Hiro Wang's Profile

原有黃竹坑舊地址遷徙之後，一直未有機會去佢地新店。早兩日約左朋友去傾嘢，佢又想飲杯咖啡，就上左來探店。新址裝修舒適，夠晒開揚寬闊，採光度十足。我地去果陣尚早，非常少人，QR code下單方便，但員工服務就真係冇乜，我地叫左lunch set, 真心唔算平，朋友order的鰻魚飯不過不失，唔好期望有日本餐正常水平。我點個柚子南蠻雞就真心唔好食，柚子汁好似果jam 糖漿咁，同個炸雞一點都唔夾雞又唔juicy ,都唔緊要，但冇啦啦有pat 蛋沙律係個飯到，送飯好漏好奇怪。姜汁latte又係怪，勁甜，未落佢跟比我個姜粒jam 已經甜到傻左。總之就好一般，擺盤同衛生都ok個食物真心唔掂。另一個朋友叫左個同李錦記聯乘嘅辣炸雞飯，呢個叫做好少少啦，佢送咗成盒李錦記嘅辣椒醬俾佢。總之喺黃竹坑呢個美食坊我就總有人會去幫襯，但如果真心對食物有要求嘅我就請大家唔好有期望啦。評分✴️(五分滿分）環境:✴️✴️✴️✴️食物:✴️✴️性價比:✴️✴️回頭率:✴️…Read More

係香港能夠令我keep 住回訪嘅餐廳不多，呢度係其中一間令我會心掛掛想食嘅日本居酒屋🏮每次黎都回味無窮。約埋朋友黎邊食邊飲氣氛勁正，有去左🇯🇵日本嘅感覺呀！雖然呢度地方細細，但我就係鍾意咁樣好有日本隱世居酒屋feel，夠晒有氣氛。強烈推薦一定一定要食佢地啲炸蔬菜！我至愛係個大大舊蓮藕同埋巨長蘆筍😂。真係食得出唔係陀地菜架，特別厚特別甜，第二間真係食唔到另一個我覺得必食係流心蛋，炸到外脆內流心真係冇得彈架，加少少鹽食係最好。炸天使蝦串揚都係冇得唔order，成隻咬，咸咸脆脆，一定要連頭連身食，加檸檬汁點綴下非常夾，肉質好甜，大推大推呢度炸嘢比燒嘢出色（果然是專門店)，而且件件有特色，再要大讚一下佢地d侍應，個個笑容滿分，服務又好，唔知個老闆係咪比好高人工？ （笑）評分✴️(五分滿分）環境:✴️✴️✴️✴️食物:✴️✴️✴️✴️✴️性價比:✴️✴️✴️✴️回頭率:✴️✴️✴️✴️…Read More

極少出旺角嘅我變大鄉里，去到朗豪坊先驚覺人面全非（起碼六七年冇入過去）唯一不變係food hall嗰層人流真心旺。一上扶手電梯，已經見到非常搶眼嘅紅色裝修及招牌。一個人求求其其搵嘢食，望下餐牌都覺得ok，決定俾個機會佢。坐得呢類露天位先唔好諗坐得舒適，特別係中央位搞活動果陣真心嘈食物我都係隨心點左個鮮野菜轉椰子湯，為左唔好齋過頭仲加埋個溶岩芝士。上菜都有點誠意，雖然只係碗麵但員工都親自為我淋上果個溶岩芝士🧀️味道整體黎講，係幾唔錯，全部都幾鮮甜，炸得幾好，湯好味，椰子香恰到好處。麵條都好有口感，日本過江龍係有啲水準，唯獨賣相就爭左少少喇，成碗嘢個擺盤好似堆大雜薈咁，收個價都不平，呢個位真係要扣返少分。評分✴️(五分滿分）環境:✴️✴️食物:✴️✴️✴️✴️性價比:✴️✴️✴️回頭率:✴️✴️…Read More

好耐未喺香港食過好高質嘅拉麵，是日出開銅鑼灣，用OpenRice搜尋一下附近嘅拉麵餐廳，撇除晒所有大集團旗下品牌之後，選定左呢一間小店嘗試一下。見佢評分都幾高，不過位置就有啲隔涉，係渣甸坊女人街側邊，店面招牌完全唔起眼，入邊亦都冇乜裝修，不過一入門口，店員就非常親切有禮貌，由打招呼到落單，都用日文，元氣十足，感受到好有誠意，真係有心做。食物唔係好多選擇，我哋揀咗黑骨同豚骨。黑骨即黑蒜同墨魚，麵質就一定係揀超硬啦，湯底揀咗超濃厚，店員強烈推薦加少少佢哋秘製辣醬，我哋都加咗。食物一到，試一啖湯頭，非常濃厚濃郁，兩個湯都好出色！豚骨好重骨膠原感！黑骨都好正！麵屬於比較幼身，有啲似一蘭果種，我鐘意！香港已經好少有咁高質嘅小店，非常值得支持！一定會再回訪！…Read More

勁耐冇出街打邊爐，朋友約喺灣仔見，指定想打邊爐，而星期五晚，臨急臨忙都仲book到，就決定去呢間起鍋。店舖裝修都幾鬼鬼馬馬，入到大門，有少少似越南feel嘅燈籠掛晒喺度，再配少少七八十年代風設計，餐牌就做到好似上海雙妹嘜果隻，坦白講就真係搵唔到個風格同焦點。唔講裝修講食物啦，鍋底我哋揀咗雙併，一個要咗胡椒蘿蔔牛蹄筋湯，另一個就係清酒蜆。我幾鍾意佢個蘿蔔牛蹄湯嘅，店員會拎住一大條牛筋喺你面前即刻剪啦個鍋嗰度，個體驗都幾好食物方面，我哋點咗牛腩心同吊龍，餐牌寫到明係騸牯牛，坦白講食落去唔算特別好食。另外叫咗西班牙黑毛豬同埋羊肉，味道都係一般。其中一個覺得幾得意嘅，係響鈴午餐肉，即係響鈴入邊釀左午餐肉，呢個都幾好食，不過價錢的確有啲貴，一份都要$128。仲有啲好特別嘅水餃，例如香葉肉碎餃，呢個我都幾鍾意。之後都叫下啲蔬菜同啤酒，四個人，大約每位$750， 呢餐唔算飽，埋單也不算抵吃，味道屬OK，有啲item 都偏貴，性價比相對低了。評分✴️(五分滿分）環境:✴️✴️✴️食物:✴️✴️✴️性價比:✴️回頭率:✴️…Read More

一直係呢間麵屋嘅鐵粉，得知佢地沙田開左分店，專誠來潮聖😋🤩店舖位於沙田新城市廣場七樓，呢一層好多食肆，但冇諗過呢間咁誇張，十一點幾到已經排長龍！但都冇阻我嘅朝聖決心，照排！😆沙田店最大嘅特色係多咗一個飲品嘅區域，專門買日式手調飲品，唔錯唔錯！我睇網上報導，六月出咗限定口味海膽沾麵同海膽撈麵，呢間嘢啲限定口味，次次都有驚喜。為咗唔好錯過，我今次都係決定食海膽系列去相：呢兩碗可能係我暫時食過（係香港）最好味嘅海膽拉麵/沾麵/撈麵！個人覺得撈麵比較出色🤩真係好邪惡，啖啖都係海膽味。🥰另外叫咗一杯焙茶味芝士奶蓋配焙茶latte，非常正，我自己就好喜歡👍🏻最後試埋佢哋個甜品，呢個都係沙田店呢邊先有，揀咗一杯 hojicha-gato 😋係日本版嘅affogato ，以焙茶/抹茶代替咖啡，一杯仔淋落個雪糕度，仲有口感軟糯嘅和式丸子，非常滿足評分✴️(五分滿分）環境:✴️✴️✴️✴️食物:✴️✴️✴️✴️✴️性價比:✴️✴️✴️✴️回頭率:✴️✴️✴️✴️✴️…Read More

伏了伏了🚁🚁🚁 上星期走入屯門工作，真係好日唔入嚟，第一次行V City呢個場，最主要都係想搵個位安安落落泊低架車。突然拉麵癮起，中午飲完杯咖啡，便順勢走過對面打算食返碗拉麵，就是這樣跌入左伏圈😖先講下個湯，係完全唔Ok ，淡而冇味，我已經係點黑蒜湯，叉燒好肥，肥到要skip🥲咬下隻蛋丫，蛋黃係好熟，真係搞唔掂。試埋佢哋個撈麵，睇埋相已經似一兜人地食剩嘅冷飯菜汁😰唉，汁底同樣是冇乜味，食到我懷疑自己味覺😳睇下pat菜同埋堆竹筍，我已經懷疑人生。唯一比較可取係，麵條屬於比較彈牙嗰隻，除此之外，要賣相冇賣相，要味道冇味道，唉，唯有當好又一餐，唔好又一餐啦。價錢，我也不作評論了🫣大家自己睇吧。…Read More

話說早兩日入咗沙田買傢俬， 行到攰，途經新城市，想落腳嘢食。當時都已經接近收舖時間，四周圍都唔使等位。朋友鍾意食日本菜，結果決定衝入去食天婦羅。打開個Menu，基本上都係冇睇價錢地order 😳海膽呀牛呀帶子呀嗰啲，我哋都叫晒，仲有天婦羅蛋，蔬菜，帶子，總之真係合埋對眼篤，因為真係太肚餓！唔知係因為接近收鋪定點，基本上全部都淋嗒嗒少少凍🫣和牛過熟，海膽腥腥地。而且大部份炸物入口好油，皮好淋，好唔enjoy🫠炸明太子勁咸，然後個帶子一有開勁多水，皮肉分離。精準啲咁講，有啲似去街記買煎釀三寶，不過係收檔前嗰批，就係呢個感覺！當日我哋仲要係肚餓嘅，都覺得唔好味，就知好大鑊。臨尾唯有叫返兩個烏冬食飽個肚就算😵‍💫總之都唔知係自己唔好彩，定還是不嬲個質素都係咁。🫥睇睇件牛真係全熟㗎，好難咬，仲要唔熱，少少暖都冇😟埋單都唔平，唉，所以一定冇下次。😫評分✴️(五分滿分）環境:✴️✴️✴️食物:✴️✴️性價比:✴️回頭率:✴️…Read More

因工作關係出左灣仔，上次以幫襯過一次呢間日本過江龍😏比佢地個山椒味搞到念念不忘，呢日即夾埋同事黎食個快閃late lunch！知佢地lunch 排得誇張，我地當日三點半去到不用排，直入今次我決定試一碗全料東京撈麵，簡單啲講就即係咩都有，至多配料果碗。而同事就食返我上次試過嘅山椒撈麵 肉之地獄，同事非常驚訝，因為真係料多到爆 🤩比起出邊啲拉麵沾麵店，叉燒一片、粟米幾粒、芽菜幾條，我覺得呢間真係誠意十足，料多過麵咁款喎，有邊個做到？😬👍🏻👍🏻👍🏻今次個全料撈麵真係冇令我失望，少少辣，勁過癮勁上癮，重口味人士一定啱食zoom近個炙燒叉燒比大家望埋，堅好食！💯💯💯💯💯💯呢一款我覺得係必食，跟返佢提議個食法，食到咁上下加啲黑椒，再加啲昆布醋，越食越醒胃，早知叫L size! 不過臨尾可以俾你加個白飯仔，免費嘅🤗今次真係快閃，食完嗱嗱聲走人。原先冇諗過再寫食評，不過呢間過江龍咁有誠意，值得再推薦！評分✴️(五分滿分）環境:✴️✴️✴️✴️食物:✴️✴️✴️✴️✴️性價比:✴️✴️✴️✴️✴️回頭率:✴️✴️✴️✴️✴️…Read More

上星期有日本朋友訪港，點名想食大排檔。原先都想帶佢哋去新界區啲傳統大排檔，但得知朋友book左港島區酒店，同行仲有佢位靚靚女朋友，疊埋心水揾間有冷氣又坐得舒服嘅港島區大排檔豪吃一餐😉千挑萬選決定黎楚撚記😎裝修新派，又有小炒嘢食，至愛呀！話明豪食我地都冇手軟，六個人，十六道菜1.《原隻脆皮炸豬手》必食推薦👍🏻🤩2.《豬油撈飯》真係冇得輸❤️3.《清炒雜菜》日本朋友大愛4.《豉汁排骨陳村粉 》所有人一致比滿分💯5.《鼓椒炒蜆》扣分之作全碟都係殼😤6.《燕麥金沙蝦球》好細碟但好食7.《激辣避風塘水魷》真係好辣🌶🌶8.《菜甫銀魚煎蛋角》太咸 可以skip 9. 《啫啫生菜》水準ok10.《土魷肉餅》即叫即整正常發揮11.《椒鹽豆腐》太細粒亦不夠脆12.《椒鹽魷魚》好食好食😛13.《沙拉骨》都係正常發揮！14.《炸豬大腸》我冇食但朋友話味道一般15.《手工啤》伙記都係推介返我哋飲普通啤16.《烏梅汁》非常解渴解膩😍上傳不到全部🙈總括嚟講都係值得回頭，好幾度菜式都令人好難忘。👍🏻👍🏻👍🏻評分✴️(五分滿分）環境:✴️✴️✴️✴️食物:✴️✴️✴️✴️性價比:✴️✴️✴️✴️回頭率:✴️✴️✴️✴️…Read More

好日都唔去香港仔，難得出咗嚟梗係要試啲地道啲嘅嘢。自己不嬲都鍾意食粉麵，香港仔出名食海鮮同魚蛋粉。聽聞而家已經好少人真係上去啲艇仔度食碗粉，亦都有好多艇仔小店上咗‘岸’😆得到香港仔居民嘅推介，我就嚟咗呢一間喺鴨脷洲大街嘅艇仔粉店幫襯幫襯。一場嚟到當然要試吓佢哋Number one招牌艇仔粉 Menu見到佢哋主打大地魚湯，喺香港比較少見。topping 大家一眼睇晒，有啲叉燒,炸魚皮,魚蛋紅腸等等。食呢碗嘢一定係嘆個湯頭，餸對我嚟講真係其次。本人覺得湯底唔錯嘅，好鮮，亦好香胡椒味👍🏻同行朋友叫咗一碗呢隻XO醬撈麵，坦白講個碗就麻麻哋啦，蒜蓉味好勁，咸，冇乜特別，都係推薦返大啲魚湯系列。評分✴️(五分滿分）環境:✴️✴️✴️食物:✴️✴️✴️性價比:✴️✴️✴️回頭率:✴️✴️✴️…Read More

千祈唔好以為好格攝，其實海洋公園站一落車已經可以有穿梭巴士去到酒店門口。不過懶惰如我梗係搭的士啦😆之前已經黎過staycation ，房間全海景很有feel，而且全新嘅裝修亦都好簡約摩登，非常滿意！今次週末嚟嘆港女Tea。講真價錢真係唔貴，六百幾蚊兩位，重點係餐廳環境非常闊落，裝修都好有渡假feel，一推出個玻璃門，飽覽成個海景，淨係呢個view都值回票價啦！食得多呢啲tea set，其實我都冇乜要求。有啲鹹點其實已經好開心😆😆起碼唔使由頭甜到落尾。不過不得不讚，甜品都做得好精緻，尤其是呢個桔仔🍊英式鬆餅都有一大籃，值得黎。👍🏻👍🏻評分✴️(五分滿分）環境:✴️✴️✴️✴️✴️食物:✴️✴️✴️✴️性價比:✴️✴️✴️✴️回頭率:✴️✴️✴️✴️…Read More

知道係舒淇開，如果唔係見到佢有蟹黃麵我應該未必會去😆IFC店細細間但夠開揚，我叫左心水蟹黃油拌麵，另外試埋胡麻棒棒雞拌麵同鮑魚花膠濃湯雞麵呢三款。蟹🦀️呢個最正，都算足料👍🏻蟹黃控必食！至於胡麻嗰款就好普通，同雞絲粉皮啲未根本就一樣花膠濃湯就直頭唔推薦，相都冇影，個湯好清，白晒晒咁，味淡，完全滿足唔到鍾意飲湯嘅我:(麵質就一般，冇乜太大驚喜。我地再order左兩杯茶飲，不過不失，回頭率不大。評分✴️(五分滿分）環境:✴️✴️✴️食物:✴️✴️性價比:✴️✴️回頭率:✴️✴️…Read More

越嚟越多餐廳開入大角咀，成個小區多左勁多特色嘢食。今次黎到食吉列同串炸嘅吉勝，星期日中午去都好鬆動，不用等。一望menu，我會形容係雜不甩乜都有：吉列、串炸、壽司、刺身、鍋物、湯麵、串燒、魚生丼咁。價錢真係非常平民！食左一個熱soba, 呢個就非常之一般，啲麵好似煮得淋過頭😳。到左串炸，我點左芝士、蓮藕、牛肋肉、豚肉、蘋果、紫蘇雞、海膽豆腐等。食物味道尚可，幾喜歡個牛👌，不過都幾細串。其中啲竹簽好油呢個真係值得改善，一揸成手指油淋淋個感覺唔太好。之後仲點左幾件壽司，都係合格嘅。以呢個價位黎講係無得彈了，不能要求更多。總結係講價錢親民係賣點，食物只屬OK，後生仔員都幾nice，唯一環境有少許扣分係洗手間好多飛滋仔😓，不過整體做街坊生意應該無難道。評分✴️(五分滿分）環境:✴️✴️✴️食物:✴️✴️性價比:✴️✴️✴️回頭率:✴️✴️…Read More

而家人人都話去日本，仲未抽到時間飛唯有係香港食下日本嘢止渴😬而極少踏入鰂魚涌嘅我，因探朋友而發現到呢一間餐廳！星期六中午時段過去都要排隊，等左一張枱就入座。餐廳裝修好日本風，非常有居酒屋feel ! 而且周圍都有海布同日式小攞設，係有放心機嘅😎😎😎而呢間餐廳比我覺得最吸引嘅一定係價錢啦！CP值高，我點左特上呑拿魚蓉丼，唔好理佢係用加拿大定口本海膽先，成碗都好豐盛收費都係百幾蚊😍比大家睇睇實物，三文魚子雖然冇相咁多，但啲吞拿魚蓉真係堆到山咁高！😝😝😝味道ok嘅！成件事感覺到有心有誠意👍🏻朋友唔食生嘢就叫左滑蛋吉列豬扒丼。評分✴️(五分滿分）環境:✴️✴️✴️食物:✴️✴️✴️性價比:✴️✴️✴️✴️回頭率:✴️✴️✴️✴️…Read More