m_hippo's Profile

行過見到依間餐廳裝修得幾精緻，以為好貴。睇下餐牌，原來下午茶只係$30+，見到餐廳又有唔少食客，所以嚟試下。下午茶餐嘅食物，大部份係碳水化合物。薯角+意大利飯+脆皮腸-唔夠咸，我見其他食客都有問侍應攞鹽。侍應服務OK,環境都過得去，但係餐廳冷氣唔夠，食完個下午茶，我已經成身汗。…Read More

為左食夠$900做會員，今日繼續嚟元氣食。12點去到，好彩仲有卡位。叫左個元氣午餐($78)，有麵豉湯，壽司，烏冬，刺生，同蒸蛋，食材新鮮，美中不足係，壽司嘅飯唔係甘似珍珠米。烏冬-爽口彈牙蒸蛋-蒸得恰到好處，味道清新此外，我哋叫左筋子壽司同軟殼蟹卷，都無令人失望。軟殼蟹卷是本人至愛，新鮮熱辣，超脆口。元氣質素穩定，價錢大眾化，超正…Read More

每年中秋節，都會買不同款式嘅月餅與家人分享。今年跟同事們一起試訂朗庭酒店出嘅月餅。由於大量訂購，所以享有折扣。心急嘅我攞到月餅卷，便第一時間拿卷去換領。整個裝潢金碧輝煌，訂的是八個裝嘅奶黃月餅。長形月餅盒分兩層，每層有4個月餅。月餅餡料係奶黃，中間有細細粒嘅蛋黃。唔會太甜，容易入口，但餅皮偏濕,質素只屬一般。…Read More

每次生日飯，都會揀間有特色嘅餐廳試。Opera House 開左無耐，餐廳分兩層,地下有酒吧。裝修簡單，樓梯掛左D威尼斯面具。今次我哋坐2樓。頭盤 蝦賣相麻麻，但整體食物不錯餐包:熱的，有多種囗味，顏色吸引蘑菇湯:濃郁，好足料紅蘿蔔湯:比較遜色薄餅偏乾:味道一般，沒驚喜意大利飯:一粒粒,有口感,仲滲入了濃濃嘅鵝肝香味羊架:肉質嫩，不羶價錢中上，食齊3個course大概$450+。整體環境唔錯，但比較嘈吵。大部份侍應都似剛入行嘅年青人。佢哋雖然唔熟手，但做嘢好有heart,抵讚。…Read More

一田大減價，掃完貨，好肚餓。 見到韓食家，唔駛等位，便衝左入去。班侍應真係好hea,有企係度發呆，有顧住互相傾偈，無service可言，水都唔俾柸，亦無人嚟問你食乜。炸生蠔麵豉湯薯粉絲餐—炸生蠔好濃油味，好細粒蠔，麵豉湯好淡味純豆腐海鮮辣湯定食—材料豐富，豆腐好滑,辣辣地，餸飯好啱泡菜豬腩肉豬骨濃湯麵餐—豬腩肉好味，份量足好彩D嘢食都算OK,鬆囗氣…Read More

正當客人迷失在美食時,服務員似乎都在工作中迷失了。這裡是大阪,大家在大阪都迷失了。餐廳地下係食鐵板，上層係食一般料理。到達餐廳時，系7点左右，但餐廳已8成滿座。打開菜譜，壽司拼盤、刺身拼盤$300以上，魚生壽司大概$70兩件，定食$130以上，價錢中上。星期日同公眾假期有8折。1)刺身拼盤嘅樟紅魚真係好肥，好新鮮，海葡萄很脆，帶孑超鮮甜，吞拿魚嫩。魚子和三文魚就相對遜色。2)跟住上嘅壽司拼盤，要"嘩"一聲。兩片好似肥猪肉嘅Toro,令人流晒口水。海膽雖然大片，但唔夠新鮮，唔夠肥，無甘甜味。3)想食熱嘢，叫左個雜錦鍋定食,份量十足，有帶子，蟹腳，蠔，蜆肉，粉絲等。嘢食好但服務就有進步空間。佢哋係有禮貌地馬虎同唔識處理嘢。漏單已算小事。係晚餐的兩個小時，發生了一些蝦碌事。服務生不小心弄跌客人手機，係外殼同電池也跌到掉出來嗰種。接著，又有服務生結賑時，失掉信用卡事件，擾攘了很久，嚇壞客人，也浪費了客人時間，仲好意思問客人有無另一張信用卡簽賬。最搞笑係餐廳方面好大聲話唔見左張信用卡，在場所有食客都可以聽到。好彩最後揾得番張卡，但餐廳方面好唔識做，浪費左卡主時間，折頭都唔俾個人。可能太忙,做到迷失了。…Read More

朋友生日，揀地方慶祝，選左幾個地方。由於有餐廳已關門，有餐廳星期天不營業，最後揀左依間樓上鋪。一開門就係餐館入口，地方唔大,裝修簡單。黃金燻蛋—賣相靚，可惜食落有燶味蜜汁火方(必食)—夾餅配腐皮和肉乾原來可以甘惹味酸辣湯—味道調教恰到好處，有鮮味銀絲卷—質地軟滑，美中不足係不見"銀絲"，失去銀絲卷的特色黑醋松子桂魚—黑醋汁雖然甜了點，但味道比一般甜酸汁清新咸肉津白—ok韮皇雞絲兩面黃—太濕，份量小鳥巢窩貼—餡料十足高力豆沙—唔會太甜，可惜唔夠鬆化，豆沙太小。拔絲香蕉—賣相好靚，上枱後，侍應再用冰水凝固炸香蕉外面嘅糖漿，口感豐富。嘢食唔錯，但服務麻麻。未夠9点半已經開始摧我哋走。有位侍應仲大聲講準時開工，準時放工。…Read More

減左兩日肥，突然好想食北京填鴨，但星期五一定人多，搵下搵下就見到呢間新店，就打電話訂位碰運氣。 接線的本來話訂位已滿；突然換另一人接線，叫我留下電話等佢打去問其他已訂位的會唔會取消訂位。 好好啊~我落場時間再打去問，真係幫我留到位！Lucky~訂左晚上6:30, 以為算早，點知上到去八成滿？！因為地方都真係幾細下，其實坐幾枱已經好FULL坐低第一時間同枱底的金魚Say個Hi先~再嚟睇下本Menu同環境，唔錯，感覺如果食物唔OK當食裝修都可以接受。我家兩老過左一陣就到。係冇我帶領之下佢地都嚟到證明呢度相當易搵。本來我地3個坐張二人圓枱，侍應見當時仲有吉嘅4人枱，就叫我地搬過去。好好啊~我覺得有家嘅感覺~我地之後叫左四喜烤麩、大蔥羊肉水餃、北京填鴨同慈禧牛肉手擀麵 (本來仲想叫個拔絲士多啤梨但真係太飽食唔落)等上菜時品茶。大麥茶很香，好奇打開茶壺睇下…弊！有花！我成家都唔飲得花茶會暈。(好彩得幾朵花唔係成壺都係，大家食完飯都只係攰攰地，冇暈到)四喜烤麩: 中規中矩，正常的烤麩，叫呢個貪佢有菇有豆開胃D，對我嚟講油膩左，但如果佢唔係咁吸油就唔係烤麩啦大蔥羊肉水餃: 有羊肉香，但怕羶味的朋友應該都可以接受的。水餃不錯，咬落去水餃皮內有湯汁。 呢個味道好分明: 有羊肉香而不羶，又有少少0既蔥香同孜然味北京填鴨: 少許失望，半隻鴨但點解我覺得呢度好似得個鴨胸/例牌份量咁？冇理由隻鴨嘅脂肪每個部份都咁平均分佈掛。因為我地得到嘅部份太瘦，我家兩老有D唔高興…另外，京蔥係切條，如果係切/刨絲會香D慈禧牛肉手擀麵: 呢餐比較欣賞的會係呢個麵。個麵身好易斷，但又好彈牙；湯頭似紅燒牛肉，但又比較清香D；牛展比較遜色，製作牛展唔難，應該同用料有關呢餐食左$510蚊連茶錢，服務態度好，食物可以更好。就如一開始嘅心態，呢餐當食裝修囉。…Read More

其實好想試雲南人家好耐，奈何我家兩老非常奄尖，食野要坐得舒服，媽媽又怕食蟲，所以一直唔敢提要o黎呢度食。今次膽粗粗問媽媽可唔可以試，佢居然准奏，當然唔可以放過呢個難得機會啦~新蒲崗街道其實好易行，舖頭門面醒目都好易搵。舖頭比較細，所以我地都揀左下午茶時間先o黎，唔係真係會好逼。第一次食當然要試佢個招牌菜：「德勝豆花米線」、「雲南乳餅」及「酥炸蜂蛹」；另加「昆明紅燒牛腩米線」及「黃燜大腸」。「德勝豆花米線」- 老闆娘眼利知道我地第一次o黎，所以教我地要撈勻先食。第一啖入口就覺得個米線口感一流，好彈牙，軟硬適中。多得個豆花，令到炸醬肉碎、酸菜同蔥花掛到上個米線，令人每食一啖都可以食到好惹味0既醬汁；而就可能因為個醬汁太惹味，唔係太食得出豆香。「昆明紅燒牛腩米線」- 我們這一家反而覺得呢個米線仲好食。米線本身已經好食，個牛腩好好味。好味在於牛肉夠肥美，夠腍有油香；最憎o的牛腩瘦到死，o趙到牙都痛。「雲南乳餅」- 老闆娘好似好驚我地怕羶，一上菜就叫我地快o的食。我地好鍾意食芝士，所以一o的都唔覺羶，反而覺得淡左少少；勝在夠奶香。我反而覺得如果當佢好似mozzarella配番茄食應該唔錯。「酥炸蜂蛹」 - 為左食蟲而o黎o既我，反而對呢個菜有少少失望。可能先入為主，平時食開阿詩瑪那邊的蜂蛹，鍾意佢o個種帶杏仁0既香。雲南人家的炸得唔錯，但冇我鍾意0既杏仁味，略帶酸，同埋比較細隻冇阿詩瑪的蜂蛹肥美；但份量差唔多，一樣令我食得唔夠喉(其實係我貪吃0者)。「黃燜大腸」- 明明叫大腸，點解呢度0既伙計係都要叫佢肥腸？因為佢真係好肥。就係因為佢夠肥先夠香，呢度又炆到o的大腸好入味，好好食。呢一餐每人大概55蚊，有特色都算經濟。…Read More

這間餐廳以wedding為主題，門口放左一架粉紅色車做裝飾，十分精緻。餐廳佈置得好靚，好多可愛嘅卡通公仔。本來以為這裡的午餐是$100之下，但侍應話當日只有$158的聖誕 3-course 午餐供應。單點菜式價錢大多在$100以上。我們既然坐底左，決定每人叫個聖誕午餐，提早慶祝聖誕。雖然間餐廳唔算高級，但竟然只有樽裝水供應。天寒地凍，老人家想飲柸熱水，侍應竟然話無！(我想問下佢熱檸水嘅水係點整出嚟！)燻鴨胸田園沙律—燻鴨可以，沙律菜新鮮度普通，沙律汁太少露筍忌廉湯—有露筍味，幾creamy香煎盲鰽魚配薯仔及時蔬 — 煎得幾香，魚肉多汁，薯仔好香牛油味燒澳洲西冷扒配薯仔及時蔬 — 個扒要左medium熟，牛扒肉質鮮嫩，少少調味已經好好食聖誕布甸伴野莓及雲呢嗱雪糕 — 班老人家食唔慣聖誕布甸嘅味道熱啡—幾濃味，唔會酸澀覺得此店有點小家，無熱水供應，食物份量偏小，成個餐食完，都唔係太飽。尖沙咀周圍都有好嘢食，俾E個價錢，未必再嚟食。…Read More

好耐無嚟觀塘,發現左兩間新酒樓--釣魚翁和北斗翁，其實兩間酒樓屬同一集團，結果楝左北斗翁。燒鵝瀬—燒鵝係E度嘅招牌菜，但我唔覺燒鵝味道特別出色。返而瀨粉口感唔錯，好食嘅瀬粉，可遇不可求三色水晶包—3件水晶包3種味道，但我只認得出芋頭味，晶盈通透，外觀吸引綠豆沙—普通馬拉糕—件頭迷你左D,也算鬆化芝士蝦春卷—賣相好醜樣，勝在夠熱上湯鮮竹卷—腐皮好濃油味，餡料可以鴨掌柚皮—柚皮太淋,鴨掌乾左D雪山脆皮叉燒包—包身夠軟，叉燒味道可以煎堆—脆口，唔會太膩蘿蔔絲脆腸粉—腸粉皮厚左D,餡料係一層脆皮加一層蘿蔔絲，有晒口感，有晒層次提下大家埋單時記得check清楚，因為整餐多次出現落錯單同漏單情況。…Read More

住在澳門嘅朋友生日，特別揀左間離碼頭不遠嘅酒樓同佢慶祝牛一。估唔到6：30pm去到，間酒樓已經坐滿人，好彩有訂位。前菜係1小杯花生撈青瓜，酸菜同豆干，可能我肚餓，覺得佢好好食。因為係全女班，點嘅菜唔算多。小黃瓜海蜇頭—油左D,海蜇頭爽口。栗子雞煲—爆左嘅蒜頭真係惹味,雞肉少過骨，我鍾意栗子,好彩有栗子，仲係好鬆化嗰隻。潮州煎伊麵—脆口。涼拌豬腳凍—好似啫喱，一想到有好多骨膠原，我就夾完一片又一片。奶湯鮮枝竹浸菜疏—口感普通，但食完D肥膩嘢，當然要食番D清淡嘅菜。壽包—乾左D,個餡都可以。上菜算快，交通方便，唔太花巧，適合普通食飯。…Read More

嚟醫院為左食嘢,可能覺得搞笑。但此餐廳出名煲仔飯，係好多人都知嘅事實。呢度嘅燒味係自家制嘅。今次我特別係度買左燒腩仔返屋企孝敬兩老。買嘅時候D燒腩仔仲熱，所以好擔心返到屋企D皮已經唔脆。好彩兩老食時層皮仲好鬆化。用嘅係有質素嘅豬肉,肉嘅質地好細緻，有彈性，肥瘦適中。調味方面，唔會太咸。廚師好細心將肉切成細細粒，方便一啖食一粒。因為甘買嘅時候，等得耐少少，但都值得。…Read More

聽聞依間中菜館D嘢好食，難得獅子銀行有8折優惠，帶埋父母一行三人去品嚐。先講前菜3小碟辣茄子—惹味。辣魚仔—魚仔長約1cm,很軟身，味道濃郁，唔知以為係瑤柱。辣豆板醬—普通嘢。至於點心柚皮鳳爪($48)—賣相不美，鳳爪味道一般，柚皮囗感恰好。蝦餃($52)—係好味，蝦肉新鮮，皮也做得不錯，只是沒有驚喜。牛肉脆腸粉—味道清新，牛肉彈牙，廚師只放了很少脆(大概係油炸鬼)係裡面。今次我哋叫左一個小菜配白飯($20)食八珍扒米鴨($200)—依碟菜其實係個大集會，一塊炆鴨肉上面鋪上巨形帶子，斑片,豬肉,木耳同小唐菜。鴨肉調味好係意料之中嘅事。令我驚喜嘅係連小唐菜都煮得出色，軟硬適中，連平時唔食小唐菜嘅我，都食完一條又一條。最後甜品食左山楂卷，山楂味濃，很精緻，不太甜，但彈牙，口感十足。中菜廳嘅環境好優雅，服務生好友善同體貼。見我想影全家福，主動話幫我哋影。上菜時，我要影相寫食評，佢又會好有耐性等我影完先分菜。呢度服務真係一流。…Read More

餐廳位於1881，交通方便，環境好。團購餐，坐低無耐，便有得食。挪威煙三文魚沙律—沙律菜幾新鮮。我哋張枱在開放式廚房旁，隱約聽到黑衫侍應叫廚師唔好落甘多蕃茄。我唔介意你俾少D蕃茄我，但俾我聽到就覺得佢唔夠大體。招牌王子鴿 (一隻)—正！雖然咸左D,但勝在調味極佳，肉嫩多汁。每人半隻，實在太少。天下第一包—义燒餐包，無乜特別。王子蝦餃—餃皮厚薄適中，蝦肉新鮮 。公子燒賣—好多蟹子係面!豬肉彈牙。蘿蔔絲酥餅—內軟外脆，好清新與別不同春卷—好多餡，有蘿蔔，椰菜，香菇等。即局酥皮蛋撻—酥脆，蛋很嫩滑。依度食物有質素，地點佳，果然係米芝蓮級數。…Read More