jc120906's Profile

今日真係不吐不快，趕時間食個午餐，已經只係一個人，以為好快會有位，去到呢間野，有個男人無乜頭髮既serve緊人，佢問我幾多人，我話一個人，佢叫我等等，同時我係見到角落有張抬(只係2人位)已走人，點知佢唔係安排我入座，好啦，諗住佢未執好位，又落緊單，我就等佢落完單😡當時佢在近門口張抬落單，果張抬係三個男人既抬，佢幫呢三個人落完單，都仲唔安排我入座，我已經開始火火地點知佢落完單，走去執餐具，仲要慢慢擺位比人，我就問佢有位未？佢居然答我，你一個人，呢度搭唔搭抬？我話入面角落有張抬啵，然後條友話你得一個人都係要搭抬架勒，當時我係嬲到想爆佢粗🤬大家記住呀，你得一個人就唔好去呢度勒，免得一肚火呀…Read More

星期日唔駛返工，訓到晏一晏，訓醒都已經中午時分，之後落街醫肚，但唔知點解今日心血來潮，好想食炸雞，好在商場有間KFC, 咁就岩晒個胃勒可能午飯時間關係，已經好多人，好在呢間有自助點餐機，點完餐就搵個角落位坐住等。等左一陣拎得勒，成個餐都好豐富，真係一個人食都好夠，滿足了個胃，好滿足。…Read More

每逢到左星期六都特別開心，因為返左5日工，終於可以放下假，又可以同屋企人出街食下飯，今日去左銀座食飯，雖然商場裝修中，不過都多左幾間新食店進駐，今日就去左101手工小火鍋，第一次來到已好吸引。呢間一人一台式小火鍋比起其他食店好唔同，有好多款不同火鍋底選擇，今日點了蟲草花養生鍋，火鍋料非常之十足，有蟲草花、冬瓜、雞脾肉、玉子豆腐、包心菜、蕃茄、粟米、金菇等等.... 仲可以配上其中一種肉類(肥牛、豚肉、雞脾肉)，再加多個主食麵底，再加多杯飲品，呢個一人鍋真係好豐富，而且價錢又好大眾化，我愛上了。哈哈。…Read More

平時去開呢個商場，經過呢間餃子店，都勁多人，同埋又聞到好香既餃子味，成日都話要來食下，但無一次食到，因為太多人排隊🤪今朝去順豐拎件，又經過勒，終於今次唔算太多人，拎完份件，就一於搵個機會食下佢地啲餃子🥟望完成張餐紙，只覺得好抵食😋今日先點韮菜豬肉餃$36/8隻餃子跟湯，湯底係魚膠淮山翅骨栗米紅蘿蔔豬骨湯(無味精)，個湯真係好鮮甜👍🏻等左一陣，碗餃子到了，聞到好香呀，同埋隻隻餃子都好大隻，漲卜卜，仲有辣菜蒲，不過我嫌個辣菜蒲唔夠辣，可以再辣少少就更好😄唔講得笑，每隻都好足料，韮菜好香，亦都好飽肚下次要買生餃回家食先得☺️…Read More

其實天水圍都算多茶記，不過質數就好參差。雖然我唔算住附近，不過每次來到佳記，我都幾獨愛呢個餐"鮮茄濃湯牛肉通粉"，可能我鍾意食蕃茄呱，總之每次黎到都會點呢個來食啦其實每次叫呢個餐，食完都會好飽，因為真係好大碗，先講下個通粉，有我最愛既無坑紋通粉，唔知點解，有坑紋既通粉我係唔多like的，呢個就好岩我勒，又腍又滑嘟嘟，而且有好多蕃茄粒碎，同埋d牛肉唔鞋，亦都唔un呢個早餐仲包埋火腿炒滑蛋，牛油豬仔包，同埋杯餐飲，其實$38都幾抵食…Read More

近期在朋友推介下，加上看到一些網上宣傳，知道呢間食店最出名就係抵食&大碟，所以呢日特登來呢間搵食門口有幾個餐牌，唔同顏色既字已好搶眼，加上都有好多選擇，因為未來食過，唔知邊個餐好食，只好望下身邊既食客，我見佢地d意粉都好大碟下，之後見到有個食客食呢個香草吞拿魚螺絲粉拼沙律菜(HK$39)都好吸引，唔諗咁多就點呢個餐。如同朋友推介一樣，真係好大碟，而且好足料，好多吞拿魚，而且有沙律菜，有d好健康的感覺，當食到一半已經好飽，又唔想浪費食物，就加$1外賣盒，將食剩帶走。…Read More

老婆收工話想去食上海菜，之後諗到呢度都食過幾次，質數都尚可，我就早d去等位，好好彩早到左，2個人都好快有位。老婆到左之後，就由佢點餐，佢鍾意食點心，就點左小籠包及鍋貼。鍋貼熱辣辣，大大隻，餡料又多，每人食兩隻都有d飽肚，至於小籠包都不差，好多湯汁。每次來到都必定點選呢兩樣點心另外我地叫左半隻片皮鴨2食，不過就等左好耐囉，起碼都有半個鐘，亦都吹左幾次單先來到。鴨件唔算大件，兩個人食就岩岩好。其他鴨件就用黎整津白豆腐鴨湯，豆腐非常之滑，個湯唔錯。…Read More

雖然在旺角區工作左幾年, 不過, 今次係第一次去呢間食店食lunch, 點知食到一肚火, 簡直背脊骨落, 我唔想係度批評佢地, 但係, 真係忍唔住!!!食飯時間, 以為會好多人, 不過, 又覺得自己一個人食飯, 應該唔駛點等位, 上到去, 間食店唔多人, 食客唔多, waiter又唔多, 已經有點奇怪, 開始扣分, 之後waiter帶我去坐卡位, 都幾好, 但係, d sofa爛溶溶, 又再扣分!坐低睇menu, 叫左個漢堡扒蕃茄湯拉麵餐, 之後再加個餃子蝦小食, 隔左一陣, 個小食先來到, 暖暖地, 無咩特別~~ 精彩時間就係在呢度, 我一路玩iphone, d時間就一路走左, 隔左好耐(都起碼20-25分鐘), 碗拉麵仲未到, 而同一時間, 斜對面有個食客, 都追緊個麵, 我就順道追埋waiter, 我同個waiter講, 我都等左好耐, 碗拉麵都仲未到!!! 又隔左一陣, 終於個waiter拎住個好大隻碗既拉麵放在我對面位, 當時已經好嬲, 一來等左好耐先送到, 二來, 真係好想鬧個waiter, 我對面有人咩? 做咩擺碗麵在對面位? 聲都唔聲下, 就放在對面位既抬面, 呢樣我都算, 到我食完碗麵, 杯餐飲(凍檸茶)都仲未到, 第一次追個waiter, 佢聽完就走左去, 我唔知佢有無同我跟單, 之後我又繼續玩iphone, 又隔左一陣, 杯野仲未到, 我已經又再嬲嬲地追單, 我同個watier講, 你地無師傅沖野飲咩? 杯野飲咁耐仲未到, 成半個鐘多d啦!!! 之後佢聽完又走左去, 我已經等到好唔耐煩, 黑晒口面, 好想鬧爆佢地, 點知杯野飲都仲係未到, 今次真係要大動肝火, 又叫個waiter來, 黑住面鬧佢, 我話杯野飲好難沖咩? 成9個字都仲未到, 有無攪錯? 之後杯野飲就來到, 我已經嬲到震, 個waiter話, 唔好意思, d單jam住晒, 聽到呢句真係好不知所謂, 離晒譜, 食客唔多, 已經jam晒單, 如果成個場坐滿, d單可想而知係點? 搵藉口都搵個好d, 仲有呢度d waiter唔會留意d食客情況, 是是旦旦咁做野, 難怪咁多食評都係咁差!!相信經過今次的經歷, 我以後都不會再來這間食店, 無進步的食店!!!…Read More

團購熱潮一浪接一浪, 好多食店都做團購, 所以都益左我呢D鐘意食野既人早幾個星期買左呢間大阪王將既團購, 上星期第一次去食lunch, 真係正到不得了~原價$58, 團購價$29, 以食lunch來講, 都算抵架勒, 團購有3個餐任選其一, 我就試左大阪脆麵定食, 飽到攬住個肚走人 我揀左炸雞脆麵, 個麵真係脆到不得之了, YUMMY~~另外有6隻餃子, 都好juicy, 亦都唔太流~~亦都有個沙律中和下, 成個餐真係好豐富~~~第一次試呢間, 環境唔錯, 坐得亦都好舒服, 可能一個人啦, 好快就有位~ good~店員亦都好有禮貌, 當我食飽之後, 有d後悔無買多幾張coupon~~ 哈哈~…Read More

呢間壽司店我就未試過去食, 早排見佢在OPENRICE做團購, 又見平平地($99), 所以買左2張coupon同老公去試~團購餐有兩款, 我覺得第一款多d野食, 所以2條友都係揀左第一款~ 最怕無位, 所以早好多日打去book定位, 個店員很好呀, 仲問埋我地要乜野餐, 我仲問佢地, o下, 咁快要講定呀? 佢地話因為要預訂好d生蠔~~到左星期日, 好期待咁去到, 可能早既關係, 唔算太多人, 仲坐得好舒服~之後比左2張copuon比店員, 等左一陣, 店員拎左2大碟野食來~當時我細細聲嘩左一下, 因為真係覺得好豐富, 而且坐在我地隔離隔離果對夫婦, 見到我地呢兩碟咁大碟, 佢地都好羨慕下, 我見佢地仲即刻叫店員來問清楚一番不如先講下我地個餐有d乜先~~金田長至蠔火山刺身盛 (呢份係我既) :手掌咁大美國珍寶石蠔刺身1隻三文魚刺身3片翡翠螺刺身2隻立魚刺身2隻細甜蝦刺身2隻玉子燒2片特級蚧柳2件黑松露鵝肝壽司1件一級海膽壽司1件火灸三文魚壽司1件蟹籽沙律腐皮船1件吉列炸蝦卷3件金田長至蠔火山刺身盛 (呢份係我老公既)~ 手掌咁大美國珍寶石蠔刺身1隻三文魚刺身3片翡翠螺刺身2隻立魚刺身2隻細甜蝦刺身2隻玉子燒2片特級蚧柳2件黑松露鵝肝壽司1件一級海膽壽司1件火灸三文魚壽司1件蟹籽沙律腐皮船1件金田名物"拳頭咁大"特級火山卷1件食材都算豐富, 生蠔真係好大隻, 好鮮味, 超正~其他都不過不失, 不過, 有一樣要講下, 就係三文魚無乜三文魚味, 希望會有改善~成個餐真係好飽下, 我臨走仲讚一讚老闆, 佢叫我黎緊要留意其他團購, 因為會再做promotion, 我話一定會, 因為我有d後悔只係買2張咁小, 哈哈…Read More

在公司附近, 開左間翠華, 一直都知道呢間餐廳既食物都比較貴, 我有好多朋友都話, 皆因名星效應, 不過, 一向新屎坑的我, 明知間餐廳貴, 但都好想試下!! 早幾日, 返工前去買杯奶茶, $14/杯, 諗住會好正啦, 點知都係不外如是! 我勁鐘意飲奶茶, 所以, 邊間既奶茶夠唔夠水準, 都瞞不過我個口, 哈哈, 而翠華既奶茶, 真係比唔上大X樂既奶茶!! 隔左幾日之後, 我又想試下個熱狗, 見佢個外賣紙寫住法蘭西特長熱狗, 諗住會好長, 之後拎番公司打開一睇, 嘩 點解唔係成隻過, 而係切開分開左? 咁點可以叫做特長熱狗?? 特長熱狗既意思係乜?? 咁既熱狗look, 我已經有d不滿, 之後一拎起上手, 好麻煩, 好似散開晒咁樣, 而且佢地個包, 係一開為二, 然後中間放條腸, 其他配菜, 然後用長牙簽"吉"住, 唉, 一路食, 一肚火, 當取出支牙簽, 全部都散晒, 火都黎埋 真係覺得買呢隻熱狗係side錢, 仲要收到咁貴, side錢side錢side錢!!! 依家旺角茶餐廳既競爭咁大, 如果食物實數咁差, 點樣留客?? 翠華, 我都唔會再幫襯你勒!!! …Read More