honestfoodieee's Profile

星期六下午，唔洗排隊直入。枱面樽水係冰水唔係室溫水仲有辣醬，醋，同埋蒜蓉丸京拉麵 $100有三塊叉燒，三塊真叉燒，蛋同筍。肉眼唔係好分到邊塊係真叉燒邊塊係叉燒，食落先知。塊真叉燒滑過塊叉燒。蛋係溏心嘅，好食。啲筍都好厚身好粗，係略嫌唔夠臭啫。湯好濃，食到中段係有啲漏。好彩佢有醋係枱面，加完醋個湯又唔同咗味，好fresh食食下加啲蒜蓉個味又昇華咗。總結：香港嘅拉麵嚟講算係唔錯，同埋$100碗算ok, 會再幫襯。…Read More

之前行過幾次都已經想試佢個沾麵，今晚終於有機會試。純makase special麵其實即係淡麗系豚魚介沾麵，special嘅意思係多咗幾塊脆肉瓜。個沾麵汁係香嘅，但偏稀，唔夠杰。個麵還可以，但因為個汁好稀，所以其實係唔掛汁的。叉燒都好稔，合格。蛋都流心，合格。其實成碟嘢最有驚喜反而係個脆肉瓜個脆肉瓜係煎香咗，好好食總結：唔難食，但係又未去到好好食。哩個價錢嚟講我覺得可以一試，但係又未必會再返轉頭幫襯…Read More

lunch hour去咗試哩間新開嘅餐廳。我自己叫咗個咖哩吉列豬扒飯，同行友人就叫咗手打芝士安格斯漢堡蘭王蛋飯。咖哩吉列豬扒飯個咖哩汁好香，食落少少辣。入面有啲紅蘿蔔同薯仔，好稔好入味。塊吉列豬扒都炸得好香口，唔油。手打芝士安格斯漢堡蘭王蛋飯揀咗白味噌汁配日式泡菜。個汁好香，泡菜唔辣。同行友人話好食。另外，啲店員都好貼心。見同行友人無叫餐飲，就主動俾咗杯熱水佢總結：今餐lunch好滿意，下次會再幫襯。…Read More

星期日夜晚去叫外賣，俾完錢就行返出去等外賣啦，廢事企喺舖頭入面阻住人做生意。我張單係寫住"外賣9"跟住等咗4, 5個字都仲未見有staff拎外賣出嚟叫number，咁我咪行入去問個staff"外賣9"有未，個staff話有喇，再指一指枱面。我問：下，你地唔拎出嚟唔叫number㗎？Staff理直氣壯咁講: 我地唔叫㗎。我再問：咁我落單嗰陣你唔講嘅？ 跟住個staff就無再睬我繼續做自己嘢。我心諗，你唔叫，咁你張單整個外賣number嚟托啊？你expect個客好似袋鼠同熊貓咁自己入嚟拎你都講聲丫。嫩雞煨麵 $78因為唔知個外賣放咗喺枱幾耐，啲麵已經"淋"到唔洗咬都會爛雞火炒飯 $98個炒飯都無影相，不過都無咩值得影，無咩餸，衰過茶餐廳啲炒飯真係食茶記都無咁嬲。總結： 價錢唔平，又唔好食，入面啲staff就個個都係唔想做咁嘅面口。不可一，不可再。…Read More

星期日放假諗住出去食個早餐，所以就試下哩間新開嘅cafe.12:00坐低，店員就俾個QR code我落單。搵咗好耐都唔見有all day breakfast, 於是我就問佢係咪無all day breakfast. 店員話無。明明我記得佢門口menu有all day breakfast嘅相，於是我去openrice睇多次個menu, 原來個早餐係真係早餐，做到11:30咁算啦，係我自己睇漏。但一間cafe無all day breakfast我係有啲意外嘅一早起身唔想食意粉同飯，唯有叫個藍莓鬆餅同一杯iced americano.對個muffin其實都無期望，應該都係攞貨唔係自己整，只要唔難食我就覺得ok. 個鬆餅嚟到，我一食，凍嘅係又凍又硬又乾。我去starbxxxx叫個muffin佢都會幫我reheat啦就算一啲無得eat in嘅coffee shop都會reheat個muffin其實都唔高要求，唔洗要你好食啊，但起碼俾個熱嘅muffin我丫reheat一下咪無咁乾咁硬囉杯iced americano就不過不失…Read More

見佢新開同埋好似好多foodie推介咁，所以放工就去試下。一坐低望到個餐牌真係嚇一嚇，都幾貴喎不過如果係好食嘅，貴都無問題嘅所以就試下啦。叫咗以下兩款餃，失望到極緻：雙重芝士粟米雞肉餃芝士用埋啲類似芝心批芝士，包埋變左一pat 混合物。食唔到粟米嘅爽脆，啲粟米仲要甜都唔甜下。雞肉又食唔出，變左gel口嘅粟米芝士糊超級芫茜豬肉餃佢叫超級芫茜餃，認真唔係特別多茜。茜唔夠香，比其他有芫茜餃嘅餃子店差勁多。重點係個豬肉食唔到個肉味，剩係食到醃肉嘅豉油同調味料味以上$65埋單。講真平啲我都無咁嬲，但收得哩個價錢，俾哩啲餃子我，我就真係唔會再幫襯。…Read More

真係未食過咁難食嘅日本嘢，味道一啲都唔日式。叫咗以下幾樣嘢食：芝士焗蠔其實隻蠔就新鮮嘅，但係唔知點解個廚師會落大量tabasco去調味，十分九唔搭八。個味道完全唔似食緊日本嘢，似食緊港式川式串燒舖頭嗰啲焗蠔。豬腸豬肚豚骨鍋個味似食緊大排檔嘅豬雜。和風燒茄唔明點解燒完出嚟都唔熱嘅。同埋個味都係似港式川式串燒舖頭嘅燒茄子。唐揚豆池魚唔脆嘅，腍嘅。炸得一啲都唔乾身。自家製餃子無特別，唔似自家製，只係普通日式餃子。汁燒五花豚丼正常燒喜之次+白飯正常蘋果汁，巨峰梳打好飲，因為係入貨嘅總結：唔明點解咁多人話好食，可能係我唔識食啦…Read More