想食好野既苦孩子's Profile

公司岩岩搬黎石門，因為個人病病地就冇出去搵野食，見呢度可以WhatsApp叫定又近近地就訂定個飯拎返公司食。一打開見到勁多雞，個飯熱辣辣，賣相外賣黎計真係算係咁。雞夠滑又夠味，飯都好香，食到停唔到口，咁大盒都食得晒不過勁飽，50蚊好抵食👍…Read More

我同先生都好鍾意食印度菜，成日都去重慶大廈同其他地方食咖哩。重慶大廈就有三四間都食左成十幾年，見有網路紅人拍片去呢間新德里食我地又未幫襯過就試下。上到黎冇乜人，睇餐牌價錢唔貴。之後越嚟越多人就開始要搭枱，但就冇搭到落我地果張所以都坐得幾舒服。因為唔算太肚餓所以叫得唔多野，結果野食我地都覺得below average。叫左一個薄脆，兩隻咖哩角，牛油雞，羊肉，烤麥餅。薄脆佢再焗過黎都脆口，但個dip比較淡。咖哩角好細粒，而且好新鮮熱辣辣，但可惜好淡唔夠香，入面啲薯仔好淡色冇乜香料味。我落樓下商場買件整返熱仲好食。牛油雞同羊肉就正常發揮，唔特別好食都唔差。不過香蕉同芒果lassi好味順帶一提個老闆態度麻麻地，俾錢時話冇收加一好抵但最好俾多啲不過就「up to you」，找錢時一路同第二枱講野一路背面反手塞個錢箱俾我，可能見我地冇特別叫咩貴嘢啦。總括，唔會再幫襯，如果鍾意清淡可以一試，但清淡口味不如唔好食印度菜。態度亦都係咁耐試過最麻麻。…Read More