Banana007's Profile

這間日式烏冬店的餐牌相當簡單，只有三款湯底可供選擇，隨後可以搭配牛肉、豬肉或吉列豬扒（好似係）。湯底的味道十分濃郁，不過味噌湯底偏鹹，適合喜歡重口味的朋友。原本我打算點牛肉，但看到隔壁桌的吉列豬扒實在太誘人，於是決定跟風。果然不出所料，吉列豬扒香脆可口，肉質保持著豐富的肉汁，令人一試成主顧。而烏冬才是這裡的真正亮點。店內的手抓烏冬條條粗獷，形狀各異，口感煙韌彈牙，與湯底的搭配無比默契。這是我第一次到烏冬專門店用餐，整體體驗令人驚艷，絕對值得再來！…Read More

這間日式火鍋店的用餐模式頗具特色，並非任食，而是以套餐形式進行，讓人提前就能選擇喜愛的湯底。這次我嘗試了蕃茄湯和龍蝦湯。蕃茄湯的味道濃郁，讓人有種想要再來一碗的衝動，仿佛每一口都能感受到番茄的鮮甜。而龍蝦湯則顯得有些普通，僅能品味到淡淡的蝦味，沒有特別的驚喜。肉類質素幾好，對得起這個價位，讓人感覺物有所值。服務方面，店員的態度非常友好，令用餐氣氛愉快。然而，reception的安排卻讓我頗感失望。我平日午市去食，店內客人不多，但reception的店員卻安排我與其他客人同桌。見到餐廳有大量空桌，所以我要求單獨坐一張，店員不情願地安排了我坐在隔壁的空桌，但卻提醒我可能會需要與他人搭枱。不久後，另一組客人進來，reception的店員立即將他們安排和我搭枱。看到有如此多的空桌，客人們面露疑惑，卻沒有出聲。這種安排讓我感到明顯是出於報復，因為如果真的需要搭桌，為何不讓新客人坐到本來要搭枱的那張桌子呢？這種不合理的安排實在讓人印象不佳，影響了整體的用餐體驗。希望未來能改善這方面的服務，讓顧客的用餐更加愉快。…Read More

這間韓國餐廳的裝潢超有feel,一進門就有身在韓國街頭的感覺。重點當然還是食物,他們的芝士炒雞絕對是必試之選!炒得超入味,雞肉軟嫩多汁,而且芝士的份量真的超級豐富,簡直就是芝士愛好者的天堂,一吃就會停不下來。另一道我超推介的菜式是部隊鍋,鍋底湯頭濃郁醇厚,加上餐肉腸仔、豆腐、各種蔬菜,煮得滾滾熱騰,一口下肚超級滿足。而且可以叫半份,兩個人share剛剛好。最後不得不提他們的薯仔煎餅,雖然相比其他菜式沒有那麼出眾,但也是一道不錯的小吃,外脆內軟,配料也很有層次感。裝潢有feel,食物味道又好,性價比超高,大大力推薦！…Read More

係OpenRice見到附近有間西餐，環境唔錯，就決定試試佢，點知非常有驚喜！我同朋友都話下次再嚟👍🏻朋友唔係食肉獸，所以我哋今日叫比較多海鮮菜式。我哋叫咗一個dinner set，額外加咗一個頭盤同意大利雲吞。份量超級足料，食材都非常新鮮。首先嚟嘅係dinner set嘅前菜同湯。餐包一嚟就有三款，唔係普通嗰啲嘉頓餐包印象即刻加分。一拎上手仲要係暖嘅，同埋麵包皮仲脆。牛角包冇咩特別，中規中矩。反而另外兩款好正，黑色嗰塊脆餅鹹鹹地，點湯食一流，最後嗰款麵包唔知叫咩名，但非常鬆軟，令我哋非常期待跟住落嚟嘅餐點是日餐湯係南瓜湯！質地濃稠，味道正常，感覺係用真南瓜打出嚟，因為仲見到少少南瓜纖維。前菜揀咗《檸汁醃蝦伴牛油果》！沙律菜新鮮，黑醋汁唔會太少太多。個ceviche有驚喜，有青瓜洋蔥蕃茄牛油果同埋蝦，酸酸甜甜幾開胃，啲蔬菜切成細細粒口感幾豐富。本身驚牛油果會好Heavy，但加埋其他配料感覺啱啱好。我哋散叫咗一個《鮮蝦布袋芝士意大利雲吞伴龍蝦忌廉汁》 $128見佢價錢唔貴，以為份量比較少。點知一上枱有六大粒，意大利雲吞皮做得比較薄，抵讚👍🏻所以邊邊嘅位置都唔會食到成口粉，呢度唔係行爆餡嘅路線，但都足料嘅，真係會見到有蝦喺入面。調味唔會太鹹，食完都唔會好膩。我朋友好鍾意個汁，係咁用啲麵包點嚟食。《法式香草牛油焗田螺》 $138田螺肉幾大粒，質地彈牙！食田螺最驚食到軟淋螺肉，好彩今次無。一般黎講，田螺下面嗰啲墊底薯蓉，我都唔會食，因為一般都無味，不過今次我地食曬咁滯😋 超香牛油味超軟滑唔會太鹹，真係食到一啖接一啖停唔到。最後我哋dinner set個主菜（$248）終於嚟啦《辣椒蒜片法國青口饑煮鮑魚意大利麵》！意粉口感al dente，加分位🤗 有少少辣椒所以幾開胃，係油咗少少，不過叫得蒜油意粉都預咗～ 成個dish最出色就係啲海鮮，估唔到哩個價錢都食到，青口大隻，一咬落去爆汁，唔係出邊食嗰啲乾爭爭又鞋又無味。饑煮鮑魚大大隻，切開咗四件，口感軟糯入味，好味過出面好多餐廳，非常推薦俾大家🏆兩個人加埋一$600有找，朋友食得幾開心，感覺每碟菜式都有用心諗過配搭。嗰日有好幾枱客人都喺度慶祝生日，氣氛幾好，店員會主動影相📸 朋友話下次要再嚟，因為佢已經有其他想試嘅dish🫢…Read More

金沙單骨雞翼🦴呢個小食算係呢間餐廳嘅招牌食物之一，亦都係小編最推薦大家去試嘅嘢食😍雞翼上到黎熱辣辣啱啱炸起，啲鹹蛋黃包滿曬成個雞翼，食落超惹味超正🤪美國肩胛牛小排配薯角🍟🥩我哋加咗$ 8轉咗做薯角😍薯角都係啱啱炸起😋熱辣辣再加上超級大條食落去好滿足👅而牛扒嘅肉質都唔錯，食落幾嫩口juicy 伯爵茶睡眠熊芝士蛋糕🧁☕️個蛋糕嘅造型係趴喺度瞓覺嘅熊仔🧸個感覺超級治愈，食嘅時候都唔想破壞佢😂食落去蛋糕嘅伯爵茶味好濃，口感亦都好滑，10分推薦大家叫，睇得又食得😋…Read More

今日小編嚟到厚福街，食呢間好出名嘅樓上西餐廳。雖然門面唔算大，但係環境好舒適，食物味道同質素都有驚喜！😋法式香草牛油焗田螺🐚呢個係最驚喜嘅菜式之一！本身以為前菜，淨係得田螺比較細份，點知除左有6隻田螺之外，下面仲墊住牛油薯蓉，仲要好好味個隻！🤤之後田螺嘅羅勒醬，好還原到法國菜嘅味道，十分推薦！❤️辣蕃茄汁軟殼蟹意大利麵🍝份量都唔算細，軟殼蟹size都幾大，唔會一啖就冇左，同埋炸得香脆唔油膩！🦀意粉，醬汁比較濃郁，特別係辣味比較重，唔食得辣嘅朋友仔要注意！🥵美國牛肉漢堡配薯條🍔呢個漢堡份量好大，就嚟大過我隻手！配料係經典嘅配搭，而中間嘅牛肉都好厚身，淡淡肉！🥩同埋薯條啱啱炸起都好脆，唔會好油，上面仲落左啲香草，唔會齋薯條咁寡！🍟焗藍芝士煙肉風琴馬鈴薯🥔呢個係第二個有驚喜嘅菜式！本身以為呢個配菜唔會好大份，點知薯仔好大個，食到好飽！🙈藍芝士同煙肉好夾，唔會臭，加上風琴做法，令薯仔入邊有入味！推薦大家一試！☺️…Read More

今日嚟到北歐小木屋風格嘅Cafe - Hygge，環境好有Feel有格調，好適合過嚟chill😎白酒燴紐西蘭青口(500g)我哋兩個人就叫咗個細份嘅500 g一上到嚟已經超級有驚喜，啲青口粒粒都咁大隻，識落都好新鮮好入味，從來冇喺香港食過咁大隻嘅青口，再加埋聽吓鍋嘅味道都做得好好，算係喺香港食過最好食嘅青口鍋👍🏻👍🏻嚟呢間餐廳一定要食！海鮮冬陰功薄餅Pizza嘅醬料係用左冬陰功嘅調味，好新穎，第一次試冬陰功味嘅pizza，但係估唔到咁夾，仲還原到冬陰功嘅味道🤩配料有蝦，魷魚，香菇等等，十分足料！👍🏻Pizza係薄批，加埋外脆內軟嘅Crust，十分推薦大家試下！🤤芝士牛油果墨西哥脆脆芝士牛油果墨西哥脆脆🥑本人都幾鍾意食Nachos，呢個小食都滿足到我，上面有一大Pat牛油果蓉，仲有芝士同埋車厘茄，再加埋Nachos本身都有味，識落好重口味好惹味，唔錯海鹽焦糖可麗餅甜品係法式嘅crepe pancake🥞Pancake整得好鬆軟，仲保留左煙韌度，再配搭埋海鹽焦糖醬，好夾🤤整體唔算太甜，但朋友話味道層次爭啲，推薦可以試其他特別嘅味道😆…Read More

(偽)隊返杯黑啤！(自家製泡沫巨峰提子蜜桃紅茶)🍇成杯飲品嘅賣相激似黑啤，而且仲有好多泡！飲落巨峰提子嘅味道好突出，好香，但唔會太濃太甜，值得一試👍🏻牛油果忌廉蟹肉意大利飯🥑牛油果同蟹肉好足料，味道不錯，唯獨忌廉味稍為淡左小小🦀煙三文魚流心蛋大啡菇🍄份量比想像中大，食完一個已經有少少飽🙈用煙三文魚、流心蛋同芝士去配搭大啡菇，味道好夾！切開嘅時候，啲蛋黃仲流曬出嚟，好誇張🍳黑松露芝士焗墨西哥辣椒薯條🍟呢個極度推薦，鍾意食薯條嘅朋友仔一定要試吓！佢個份量好大，成個手掌咁大！😆黑松露滿滿鋪喺面，再加埋好厚嘅芝士，好足料！🧀揭開上面嘅醬，薯條嘅香味湧曬出嚟！🍟在森林和原野（Tiramisu雪糕蛋糕配綠茶脆脆）🍰甜品環節有驚喜，Waiter話係由意大利甜品師製作，並空運返嚟香港，期待值瞬間拉滿！🤩首先甜品嘅賣相真係做到好似”森林和原野”，爭啲唔捨得食😂Tiramisu同綠茶脆脆好夾，味道高汁，絕對冇辜負到對佢嘅期望😋…Read More

本身已經超鐘意去海洋公園嘅我，一聽到依家荃灣都有水母餐廳，真係即刻仆到去咁款！

荃灣西鐵站一出～ 穿過過海濱公園行前少少就到，大廈都係比較新嘅，有啲舖都未租出，所以今次去嘅Cafe都非常新正。佢比較似係一個小型水族館，中間放左啲枱。枱嘅位置都會安排喺水母缸隔離，所以係一定可以一邊食，一邊睇到啲水母游下游下！

職員幫我地安排左座位，點左餐後，都會叫我地先周圍參觀一下。其實都真係有啲似海洋公園，不過水母品種就好似少啲，但其實打卡位都齊曬呀～ 仲有啲互動位！我最欣賞嘅就係有一個小型實驗室，同大家講下水母嘅生長、繁殖之類！我諗小朋友黎會超開心的！佢仲有一個VR區～ 不過我去嗰日就未開所以我都哈知係玩咩講翻野食先～ 我同一個朋友一齊去嘅，唔想諗，所以就直接叫左個二人餐，包兩份前菜、兩個湯、一個主菜、兩份甜品同兩杯餐飲！必需講！！！我地對前菜、湯同甜品都係超級滿意的！！！非常非常對得住價錢～ 我已經同朋友約定下次要試曬其他前菜哈哈1. 海龍王沙津（前菜） - 蟹肉 ＋ 魚清啫喱 ＋ 西蘭花凍湯蟹肉份量十足，完全唔腥蟹味濃，同時凍湯都非常濃郁。估唔到西蘭花同蟹都咁夾！我最鐘意凍湯同蟹肉一齊食～ 超開胃，完全係為之後做好準備！2. 浩海三重奏（前菜） - 煙三文魚 ＋ 炸魚皮 + 黑魚子醬 ＋ 酸忌廉本身以為：「嗯，四種味我都估到，所以我知咩味啦」但點知：「係真係多重享受呀！！！！！！即刻想encore」本身煙三文魚同炸魚皮都係比較油膩，所以餐廳非常聰明加左酸忌廉balance翻～ 酸忌廉應該都有啲秘密材料，調味好到位。至於黑魚子醬就真係錦上添花～ 首先咬到會卜卜聲好fun，同埋佢嘅鹹香都係同酸忌廉好鬼夾依家諗翻又想食了⋯⋯3. 龍蝦奶昔（湯）- 龍蝦湯 ＋ Mascarpone賣相好可愛～ 透明嘅杯裝住兩層唔同嘅野，下層係龍蝦湯，上層係Mascarpone泡泡。我兩層都分開試過，兩層都超濃郁。龍蝦湯係真材實料，唔會有味精味。輕輕撈埋啲泡泡之後，就變得好creamy～ 我個人就好like啲湯嘅，因為好似有得玩又有得食咁！！！呀同埋個跟湯餐包都有驚喜bor～ 唔會hea你！本身以為係普通齋包，點知一咬落去，原來包住mozzarella架！！！芝士控表示滿意呀～ 不過我覺得包體可以鹹翻少少就perfect池啦4. 甜粟米濃湯 ＋ 鴨肝燉蛋湯甜，燉蛋都帶甜，不過又係好味嘅。首先個粟米湯係打得超級幼滑creamy～ 係我喜歡嘅口感呀！個燉蛋我就咁食呢覺得有少少膩（因為無呃人鴨肝超濃厚），所以職員同我講原來係要兩樣一齊食！於是我就畢左少少蛋啦，然後再加少少湯⋯⋯ 係癲左咁好食，撈埋一齊之後兩樣都有昇華到，真的非常enjoy哩個湯～5. 經典脆皮燒豬腩（主菜）＋ 海蜇沙律 ＋ 油浸乾蔥頭主菜沒有特別驚喜～ 不過也是有相當水準的～ 燒豬腩最驚醃唔夠同埋好柴，哩度就無哩個狀況嘅，肉質都夠稔入味，而豬皮真係燒到卡嗞卡嗞咁好夠脆，我最後直接用左手食好惹味！

配菜調味就唔係好岩我胃口～ 海蜇偏酸，我自己唔鐘意太多醋，所以俾曬朋友食～ 蔥頭就我本身都唔好，所以又益左我朋友喇！6. 紐約芝士蛋糕（甜品）唔知甜品係唔係佢地自己整～～～ 不過衰鬼又幾好味wor！愈簡單嘅甜品就愈追求味道嘅平衡同埋口感夠唔夠滑，而哩一件就超級岩我啦。首先質感方面唔會太硬太軟，好容易吉得開，食落口都好快會化開，而餅底也不會太厚，所以食落去好舒服（我超唔鐘意成口都係消化餅><）調味都好到位呀，cream cheese係相對偏鹹嗰種，所以我食到有好少好少好少citrus味中和翻。作為芝士控梗係鐘意偏鹹嘅cream cheese 因為芝士味會相對濃，但件蛋糕真係完全唔膩，super like!!!我係會推薦哩間餐廳俾大家嘅（我打卡打得好開心仲要野食都有驚喜）～ 尤其有小朋友嘅，有得玩有得食仲有野學，價錢亦都非常合理，絕對值得一試！…Read More

早一排聽到朋友介紹上環開左間新嘅廚師發辦，環境靚，師傳處理認真而且價錢合理！！！所以即刻帶埋另一個朋友去試下（因為可以試多啲野呀嘛哈哈）果然無令我地失望呀！一上到去好似消失的密室咁差啲搵唔到度門，不過一推去左度黑色門就係另一個世界嚕～吧枱位置有數十個，我同朋友一坐低後，侍應就為我地送上熱茶同熱毛巾，服務好到好似翻左日本家鄉咁！好快師傳就為我地送上三款前菜，建議大家由淡味（左）至重味（右）食。最左邊嘅係栗子糕，有一舊啫喱包住半粒栗子，酸酸甜甜好開胃。中間嗰件非常有驚喜，將蛋黃同蛋白分開整碎之後再砌翻埋一齊，聽落好似唔知做咩咁，但味道同口感都係出乎意料嘅好味！估唔到用簡單嘅材料都可以有哩個效果！最右就係蟹肉沙律，中規中矩，不過食到係真正嘅蟹肉哈哈另外師傅為我地準備左三款不同嘅漬物，分別係薑、牛蒡同埋蘿蔔！我最鐘意蘿蔔～ 平時食到嘅通常都過鹹過酸，但哩個因為有用柚子，所以可以平衡翻味道。我地食曬之後師傅都有幫我地添～我同朋友分別揀左兩個唔同嘅餐，我嘅係12件壽司，朋友叫左全拖羅餐～ 不過一樣都會有哩個毛蟹蒸蛋。師傅話味道主要喺個芡汁～ 所以要汁＋蛋＋蟹肉＋三文魚子一齊食！蛋蒸得岩岩好，好味，超級超級滑，調味沒有好重，相信係唔想搶左蟹肉同魚子嘅味道。之後我嘅壽司就開始逐件逐件黎了！由淡味食到濃味，食到最後都真係好飽，因為魚/刺身嘅份量好多！1. 石鯛配自家紫菜醬 - 四日熟成嘅石鯛唔腥又無筋，好滑，係最有記憶點嘅一件魚類壽司。2. 韓國赤貝 - 本身已經好鐘意食赤貝嘅我，真係好似中左獎咁開心呀！超厚超爽，勁鮮甜！師傅上碟之前拍左一拍件赤貝～ 原來係因為要令佢嘅神經收縮，咁肉質就會更彈牙爽口。3. 深海池魚 - 三日熟成嘅池魚比第一件較爽，魚味都濃啲4. 鰤魚 - 畫風一轉～ 係一件油份較多嘅壽司！所以都會淋身啲，魚油味比頭先嘅都要多，但都未至於會好膩5. 北海道牡丹蝦 - 上面的醬是用蝦頭膏醬調嘅，蝦肉新鮮爽口就唔洗講啦，但真係好甜好甜呀！配埋個醬有畫龍點睛嘅效果6. 赤鯥 - 由哩一件壽司開始，壽司飯轉左做赤醋飯，師傅話轉左會更夾之後落黎嘅重味壽司！赤鯥魚皮輕輕燒過，本身赤鯥都唔係彈牙嘅魚，燒過之後嘅魚油香味更出，超級滑溜。7. BB銀鱈魚 - 第一次食銀鱈魚嘅壽司！有驚喜好味！師傅話一定要係好細條嘅魚先可以做到咁滑又夠油。表面塗左一層豉油再輕輕燒過～ 好夾8. 鯖魚 - 我會話係一件半生熟嘅魚～ 但係呢！！！係超級淋嘅，淋到唔洗咬就好似代開左咁9. 幻星鰹魚 - 哩件個名已經好好聽哈哈，仲要係好好味！望落去已經會知道佢油脂較多，但食落口一啲都唔肥，反而好似食緊紅肉咁，真心推介～10. 北海道赤海膽 - 師傅話要快啲食，因為紫菜一淋就唔好味架喇，所以我成件放左入口！哩件又係超滿足嘅一件～ 滿口creamy嘅海膽，完全唔腥只有淡淡海水味11. 中吞拿魚 - 我本身就沒有很喜歡吞拿魚～ 因為覺得好油又好多筋，不過哩件唔會嘅，但我都無特別喜歡12. 鰻魚 - 最後一件了！！！不過哩件對我黎講都較為普通，前面嘅出色超多食曬12件之後，會為你送上暖笠笠嘅麵豉湯（2個餐都有！），湯底用蝦熬嘅，所以絕對唔係一般嘅味道，會甜好多又無咁鹹最後嘅最後，就到甜品了～ 一樣係兩個餐都有嘅，我地嗰日係檸檬Sorbet配少少Oreo碎碎，超級清新。明明岩岩食到好飽，但食完哩個即刻開胃翻，我地兩個都超級鐘意食！！！簡單講下我朋友個吞拿魚Set啦～ 因為我無食所以無得評價，不過佢話如果本身係吞拿魚超級忠粉嘅話會值得試，如果唔係就建議揀我嗰個12件Set，因為可以試到多啲野～～～吞拿魚Set件數係少啲啲嘅，但朋友話都夠飽所以唔洗擔心哩方面！最瘦赤身 —> 大吞拿魚腩 —> 中吞拿魚腩(朋友話甜到似芒果哈哈） —> 燒過嘅大吞拿魚腩 —> 吞拿魚蘿蔔卷（師傅即刻係面前卷好好睇超治癒～） —> 吞拿魚丼（Menu話係迷你但其實好多XD 吞拿魚同飯都多，所以真係會飽～）之後就係麵豉湯喇～總括黎講呢我係好推介大家試我揀嘅12件Lunch餐～ 食物新鮮，環境靚，價錢都真係好合理！偶爾pamper下自己都唔錯！PS 一定要去廁所參觀！！！唔講咁多留啲神秘感俾大家～…Read More

Happy friday梗係要食啲好嘢啦！霸王川莊雖然喺K11最高嗰層，最入面，但成日都好多人排隊。今日早咗放工，又想去試吓運氣，好彩等咗5分鐘就有得入咗啦👍🏻👍🏻呢度除咗川菜之外，其實其他菜式都一樣出色！首先係必勝嘅北京片皮鴨，啲皮勁趣脆勁熱。另一個細心嘅點係，包片皮鴨嗰啲皮有一層層嘅紙分開，方便拎同埋方便食。呢度花雕醉雞，可以嘅話係我食過嘅Number one。首先個容器勁靚，好似嗰啲明朝嘅宮廷風格🤣 醉雞全部起晒骨，啖啖肉，酒味香但係唔會太過濃烈，美中不足嘅係今次嘅份量有啲少，有d意猶未盡。干扁四季豆鑊氣夠，但又唔會太油膩，有少少辣，如果唔食得辣嘅朋友要注意啊。仲有呀，個炸小饅頭都好正，新鮮熱辣炸出嚟，點煉奶食真係超級邪惡🤩…Read More

當年度小月喺尖沙咀海港城開嘅時候，我都有去朝聖過（可能有五年前喇）。當時係覺得，價錢貴，份量少，食物質素普通，所以試過一次之後都冇食過第二次。今次有機會黎到v walk，又咁啱唔使排隊，有幾多次機會佢試一試下😝絲瓜煮大蜆。絲瓜煮得夠林，魚湯都清甜，蜆都大隻，不過就係欠缺左鮮味🙈 而且開始有少少overcooked，有啲蜆好韌。台式烤香腸，分量多價錢有啲貴，隔離好地道咁配左d蒜頭（不過我唔食既🤣），我覺得個腸可以烤耐d同熱少少。仲有櫻花蝦炒蛋，超級多櫻花蝦，但多得有啲過分，蛋嘅份量相對太少，唔講都唔知道自己食緊煎蛋😌 感覺上就係佢有好嘅食材，但加埋一齊就唔係特別好食。。。最後仲有肉臊飯同擔仔米粉。味道係OK嘅，不過份量真係太少囉。一碗白飯$10，加嗰啲啲肉臊喺上面就$28，即係嗰幾粒肉值$18，有冇搞錯啊。。。。😅…Read More

記得幾年前去泰國旅行嘅時候，其中有景點一定要試一試呢一間Nara!!! 無論係環境定係食物質素都係一等一嘅級數！疫情之後冇得去旅行，咁岩今日路過新城市就試吓佢，食完當去咗泰國旅行啦🤣頭先裝修真係好有泰國風味，八角形嘅枱，蘭花型嘅風扇，再加東南亞風嘅梳化同cushion，淨係坐喺度都覺得自己去泰國啦。一坐低就送一籃蝦片（後期先知道收咗10幾蚊🤣），一邊食一邊等食。泰式椰子雞湯，唔辣嘅，但又有冬陰功嘅香味，啱晒我呢啲唔食辣嘅人。豬頸肉配青木瓜沙律，豬頸肉嘅碳燒味好出色好惹味，而且份量超多，兩個人真係食唔晒，木瓜沙律都好惹味，不過份量就少咗啲，如果多啲沙律少啲豬頸肉就好喇。最後就係泰菜必備嘅炒金邊粉，正呀😋😋😋…Read More

V Walk呢間紅螞蟻鋪面超級大，所以唔使等位呢就可以直接入去食lunch。Set lunch大概$80左右，包一杯飲品。餐牌上面都係fusion菜為主，主要係港式日式同西式嘅混合，鍾唔鍾意晒就睇個人口味喇🤣日式咖喱配吉列素豬扒，個咖喱其實都OK嘅，不過可能食唔慣素豬肉，味道同埋質感都覺得怪怪地，好似食緊啲菇咁🤣另一個係蔥油雞扒配肉臊天使麵，呢個真係fusion中嘅fusion，港式嘅蔥油雞扒，加台式肉臊，再配上西式嘅天使麵，落單嗰一刻其實都真係需要啲勇氣😝 個效果出奇地都可以嘅，不過就好油膩，試一次就夠晒皮喇…Read More

咁啱今日有嘢做嚟開德福，lunch hour周圍都好多人，見到邊間有位就即刻衝入去。呢間東南亞客人都唔算少，可能咁啱有客人走咗我就即刻有位喇！Lunch set主要都係海南雞飯，喇沙，肉骨茶等。今次我揀咗肉骨茶，不過原來唔係我食開嗰種，我鍾意食嗰種係胡椒味比較濃嘅，而佢呢款藥材味比較濃，都照食啦，不過不失！肉就有啲少，不過油炸鬼都有好幾舊👍🏻👍🏻呢度特別嘅嘢係有冬陰功湯底，鍾意冬陰功嗰種酸辣個朋友呢就可以試吓喇☺️…Read More