jackychowjp's Profile

食物質素一般，價錢在銅鑼灣黎講都算叫合理。如果講突出既，就係蒜茸蒸排骨，食得「咸」魚抵得渴既我，都覺得極度咸。如果講正常的話，就係個桂花糕，唔太甜又有桂花味，唔錯唔錯。好黎講完食，就講下服務質素啦。簡直未試過飲茶飲到上晒火！無筆問拿筆，侍應藐咀兼飛筆，我以為小李飛刀轉世玩飛筆。之後落單無人理，舉手舉到手痺，餐前運動。跟住仲要落左單成半個幾鐘，第一張單既野可以未黎齊！三問侍應，真係慘過三顧草盧！1）她妙答：「幾樣野係耐 D 架啦」。2）過多五分鐘，她：「比單你，都話你有落！」。再過五分鐘，她：「我咩都唔知，你自己問經理啦，麻煩」最後我彷如瓦奴瓦圖既活火山咁, 去爆個搵經理。最後一句，不是熟客就唔好去啦！…Read More

最近 OT 太多, 無咩時間見下D朋友。今日終於可以早放少少, 同朋友食個「癲拿」。朋友問食咩, 我係極度唔想諗, 又唔想難為左自己個胃,打個安全牌, 於是提議食北京老家。因於我遲到既關係, 我朋友幫手點菜。我一去到, 就已經見到北京烤鴨, 我有位朋友勁話肉太多, 皮太少。其實北京烤鴨好多都係有肉, 我估友人愛吃既係「片皮鴨」。佢地仲叫左個羊肉餅, 好勁羊腥味, 但幾好食。因為我無睇 menu, 所以唔知叫咩名。仲叫左個「紅燒扣肉」真係唔錯。最後佢地另叫左一個「拔絲」, 我之前都食過。今次真係好差! 係「拔"帶"」!!!! 勁難食。待應姐姐見到都話「嘩, 廚房咁都出得呢碟野, 駛唔駛同你換左佢」。因為我班狗友都食左3/4, 所以我地話唔駛。…Read More

係日本返黎之前, 成日聽朋友讚呢間野好味,返到香港問家姐借左張卡去食 >W<!我地叫左一個 Lobster set dinner (boston)一個 Dry aged 的牛扒2個 toro 手卷朋友自加一個 lobster bisque因為我大病, 所以食唔出有d咩味道。朋友話好好味, Lobster bisque 夠濃加上有少少酒味, 好容易入口又唔膩。Lobster 就普通左少少。Dry aged 牛扒, 好有牛肉味好重, 但就無和牛個種脂肪感, 唔鐘意和牛肥油的朋友岩食!toro 手卷, 係用左 上toro 黎做, 所以好好食。整體黎講, 係酒店的水平, 好味, 無咩大太的特出。但好岩情人去偷情 XD!!!!…Read More

返到香港, 總會與朋友一聚, 一聽到朋友話食日本野, 心中不禁彈出一句「玩野呀」。因為小弟o係日本「浪費」青春, 所以o係香港食日本野有d反感。呢日食午餐, 小弟點左個梅林special汁的黑豚蛋飯, 但無黑豬... (點解坐抵的時候唔講既無黑豬?)都好為小弟慳返廿蚊。三位朋友分別點了, 炸豬柳, 炸蠔, 炸蝦。個賣相唔錯, 但張台有三個汁, 環境暗, 我要同朋友逐一解釋係咩汁, 用係咩食物之上。點解個侍應可以唔同客人解釋呢?先講一下我個梅林special汁的豬蛋飯先, 勁濃味, d 汁將d蛋將d豬味全部蓋住晒, 正如我係日本食過的「miso」豬扒一樣, 咸! 咸! 咸! 「有人歡喜有人愁」, 我就唔太歡喜。因為小弟帶病的關係, 所以無抽朋友的水, 佢地話佢炸豬柳, 炸蠔, 炸蝦, 唔錯。但會唔會再黎呢, 唔太有機會。仲有呢間野有心要做到好服務, 但好多細節都唔注意, 例如侍應會隔台大叫, 行路好似爛仔咁, 如果可以改善埋呢d野, 就係五星服務架啦!…Read More