tkc's Profile

嗰日做嘢去到紅磡，搵食去到國際都會商場，呢間人多，去試下。飲品叫咗凍咖啡，一入口，一陣怪味，同個經理講，佢立即換過凍檸檬茶，竟然有六片檸檬，好。雞扒菜飯~朋友話幾ok。牛筋腩米線加餃子~餃子凍、硬，係一早煎咗，牛筋腩炆得好夠腍同埋入味，好。魚湯味較淡，ok啦。每人$42-，都ok啦。…Read More

嗰日食完晚飯，唔多夠飽，經過呢間麵店，去。我叫咗豬腰鵝腸撈麵，(因為我好鍾意食豬腰同鵝腸)麵咬口彈牙，有2個麵份量，幾ok。不過，成碟得"3"小件豬腰同埋好碎而唔多嘅鵝腸，朋友叫咗雲吞麵，都有4粒雲吞，(朋友話雲吞味道鮮)，都係$21，我個碟貴咁多，似乎有啲過份。下次都係食招牌嘢好啦。…Read More

知道佢有吞拿魚推廣，又想食日本菜，去。環境/服務：有高級日本餐廳水準，ok。食品前菜($30/一份)~有三款，牛蒡、南瓜及泡菜，都幾ok。海葡萄($65)~一串串似魚子(其實是海中植物)，在口中爆開，小小鹹鮮，正。冰菜($55)~清甜爽脆，但比較細，以前在另一間餐廳食過大塊的而且味道較濃，不過，都好正。主菜三款吞拿魚壽司($360)~由左至右係"中拖羅","吞拿魚","拖羅"，以"中拖羅"最好食，鮮，油份適中("拖羅"太肥，不過都好味)，根不多，正。拖羅噹($98/一份)~飯加咗碎紫蘇葉，帶起拖羅更好食，原本叫咗一個稔住2個人分，朋友食咗一口，即刻話：「你自己叫多個啦。」炸苦瓜片($90)~以前係另外一間沖繩餐廳食過，呢間菜單冇，經侍應問廚師，話可以。薄薄炸漿，不油而脆口，送酒一流。燒雞翼($120)~燒得香，味道好，不過平均$40一隻，太貴了。加埋枝酒($240)，每人$650-，貴就貴咗好多，不過，啲嘢又幾好食。…Read More

係柴灣做開嘢，又到食晏時間，漁灣街市係附近，去。叫咗四個餸，送例湯，係粟米紅蘿蔔湯，ok。蝦仁炒蛋~蛋香、蝦鮮，明顯唔係雪藏貨(如果係，師傅處理得極好)，超正。涼瓜炆鯇魚~本來想叫"倉"魚，不過無貨，改鯇魚，鯇魚件先走油，再炆，鯇魚件又夠，香，濃(啱我)。另外叫咗雜菜煲，蒸排骨，都幾ok。一人一大碗飯，四個大人食唔哂。每人$40-，好合理。…Read More

係銅鑼灣收工，想食上海菜，記得有呢間小店，去。環境：地方小小，位置不多，坐得幾舒服。服務：得一名女侍應，人手明顯不足，不過好有禮貌，態度好。食品：花生~味道ok。醃蘿蔔~好正，有地庫嗰間上海菜水準，不過，濕咗小小，同埋，醃料沒有清除好，不過，真係好啱我口味。燻蛋~塘心有蛋香，不過煙燻味少咗小小，都好正。麻婆豆腐~味鮮、香、滑、辣，不過豆腐比較淡味(因為係x福類豆腐)，但係好味到叫咗陽春麵嚟撈。陽春麵~食咗大半先記得映相，麵條有嚼勁，好食。煎餃~皮香脆，餡鮮，好。樟茶鴨~有的似臘鴨味，普普通通。酒糟丸子~丸子未煮熟，通知侍應生，佢立即取消，反應快，好。對呢間小店有好感，會再嚟。…Read More

去開筲箕灣，搵地方食飯，又試下呢間。香蔥魚蛋?即管試下(一早估計麻麻)一口咬落去，魚蛋係彈牙，有魚鮮味，可惜...啲蔥影響味道，蔥煮太耐會變黃(影響賣相)，味道亦會變得有些青澀，以我看來，佢嘅"基本魚蛋"會好好多。另外，叫咗嗰豉油王撈粗麵，有啲鹼水味，不過，每款都係$21-，ok啦。…Read More

當日在中環收工，見到呢間好多人，又肚餓，入去食咗先。環境：座位比較窄，不過係中環，租又貴，ok啦。服務：比較不理想，因為"春卷"要"追"單先至來，個檬又係咁.......唉。食品青檸梳打 ($28) ~ 一般，但太熱天時，降溫必須。 咖啡($30) ~ 朋友話唔係咁正。(心急"飲"得太快，冇暘相)牛肉湯河~朋友話一般，ok啦。蝦卷~一般啦，不過大熱天時，清爽嘅蝦卷沾魚露，ok。香茅牛肉檬~15分鐘都唔嚟，要"催"先至有，味道?真係一般，冇乜香味，牛肉亦唔係咁好食。春卷~又係要"催"先至有，不過味道好，夠熱，加香菜魚露生菜包，好味，有以前係油麻地越南餐廳味道。2個人$267-，味道麻麻，唔係咁值。…Read More

班同事話想食咖哩，係東區，怕筲箕灣嗰間多人，去咗呢間。叫咗羊肉咖哩(小辣)+nan(午餐)($40)咖哩味比較濃，油份不算多，羊肉也是濃味，兩者互相配合，不錯，如果是配雞，咖哩就會蓋過雞的鮮味。nan~夠熱，好，凡是烤餅夠熱都已經不錯，沾咖哩汁食，也是合適的組合。$40連湯及飲品，作為午餐都ok。晚餐就可能貴些，有機會先至試其他。…Read More

嗰日完成極麻煩嘅事，朋友夫婦推薦去呢間火鍋，電話訂到位，去。原來樓下滿咗，要上樓上，樓底比較低，但冷氣似乎不太足，較熱。朋友力推蕃茄粟米湯底，重要加蕃茄粟米，不過，湯底都ok，粟米都甜，ok啦。主打係牛肉，叫咗最貴嗰隻，食咗一半先記得影相。牛肉係鮮，不過近三百蚊先得一"中"碟，要2碟先夠，唔係我杯菜。如果有得選擇，下次我會試下平啲嘅牛肉。…Read More

星期六行到旺角，上次冇試魚蛋，今次特登去。先來個魚蛋麵魚蛋同魚片都彈牙，麵都爽口彈牙，湯頭冇上次牛什麵嗰次咁鹹，幾好。油菜(菜心)全走(走油/蠔油)似乎係即淥，菜心冇乜渣，唔錯。唔多夠飽，加多個凈蝦仔餃同埋魚片頭蝦仔餃係菜肉餃加蝦，兩種鮮味都夾，蝦爽得嚟有蝦嘅鮮味，好。魚片頭 ~ 一包包吸滿湯頭，一口一個咬落去，嘩，魚片頭彈牙，湯汁由其中流出，夾雜咗魚片頭鮮味，食到唔想停，超正。下次嚟凈食魚片頭已經ok。…Read More

行開荃灣，又熱又渴，見到有雪榚，去。紫芋+番石榴紫芋同番石榴都比較少見，就要呢兩種口味，"聞"到好香，但係入口，紫芋同番石榴嘅味好少，只係好甜，甜到我呢"為食到死"嘅人都食唔哂，因為太膩。雪榚又好，yogurt又好，都應該有所加物料嘅味道，呢間店，似乎都係麵包好啲。…Read More

嗰日做開嘢，去到粉嶺，咪去呢間食飯。環境：得風扇，冇冷氣，熱到溶。服務：大牌檔feel。食品：豬手米冇豬"臊"，豬手唔算好"淋"，不過都幾ok，豬皮軟，好食，米粉一般，湯頭清而不膩，整體幾好。家鄉肉卷腐皮牛肉碎卷，炸脆， 味濃，蘸喼汁食，都算ok(因為我口味偏濃)。加可樂，$40蚊一餐，都可以，不過，都係天氣凍去好的(我好怕熱)…Read More

嗰日去到銅鑼灣，想食炸豬扒飯，同行朋友一定要再來呢間，原因係佢好鍾意呢到的"自家製青瓜"!!!!!有相為證。佢食完豬扒都要白飯，因為青瓜好食。服務 ~ 比上次好，去到入口立即有侍應生招待，比上次好。講開自家製泡菜，其實，自家製日本泡菜有兩種。左 ~ 木魚大根，比較濃味，大根爽又脆，都好好味。右 ~ 青瓜，比較清，小小草青味，朋友就係鍾意。主菜我要咗有蝦/小豬扒及紫蘇卷蝦 ~ 一般豬扒 ~ 上面炸漿幾好，下面"淋"哂，豬肉味淡。紫蘇烏梅味豬柳卷 ~ 紫蘇烏梅味好合我口味，豬柳肉軟但係冇乜肉味。用黑白芝麻+豬扒汁，都帶唔起件豬扒。如果另外一間嘅"麵鼓汁"，會好好多。朋友要蔥花蘿蔔蓉炸豬柳朋友話開始時好正，但係一凍咗，唔好食。椰菜都保持ok。如果係呢間自家製泡菜+嗰問豬扒同埋麵鼓汁，超正。…Read More

行開去到西區，本來想食羊，但係朋友想食西餐，見到附近有呢間，價錢都ok，去。環境 ~ 坐得舒服，氣氛輕鬆，好。服務 ~ 先問要唔要house wine，我地唔要，見我地好熱，推介Smoother，因為天氣熱，要咗兩杯。薄荷朱古力~小甜，薄荷味比較淡，都ok。Berry Smoother ~ 因為係用雜梅，支飲管都粗啲，朋友話幾ok。主菜附送餐湯，咖啡。先來個湯甘筍忌廉湯 ~ 忌廉不多，與甘筍汁配合，兩種味都可以嘗到，正。好多時要呢樣多，嗰樣多，冇咗平衡，反而唔好食。主菜羅勒西班牙腸扁麵 ~ 食得出用新鮮蕃茄煮汁，同羅勒及西班牙腸炒扁麵，味道好，可惜扁麵煮得未夠，都幾好啦。(好似係)芥末保雲酥焗羊架 ~ 羊味淡，肉比較"un"，帶小小苦，不過，伴碟沙律好爽脆。咖啡 ~ 香，都算滑，苦味少，(部咖啡機功勞)，正。要多件蘋果肉桂芝士蛋糕 有蘋果粒，肉桂味比較少，普普通通啦。跟住見到有人入來要"貓屎咖啡"($220/一杯)，好似好吸引，下次先試。似乎呢間賣啲咖啡比較正。 …Read More

星期六，有事行經灣仔，記得試過呢間小店嘅餅，咪入去。叫咗tea set，係薑汁蜜糖蛋糕。佢地將件cake加咗熱先送過來，薑味不太濃，與蜜糖互相配合，好夾。咖啡係即磨，好香，不過都有小小苦澀味，都ok。一個下午茶$28，都係抵嘅。…Read More