Catherine 0416's Profile

端午節媽咪想食日本菜，於是就膽粗粗推介呢間餐廳，一開始擔心佢唔中意，結果佢好開心。一出餐廳環境係靜同舒服，餐廳座位唔會太逼，就算坐Bar枱都係得6個位。餐廳服務唔錯，會問客人想食咩，會唔會考慮食omakase。點菜就會同你安排曬食咩先，重會話可能太多食唔曬，建議客人點餐分量，另外，壽司反而安排係主食，唔係一開始無耐就食。A5佐賀牛刺身：個人嚟講比較少食牛肉刺身，不過今次真係有驚喜，牛肉係新鮮，然後重有唔同配料令你食到唔同層次同味道。金星豚肉沙律：所有蔬菜都係從佐賀直送，蔬菜新鮮，小蕃茄甜。海膽山芋素麵：用山芋整素麵係第一次食，感覺不錯。炸牛蒡同天婦羅牛蒡：第一次食唔錯，炸牛蒡有少少過火，下次注意返就ok燒柚子味噌飯糰：柚子味好重，食完都唔覺得heavy雞油炙燒雞腿肉：雞腿肉好嫩好惹味，下次會試埋香草油。豚肉蘆筍卷：蘆筍新鮮鮮甜咬落多汁燒雞頸肉就無特別磯煮鮑魚：鮑魚佐賀空運到港，鮑魚唔韌好食，下面鋪左昆布吸曬d汁，正。特選壽司盛合8件：魚類新鮮，絕對會再食。呢一餐好滿足，一定會再去！餐廳7月會轉新menu，一定再去！…Read More

之前一直都想去試呢間餐廳，因為日式法國菜，加上東京分店拎左米芝蓮。前一日餐廳打電話嚟confirm booking,好貼心詢問有咩唔食或者敏感。去到餐廳門口，reception非常有禮貌有笑容，介紹open kitchen同餐廳環境。整體嚟講食物係新鮮好味，每次上菜都會好詳盡講解菜式材料係邊到嚟，等食客了解多d。餐廳服務無得頂，真係非常好。環境對住海景用餐，心情都靚d。餐廳有private room，lunch最低消費$6000,dinner就$12000,適合朋友聚餐或者慶祝紀念日下次一定會再嚟食午餐同晚餐。…Read More

第一次光顧鮨福助，餐廳環境寬敞、乾淨、寧靜，適合朋友一邊傾計，一邊享用餐點。同店員傾計，知道剛剛換上一個新日本人師傅，師傅好認真好有心機，會先問有咩唔食，有咩特別中意食。晚市廚師發辦有880，1280，1680，2000（2000係需要提早預訂）。今晚就揀左1680套餐前菜三點，海膽新鮮，鴨胸好味。然後有三文魚子，三文魚子係師傅自己調理自己醃製，平時食大多數係醬油漬，會偏鹹。但今次呢個三文魚子唔太鹹好鮮甜。磯煮鮑魚：鮑魚烹調時間控制好好，唔會過熟，而且用鮑魚肝臟調製醬汁，非常好吃。然後刺身兩點，食得出係新鮮飛機貨，中吞拿魚腩非常好味，無筋。鰹魚係用禾稈草去燻燒，只有魚邊係熟再配廚師調製醬汁完全唔覺得有腥味。廚師就安排一隻蒸蠔同燒蠔，蠔肉厚身，好新鮮，無加任何調味去煮，只係食嘅時候加檸檬汁提升味道。壽司七件加玉子燒：玉子燒口感同平時食嘅唔同，今次食就覺得偏向蛋糕口感，但係同平時食嘅唔同，無好甜感覺。壽司整體係新鮮，最滿足係大拖羅，入口即溶好滿足。燒北寄貝：食得出係飛機貨，非常新鮮唔需要再加任何調味。燒銀雪魚：魚係新鮮，燒嘅火喉控制得好，好多魚油。三文魚子海膽小丼：三文魚子鮮甜，海膽用火槍輕輕燒過，好好味。甜品係日本蜜瓜，為呢個晚餐劃上圓滿句號。整體呢講1680套餐非常多嘢食同好味，廚師用心烹調加上食材新鮮，令到我覺得值回票價，下次會想試$2000套餐。同店員傾計知道星期二，四，六都會由日本空運食材到港。另外餐廳每個星期三休息，星期一，二，四至五晚市用恆生或者中銀信用卡可享9折。…Read More

之前一直想嚟食，因為覺得Gordon Ramsy管理餐廳應該唔錯，但事實上真係有d失望。食物同環境希望有進步。同朋友補祝生日，我地5個人order左chicken popcorn, Fish & Chips, Rib Eye,千層麵，beef burger同青口。Chicken Popcorn:非常好吃，醃肉香料好惹味加蛋黃醬一流。Fish & Chips:魚肉感覺唔多新鮮，因為無魚香味同魚肉比較鬆散，失望。Rib Eye：點左Medium，但係受熱唔均勻，8成地方粉紅色，2成係過熟，變相前軟後硬，雖然係咁，不過配鹽提升到牛排味道，都有70分。千層麵：非常好味，好濃菇味，係今餐最好食嘅餐點。Beef Burger:牛肉同包都係偏乾。靑口：靑口個汁沾麵包好match,但係青口肉非常細粒同有沙，麻麻地。p.s抽氣系統希望做好d，由入座到食完一直油煙味非常勁，食完成身好大陣味，呢樣就係最希望可以改善。…Read More

本身自己好中意狗狗，所以一直想去主題餐廳，結果搵到八哥主題餐廳。一入到餐廳我誤會左係Bar😂😂餐廳好多八哥擺設，牆又有畫，真係超開心。首先點左兩個前菜，日式照燒汁雞翼，原本係雞鎚嚟嘅，不過無貨。本身好抗拒照燒汁，因為成日食都覺得好甜！不過今次好有驚喜，因為雞翼烤得好脆，其二d汁搽上去先烤，非常好食。炸魚薯條好好食，魚係非常新鮮，薯條偏油，但係整體唔錯。然後點左三個主菜，煎三文魚扒，燒春雞同卡邦尼意粉。三文魚扒配大啡菇，兩樣都好Juicy，三文魚扒魚皮煎得好脆，魚肉好嫩好多魚油。大啡菇無草靑味，非常多汁。燒春雞烤得非常嫩，雞皮非常脆，第一次食燒春雞食得好滿足。卡邦尼意粉唔漏，上次有隻溫泉蛋好正，mix埋超好食。甜品order左八哥栗子慕絲蛋糕，係成隻八哥造型上枱非常可愛影相一流，重點甜品係唔太甜唔錯。嘢飲order左英式鮮檸檬梳打同朱古力咖啡。朱古力咖啡上面八哥造型，重點朱古力咖啡唔太甜，朋友擔心太甜所以落order前問問店員，店員話唔太甜，如果擔心太甜就落少d朱古力粉，非常貼心。p.s 整體嚟講呢間餐廳值得再去，食物質素高，重要店員服務非常好同貼心。我地係到諗主菜點解重未上，店員話等埋你地食完前菜先上主菜，而且主動換碟，所以真係一定再去…Read More

之前都有幫襯左油麻地分店幾次，丼飯味道好正，刺身好新鮮，價錢合格！外面好多主打丼飯店舖，但係價錢同質素唔成比例！但係呢到真係無令我失望！每次都點相同丼飯，味道一樣無變！侍應服務唔錯！下次一定會再嚟！…Read More

老夫子餐館！之前上網睇下評語發現好壞參半，最後都係去試下！結果好唔錯首先飲品賣相唔錯，唔太甜！然後點左一個炸雞柳條，非常新鮮同熱辣辣🤣🤣再點左個燒春雞同鐵板豬扒！燒春雞非常juicy，無雪味！值得一試！最後點左窩夫，大滿足…Read More

團年飯食咩好？媽咪想食日本嘢，上網睇到評語後即刻訂枱，放學即刻去食！吞拿魚腩同海膽！吞拿魚腩只係切得比較厚，油份唔夠海膽少少出水，無苦味腥味雞泡魚乾，燒得香口，無過火燒明太子：ok，無特別燒目仁奈：魚肉好滑，無過火，very good燒牛舌：牛舌好lum,加埋醬，好好味熊本和牛串：醬汁完全蓋曬牛肉味，而且落order無講係鹽燒定汁燒燒芝士年糕：好食，芝士流心，perfect燒貝，好鮮甜！整體都ok，不過員工態度可以有改善空間…Read More

之前一直聽到朋友講呢間餐廳非常好，終於去試下，結果無令我失望！海鮮全部好新鮮，食燒魷魚有一碟三味醬料，結果係非常match，另外order左一客海膽，海膽新鮮有甜味，唔錯！職員服務態度一流，而且掌握燒海鮮技巧，唔會燒到過火！環境嚟講坐得舒服，不過就有d嘈，比較多大陸人二人前海鮮拼盤，加80蚊轉新鮮帆立貝明太子玉子卷，非常好食！！清酒煮帆立貝…Read More

原本想食隔離間cafe,不過晚餐menu有好多款都無，就試下呢間，當晚得一枱客！order左鹽酥雞便當，烤雞腿便當，炸拼盤鹽酥雞粉漿薄，啖啖肉又juicy,完全無油益味，唔錯，不過底層滷汁就唔太夠味雞腿便當，雞腿肉好嫩，無雪味，唔錯拼盤就有炸豆，杏鮑菇，甜不辣，同鹽酥雞，花枝丸半粒，杏鮑菇同鹽酥雞較為出色，杏鮑菇完全無靑味，粉漿薄，咬入去有針流出嚟整體係唔錯，可能舖頭位置比較入，所以比較少客…Read More

講左去天后搵食都好幾日，終於起行喇，由於我自己遲到，以為餐廳已經下場，結果係15：00下場，14：30入左去食，好彩職員俾我地入去，等我地試到好正流心蛋包飯！ 叫左一個海鮮流心蛋包飯，果然無令我地失望，蛋真係流心好滑，我揀左咖哩汁，好香d飯mix埋咖哩汁好正囉，重要海鮮好足料，好多青口仔，蝦同魷魚，好正，食到好飽，下次會帶屋企人食多一次…Read More

下午2：00去到，已經無左大阪燒，蝦同豬肉可樂餅 :( ，有小小失望，結果就叫左一個咖哩可樂餅，咁啱係即刻新鮮炸出嚟，好熱，咖哩味好香有薯仔食到小小肉粒，10蚊一個真係邊到搵啊！夜晚行完cwb行返去天后買個便當，其中一個餸可以揀炸雞，豬扒，魚扒，點知炸雞無曬，豬扒最後一塊，魚扒四塊，炸薯仔都係得返好少，真係好好賣，個陣只係夜晚7：00！便當：30蚊完全抵食，真係好飽！ps:大家可以去試下，真係好食，睇到老闆月曆，早幾日係小學搞左2000人event，好勁…Read More

今日姨媽放假，於是同佢搵食，原本姨媽想食咖哩，我話試下呢間，其實我想試好耐，每次條隊真係好長！今日叫左炒雜菜，水牛城雞翼，芝士焗薯皇，黑松露芝士焗海鮮飯！水牛城雞翼：味道有d酸同辣，雞翼都算大隻，order個陣店員好清楚講左因為今次返貨雞翼大隻左，所以由5隻減到4隻，我地都ok！炒雜菜：無影到相，不過雜菜入面有紫椰菜，完全估唔到，d菜炒到爽口，唔錯！芝士焗薯皇：芝士味濃，薯皇新鮮炸出嚟，又唔油，好食！黑松露芝士海鮮焗飯：份量足，好多芝士，海鮮足料，有半塊魚柳，有蝦有魷魚，炒飯底係即炒因為唔會太乾身！老闆係年輕人，睇到d餐牌嘅設計同醬汁都係好有創意，完全感受到佢地用心去整，雖然舖頭好細，但係都吸引到咁多人去排隊去試，證明的確係有水準同用心製作，所以下次一定會再去食支持下 …Read More

當佢開左之後，基本上聽到長期都要排隊消息，今日終於去試，星期日下午唔洗等位，即刻有得坐，order左煎餃子，叉燒飯，2碗神虎拉麵，結果真係好好食，係用心製作，所以先咁多人排隊等咁耐都要食煎餃子： 皮薄餡靚，夾起都無穿到，重有汁漏出嚟神虎拉麵：湯濃味，不過真係好正同日本食嘅拉麵無分別叉燒飯：我第一次係拉麵店食叉燒飯，結果又唔錯，好飽ps:店員服務態度好，有咩都幫你，亦會推介同介紹唔同麵分別 😍😍😍…Read More

早排雜誌係咁介紹呢間舖頭，我食左一次之後真係去完一次又一次，甜品真係用心製作，亦會問客人意見作出改善，希望可以keep住水準，吸引多d人去食賣相同味道一樣好，真係食完一次又一次…Read More