肉新鮮，有口感！👍🏻👍🏻👍🏻鮮果咕嚕肉：朋友們話呢個餸好有驚喜，香脆可口，跟出邊嘅做法不同！也是值得一試的！👍🏻👍🏻蜜椒單骨雞翼：惹味，配酒一絕！👍🏻鮑魚炆雞煲：鮑魚炆得啱啱好，唔錯！椰香荔芋南瓜煲：因為其他餸太出色，所以顯得這個略為遜色一點！我個人厭它不夠鹹！ 我反而喜歡飲他們送的例湯（蟲草花煲），材料充足，我們幾個人的每碗湯都充滿蟲草花及雞肉，果然真材實料！ 抵食！…Read More

真係世估唔到池記出d咁嘅垃圾比人食，比d良心製作好喎！同中環個間差咁鬼遠！雲吞撈d麵凍冰冰！大佬，我唔係食冷麵呀！D雲吞微暖，基本同凍無咩分別！算啦！ 麵凍咪諗住夾落d湯到過一過，點知d湯凍到一陣腥臭味，唔係化！差d晨早溜溜爆粗！ 花唔多成舊水食埋d咁嘅垃圾，條氣真係谷住、谷住！杯薏米水成$20杯，明明要熱，點知都係微暖！記住係微暖，同凍無咩分別！點了3個餐，只有杯茶同碟冬菇係熱，其餘係凍！d食物一凍又 “將” 住晒唔好食！ 點搞呀？！ 唔怪得之個個都寧願去麥當當啦！ …Read More

成日見Facebook d friends讚呢間食肆，今日就約個姊妹嚟試一試佢！點知坐咗之後，個姊妹話呢幾日食多咗，唔係好想食肉，對於我學佛嘅人嚟講，求之不得啦（雖然我唔係好虔誠個隻)! 反正得兩條友，韓燒又唔係，打邊爐又唔係，最好都係點餸食飯個隻！我哋點咗紅燒豆腐、羅漢齋同豉油王炒麵！唔食真係唔知，竟然好味到不得了！ d豆腐又香又滑，好似食緊豆腐花咁！正到不得了，連d醃汁都配合得天衣無縫！好食過d米豬蓮嘅齋舖！羅漢齋都好有水準！雖然炒麵就上得遲咗少少，但慢工出細貨，果然有酒店水準呀！服務水準一流，waiters 見我哋兩個女仔不停口水多過茶，仲主動幫我哋換壺熱茶tim，好細心啊！下次等人多d，必定試埋佢個火鍋！👍🏻…Read More

母子响荃灣廣埸睇完戲出來, 下大雨喎! 唯有响附近搵嘢食啦! 咦…. 新開ga? 未見過呢間餐廳嘅, 一於試吓佢啦!我哋點了溫泉蛋炒雜菌、松露意大利飯及士多啤梨乳酪沙冰, 而亞仔就點了意式三文魚薄片、 澳洲蟹肉意粉及朱古力牛奶沙冰. 不要以為我哋兩母子咁大食, 叫咁多嘢, 係因為我哋見到隔離枱點個d嘢食, 都係個碟大大, 食物細細, 以我大食積嘅仔, 係好肯定係唔夠佢食, 所以先點多兩個餸.溫泉蛋炒雜菌好香, 同平時出街食個d有好大分別, 唔知係咪因為加咗隻蛋的關係呢? 松露意大利飯都係好香, 廚子都放足夠嘅松露, 無呃秤! 最正係杯特飲喎, 天氣咁熱, 整杯沙冰, 好爽! 亞仔快手到, 相都未影, 佢已經飲咗半杯!偷咗兩啖亞仔碟意粉嚟食, 又幾好味喎! D意粉都爽口彈牙, 無黏嘴, 唔錯! 整體嚟講, 食物質素唔錯, 唯獨份量對我哋嚟講有點細!…Read More

今個星期做澳洲特色菜, 咩袋鼠肉, 鱷魚肉.... 哎! 唔駛啦, 我要份正常d嘅魚肉就得啦, 唔該!不得不讚Banker Club整嘅西餐, 龍蝦湯又香又濃, 好好味! 超正!估唔到煎條魚都煎得咁香呀! 煎到啱啱好, 魚皮脆又香口, 而裡面又能鎖住d肉汁, 確實煮得唔錯, 正!舒適的環境, 加上侍應殷勤有禮的服務態度, 來這裡嘆個lunch, 確實休閒舒服, 正!…Read More

真係住在荃灣幾十年, 先知咩叫臥虎藏龍! 竟然有間咁隱蔽嘅餐廳煮嘢咁好味！朋友算唔話得，知我嘴刁，話帶我試吓呢間潮州嘢喎，果然同我平時食開個d好唔同，係另有一番地道風味嘅小菜！上次食過韓式醬油蟹，今次試吓呢間醬醃生蝦，都幾得意，不過可能因為我平時食嘢較咸，所以我覺得d醬味如果可以再濃d就仲正！ 再嚟一碟巨型脆香手打魚旦，好彈牙喎！ 好有咬感，果然潮州魚蛋係出名！無點錯餸！咁搞笑，豬油渣蒸水蛋，真係未試覺，點都要會一會你先！喂，好掂喎！蒸出嚟d水蛋竟然咁滑嘅！ Fantastic!!朋友，咩料呀？！咩叫南瓜洛呀？ 又叫咩新嘢比我試？咩東東先？！啊！都幾香喎！嘩！ 好好味，全場最愛，好香、好脆啊，甜甜地、咸咸地，正呀！至於呢碟方魚炒芥蘭，就似柴魚花生粥個d柴魚炒芥蘭咁，無咩特別，不過出邊又未食過咁嘅配搭！整餐飯都好啱我胃口，價錢又唔算貴，會再encore! 下次帶埋仔仔嚟食！…Read More

成日同老闆行過呢條街, 响對面歎Cigar, 次次都話想嚟試吓呢間中餐, 哈, 今次仲唔比我勸服佢同我試! hee! 咁又係嘅, 睇佢哋個門面好似細細咁, 又真係驚驚地樓上坐得唔舒服, 又估唔到唔係想像中咁迫喎! 佈置都ok, 個茶壺都好靚, 不過好鬼重!  上嚟open rice睇吓人哋點過咩餸先, 話冰鎮鮑魚好食, 咁一於試試! 嘩! 又真係全場至好味嘅食物, 比日本餐廳點嘅更加鮮甜喎! 點解咁堅嘅?! 再嚟一個茶香煙燻雞, 好得意, 啖啖有smoke嘅香味, 比起食smoke salmon個味更重更濃, 唔錯! 麻醬伴山藥就麻麻地, 味唔夠, 太清啦! 吓! 老細話想試墨魚油炸鬼喎, 話好似好特別喎! 吓! 心諗, 會唔會油"林林"ga?! 你知我哋做女嘅, 好驚肥ga ma! 不過好彩, 又比我想像中無咁多油喎, 仲要幾好味, 我又夾咗幾舊嚟食喎! 最後一定要介紹比大家嘅係, 呢盎足料老火湯, 入晒味呀, 不停添飲, 正!  …Read More

每次來也是必定點韓燒, 真的有點悶了! 新年又吃得太多年糕, 實在不能再吃熱氣嘢!好, 今次試吓點餸食飯呀!嘩! 真係估唔到, 原來點餸仲好味! 尤其是呢碟韓板醬油蟹撈飯, 唔食真係對唔住自己! 原來真係堅好味! d鮮味出晒嚟, 仲有羔ga wor! 真係好想再encore! 但係要留返個肚試埋其他! 特濃蕃茄年糕粉絲, 簡直可以用個搶字嚟形容, 侍應把碟年糕放下, 已經搶到空空, 有無搞錯呀, 唔留d嚟試吓, 好彩亞仔比兩粒我試! 試完之後, 我終於明白點解佢哋咁快手呀! Mm.... 值得一提嘅, 就係呢碟韓皮紅粉麻麻撈飯, 都幾好玩, 自己落手落腳搞搞佢, 味道都唔錯!較為遜色一點就係麥麥粟米棒, 油多咗d, 兼乾乾硬硬咁..... 口感麻麻地..... 我梗係飲返藍天微風, 好清香, 夏天飲仲正!…Read More

朋友知我拜神，特意帶我嚟食素食, 說以前試過好好味..... 正所謂：「有今生, 無來世! 」點知我食到：「有今次, 無下次!」先唔好講食品, 凈係坐個地方, 真係熱死狗, 我本身巳經寒底, 所以好難令我感到熱, 估唔到呢間舖, 可以破我生理，未食已經一身汗！勁！點了個粟米汁, 絶對係純天然, 肯定無落糖先, 因為一d味都無!再嚟小食淮山炒木耳, 我真係生平未食過鹽都無粒嘅淮山木耳, 絶對凈係水拾! 無油無糖無鹽無味! 頂唔順, 叫侍應攞枝醋嚟點吓, 完全唔知自已食緊咩, 煮個個真係高手!再嚟碟糖醋藕排, 頂你呀, 油炸鬼包住條要用放大鏡先睇到嘅藕條, 駛唔駛咁孤寒呀? 對國內嚟講, 呢餐絕對唔係平ga喎! 哎! 食完一舊, 真係請都唔食, 油淋淋咁!香菇燜板栗, 叫做全晚最精彩ga la, 雖然好明顯成碟嘢係食醬油, 但點都好過其他, 食到嘴都歪埋!點了苜蓿手卷, 點知無貨, 改咗碟炒河, 我諗我唔駛再彈啦, 大家睇相都知有幾好食啦!真係唔係好忍心寫得咁差, 因為好想多d人食齋, 但要我暗住良心推介比大家, 實在辧不到! 而且, 我真係唔想其他人食完呢間嘢以後唔再食齋囉！…Read More

團長拉住我哋成班去試新嘢, 話呢間嘢要極力推介! 有無咁嚴重, 要極力推介比我, 好, 就會一會你, 係咪咁把炮, 要出動到團長親自叫我哋去食!一坐低, 侍應好有禮貌咁介紹佢哋嘅食物, 先order嘢飲, 見隔離枱杯綠茶拉花拉得咁靚, 好似幾好味咁, 好! 就要一杯! 但可能因為要拉花, 加上d奶係凍, 所以杯綠茶唔夠熱! 但味道好好, 好香綠茶味!菜要個沙律, 估唔到第一碟就遇正嘢呀! d菜好新鮮, d醬先係精華, 咸甜啱啱好, 又不會好似平時食到好溜咁嘅味道, 超班! 原來醬料係佢哋自已調教! 勁呀!香草炒雜菇好香菇味, 真係好食到不敢相信! 係個法包估唔到有少少失手, 過硬!水牛城雞翼.... haha..... 我一直以為係排骨, 整到好似d京都骨咁!呢雜菜千層麵, 千祈唔好睇少佢, 因為真係好好味, 差d lam埋隻碟呀! 點解咁好味, 老闆話係佢哋自已整ga! 唔怪得之咁彈牙, 好有口感!白菌露荀蕃茄闊麵， 小朋友們至愛, 好味到挖乾挖凈隻碟!至於pizza我個人就麻麻地, 因為我不太歡太多肉, 啖啖都係甜品必試, 因為真係未响邊樹食過, 咁香咁滑嘅奶凍！另一款甜品, 凈係齋睇個look, 就知個芝士餅有幾好味!至於門面裝修, 雖然唔係好大, 但睇得出老細都係好用心, 尤其是去完個洗手間, 真係要大讚!晚團長真係無介紹錯, 估唔到尖沙咀有間咁好味嘅西餐廳! 嚟緊我嘅生日會唔駛諗, 首選!…Read More

本來朋友接我去深井食燒鵝, 突然轉軚, 話想試吓呢間餐廳, 可能佈置浪漫, 好有情調!環顧四周, 餐廳中間放了幾張桌子, 似係就half buffet咁, 朋友問了侍應後, 証明了是buffet 的餸, 但可能太夜了, 碟碟都空空的, 侍應說因為沒有人添食物, 所以就沒有再加了..... 那麼, 我們只好落order點菜了!我點了個菜湯, 味道比較淡, 似材料不足吧! 個法包就唔錯, 好香, 沙律都ok!再來一個豬手餐, 隻豬手真係好大隻吓喎! 味道不過不失, 比我想像中一點! 味道不夠咸, 皮太硬, 切到手都軟埋.整體來說, 麻麻地, 只有環境好, 坐得舒服, 談心傾計一流!…Read More

係咪真係仲有大排檔打邊爐咁正呀!雖然並非exactly大排檔, 不過就好有街坊feel嘅熟食檔, 我哋梗係坐門口！ 食住風咁打邊爐先有feel ga ma!二話不說, 先來幾盤肉醫飽班仔先! 水煮魚, 香烤魚同埋我至愛嘅雞煲!正呀, 個雞煲好香, 好惹味喎!整個椰青嚟飲, 原來係絶配喎!朋友話我知, d 令係佢哋自家整喎, 試吓又幾好味, 索埋d汁仲正!啦! 唔係講笑, 呢兜咁嘅酥炸金菇真係要試, 好食過個d炸魚仔. …Read More

真係唔係講笑, 呢期真係興食蒸氣石鍋, 今次又比另一個朋友請我好食第二間! 講真, 咁食海鮮法, 分分鐘會破產, 兩條友都過千! 唔係朋友請, 真係諗諗先!原來個蓋都幾重吓ga wor!大大粒元貝, 好好味！咁樣好食過食刺身！花竹蝦, 好大隻呀, 好甜喎! 通常咁大隻唔好太好味, 又估唔到咁蒸又幾好味喎, 好鮮甜! 啖啖肉！南非鮮鮑， 唔駛講啦, 識食一睇就知彈牙, 新鮮!蕃薯硯, 個名好得意, 外型都幾大隻, 好甜, 肉身夠厚, 最開心係無沙, 真係好驚出面個d成口沙!朋友唔夠喉，再嚟多隻龍蝦！雙腸糯米飯, 係我除咗試過食八十年代街邊車仔最好食外, 今次竟然比我發現呢到有, 仲要水準唔錯, 唔知兩條腸邊到買嘅呢? 咁鬼香嘅! 加上味道唔錯! 最欣賞係d糯米飯, 軟硬適中! 諗住d糯米會好硬, 對我呢d有長期胃病嘅人嚟講, 真係不宜多吃! 加上頭先實在太多餸, 真係食唔落ga! 點知咁鬼好味, 又再tim多碗!! 好正呀! 打包攞走，第二日翻叮都唔硬，仲依然咁好味！正！原來咁樣加水ga wor!…Read More

嚟過好多次, 次次都想幫呢間素食店寫食評.雖然今次得我和朋友兩個人食, 都已經滿足了我們的口福!最好味是這個茄子煲, 不是因為它真的有魚香味, 是因為它一直都熱騰騰, 感覺上好味好多!今次齋滷味就超乎就偏甜咗d!  齋义燒炒欖角，都好香口!芌頭魚當然不容有失, 否則怎能登大雅之堂!總括而言, 呢間素食店除了平靚正, 真係搵唔到咩字嚟形容佢!…Read More

朋友一早捉我出去飲茶，竟然咁啱嚟返我上次食蒸氣石鍋嘅京都，真係有緣！ 朋友話貪呢間酒樓新裝修、坐得舒服、又唔駛點等位！估唔到嚟飲茶，竟然最好食唔係點心，係燒味喎，尤其是义燒，半肥瘦，肉質嫩口，咬落去口感豐富，超正！其次是炒腸粉，好香口，仲熱騰騰的！肥嘟嘟嘅燒賣又幾好味喎！而有點失望的是芝麻糊，好明顯製作糖水不是他們的強項！服務方面，比起上次好好多，人手較充足！…Read More