gigilui0801's Profile

係睇左個港印KOL介紹，所以先黎試下。其實入到去個時都一陣噏味，但當日屋企人已經到齊坐哂係到，所以就諗住算啦照食。點知差唔多食完時，有d野跌左落我個頭到，係曱！甴！🪳🪳🪳當刻店主只係想不斷解釋，又話出面落雨，又話岩岩做完滅蟲…臨走比完錢先好細聲講左句唔好意思。不過其實解釋咩都無用，有曱甴跌咗落個客個頭度，講出黎我自己都覺得好笑😀…Read More

呢日係柴灣拜完山，餓餓地就諗住係附近食個下午茶。上網search到華興既蔥油生炸雞髀好出名，所以就慕名黎試下。呢到既環境好懷舊，啲坐位比較狹窄，但就十分有風味。蔥油生炸雞髀飯 $40隻雞髀略嫌唔夠脆，食到有少少雪藏味，而啲蔥油汁就正正常常無特別。沙嗲牛肉麵 (下午茶) $32呢個望落就係咁煮左個公仔麵，放啲沙嗲牛肉係面。啲沙嗲汁完全無沙嗲味，我淨係食到蠔油味，連啲牛肉都係靭既。唔建議大家點。。。菠蘿油呢個都係十分失望，個菠蘿包凍冰冰，連翻熱都無。。。味道亦好普通。。。…Read More

之前睇Youtube見到有人推介ABC，所以一直都好想黎試。今次適逢係記念日，二話不說就打電話黎訂台！ABC佢為一間西餐廳，竟然坐立係熟食市場入面，十分有gimmick。而且皇后街呢個熟食市場亦相對乾淨企理，除咗本地人之外，亦不少外國人同遊客幫襯。一坐低職員就問你要唔要點杯酒，然後介紹左呢枝岩女仔又易入口既Moscato，味道偏甜，個人非常喜歡。精選生蠔 (市價)今次頭盤點左職員介紹既法國生蠔，生蠔好新鮮，而且海水味濃，唔錯！龍蝦湯 $98味道濃郁，入面有幾塊龍蝦肉，夠睇頭亦十分美味。香煎鵝肝配蘋果醬 $138鵝肝好大一塊，外脆內軟，配上麵包同蘋果醬，酸酸甜甜，亦可以剔咗鵝肝嘅腥味，必點！西班牙乳豬配薯蓉及酸什菜 $218乳豬皮烤得好香脆，入面嘅肉質幼嫩，配上薯蓉同酸菜，減少油膩感。頂級肉眼配發豆及長薯仔 $338牛扒叫左5成熟，雖然今次火喉稍微過咗少少，但本身個調味同肉味都岩口味，所以唔太影響。金萬利香橙疏乎厘 $68最後甜品點左疏乎厘，即叫即整，製作需時。疏乎厘做到空氣感，有種棉密泡泡係口中化開既口感。入面亦有橙皮，所以好香橙味。…Read More

平時出開尖沙咀，諗唔到食咩，又想平平地，我都會黎讚記。今次Lunch time就叫左佢地午餐既叉燒滑蛋飯，一上台見到勁大碟就知我一個女仔實食唔哂。叉燒普普通通，滑蛋就幾香同幾滑，配上甜豉油、蔥花、洋蔥，呢個配搭簡直冇得輸。…Read More

葫蘆館由細食到大，由佢仲係斜路舊舖已經開始黎幫襯。細個鐘意食佢既大堆頭，大個接受到薑味就開始食佢既薑汁撞奶。薑汁撞奶係每次黎必食！薑味濃，唔太甜，而且個texture係撞得岩岩好，唔會太水溜溜，亦唔會太硬。依家香港真係好少有地方做得咁有水準！另外叫左個冰花燉蛋，只有凍，無熱。蛋味香，而且都幾嫩滑，好食！可惜葫蘆館做到2月底就結業，以後就只能夠係記憶中回味。…Read More

京丸其實已經黎過好多次啦，水準一直keep住，所以間唔時想食拉麵既時候都會黎。今次我自己就叫左最普通既豚骨拉麵清湯底，友人就叫左極上拉麵柚子胡椒湯底。豚骨拉麵清湯底 $78有3塊叉燒、一隻溏心蛋、同幾條荀。首先要讚一讚個湯底好夠熱！（食拉麵個湯夠熱係首要條件！）湯底唔係厚個種湯但味道都夠濃，香而不膩。拉麵質地偏硬，岩哂唔鐘意淋身拉麵既我。叉燒係薄片叉燒，十分嫩滑。溏心蛋亦好出色，蛋黃流心，半熟質感做得岩岩好。極上拉麵柚子胡椒湯底 $93 （柚子湯底+$5）呢款總共6塊叉燒，其他野基本上係一樣。湯底既柚子胡椒味好出，胡椒味有啲啲辣，食落幾過癮。香蔥沙律炸雞 $42即叫即炸，小心燙口。外皮炸得好香脆，入面既雞肉香嫩多汁。沙律醬帶微微既辣味，令成個配搭更加惹味。…Read More

峯日式料理位於熟食市場入面，位置雖然隱閉，而且係街市裡面，但其實店內既環境清靜又舒適。**我特別想推薦佢地晚上既二人套餐，因為真係好抵食！套餐只需要$188，除咗可以選擇兩款主菜同兩款小食，仲包左沙律、麵豉湯、凍/熱飲品、珍珠米飯(全部二人份）。**主菜 (套餐)主菜我地揀左咖喱吉列豬扒同鹽燒牛舌。吉列豬扒超級大份，而且係即叫即炸，十分香口，但嘴刁既我就略嫌唔夠鬆脆。牛舌又厚又大塊，都燒得幾好食。小食 (套餐)小食點左炸雞同吉利蝦。炸雞其實係有4件，但我地太心急食左先記得影相🤣全部都係新鮮炸起，熱辣辣😋單點定食我地另外仲單點叫左個鰻魚蛋包飯。咁大條鰻魚，都只係$99咋！😳味道都唔錯，個蛋好香牛油味。**總括嚟講，咁既價錢有咁既質素，真係物超所值！希望大家都嚟試下，支持下用心做料理既小店。☺️…Read More

父親節book左位同爸爸黎呢到食dinner buffet，結果失望而回，隔日我同爸爸仲要肚屙。呢到係半自助餐形式，首先每人揀一份主菜，然後每張台會包一份魚生同海鮮拼盤。出面另外有少量食物可以任拎， 注意係少量，選擇真係得好少。***前菜魚生有4種：三文魚、吞拿魚、甜蝦同帶子。份量都算多，不過唔好期望會好新鮮。海鮮拼盤有生蠔6隻同波士頓龍蝦1隻。生蠔好鯹好鯹好鯹🤢，龍蝦肉質就勁鞋又無味🤢。另外自助餐部分既凍蟹，個人就覺得幾好食既，夠鮮甜又滑。但食完一輪之後就無再refill過，服務員話每日出曬就唔會再出，但個時先7點半咋喎🤷🏻‍♀️主菜：羊架羊架不過不失，算係成餐飯比較滿意既野。主菜：豬扒豬扒個賣相已經唔吸引，然而味道都認真麻麻。甜品***最後埋單兩人連加一總共$772（原價每位$462加一，父親節有爸爸半價優惠）自助餐黎講唔算貴，但我唔會推薦比大家，亦唔會再返黎。…Read More

見到新x期賣廣告話呢到有貓貓睇，咁岩呢日約左班姊妹係tst，所以就諗住上黎tea一tea。首先先室內裝修黎講，個人認為一啲都唔美觀，亦無咩意欲想影相打卡。另外menu上面既食物相既貌相又唔吸引，而且價錢唔平，所以完全揀唔落手之下，我叫左杯薄荷朱古力。然後杯野我覺得自己整仲好飲，或者去便利店買枝維記我會更開心。朋友叫左杯桂圓紅棗茶，飲咗第一啖，然後好疑惑咁望住我講：「無味既？」跟住我自己都試咗啖，又真係無味嫁喎～🤡另一位朋友叫左個雞沙律，但由於沙律本身無咩技術可言，所以只能夠講，嗯，唔難食既。不過公道咁講，無叫到主菜，所以唔知野食方面係點，但野飲黎講就不了。同埋貓貓係可愛既～不過唔會再黎了。完。…Read More