Kayixryeowook's Profile

之前食過幾間出名既韓燒 但都覺得名過其實 BBQ7080暫時係唯一一間我會返轉頭再幫襯既咁岩今日適逄情人節 有個情人節set 太概$700兩位 同平日既價錢差唔多 算係好有良心 1) 烤肉拼盤 有齊豬牛雞 啲肉整體黎講醃得幾好味  雞肉嫰口 唔"鞋"五花腩係我其中一個至愛 唔會好厚膏 但一層膏一屠肉 加埋塊皮 好味 不過記得唔好燒太耐 唔係就會"鞋" 至於個牛肉就好碎 嚴格黎講已經唔係一塊塊 已係碎碎濕濕咁 好難燒 太霉太碎 食咗都出唔出咩味如果唔係嗌set 建議大家嗌牛肋骨 好味好多 好juicy同有牛味 就咁食啲肉食得多幾舊就會開始膩 呢個時候大家可以選擇用菜包住黎食 入口冇咁油 可以balance返肉既油膩感 即時可以食多幾舊 韓國人呢個方法真係好聰明👍🏻 🌟溫馨提示 菜係可以refill架~2. 牛排骨原本係卷埋放喺碟上面 太大塊 無從入手 所以請咗店員哥哥黎幫手 成塊攤開同個板咁長 燒到咁上下就剪開一舊舊 ok之後店員哥哥夾咗兩舊俾我地 其餘既就放喺塊生菜上面 放去烤板既側邊保溫 好juicy好嫰好好味 🌟小提示: 我覺得最好味既係痴住舊骨嗰少少肉 爽爽地有咬口好好味 3. 蔬菜淨係燒肉嫌悶可以燒下蔬菜同菇 不過我就成日都唔知食得未😜4. 海鮮蔥餅普通 算足料 醮埋配嗰個汁先有味 記得一上枱就要食 凍咗差好遠5. 粉絲呢個好食 夠味 而且有蔬菜 唔會油同唔會膩6. Brownie好乾 一啲都唔好味 唔食都冇所謂~🌟如果係中意食海鮮既朋友仔 推薦你地試下佢個帶子 個sauce好特別好好味👍🏻💕必試食品: 牛肋骨、帶子…Read More

每次經過呢間餐廳 都見到有唔少人喺度排隊等 今日就去撞下多唔多人等 咁岩冇咩人等緊 等咗2-3分鐘就有位大家都係衝着佢啲公仔點心而來 但其實選擇並唔多 得幾款 而且價錢偏貴 喺普通茶樓既2-3倍網上最多人post既就係呢個 包入面既朱古力漿係流心既 得意就幾得意 不過味道就好麻麻 個包都ok軟熟 不過入面個餡就好難食 好好好甜 水晶蝦餃 皮唔算太厚 個餡冇咩蝦 食落口冇口感 唔爽口 粉居多 未至於難食 不過唔係好食奶皇包皮好厚好實 偏乾 入面流心 所以balance返 唔算係太乾 不過入面既奶皇偏淡 冇咩味 唔似食緊奶皇包 玫瑰茶上枱第一杯茶顏色好淡 味道好淡 之後就愈來愈深色同濃味 應該係因為個茶包'沉'耐咗出咗味 飲落有好淡好淡既玫瑰味 茶味就欠奉總括黎講 如果係志在食好味既點心 就唔洗試 因為又貴又唔好食 如果係影下相呃like既話 咁就預咗要付出代價…Read More

黎得華星 都係為咗佢個炒滑蛋全日供應既常餐 有 1) 炒滑蛋火腿 2) 牛油多士 3) 叉燒意粉1) 炒滑蛋火腿蛋落咗奶炒 好滑好濕 唔會炒到乾曬 而且好香蛋味 連我本身唔中食食炒蛋既人都一試愛上 *** 溫馨小提示: 唔中意食炒蛋既朋友仔 可以同侍應哥講 轉做太陽蛋or煎蛋火腿就只係普通既雪藏火腿 冇咩火腿味2) 牛油多士有烘底 岩岩好 唔會太燶 我就中意搽勁多牛油既 愈肥愈好味 3) 叉燒意粉對啲叉燒唔需要有任何期望 係'木獨'位既叉燒 不過好在佢煮得稔 意粉係港式煮法 稔曬 加埋個冇咩味既湯 咁既價錢 不過不失啦除咗常餐 今日仲嗌咗個炸雞翼 皮好香口好脆岩岩好 入面啲雞肉就好嫰 仲有啲肉汁 好好味…Read More

近期食過最有質素既放題~首先 食物方面 有好多選擇 刺身sushi炸物冷盤火鍋樣樣有齊 每個種類都有唔少野揀 比起旺角其他既放題好好多 (嗰啲通常每個種類得好少款揀)至於味道方面 刺身新鮮甜美 以咁既價錢 真係抵食~ 港人最愛既三文魚 新鮮 而且好厚切 冇偷工減料 蝦都好大隻好鮮甜 食咗好多隻 帶子就切得薄啲 不過勝在夠鮮 壽司方面都整得唔錯 材料新鮮 啲飯唔切平時旺角啲放題 唔會散開曬 唔粗製濫造 因為材料新鮮 所以食落去好味 中間個牛肉壽司要試! 牛肉半生熟 配少少壽司飯 加埋個甜甜地既source 唔知點解好match 勁好味 再加上呢件壽司係mini size 可以不斷再encore!呢板海膽好似係like佢地fb就有 我唔食海膽 所以冇試 不過朋友話好味 唔會有腥(?)味椒鹽蝦: 味道可以 不過應該唔係游水蝦 所以有啲'木' 過下口癮都okay唔記得係白酒煮蜆定咩 得好少蜆肉 好多都係殼 唔知點解 食落有苦味 牛舌要試 食落有咬口 冧得黎爽口 加埋啲調味 好好味 不過淡口味既朋友可能覺得太咸 朋友生日 所以有朱古力brownie送 不過焗過龍 乾得滯 食完刺身冇耐就送咗上黎 timing唔係好岩😂佢呢度有個甜品櫃 可以隨便夾 有4-5款 都算係咁 焦糖燉蛋唔錯 值得一試 蛋好滑 焦糖甜度適中 除咗甜品櫃既甜品 每人仲可以揀一杯movenpick既雪糕 岩曬甜品控 ***最後不得不提既係佢既服務 真係好好 不單止完全冇漏單 所有員工都好有禮物 態度好好 而且會完主動幫你 食食下有個哥哥見我地啲碟full 曬就幫我地換過曬啲碟 超好 走既時候 姨姨抹緊地 唔小心整到我 係咁同我say sorry仲勁唔好意思 真係好有禮貌 好耐未試過有咁好服務既食肆 …Read More

個個人食九記都推薦清湯腩 但好少人知 真正最好食既係咖哩牛根腩伊麵即使唔講 大家都知九記九腩好食 今次既牛根腩痴住少少根既部分 食落冇咁'木讀' 牛腩炆到好入味 但不失牛肉本身既味道 食得出冇落梳打 份量都好足料 食到好飽唔食得辣既人可以食清湯腩 但食得辣既各位 我強烈建議你地食咖哩牛根腩伊麵 因為真係好正 咖哩辣得黎唔會蓋曬牛腩本身既肉味 重點係伊麵'索'咗咖哩汁之後好好味就咁食麵已經好香咖哩味 如果想再濃味啲 可以連咖哩湯汁一齊食 麵底本身煮到岩岩好 唔會太冧成pat咁 有口感得黎 再加埋咖哩汁真係好好味 不過伊麵就嫌份量少咗啲 唔多夠喉食過九記幾次 始終覺得呢樣最好食!*小tips: 如果唔想排隊 可以嗌外賣 5分鐘就有!…Read More

星期二既晚上黎到 雖然唔洗等位 但全場都好full 呢間雞煲既賣點係可以無限添雞 岩曬雞煲迷雞煲嗌咗BB辣 個煲有好多配菜同香料 食落去好夠味 辣同麻都有 不過麻就少啲 一開始嫌唔夠辣味 煮煮下就愈來愈辣 好入味 至於主角既雞 雞肉好嫩 而且會俾雞既各部位 大大舊 有雞脾嗰啲 唔似出面 有時會俾啲頭頭尾尾你食完當然就再添雞 添既雞可以同原本個雞煲既辣度唔同嫌唔夠辣既可以嗌再辣啲 嫌辣得滯就可以嗌返BB辣 釋隨尊便~不過添既雞質素就冇咁好 好多都係雞胸肉 食完雞煲就接住打邊爐 食物的選擇唔太多 不過可以加錢嗌其他 例如海鮮嗰啲 唔算話太貴 覺得冇野食既可以加錢試下整體黎講 雞煲嗰part都幾好味 邊爐就普通 會再幫襯 …Read More

一班朋友好耐冇見 貪呢度有set 唔洗煩 所以就揀咗佢因為我地都係細食之人 所以六個人叫咗個4人set 除咗個set 仲加咗1.龍蝦湯(加酥皮)同 2.酥皮海皇湯 1.龍蝦湯(加酥皮)好香忌廉味 有龍蝦肉 飲完已經好飽2.酥皮海皇湯次次黎食都必嗌 唔講得上好好食 不過太耐冇食就會掛住呢個"牛油製品" 個酥皮e e un un 捞埋落啲湯度食就最好味蘇格蘭煙三文魚凱撒沙律配橄欖烤包: 三文魚調過味 咸咸地 沙律上面啲cheese冇咩味 完全唔香 反而個烤包幾好食 好軟熟 配埋啲sauce幾好味前菜1) 黑椒蜜汁雞翼: 甜甜地 冇咩黑椒味 煮得唔太熟 骨附近仲有血水前菜2) 田螺配薯蓉: 大部分係薯蓉 得幾粒田螺 但偏細粒同有啲實主菜1) Pizza: 底薄 所以一焗耐咗就會乾 pizza邊焗到有啲乾 不過勝在味道搭夠😗主菜2) 芝士龍蝦汁焗海鮮墨魚汁飯: 好味 好多海鮮 不過太咸同好重牛油主菜3) 腸蘑菇意粉: 普通 好在夠sauce 食到最後都唔會話冇味…Read More

全店只供兩款拉麵選擇 1. 豬骨湯拉麵 2. 蝦味噌拉麵 湯既濃度 麵既䭃度都冇得揀 全由師傅決定1. 豬骨湯拉麵 整體黎講 好普通 湯底都幾濃 但以豬骨湯黎講 出面有好多鋪頭做得更好 呢間只可以算係不過不失 有兩塊叉燒 不過好'鞋' 好乾 反而隻溏心蛋最好食 2. 蝦味噌拉麵呢款出面唔常見 個湯底做得好出色 好香蝦味 應該係櫻花蝦 所以好鮮味 個湯好味到差唔多飲曬 不過兩個個麵底都麻麻地 太冧 一pat 冇咩口感 蹝咗個咁好既湯底😣另外用八達通比錢 每碗可以平$2 可惜當日得現金 落單既時候要俾埋錢 不過個店員冇找返錢俾我 我又冇醒起 走咗先記得 …Read More

一開鋪既時候食過 嗰時賣$10 依家加到$13成舊糯米糍有手掌咁大 大細冇變 不過味道就退步咗好多 依家啲皮好厚 芒果細舊咗同冇咁甜(可能季節問題啦)當初開鋪有長洲嗰啲咁好食 不過依家就差好遠😞…Read More

心癢癢想鋸扒 但又唔想大出血 就去咗花園 大概夜晚7點15分去到 唔洗等 即刻就有得坐低叫咗兩個鐵板燒Set 分別係 A級肉眼扒餐 同 神戶牛柳餐 啲姐姐好快就上咗牛油餐包👍餐包同平時食到嗰啲差唔多 軟熟 搽埋牛油就岩岩好 羅宋湯偏酸少少 不過我中意酸啲既 所以覺得唔錯 佢唔係齋湯 有啲菜嗰啲 對出面茶餐廳水準差唔多同茶餐廳既差唔多 不過偏淡少少新嘗試 奇異果汁 飲落陣味好青 應該冇加糖 不過又唔會話好酸 有啲fresh既感覺 中意試新野既朋友可以try try😂終於到主角出場 姐姐都好細心 叫我地打開紙巾先倒汁 以免啲汁彈到我地肉叫咗5成熟 跟蒜蓉汁 食落囗覺得唔止5成熟 不過又未到7成 食落囗唔老 以咁既價錢黎講 肉質都算咁上下 好易切開 啲薯條喺扒下面 食既時候已經稔曬 味道亦唔太吸引 都係5成熟同蒜蓉汁 好稔 邊位有煎香 脆脆地好香囗 略嫌都係熟咗啲 超過5成上次去食既時候嗌咗7成 上到枱差唔多熟曬 好老 所以建議大家都唔好嗌7成 5成已經岩熟架啦…Read More