hayleyylaw's Profile

NO BEEF NO LIFE !係香港已經好耐無食到好高質既和牛，朋友介紹咗間🔎尖沙咀驚安燒肉商店，話環境同質素都同日本好似，緊係即刻約埋朋友睇下有冇返鄉下既感覺啦😍我哋total嗌左五款野食，原條牛舌$115(半條)同埋九宮格係最正！牛舌有職員幫你燒埋，完全唔韌，好彈牙，香港地好難食到咁平又咁正既牛舌🤣最鐘意係沾佢果個芫荽蔥醬！！即刻減低咗個油膩感九宮格和牛拼盤真係勁岩我呢啲選擇困難症，九款唔同既肉任你簡，有原味有醃製，咩都有得食，成晚最鐘意就係佢😍除左靚肉有優惠，仲有生啤買一送一完全係岩哂約會/聚會既地方😏📍驚安燒肉商店🔎尖沙咀金馬倫道48號中國保險大廈3樓C號舖…Read More

東大街又有新舖頭啦！筲箕灣呢邊真係無見過有創意壽司店，新開張既「鱻匠」真係深得我心💓日本料理講求不時不食，鱻匠會以時令食材去創作唔同口味，每次見到餐牌都好有新鮮感。鱻匠製作手法都十分嚴謹，包括壽司飯既蒸煮、切魚的方式、醋飯的調製等等，每一個步驟都十分重視，能夠保證壽司既口感和風味。最欣賞既壽司係白鳥貝同腐皮船，有創意又有實力，白鳥貝勁厚身，腐皮船既食材配搭令口感上有所提升，重點係所有單價都唔貴，即場join會員仲有限定折扣🤫試過一次堂食我一直都好想再食，無奈呢排真係太忙⋯終於搵到個機會可以食壽司，就係同事生日！！原先係打算訂個壽司拼盤就算，膽粗粗問老闆有無idea，可唔可以幫我整個貝類主題既壽司呀？老闆一口答應，價錢仲要勁抵😭只要同佢講係幾多人食，就會因應是日食材去決定個蛋糕造型同款式，係off menu黎既，小型omakase🤣小妹有幸做到佢第一個壽司蛋糕客人，多謝老細！比圖你地睇，呢個係2人份，白鳥貝主題，有成8舊白鳥貝+大量蟹籽仲有蟹膏同吞拿魚蓉😆同事們都讚不絕口！可以再encore啊真係🫶🏻📍地址：筲箕灣筲箕灣東大街54-60號東強大廈地下7號舖…Read More

咁難得有機會出街同朋友食飯，一定係想搵啲潮流食店，最好就有咁辣得咁辣，唔需要遷就小朋友既餐單😏叄不館最近好Hit，大大個麗花皇宮打卡位係出面，裝修係舊式排檔風，有牛肉檔、海鮮檔😂好有親切感。我最鍾意𨋢口個九龍皇帝字牆，真係好有童年回憶🤎全民票選No.1🥇手切封門柳 $298 🐮大大碟 手切細細片 好有牛味🥈No.2 牛脷托 $72即係牛脷近喉嚨位，爽脆既口感，唔係成日有貨，緣份到，牛脷托就到～～🤣🥉No.3 芝士墨魚丸拼芝士牛丸 $108+10唔係來貨既丸丸，係自家手打再加芝士係入面，煮熟之後芝士流心🫶🏻🥘雙拼湯底 媽！好辣啊 麻辣湯 + 笑茄茄雜菌湯 $148+20唔係講笑第一句真係好辣，睇見都辣😂仲要激麻，建議挑戰下，係有層次既辣鍋，唔係淨係辣油既辣🌶️ 🫔招牌新鮮炸響鈴充滿豆香，脆卜卜既響鈴浸5秒辣湯底，食完即刻隊左兩杯竹蔗茅根海底椰 $48/榨，竹蔗茅根解辣一流🤭另外仲叫左啲蔬菜類同兩碟小食，婦女飯局黎講叫好豐富架啦😆😆好開心有晚可以放飛自我既Dinner Timeeeee💓 四個女人食左16碟野正唔正常？仲要份量好足架喎😂值得一提，坐低嘅時候職員拎咗一大盤醬料出黎叫我地自己調配，佢哋話皇牌有兩款，自家炒蔥油+自家炒沙嗲醬，果然兩款都好出色，我大愛蔥油+辣椒粒+芫荽+生蒜（重口味精選😌）…Read More

太古城食黎食去都係果幾間，呢間春水堂本身位置唔好，好難搵🫣午餐時間好多人排隊，終於等到位，但係又無人Serve，想要杯水都好難🤢珍珠奶茶好快到，但係野食就等得偏耐。食過APM果間，味道無乜分別，但係我覺得太古呢間魯肉飯大碗啲，便當既蔬菜完全無味😂…Read More

要食飽？Buffet幫到你，但係要排隊等兩粒鐘既buffet，我就唔會再有下次😖24/12平安夜，四個人等足個半鐘，雖然大時大節無加價，但係肉既質素都明顯地唔掂☹️肉未解哂凍，牛舌仲係冰🙃全晚最欣賞係自助區，所以食最平既套餐都滿足到我地，牛肉真係唔太靚，仲要未解哂凍⋯我明白大時大節係好多人流，但呢啲係餐廳最基本要做好既事都無做到，就真係失望喇。雪糕有四款口味，除左柑桔果隻味唔好食，其他都yummy🍦好多都無refill 😖…Read More

🇯🇵新一年大推中環Shio 塩居酒屋，複刻返當地居酒屋既格局，佈置都充滿昭和時期既氣氛，以木質裝修為主，配埋半開放式廚房，可以清楚睇到師傅燒串燒既英姿🥸同姐妹食飯一啲都唔可以馬虎，比個Menu你地睇睇😌一致好評🈵前菜💛鱈魚白子,以酸汁、蘿蔔蓉入七味蒜炒雞腳筋醬燒支豆 吸物: 雞白湯清酒煮蜆 刺身: 銀鱈魚,帶子,牡丹蝦 燒物: 濱燒岩蠔佐白素面 炸物 : 櫻花蝦炸豆腐 碗物: 雞白湯丸子 食事: 真鯛五目什炊鍋飯 甜品: 燒波蘿 Open drink: 沖繩黑糖薑茶☕️我最欣賞就係個🦪濱燒岩蠔佐白素面！未食過咁既配搭，個麵索哂蠔汁，鮮味十足，岩蠔大大隻，兩啖都食唔哂！📍地址：中環士丹利街34-38號金禾大廈1樓…Read More

星期一晚8點黃金時間居然等都唔洗等，直入！我係為左白子天婦羅而黎既，平時食酸汁白子刺身就食好多，試下個天婦羅（右上）真係幾好食，炸衣內仲保留到白子一pat野既口感，勁新奇，希望納入常規Menu!!!!! 炸水牛芝士（左上）一擺低要即刻食，真係拉絲拉得好長，記得點蜜糖，因為舊芝士本身無乜味😂頭盤，簡左酸汁白子+蟹膏明太子青瓜，下次唔會encore了好普通壽司 真係幾抵食，雖然無壽司郎咁抵，但呢度都有$30/3年、$50/2件咁，其實居酒屋黎講叫抵食👍🏻👍🏻…Read More

「明明車仔麵」，不如改返個名叫「明明雞翼尖專門店」🤤係食完會掛住幾日想再返黎食，睇個賣相好似元朗乜仔咁，其實個味都似乜仔，但係明明既版本更香更辣，雞尖仲好厚皮😍呢度咁大碟只係$20！跟住叫左個3餸麵下午茶，其實即係送熱飲，車仔麵真係普通野，勝在平價，叫左冬菇豬軟骨炸魚皮油麵（魚皮唔記得影，有5-6舊大既另上）車仔麵要食油麵先有靈魂，豬軟骨超淋，而冬菇本身滷過所以好夠味。仲叫左個菜，菜就正常野啦😂😂…Read More

鰂魚涌都有好幾間冰室，地鐵站天橋對落就見到大大個「味力」招牌，又播哂90年代既金曲咁，一於試下係咪真係咁有香港情懷🤣我就叫左個早餐B 茶走 轉油豬。蕃茄湯底勁濃，勁多蕃茄蓉係入面，無乜野挑剔，係真係幾好食😂😂茶走，正正常常，今年未飲到杯讚到哇哇聲既茶走🤧奶油豬！請收下我既10000000分好評！勁脆超脆既豬仔包，配任何一個醬都好食，奶油豬即係煉奶牛油，比例岩岩好，油唔會多到滴水黎，煉奶又唔會太多咁甜，加5蚊轉呢個真係好 抵 食 ！！！我會因為呢隻豬而再encore呢間冰室😂真係好好食🤤…Read More

係上環呢度有間咁既小店，唔洗60蚊可以食到飽到碌地，真係好難⋯呢度係一個餐，B3 蔥油撈面，加唔知幾多隻雲吞，唔係講笑，呢個餐我分左兩日食⋯晚餐食完個蔥油撈麵都食唔落啲雲吞，擺雪櫃留到第2日先加返熱做午餐LOL 味道正正常常，唔驚艷，但呢個價位真係好抵！…Read More

一轉季，啲氣管又唔好，訓又訓唔好，所以行過恭和堂即刻入去食返個龜零膏，順下氣清下毒。以前一地都係遊客，要等好多張先到我⋯⋯宜家疫情期間雖然無哂遊客幫襯，但係都仲有好多香港人😳一個人入去，都居然要排隊先可以入座！都仲係咁滿咁大盅，唔落糖漿都唔覺「死苦」，係帶回甘既香氣，好怕食到啲苦過deedee既龜零膏，但呢一盅絕對唔係。糖水任落，當然啦想清毒調理身體既就唔建議落咁多糖水，不過落些少令到個龜零膏似甜品咁食，都幾易入口架！❤️…Read More

整蛋糕對我黎講最障礙係咩？就係要買好多唔同既材料，但係每次都只係用少少，跟住就擺到過期⋯因為呢個原因，我已經好耐都無係屋企整餅😮‍💨台灣越洋品牌「Home.焙小日子」主打全自助既烘焙體驗，全場儀器、模具、材料任用，將整甜品既步驟一步步用tablet介紹，無固定課堂時間，無老師一對一教授，所以價錢好相宜（當然有任何疑問都可以請在場工作人員幫手，佢地個個都識整蛋糕，好專業！）有食譜有完善既烘焙器材，最快兩個鐘就有成品出爐，跟住啲steps一步步黎，睇見個成品真係可以大叫：我唔再係地獄廚神喇！！我係帶埋小朋友一齊去整既，所以蛋糕款式係佢當場簡，店家同阿華田做緊crossover，又有Christmas Special款式可以簡，點知佢簡左個最難既「動物森遊會」，雖然係最難，但我呢個甜品初哥都只係用左3個令鐘就完成到，整好果陣全部人都讚我勁，讚到我飄飄然地飄，感覺多妙～～～🤫「Home.焙小日子」有50幾款甜點食譜，總有一款岩你地心水，想比個驚喜另一半又得，帶小朋友去玩下增進感情又得，一齊享受烘焙帶比你地既成功感喇！💓📍銅鑼灣希慎廣場7樓705-708A號舖…Read More

排檔呢家野真係又愛又恨，愛佢咁好食咁抵食，恨佢戶外又無冷氣無蚊香⋯一年四季都勁多人排緊，總之一日中半山有人，勝香園門口一定有人龍！所以，今日凍喇，我可以去排喇😂😂事隔一年再黎幫襯，餐牌都係咁，後面果堆雜物都係就冧咁😂今日晏左黎，無哂米粉，所以叫左蕃茄牛肉雞翼通粉。上枱時熱辣辣，飲啖湯，都係又濃又酸酸地既蕃茄濃湯，但係今日要讚個牛肉，超淋！仲叫左冬天第一杯茶走（少奶），開始凍喇唔好飲咁甜，真係好正，仍然係咁香茶味，練奶又唔會搶哂味，100分！…Read More

成日行過都聞到好重香料味，今晚終於忍唔住同3個姐妹入去試探軍情，睇吓係咪真係咁「成都」先！經OpenRice訂位，一去到已經即刻安排入座，可以去自助吧拎小青瓜同蕃茄仔+整醬料。醬料係每位$25+茶位$5。百香果茶，平平淡淡，但解辣一流。湯底我地叫左一個小辣一個菌湯，辣而不膩，菌湯鮮香提味！肉類同唔少種類，有「麻辣牛肉」，沾有辣粉既牛肉再放辣鍋煮真係秒變大辣湯底😂鵝腸+毛肚係大陸必食，今晚食都有80%大陸風味，毛肚勁脆，鵝睇爽口💜油條都係必叫單品，索哂湯底晚油條一口爆汁！叫咁多野食先人均$280，抵到爛，會再encore🤙🏻🤙🏻🤙🏻後記：特別欣賞調料吧有罐裝香油，真係好有成都味，100/100 滿分！…Read More

期間限定既黑松露餐單！我地三個人，叫左兩個Single Shake + Black Truffle Fries + Black Truffle Burger 👍🏻 飲品係兩杯50/50+奶茶Shake🧋因為真係成日食，覺得個新既Truffle Burger幾特別，加埋火箭菜口感同味道都提升左，Single Shake照舊都係咁juicy ， 加墊辣椒真係好惹味🍟個base都係普通fries，但係我叫堂食都比左外賣套裝我，即刻勁無食慾😂擺明就係普通薯條+黑松露醬+炸乾蔥，不過都好好食，黑松露醬唔係好濃好攻鼻果隻，味道岩岩好😘埋單：$333 💜 $111/per head既lunch好滿足！…Read More