獨食很肥's Profile

細路唔鍾意食飯，唔湊米氣，但鍾意食水餃😆有日行過北角，見到個招牌，一於試吓個「花膠淮山豬骨湯」加「粟米併紫菜餃」餃子大大粒，加個麵，再食個小食「麻辣皮蛋」，一大一細兩個人，竟然都夠食。個湯呢確係有料到嘅，花膠嘅咸鮮+淮山嘅清甜+豬骨嘅濃郁，混合一齊，互相牽引，互相集結，成就一碗好湯👍🏻麻辣皮蛋，先辣後麻，再黎皮蛋黃的香。一浪接一浪地刺激住啲味蕾，從不同的層次，不同的角度去挑起食欲，真係欲罷不能😂…Read More

午飯時間短，通常都係附近食個快嘅，大記麥記同茶記，都係呢幾味。無意中，經過香車街，見到個餐牌，諗都冇諗，長驅直入，見位即坐。位都未坐，立即下單：靚女，E餐唔該！回覆：靚仔，你真識食！梗係，咪當我係流嘅先得架😂主角制作需時飲住個燉湯先木瓜雪耳燉唐排湯熱味清甜夠誠意登登登登隆重登場蒜蓉粉絲蒸頭腩蒜蓉蠔油撈為醬粉絲墊底盡吸鮮斑頭骨腩肉彈彈問君如何能忍口奢侈一個絕對奢侈的午餐貴不在價而於心機一於多啲幫襯😆…Read More

舖頭不張揚不起眼沒有大招牌神隱於銅記窄巷有緣食客自來也老闆娘好客推介食套餐有齊五大碟碟碟有名堂海鮮冬陰湯醒胃酸酸甜甜微微辣青芒沙律助開胃刨成幼絲添爽脆咖哩龍蝦是主菜香濃惹味確好味生炒鮮魷金邊粉落埋韮芽有鑊氣椰青芒果糯米飯雪糕加持確驚艷個黃咖喱的確很出色，最後加左碗白飯黎撈埋個咖喱汁，充分配襯出咖喱嘅香、椰汁嘅濃。另外，地方乾淨衛生企理。待應姐姐招呼好，勤換餐具又添水。確係滿足嘅一餐，期待下次試新菜😃…Read More

今日好想食菜遠牛河，行左去明記，點知原來冇做午市，唯有搵過第二間😅諗起福來邨嘅海連，滿心期待，懷住冇比嘅心情去到。係門口，見人頭湧湧，心諗一定冇有錯。搵個位坐低，開左壺茶，即刻同阿姐落埋單 — 菜遠牛河兜亂，唔該🙏🏻點知…😔阿姐話而家冇做炒野，專心做點心😭正當我犹疑沉思之隙，有把沉厚嘅聲音講左句：「我地仲有牛腩飯，睇吓啱唔啱食！」「好！就牛腩飯，唔該！」牛腩飯係柱侯牛腩，一上枱，不禁嘩一聲。香，好香，好香嘅柱侯味陣陣撲鼻而來！立即夾左舊筋腩入口，腩肉軟滑，牛筋香稔，明顯夠火喉。八角味、醬香味、牛腩味共冶一爐，無比匹配😋同場加影，出爐鳳爪，有三大隻，入口即溶，冇黐牙😊…Read More

氣溫驟降暖胃要緊一於去食，一碗睇見都流汗嘅米線！😅荃灣貴為米線之鄉梗有一間啱你口味唯一，始終都係，唯一最好味😋腩肉入味辣過隱小鍋肉碎銀芽爽腐皮順滑添口感最愛多蔥倍增香紅當當看到都流汗😅…Read More

這一站，天后電氣道上，人來人往，人往人來點解咁多人？因為大家都係黎搵食，黎食好野😋君御，電氣道近清風街，日本X隔離。唔難搵！今日主角，燒鵝飯，潮連燒鵝飯。上枱有驚喜，竟然俾隻燒鵝髀！😄碟頭正常，飯量夠，仲搭埋條菜心。燒鵝皮脆，肉嫩有汁，皮肉間夾住一層薄薄嘅鵝油。就係呢層鵝油，油香帶動住個脆皮，牽引住啲鵝肉，覆蓋住每個味蕾，將佢地緊緊地包圍。感覺，一種味道帶來嘅幸福感覺；美味，一份用心炮制嘅人間美味！10分鐘食完，老闆問做咩食得咁快😅因為好食囉😉…Read More

又有me time ，唔好嘥，食左佢。大喜，舊式港式茶檔一間，70年代的裝潢，風味就是不一樣。位於上環樂古道附近嘅華里，一個幽靜的角落，不顯眼，默默做。有緣遇上，冇理由錯過。😁可惜皇牌B售罄，唔緊要，食個至尊C跟茶走，呢個環境，只有茶走最啱feel。雪菜味啱，咸香適宜；米粉過隱，攣攣似公仔面，入口少彈牙。最靚係茶走，茶色深，味夠濃。輕輕一sip，如絲般順滑地流入，然後填充於牙縫然後佔據著味蕾然後回甘滿口茶香一流👍🏻…Read More

聽講明記有做海鮮加工，襯老友係外國返黎，一於試試佢。係荃灣，買海鮮，唔使講，一定係楊屋道。魚蝦蟹、貝魷鮑、蟶螺墨，咩都有最後決定：蝦蟶魚貝魷椒鹽瀨蝦王惹味先開胃豉汁大蟶子米底煎得脆游水東星斑肉嫩剛甩骨扇貝開邊蒸心機交到貨黃金鮮魷魚啤啤好朋友咁少邊夠食仲有韮菜併豬紅潮洲蠔仔粥埋尾黎個啫啫通菜煲酥炸鮮蠔餅地區飯店，煮餸有心機，蒸魚時間掌握得好好，完美地帶出東星嘅嫩同滑；扇貝肉會界刀分一半，減低蒸嘅時間，保留貝嘅鮮味，大廚有料到！👍🏻大滿足，下次再食…Read More