Monchhichi^o^的個人專頁

我本身想叫齋啡，但自己落單時冇留意叫咗有奶咖啡。侍應姐姐見到我唔飲杯嘢，知我落錯單，即刻幫我換一杯新嘅齋啡，窩心❤️食物質素不過不失，但性價比幾高，難得係服務態度好，一定會再嚟幫襯😁…查看更多

經過見到幾多人食，我同朋友都坐低試吓，但食物質素真係好一般。我叫咗沙嗲牛通，一上枱我完全睇唔出佢有沙嗲響入邊，仲以為送錯咗。問咗其中一個樓面，佢同我講有沙嗲響入面，係啲湯多咗啫。OK，咁我照食，但真係一啲味都冇囉。朋友叫咗雞翼通粉，除咗個通粉鹹啲之外，雞翼算係不過不失。另外我哋仲單點左厚奶醬多，呢個算係三樣嘢入邊最好食，如果個多士烘得再脆啲會更好。其實今日叫呢啲嘢全部都係茶餐廳最普通嘅食品，雖然價錢唔貴，但千里迢迢入去玩但食啲咁嘅嘢，真心有少少失望。真心想支持本地小店，希望可以改善吓食物質素啦😅。…查看更多

今日難得成班朋友一齊出動同朋友P慶祝生日之前嚟食過覺得食物同環境都唔錯所以今次約食生日飯我都第一時間同朋友推薦呢度我地點左8樣食物，大部份食物都唔錯尢其牛肋骨同牛脊肉更加係令人回味不過佢地嘅服務就真係有待改善事緣我地買左個生日蛋糕一心諗住同朋友P慶生辰點知當我地食完哂嘢拎個餅出嚟諗住切嘅時候有個女侍應走過來問我地知唔知要收切餅費$150我地有D愕然，因為我地真係唔知要收費 (之前上openrice睇亦唔見有咩切餅費)由於我地已經買左蛋糕，所以我地都表明希望佢地可以通融一次因為我地真係唔知無奈佢地都係堅持要收費，仲話收$150會送番枝香檳俾你地架最後我地都冇食到個蛋糕... 本來大家食得好盡興，但最後大家都好失望呢~如果佢地有蛋糕賣而我地又自己拎個蛋糕上去咁我地俾切餅費都好合理但事實佢地根本冇蛋糕賣而且又冇特別標明切餅要收錢...我地尊重亦好明白公司有公司嘅規矩但人地買哂蛋糕慶祝都唔可以通融一次半次? D客食得開開心心實有回頭架...為了一些堅持就這樣流失一班顧客，值得與否見仁見智…查看更多

因為天雨關係, 今日同老公嚟咗呢度食lunchd set 平均$80-$90一個，雖然講唔上好貴但起碼會令你有小小expectation我地叫咗1個燒牛肉set同1個燒豬肉嘅set除咗有湯有飯同主菜之外, 同其他韓式餐廳一樣, 佢地都有提供幾碟小食係檯食物嘅味道我只係可以用好一般嚟形容但佢地嘅服務就真係可以話有待改進…查看更多

之前見有人介紹過呢間嘢d飽幾得意今日咁啱去開嗰頭，為食嘅Monchhichi當然唔執輸買返個嚟試吓喇我前後買咗一袋七彩繽紛小饅頭，一個原粒瑤柱飽同兩支豆漿據聞d飽只要蒸7分鐘就可以回復鬆軟所以一返到屋企Monchhichi即刻蒸嚟食雖然個瑤柱飽要成$10一個，不過真係有成粒瑤柱係入面，好味！豆漿$6一支，都幾大支吓，唔太甜仲好重豆味添…查看更多

今日晏晝一個人食飯，就去銅鑼灣間食。我叫一份海南雞飯($45包一杯熱飮，一碟菜同一碗湯)，我另外加$4轉杯青檸梳打，價錢唔算貴，但食物質素就…>___<海南雞-- 碟雞係幾大碟，但唔係因為份量多，只係佢切得太大件，男仔都未必可以放得哂入口咬，女仔就更加食得論盡。仲有最唔掂係唔知點解d雞可以斬到咁多碎骨，唔單止賣相唔好睇，食起上都好煩生菜–又係一大棵咁上，叫人點食呀湯–完全冇味，如果唔係見到有舊冬瓜，我會以為係水青檸梳打–又係冇味水，又唔甜又唔酸，係公司自己檸水都好飮過佢多多聲至於d店員服務態度都不過不失喇，係其中女侍應唔係咁好，因為佢好喜歡望住d客食，令我好反感，d客亦會好唔舒服。…查看更多

今日lunch同男友呢度食，一人叫一個set lunch，有湯(有羅宋湯或南瓜忌廉湯)或沙律，意粉，dessert同埋飮。食味道同份量都算ok，唯一美中不足係個三文魚意粉咸小小。至於個dessert就真係唔錯，今日係朱古力慕絲芝士餅，朱古力味濃得又唔會”漏”，哂我呢個朱古力狂。另外，度lunch唔係太多人，環境都幾淸靜，好傾偈，加上佢d service都唔錯，特別係d waitress好細心同埋好有禮貌，真係食都食得開心d。…查看更多

佢地午市定食真係好抵, 大约$30+就有, 不過就唔係樣樣好味。我試過拉麵同冷麵都幾ok, 但如果想食sushi或者卷物就最好唔好喇, 因為佢地d飯唔係咁好食。…查看更多

我今日同男友食lunch，叫兩個set，一個菠蘿鴛鴦扒飯，一個芝士海鮮玉子豆腐飯，連湯同埋飮都只係$26一個set，其實係頭講都算幾抵。我一坐低冇耐就叫食，之後就陸陸續續好多人，正當我慶幸自己好彩早到又叫食時候，我見到隔離兩個人已經飮緊湯，之後有幾遲連食都埋但我仲係連湯都未有，我想催但又冇人理我。後尾我發現原來幾人都同後生個伙計好熟…唔怪得之啦…但咁都未算最離譜，最離譜係之後有碟飯，我一睇都知唔係我，我同佢地講佢地一係就睇唔到我(唔知係唔係扮)，一係就係咁叫我等等，但等等去都係唔理我，真係佛都有火。間好細，只係得兩個人睇哂樓面，得呢度食其實都預咩都要等。之但係我先叫先都要先俾熟人，呢樣就好有問題囉。除非大家同個伙計好熟啦，如果唔係真係去唔過!!!!!!P.S. 我男友話我知佢返到公司肚痛…呢間真係……查看更多

有晚同男友齋期食, 叫一個炒麵同埋幾款點心, 但係好多點心都冇, 而炒麵都係一般. 最唔好係坐得唔舒服囉... …查看更多

自從冇係中環返工之後都好少去食喇。果日咁o岩經過個度，明明唔係好餓但都忍唔住入去食番隻熱狗王。隻熱狗上檯時仍然熱辣辣，味道保持一貫水準，最正係隻熱狗醬，其他茶餐廳都食唔番呢隻味。呢道地方唔算好"四正"，但係呢度好有細個果陣d餐室風味，好正。P.S. 之前食過佢d 火腿通粉都唔錯^o^…查看更多

我通常都係齋期食，尋日突然心血來潮想食齋，就同男友呢度食lunch原來呢度平日有D好抵食lunch set，由$28 - $30不等，都幾多款式選擇。我叫左一個咕嚕肉同埋一個漁香茄子，個飯就有白飯同菜飯選擇，另外再跟豆漿同埋糖水。D唔算大，細食就好，但男仔未必夠。豆漿好正，唔似出面D一味得個甜字。糖水係蕃薯糖水，味道一般，無咩特別驚喜。但以咁價錢係cwb食齋都算幾抵…查看更多

我成日都同男友呢度食lunch，貪佢又平又好味，而且坐得好舒服。佢地午市有成十幾款特價小菜，有蝦餅啦、炒通菜啦、酸辣鳳爪啦、串燒沙爹啦、咖哩雞/牛/豬啦、蒜子胡椒雞…等等，全部都係$28碟。另外d炒飯同炒河都係$25碟，湯河就$20一碗。雖然做得咁平，但完全冇將貨就價，食物質素仍保持一貫水準，而且份量唔算細，唔駛擔心食唔飽。呀…仲有度d員工服務態度好好...真係食都食得開心d ^o^…查看更多

呢間我幫襯左成年幾兩年，貪佢價錢唔貴之餘食物都算唔錯，但係唔知點解，最近水準差左，星期日去晚飯更係令我一肚氣。星期日晚我地成家去晚飯，都未坐定d侍應已經係我地側邊猛咁向我地推介佢瑤柱海參翅裙湯，又話幾多料又話$98好抵飲，我地已經話等我地睇menu先啦，但係佢地仍然好落力咁推銷，我地最後都俾佢地煩到點左呢個湯。之後，佢地又係咁叫我地蒸魚，我地見有其他抵食佢地又唔推介喎，咁我地冇理佢，點左1)瑤柱海參翅裙湯(2)燒鵝雙拼(半隻燒鵝加白灼蝦)(3)蜜豆炒蚌片(4)椒絲腐乳通菜個湯5個人飲真係剛剛好，多一滴都冇呀! 味道就不過不失啦燒鵝雙拼最抵，燒鵝d皮幾脆又熱辣辣，幾正白灼蝦份量都算多，好抵食椒絲腐乳通菜就一般水準，冇咩驚喜佢地成日同你換碟本來係好，但日佢地係咁同我地換就有d煩囉。但最令我激氣係食到尾聲時，我屋企人已經停哂手，佢地就開始上糖水，但我仲食緊d白灼蝦(大約仲有幾隻啦)，我食食個waiter突然收左我個碗，之後連隨收埋碟蝦，我地5個人睇到眼都突埋。就算得番幾隻都要循例問下人要唔要，點可以咁冇禮貌咖!!!!!下次一定冇回頭呀!!!!!!!!!!!!!!!!!!!!…查看更多

尋晚同daddy 媽咪黎食飯，三個人叫左1)半隻燒鵝–熱辣辣好正，皮脆肉嫩，肥瘦適中，食多件都唔覺滯(2)冬菇炆鵝掌–平時食炆硬係覺得好“漏”，但呢一味炆鵝掌又幾好味，味道唔算濃，個汁亦唔會好杰，最正係佢地炆得好腍好入味，值得推介! (3)椒絲腐乳通菜–一般水準(4)龍躉兩味–d肉切左片用黎炒西蘭花，另外d頭呀骨呀就爆香左黎炒叉燒，前者幾好味，後者就有d怪怪地(5)椰皇燉雪烚–正式應該係燉雪烚蛋白，用原隻椰皇上，蛋白好滑，仲好多雪烚添。因為係限量供應，如果想試，就要落單時叫佢地留呀!!!…查看更多