食家珍珍's Profile

星期三, 放工後要返學, 返學前, 正想搵食之際, 見到這間食店有很多食客, 於是入去睇睇。入到食店內, 看看餐牌, 有很多頗特色的小食和甜品, 有台灣的雞扒和花枝丸呀, 本來想一試, 但因為最近怕熱氣, 於是打消念頭, 還是吃飯較為正氣點吧!六時許,還有下午茶餐, 點了一個意式肉醬龍脷柳飯和一杯當日的特飲, 是荔枝紅茶。意式肉醬龍脷柳飯---- 用碗上枱的, 用上珍珠米做飯, 口感十足, 龍脷柳很嫩滑, 有五、六件, 都算唔錯, 意式肉醬的味道適中, 還附上半隻蛋呢!荔枝紅茶 ---- 凍飲, 荔枝味很濃, OK吧!以23元的價錢來說, 算食得過, 如果穿校服的學生還有學生價啊。我諗下次可以試試其他特色小食~~:)…Read More

這晚又行到這裡開飯, 貪這些就腳嘛!:)選擇了較健康的鮮茄斑腩飯, 連一碗中湯, $32元。飯多得很, 但蕃茄和魚就少了一點, 加上蕃茄味太甜, 似加了很多糖, 我就寧可吃較酸味的蕃茄了, 始終吃糖太多是不健康的。中湯也比較肥膩而且太醎了, 我也不明白為何大家樂的湯次次都是這麼醎的, 廚師大哥, 可否輕手一點呢!!…Read More

星期六行完街街, 唔想返屋企煮飯喇, 求其食飽就算啦。 今日又係食快餐, 平時多數去大快活, 因為比較就腳, 但今日行過這裡, 順路來大家樂試試啦。我揀了粟米魚柳飯, 連一碗例湯, 粟米魚柳飯很大碟, 飯很多, 好彩我一向是大食皇, 所以沒有浪費呢! 如果細食的朋友, 一定要指明要『小飯』呀! 魚柳炸得唔錯, 而且很多件, 入口即散, 很是嫩滑, 讚! 例湯是蓮藕湯, 湯料十足, 但比較咸。這個餐32元, 之前買奧比斯獎券有5元COUPON, 所以只是付27元, 抵食!這次大家樂給我的印像不錯, 似乎比大快活還好, 下次可能會選擇大家樂了。…Read More

今朝同事在這裡買了兩個老婆餅給我為早餐, 其實我從來未在這裡買東西吃的, 因為我平時行過, 多數見到無人客, 所以我也無興趣入去買餅。老婆餅不是很大, 比起平時在其他包店買的細一點, 但味道方面, 原來是非同凡享。朋友給我時, 老婆餅還是熱的, 餅心很軟, 不會太甜, 好味呀! 但外皮太鬆, 食時要小心一點, 很易弄到一身餅!! 聽朋友說, 不用十元有兩個, 都唔錯喎!…Read More

今朝返工前, 無食早餐, 經過美心西餅, 見到蛋糕好吸引, 於是行了入去看看,諗住買件西餅做早餐, 我買了兩件拿破崙, 這兩件拿破崙好大件, 好似比之前的大件, 一咬下去, 嘩!好鬆化, 真係好正, 不過, 嚴格來說, 好似甜了一點! 但都算可接受的。但這個早餐的卡路里應該幾高!…Read More

在APM PALACE睇完戲之後, 行下商場, 見到好多食店, 但又未好肚餓, 於是買盒糯米糍做下午茶。糯米糍有四個選擇, 有花生、綠茶、芝麻和紅豆, 我比較喜歡吃花生, 所以買了一盒, $10元有四個, 價錢合理。味道本身都OK, 不會太甜, 但花生唔夠蓉, 我吃到有一個糯米糍有半粒完整的花生在內, 口感差了一點。其他口味唔知係點呢? 下次再試!…Read More

我經常都會到喜包店買燒餅的, 有多種口味, 如豆沙、花生、肉鬆等, 細細件, 一次過食兩件都不會太膩, 餅質好軟, 出爐時更吸引, 認真唔錯架! $2.50元一個, 但10元有5個, 好抵食, 大家不妨試試! …Read More

今日lunch去了食米線, 餐廳內坐到滿滿, 好不容易才搭到枱。我選擇酸辣湯底, 而餸方面, 我選了牛肉和雞肉。 雞肉好碎, 無乜味, 無雞味又無肉味 ; 而牛肉算幾滑, 。 原來酸辣味好刺激, 又酸又辣, 食到最後, 真係標晒汗, 冬天食一定可以保暖。整體來說, 這裡的米線唔算差! 可以再幫襯的。…Read More