zozogo的個人專頁

食咗幾次好好食，成為我米線最愛選擇之一。金湯好食過藤椒湯，藤椒湯覺得辣同埋個湯底分開，而且有啲清淡。反而招牌金湯有驚喜，加上水煮牛肉同墨丸都好食唔錯！會推介身邊朋友同埋同事食，而且外賣自取又有優惠另外豬頸肉就比較乾身，所以試食咗幾次特別鍾意佢嘅水煮牛，或者係雞扒都OK。平時食其他米線店食到悶悶地，我覺得呢個係一個好好嘅選擇，而且下午茶仲可以減錢同埋有飲品包。路程都好方便所以見佢新開應該支持一下。好味好味。…查看更多

觀塘工業區，又有新餐廳！經過開源道見到一間新開嘅餐廳已經想試好耐。外觀係日式設計，跟住就同咗朋友過嚟食，入到嚟成個裝修設計超正！眼睛超忙成間舖頭裝修設計擺設，甚至所有餐具都好有心思。定食和食物相對價錢是屬於比較貴少少，計埋朋友我哋三個嗌咗幾樣小食，另外各自一個定食套餐。超大份量！可以叫兩個主食share再加幾個小食！環境好舒服，可以同朋友傾好耐計，同埋影咗勁多靚相環境非常適合同朋友gathering慢慢傾偈慢慢食嘢…查看更多

朋友有帶狗狗要搵適合嘅餐廳食飯都非常之麻煩，非常之好這間位於K11的分店可以帶狗狗入去亦都有寵物嘅位置。開頭都冇乜太留意食物，反而留意elephant grounds 嘅咖啡以及飲品多啲。今次總共我們五個人輕鬆喺戶外食嘢，裝修同埋設計都非常之好，我哋總共買咗好幾樣食物。最令人深刻嘅係薯條牛扒，薯條非常之好食，而且每個餐點侍應都服務得好好。等我哋有一個開心同埋輕鬆嘅環境食飯以及傾偈，另外仲有唔少甜品選擇添！ …查看更多

Fiata pizza 自己最鍾意一定係個餅底，唔會太口亦都唔會太忙，完全食到手工pizza嘅精髓！已經去食咗幾次，一般建議大家都要預先預訂如果Walk in嘅話都會好困難，或者等好耐。佢哋亦都有唔同得獎嘅Pizza，每次都有好多款式可以選擇，除咗Pizza之外，亦都有好多唔同嘅小食及前菜，自己最鍾意就係水牛芝士我哋兩個女仔甚至帶咗兩個大pizza仲要叫埋前菜同小食，嚇死㗎侍應。當然食唔晒可以拎走。叫咗最Classic嘅Pizza同埋一個得獎嘅Pizza自己就比較鍾意卡式嗰一款。…查看更多

甜記餃子係基於網上報道，睇到佢裝修完非常之靚，梗係經過要食下啦！成個裝修以日式裝修為主，整個點餐都係自己用QR code去落單，送餐都要一些時間，始終餃子是新鮮包。最鍾意就係搞先可以配搭唔同湯底同埋麵食，亦都有唔同嘅煎餃或者水餃味道選擇。同朋友總共嗌了兩個餐，一個是煎餃為主，一個是以水餃為主，價錢尚算合理，味道是比較濃味，但是配合不同湯底，效果很好！特別推介蕃茄湯底，感受到是新鮮材料熬製！亦可購買生的餃子外賣拎走。…查看更多

知道魚治一定要book枱先有機會食到！今次朋友book咗枱邀請一齊食成個體驗非常之好，仲要佢每晚會有傳統日本燒食表演，燒完仲會分一些食物比大家觀眾食！成個體驗非常之特別，加上本身嘅食物非常之特別，喺出邊唔係特別常見！今次叫咗幾樣食物，最難忘係一個用咗蜜糖加忌廉芝士，非常特別亦都係推介俾大家。其次帶咗唔同嘅肉類例如牛肉以及牛脷等等。另外亦都嗌咗唔同酒精飲品都很多選擇，另外燒飯團都唔錯，份量太多，但係可以試了很多款式…查看更多

相對較少嚟荃灣呢一邊，咁啱嚟到愉景新城想搵啲嘢食，商場好似都比較多連鎖店，反而喺玩具反斗城附近見到呢一間就入去試吓啦！晚餐款式都算好多選擇，而且有好多飲品！最後揀咗一個牛扒同埋龍蝦意粉，飲品方面就嗌咗一個茶同埋一個凍朱古力牛扒方面揀咗七成熟，肉質好味又有牛味，感覺到選了上面係好新鮮同埋有要求肉質好味又有牛味，感覺到選了上面係好新鮮同埋有要求！另外最特別嘅係佢嘅龍蝦湯同埋甜品！甜品我覺得非常之得意，好似日式嗰啲甜品我覺得非常之得意，好似日式嗰啲水信玄餅，特別適合食完飯之後食唔會太甜啱啱好位於商場比較隱蔽嘅地方，但係相對比較寧靜喺小朋友同家庭為主嘅商場比較下，一個較文清嘅地方哈哈…查看更多

不嬲都唔係特別喜好中餐或者燒臘店，適逢有個中午悶悶地又好想食一啲西餐以外嘅嘢，聽講銅鑼灣有間好好食嘅燒臘店。於是懷着好奇心就去食，點知真係好好食，完全有驚喜，好想再帶屋企人嚟食！中午時間算係好快有位，今次同朋友帶咗午餐set年嘢飲分別嗌咗叉燒米粉同埋燒腩仔瀨粉！完全有驚喜叉燒，今次佢俾咗類似豬腩肉嘅位置非常之好味同埋肥美然後燒腩仔非常之趣好好味！重點係佢跟埋嘅充滿麻油味嘅榨菜，超級好食！反而瀨粉就好普通，米粉反而有驚喜，屬於比較幼身的米粉。價錢比一般燒臘店貴，但是覺得相對份量和味道是合理的。之後都會再幫襯！…查看更多

米氣係一直好想試嘅人氣餐廳，成日見到門口好多人排隊，之前試過中午時間排隊嘗試食，但係太多人最後都係放棄咗。今日趁着晚市早少少去排隊大概都等咗九個字至一個鐘先入到坐，如果想食嘅朋友都係早少少去排隊好啲！佢嘅主菜睇住佢嘅Menu好似一個一個步驟揀選其實可以根據自己需要選擇米飯或者其他小碟就可以。今次係兩個女仔食，食唔到太多小碟，另外朋友戒緊澱粉質，所以朋友冇嗌到白飯。我分別的大咗好出名嘅日本米配蘭王雞蛋，另外嗌咗幾款小食。比較深刻印象嘅小食會係紅酒牛肋條，同埋雞肉漢堡不過失望嘅就有粟米，蟹肉沙律。不過最冇過最好食嘅，竟然係甜品，分別帶咗布丁同埋sake雪糕非常之有驚喜同埋好好食！總括而言，喺香港必食嘅餐廳，但係食一次都已經好滿足…查看更多

開返堂食之後要試試咗佢哋的新晚餐佢哋嘅前菜好出色，今次揀咗鮑魚同埋酥皮盒子，真係又驚喜又好食然後揀選咗佢個栗子甘筍湯！另外主菜就揀咗牛扒同埋魚！魚一向都好鍾意整得好滑，牛揀咗七成熟，啱啱好！另外仲有個甜品有生詷蛋糕揀選，由於太飽食得，所以最後甜品打包！另外仲揀咗去過朱古力飲仲拉埋花非常之有水準如果下次有機會想試埋去過鵝肝前菜同埋去過羊肉主菜都好吸引！仲有去過意大利蛋糕都一直想試！或者下次lunchtime嚟試平啲又細份量啲啱晒女仔！…查看更多

經朋友介紹一間隱世拉麵店，應該係話沾麵店，座位唔算多，所以有興趣食嘅朋友最好早啲到咁就可以第一round食到。當時去到咁岩滿座，大概等咗半個鐘左右就可以入去食。今次係三個女仔去，叫咗兩個沾麵一個donburi。如果三個女仔都可以食多啲嘅話唔介意叫三個沾麵，哈哈，因為真係好好食！DONBURI 覺得係必食item 因為個和牛片，加上個蛋黃汁，真係超級好食，另外啲飯都會有一些肉碎，整體上真係好好食！相比之下沾麵驚喜沒有咁高，但係味道都是很好食！會推介比身邊嘅朋友！…查看更多

終於開返堂食! 想食relish晚餐✨🤩好耐!之前一直好想再食吃晚餐！今次終於係機會！dinner set 由前餐到餐湯到主菜甜品都好好食，有驚喜！水準仲係keep到！今次叫了銀鱈魚，同鵝肝牛扒餐，非常之好食！魚質非常嫩滑，魚皮脆口，絕對唔馬虎！肉眼扒叫了五成熟，配上鵝肝，一d都唔肥膩，味道恰到好處！前菜同餐湯維持水平，但味道略嫌淡味咗少少。反而甜品有驚喜，生酮蛋糕同抹茶戚風蛋糕，食完好滿足。餐飲叫了新飲deluxe dirty 比起一般dirty 有更香濃嘅牛奶，咖啡味道都非常多層次。…查看更多

終於開返堂食，率先食返一直想喺觀塘食的comfy. 總共叫左幾樣食物，明太子意粉，雞翼薯條，同埋火箭菜ham pizza。明太子意粉超級好味，有驚喜！意粉質地唔錯唔會太淋或者太硬！另外雞翼比想像中普通，但係薯條非常之好食！估計應該紮咗兩次所以非常之脆口！另外Pizza就反而有啲失望，Pizza比較硬身。值得一題飲咗一個偽鴛鴦，非常得意係咖啡嘅冰配上朱古力奶，好好飲好特別！下次希望試蟹意粉，薯條必食！！…查看更多

係尖沙咀附近staycation，更係揾下附近韓國街有咩食，上網揾到哩間，好似好有歷史？跟住買外買自取，叫左最出名的芝士玉子，仲有甜辣炸鷄，芝士炸雞。原來有前菜同送汽水。好好食，但兩個人食唔哂好飽芝士玉子可以拉到絲，好飽，炸雞就揀左有骨version, 下次試下無骨，一啖啖一定好正！甜辣同芝士一半半好夾！…查看更多

朋友介紹話食taco, 仲有雞蛋仔。開頭食咗唔同嘅salad bowl 之後最令我難忘嘅係玉子豆腐脆taco,雖然細細份但真係好好味。之後有一日中午我就叫咗玉子豆腐飯，好多配料，配得好好食，好夠飽又好味又健康！食少一日肉！得閒我就再會去食！❤️不過有一次我食咗普通taco，比起脆taco,脆taco真係好食好多。食物包裝都好有心機，如果去食中午就要早d，因為都要整一一段時間，如果怕等的話，就一定要早啲去。…查看更多