imhollywoodg's Profile

Braza Signature Combo：自由配搭的健康一餐這間餐廳的Lunch外賣「自由配搭」概念很適合喜歡自己決定餐點內容的人。主打火焰烤製的蛋白質配上自選沙律，是個不錯的健康選擇。主菜（蛋白質） 的選擇很多，從牛肉、雞肉到豬肉和魚都有。試了牛臀肉，烤得剛剛好，內裡仍然保持嫩滑，不會過乾。這個價錢來說，份量合理。沙律 可以選兩款，推薦烤茄子和蕃茄粟米沙律。茄子軟嫩入味，帶有香草氣息；蕃茄粟米沙律口感豐富，感覺健康又飽肚。沙律食材新鮮，不是隨隨便便的配菜。醬汁方面，阿根廷青醬（Chimichurri） 是個清新的選擇，酸味和香草味能提升肉類的味道，又不會覺得膩。整體來說，份量很足夠。…Read More

今日中午諗住慳時間，特登去阿活買咗個口水雞飯返公司食。點知一打開個盒，真係嚇到差啲想掉咗佢！個餐牌明明寫住「半隻雞」，但打開見到嘅，根本係半隻雞嘅比人食淨 ——仲要擺到亂七八糟，啲雞皮仲要甩晒，望落去完全唔新鮮，好似隔夜餸咁！最離譜係個份量，少到可憐！我諗就算係細食嘅女仔都唔會夠飽。心諗算啦，可能味道搭救呢？點知食第一啖就後悔，咸到好似食緊鹽樽咁！唔單止咸，仲有陣怪怪嘅雪藏味，啲肉又鞋又柴。我頂硬食咗兩啖，真係頂唔順，成盒掉咗，六十蚊就咁浪費咗！成個經歷真係令人超級失望！「阿活」呢間舖頭，如果繼續用咁差嘅食材、咁hea嘅處理手法，真係好快可以執笠！以後都唔會再幫襯…Read More

之前食過好多次自選沙律bar 貪佢新鮮又大碗, 由$78到$83算合理 lunch time通常要排長龍. 一排無食,今日再食 已經加價到$88。 lunch time 12:30pm唔使排隊。照樣揀5款菜, 1款芝士, 2款肉, 2款nuts, 1款dressing. 今日啲沙律阿姐每樣食材好似要數住幾多粒咁配給, 1粒都不能俾多,😵連沙律醬而家都唔會幫你撈埋, 淨係配給一小盒仔你返去自己撈, 想要多少少醬都唔得。😥最後返到去打開,撈埋個dressing, 其實得返半碗 🥺同之前差好遠, 之前D阿姐幫你撈埋之後仲好滿好難冚蓋。數返total 南瓜得3粒, 蘋果4粒, 粟米粒1 tablespoon, goat cheese 4-5小粒, 腰果4粒…. 個dressing完全唔夠…..🫠慶幸食材仍然係新鮮嘅, 但份量縮水左一半, $88女仔食完好似未食野咁, 應該唔會再幫襯, 除非為左減肥….🙃 以後寧願行遠啲去Great food hall. 人地個salad bar 即使加咗價都長期排長龍係有原因嘅….😢…Read More

Weekday day5-7pm時段buffet. 折實每位$396, 呢個價錢，估唔到有非常高質食物。book枱時個staff有講5-7pm時段同6-10pm時段分別係5-7pm冇凍龍蝦同埋冇日本和牛, 只有焗龍蝦同美國和牛。不過5-其實都已經好唔錯, 夠食👍自助餐包任飲紅白酒, champagne, sake, mocktails。蟹腳係帝王蟹腳，唔係平時嗰啲松葉蟹腳。生蠔喺日本貨，非常之爽脆香甜。即開每次每人三隻, 刺身款式相對地少, 只有三文魚, 八爪魚, 鯖魚, 鱆紅魚。甜品唔錯，雪糕係H字頭, 好多選擇。 燒美國和牛都好好食, 中西湯都好飲, 絕對對得起尼個價錢。不過今次2小時有D趕, 好多野未試, 下次應該會貴少少揀6-10pm. 有下次👏🏻👏🏻👏🏻…Read More

經過見間新開台式店lunchtime 唔算多人食 堂食或者外賣都唔使排隊，就上openrice睇吓食評, 見到有30幾個, 極少喊，就諗住應該唔錯。點知，我錯了。😭叫咗個牛肉湯麵配豬肉餃子， $55 ，再加個珍珠奶茶， total $70。一心諗住台灣牛肉麵，有牛肉，另外仲有餃子， $55可以接受。誰知，打開一看，原來只有牛湯，沒有牛肉或其他配料，餃子只有四隻$55一碗麵得四隻餃子，開玩笑嗎？試一啖湯底，好淡，冇咩味，唔係平時食開台式牛肉麵嘅湯底。食咗幾啖已經有口渴嘅感覺。粿條似厚河粉, 味道淡。餃子正常, 珍珠奶茶都正常。可能我叫錯嘢食啦，食完有啲空虛， 下次應該唔會再幫襯…Read More

今日中午叫咗個午市雜錦魚生丼食，打開非常有驚喜，啲魚生好多，有幾款，三文魚，吞拿魚，油甘魚，八爪魚，甜蛋。好豐富，全部都好好味，希望水準會一直keep到!另外加咗個梅子梳打，以為係甜嘅，點知係一粒鹹嘅梅子加梳打水 雖然都OK，但係下次都係揀番啲甜嘅😂…Read More

見到今期restaurant week有Red Lobster就即刻book咗 🤩🤩🤩 因為之前一直想試但每次打去訂都話fully book 連walk-in 位都未必有。準時去到坐低叫左一set Restaurant week套餐, 另外再加a la carte, 兩個人結果完全食唔晒😅嘢食份量好足 仲有任添嘅cheddar biscuit 大部分野都好好味!🧀Cheddar biscuit 熱辣辣出爐 香軟鬆脆🦞Lobster Bisque 幾香濃 有3隻龍蝦鉗🥣Clam chower都好味 好”結”身多料🐟Tuna poke好fresh 有支豆及芒果肉 好大份 🥗Lobster Salad ok, 味道唔錯其他兩個主菜都唔錯 D蝦＆龍蝦肉好爽脆個人最鍾意係shrimp trio入面個炸大蝦🍤好鬆脆油浸蝦都好好味個大蝦龍蝦汁意粉好味 似係龍蝦湯味 啲side dishes就一般般 🥦🥕Mixed vegetables 硬過我條命 🍚個飯都比較乾身 麻麻地 🥔Mashed potato 偏咸 同埋上面冇醬🍟Truffle fries ok最後個甜品cheesecake 因為太飽冇食到直接打包😅…Read More

一直幫趁開尼間米線好多年 有時堂食 有時外賣自取 雖然米線尼講佢一0都唔平 三餸已經$5X蚊 坐得又迫 但係份量足 味道好 所以一直都幫趁。最近三四個月通常外賣自取 不過唔知係唔係師傅換左 定係要減成本 D面線愈俾愈少 明明冇叫過扣底 點知D米線仲少過扣左底。頭果次以為師傅果日失手 點知最近三四個月買左五六次 每次都係勁少米線 食完原全唔覺得飽....lunch 成$5x蚊一碗面 都唔比人食飽 啱啱仲要又加左價...所以忍唔住想上尼反映下意見 希望佢地可以回復返以前嘅份量 唔好為左慳少少 攪到做差晒啦…Read More

水蟹粥1碗$150蝦子撈面$48啫啫田雞煲$120䉀汁1支$25水蟹粥算幾鮮味 1碗足1隻蟹 但欠缺蟹黃 還是比較回味上次皇冠小廚果窩勁貴 (兩年前小窩好似$300) 但係充滿蟹黃蟹味勁濃嘅水蟹粥😌蝦子撈面質爽硬 口感唔錯 不過食後硯水味較重 蝦子香 不過唔夠皇冠小廚嘅多同咸香(皇冠勁貴兩年前食好似$7x) 另外問佢拎左個辣醬 辣醬出色啫啫田雞煲係全晚最出色之作 有田雞 豬潤 同埋勁多洋蔥 好夠鑊氣 每樣材料都好美味䉀汁勁甜 甜味多個䉀味 麻麻地 …Read More

間店其實離氹仔D睹場10分鐘車程 但係唔知點解冇的士肯去, 最後擾攘左半個分鐘 終於有架好心的士肯去😌閒日book左六點半枱, 去到七點鍾已經有幾枱客食緊 汕頭牛肉火鍋menu好簡單 好似台南D溫體牛店 得牛肉同小小蔬菜配料 不過比起台南 汕頭牛可以揀唔同部位嘅牛肉 同埋仲有粉面飯我地兩個人叫左個牛骨清湯鍋底 牛味清甜香濃 另外叫左一碟吊龍伴, 肥牛肉, 生牛舌, 鴛鴦牛丸, 雙拼菜牛肉丸同牛根丸先放放 要煮十分鐘 肉質實正 牛味濃 有汁吱出黎 吊龍伴好好味 切得厚薄適中 淥7-8秒口感非常好 一食落去令人覺得驚豔 又爽又嫩 食得出係好新鮮嘅牛肉 肥牛肉同生牛舌都非常非常好食 我地仲試用左台南溫體牛食法 先將生牛肉放係碗 然後將滾湯’不’落碗將生牛肉浸熟 嘩！不得了 浸到七成熟粉紅色嘅牛肉鮮嫩無比 非常juicy 好食過台南溫體牛😱雙拼菜揀左油麥同西洋菜 好大碟 而且好新鮮食到8點幾 已經坐滿人 最後兩個人食到好飽吾駛三百幾蚊埋單(再有9折), 媲美台南溫體牛火鍋 真心非常美味令人驚豔 下次黎澳門一定要再食…Read More

之前食過一次佢D車仔面，餸十分少, 味道好一般，根本唔係其他食評話咁好, 失望。😰今日因為趕時間, 附近經過就買左個花膠碗仔翅試下，點知同樣失望。😰 個碗極之細碗, 仲要一打開發現只系裝半滿多少少.... 🙄雖然十八蚊一個碗仔翅唔係話好貴, 但係駛吾駛做到咁乞依, 裝得果幾啖野.... 仲要佢叫花膠碗仔翅, 我連一條花膠絲或姐花膠味都搵唔到,聞唔到....😑 食落去只不過係一碗好普通又吾夠熱既碗仔翅 ...😞真心覺得e個碗仔翅, e個價錢, e個份量...絕對唔值得一試....😑😑😑😑😑😑😑…Read More

週末點心 仼食brunch 每位$188+10%, 如果係SPG會員再有20% off, 計返每人$17x , 可以由11:30a 食到3:30p, 以食物質素同選擇來講, 真心覺得非常值😋首先有點心紙可以劃即叫即蒸點心，選擇都幾多同幾多完化，有傳統嘅又有創新嘅。除左點心，出面仲有好多其他熟食可以任拎仼食。即拉腸粉，雞粥，燒味，炒粉面飯，甜品等等。最欣賞個乳豬，非常高質素，而且不停燒不停出，好新鮮好脆口😋…Read More