一時心血來潮，原本諗住去食敏華，但見到新餐廳，就試下。真係pk到爭啲嘔🤮真係一場災難😅😅首先，option超少，得幾個餐，仲要唔係個個都有多士送。得奶茶同咖啡係free，其他（好立克，阿華田之類）都要額外加兩蚊，真係試問香港地邊間茶餐廳咁收費？如果你要凍，加4蚊，換言之一杯凍華田係要俾多6蚊，我真係笑咗。其次，我男朋友嗌咗一份沙嗲牛肉公仔麵，湯底鹹過海水，牛肉韌過皮鞋底🙏🏻啲牛肉又柴又韌，仲要一夠夠咁。啲公仔麵，好似過咗下水就上檯咁，唔知以為我食緊媽咪公仔麵🤗個多士定係唔知咩麵包，我第一次食麵包係韌到彈牙，香口膠咁，多謝晒我就食羅宋湯餐蛋米粉，一上餐已經o咗嘴。煎熟蛋同午餐肉全部擺喺湯入面，連多一個碟都唔肯，係我request要一個碗，自己分開。煎熟蛋就費事講了，午餐肉又係基本煎一秒就攞起身，入面係似直接食罐頭午餐肉😊😊個米粉就熟到爛，熟到係我90歲阿爺唔使咬都可以吞落去😊😊最可笑係，米粉就係水味，湯就係湯加茄膏味，0羅宋湯味。湯入面啲配菜更好笑，似浸喺醋入面10世，酸到極點。啲嘢完全係一啲都唔match，mix埋一齊：水味湯底個水味米粉配酸死嘅配菜。最後，最好笑係0服務，早餐都收埋加一，多謝🙏🏻…Read More
