sheleyhehe's Profile

大半年無黎食鮮選，都係記掛住哩到嘅火炙鰭邊(左口魚裙邊)，因為以前食都係覺得佢油脂好夠，又大塊，所以返黎回味下。今次夜晚差唔多 7 點半黎拎飛，等左一陣就入得，都有啲驚訝，因為以前要提早一兩個鐘過黎拎飛先有位。一連嗌左 3 碟火炙鰭邊，滿心期待等佢黎。等左兩個字，終於黎第一碟 點知.... 係咁嘅樣....其中一件舊飯得一半，塊左口魚邊仲碎上，好似跌左落街咁，有啲驚驚地。但係好彩地跟住黎埋另外兩碟，又正常喎。最後有職員埋黎見到，都話做咩舊壽司咁樣嘅 幫我地取消左佢，叫我地再嗌過一碟。其餘嘅左口魚都正常 油脂滿滿另外一個吐槽位就係有其他人都講過，個茶壺壞左 正常就咁推個出水口係斟唔到水，因為佢太肥。整體水準都比大半年前下降左，有待改進呢…Read More

本來到了長洲後打算掃街吃小食，不過因朋友十分推介這間餐廳，看到食物和環境的照片都不錯，所以一到埗就立即到這間餐廳先試試。起初真的十分期待！一坐下掃完安心出行後，隨即要求掃描針紙，店員用電話掃描完針紙後，我看到有一個剔號，所以我目光已經集中在餐牌上點選菜色。豈料店員卻說打一針不能堂食！我已經心想，莫非自己記錯日子，已經 5 月份？因為明明 4 月 30 日後，才需要打兩針才能堂食。所以我即時向店員示意這項資訊，店員隨即步向水吧的另一名店員詢問，回來後卻稱店長說需要打兩針才能堂食。我再次表明 4 月 30 日後才需要打兩針，5 月 16 日才需要打三針，結果店員支吾以對，最後不斷重覆需要打兩針才能堂食。這種自我審查行為真的不能接受，儘管環境同食物好像不錯，但態度和行為完全不能接受，完全影響我全日在長洲的心情。不可一，不可再，沒有嘗試這間餐廳的理由了。…Read More

本身同朋友諗住近近地試下哩間韓式 BBQ，佢上爐果下幾似炑八，又有爐邊蛋，點知原來係伏。。。嗌左個牛肉套餐+部隊鍋同埋一個火山芝士泡菜炒飯。個爐黎左之後個侍應倒 d 好暗黃色既蛋汁出黎，已經覺得怪怪地，不過諗住食住其他肉同飯先，就無理到。食完個個泡菜炒飯覺得幾好，微辣，加埋炒飯上面既蛋，都可以叫好食既。牛肉套餐 d 肉尚可，都幾 juicy，但係稍微甜左 d，應該落左糖。套餐送既部隊鍋個湯有 d 鹹，不過還接受到。而 d 蝦就真係太鹹了，食左一啖就頂唔順。。。食到一半，見爐邊蛋仲未熟，就搵個男侍應過黎問咩事，佢幫我較下個火就算。（本身已經較到最大火）再隔多陣，搵個女侍應黎，直頭佢都唔知發生咩事，我問佢點算，佢無應我就行開左，本來諗住佢會搵人黎幫手，點知無返過黎。。。到我食哂埋單，都無熟過。。。埋單我俾左張卡，隔左兩分鐘，有個男侍應走埋黎問我係咪埋單，然後拎住張 receipt 俾我，連張卡都唔見埋，我連名都未簽過。。。我再問另一個女侍應，佢先話幫我睇睇。跟住再隔多 5 分鐘，有個裇衫男人拎住我卡同單黎俾得簽名。。。睇佢個樣似經理，哩個時候我同佢講話我地由食開始到依家，d 蛋都無熟過，佢問我有無時間，話幫我換過。。。跟住仲話下次想食蛋既可以叫佢地唔好用網爐，換個板爐。。。大佬，鬼知你咩爐打咩爐。。。已經嬲嬲地，起身離開既時候見到其他岩岩黎既客人都係用網爐，都已經熟左。。。哩間我諗真係可一不可再。。。太差勁了 ！！P.S. 佢 d 水，有種奇怪既味道。我個肚對哩 d 好敏感，返到屋企有種唔舒服既感覺。…Read More

老實講, 太失望... 仲諗住迴轉壽司差極有個譜, 點知原來真係可以差到去哩個地步... 雖然話碟碟 $8, 但唔代表可以粗製濫造...由我企係哩間野門口開始, 原來已經係錯既決定...我禁左幾次自動門個制, 個門都開唔到, 之後坐低見到迴轉帶上面 d 壽司款式, 比起屯門或者其他分店都少, 唯一比其他分店優勝既, 就係得門面夠大...望多兩望, d 壽司食材既質素差不特只, 好似已經擺左唔知幾多個鐘都無換過... 可能閒日既迴轉壽司真係咁, 但睇得出係迴轉帶上面 d 壽司最低限度放左 3-4 小時... 某幾款壽司已經放到抽乾左水, 尤其是海膽壽司, 好似蝦膏咁樣, 毫無色澤, 但咁岩屋企人想食海膽壽司, 諗住揾師傅整過碟, 就同佢講話要碟無青瓜既海膽壽司 (佢每碟都有兩塊青瓜鋪面), 諗住佢識趣整過碟新既... 點知個師傅隨手就拎起迴轉帶上面其中一碟, 就咁夾走兩塊青瓜就俾我地, 就連舖平 D 海膽都無 (有可能係因為海膽已經硬左), 就咁0係舊壽司上面有個空位, 仲要三個師傅望住我地係咁笑, 係好唔禮貌咁笑果隻, 果下真係嬲到爆... 當然, 有部分壽司尚可接受, 例如三文魚壽司, 間中亦有些有光澤, 脂肪不太多的... 但有些實在不堪入目, 暗色, 乾水, 甚至連紫菜都還未包好, 一夾起來就散的也有... 雖然食迴轉壽司真係考眼光，睇你揀唔揀到一碟靚既壽司, 但係當每一碟份量都參差不齊, 就更顯得哩間店不入流, 以鰻魚壽司為例, 每一鰻魚0既大小都唔同, 有些小到只有手指尾兩個小節般, 有些就較長一點.... 即使不談大小, 論味道, 除左揀到果碟靚三文魚之外, 其他我和屋企人拎既壽司, 飯沒有味道, 魚沒有鮮味, 到底知否壽司為何？爭鮮為何？…Read More

初頭打電話去問價錢果陣，聽落都唔算貴，普通意粉飯都唔過一百蚊，而且又有野玩，所以最後都決定左食哩間。BOOK 左 7 點位，因為樓下排隊搭 LIFT 等左差唔多廿分鐘，但係上到去果陣，成個場好空，好似得我地一枱咁。坐落都幾舒服既，但係可能有 D 太靜，而且坐左十幾分鐘，一杯水都無，要問先有 如果可以一開始就問我地需唔需要水會好 D...跟住嗌野食，個價錢以同類 Cafe 黎講都算抵既，SET DINNER 有湯有蒜蓉包，加 18 蚊又有野飲，但係好似我地太早去，侍應姐姐話未煮到湯，要夜 D 先有...而且碟野黎到既時候，我同 D 朋友都覺得份量幾少下 不過食落味道都幾好食，味道濃郁，天使麵煮得硬度適中，顯得比飯好味...如果個份量可以多返 D 就更加好，同更加抵食。講到玩野，都有 D 普通既棋玩下既，好似 UNO 呀，層層疊之類，同埋有飛標玩，哩個起初都有少少期待，不過好似要入錢先有得計分？同埋枝標好易斷，而且本身已經好多標斷左個頭，插唔到入個靶，搞到有 D 失望...不過環境都幾好，光線都足夠，可能因為我地去果陣無咩人 (應該話得一枱)，所以唔算太嘈，而且又有得揀位坐...0係 FACEBOOK 打卡仲有九折，最後 6 個人嗌左 7 個飯同意粉，埋單 $600 有找... 以 Cafe 黎講算係咁啦~不過期待可以有更好既服務，同埋希望下次侍應姐姐可以一齊玩遊戲 …Read More