TszLoiFung's Profile

個人比較鐘意幫襯同支持小店，經過呢間鋪頭見到有小量人龍，以我個人經驗，鋪頭多人排未必好食，但間鋪冇人氣的話，9成都唔方好食。等左大約15分鐘，終於到我地，入去見到佢雞麵都有好幾款選擇，其實應該要試醉雞，但個人實在太鐘意莞茜，頂唔住呢種誘惑，結果叫左個莞茜雞湯麵。個麵一到都有少少驚喜，鐘意食莞茜的人先會明，叫得莞茜麵要求唔係要多莞茜，而係要好多莞茜先夠，有次食某連鎖店的莞茜米線，3，4塊莞茜真係得淡笑，完全唔知道茜迷的要求。而呢間的份量就好足夠，講真，雞肉就平平無奇，但50幾蚊都唔會預新鮮雞肉，個鼓油我覺得非常唔錯，唔知點解上水一帶的雞麵檔的鼓油都偏向出色。可能同同業的良性競爭有關🤣。…Read More

因為朋友介紹，又想襯聖誕節及跨年同唔同的朋友見下面，其實間野都bookmark 左一段時間，普遍男仔都係鐘意食中餐，今次食飯係全男班，所以就決定帶佢地試下呢間，個環境真係大排檔的感覺，成班男人坐底可以暢談暢飲。跟據觀察，好多枱都係全男班，係男人聖地。7點去到已經好多人，要攞飛等位。等左不夠半個鐘就可以入座，伙計員工換枱布比荼效率好快，佢有鋪內的座位，亦開好多枱係出面，我地被安排坐出面位，正呀，咁先有大排檔feel. 叫左幾樣菜，老實講，我都算食得咸，但我都覺得佢偏咸左少少，但就鑊氣夠，配菜足，椒鹽野，係大大塊紅椒，因此可以帶出個味道。同埋炸野佢算炸得唔錯。唯一乳鴿有d失望，佢話用左好多配方調味，但我食唔出有乜咁特別，而且佢隻乳鴿唔係嫩，因為佢價錢比一般貴，所以我對佢會嚴格d，但有d令人失望。整體價錢嚟講中上啦，唔算得平。整體嚟講佢食物唔會好食到成日想返轉頭，但質素係預期之內。…Read More

近排教育路開左好多新餐廳，中，泰，西都有，甚至cafe都開左幾間。今日試呢間可以話係外表最吸引眼球的一間，外面店舖以綠色為主，而且鋪頭面積都比附近大，以西餐廳仲要地鋪嚟講，經過好難留意唔到。我order左一個燒春雞餐，朋友點左豬扒。依家遂樣講下，餐包唔似係外來包，應該係自已make，但發粉份量有少少多，而且感覺似甜包多過餐包，所以評價只能係中等，另外甘荀湯用料算足，不過個人嚟講調味唔夠，可以再多少少。至於主餐，雞同豬透過肉質都可以食得出係慢煮，肉質真係嫩口，而且係有拼碟，令到外型幾討好。比較出色的會係佢的配菜，雜菜，翠肉瓜整到脆脆地，唔似有d西餐白煮咁濟。另外薯條食得出算係比較用中上的來貨。但個人覺得如果用薯蓉代替更吸引。至於餐飲有少少驚喜，佢有跟餐＋25蚊有特色咖啡，但我冇加錢，只係叫普通咖啡，但質素都唔差，比9成西餐廳好，好濃咖啡味。令我下次會試下佢特色咖啡。主餐整體嚟講再多少少調味會更好，但因為環境方面真係加分唔少，所以整體都比8/10 分…Read More

呢間杜記，我見無論上網同朋友間都冇乜人提，同佢的店舖位置一樣咁隱蔽。咁又係，依家世代一般人寫食評都唔會揀間荼記嚟寫啦。我反而相反，因為係香港由細食到大，眼見香港水吧由師傅轉做阿姐沖奶荼，乾抄牛河由色香味俱全變成豉油老抽顏色唔協調，河粉痴鑊變漿糊。老早已將荼記等同劣食或者頹飯充飢掛勾。不過呢間杜記，我覺得係上水之中算最好食的荼記之一。我食過佢的南乳雞扒同腐乳豬扒飯，初頭都諗，吓腐乳夾豬扒？夾唔夾架，食落又出奇咁夾。我諗係其他荼餐廳應該好少可以食到呢個飯，個人認為腐乳豬扒比南乳雞扒好食，佢中午仲有羊腩飯，新年又會有盤菜飯，荼記之中都算有自已的特色，而且價錢45-60蚊不等。所以比個好評。…Read More

講起永發，係上水住的人一定識，高峰期晚市甚至要排隊，以一間裝修係荼餐餐的鋪頭嚟講，相信外區人難以理解，今次係本人第三次食永發，晚市同午市都有食過，老實講，永發的雞，雞肉味就唔好太強求啦，始終香港的雞肉質素係一定比唔上國內，但永發奄得還唔錯，佢係用酒奄雞肉，飲湯的時候唔太feel到酒味，但食肉的時候就有少少入肉的酒味，咁做可以令雞肉更加滑。我個人都比較鐘意呢種做法，永發我覺得佢個辣豉油調味得幾好，醉雞配呢個豉油，的確幾好食…Read More

呢間店務鋪由開店頭幾日已經幫襯過，隔一段時間耐唔耐都會幫襯下，主要原因係整間店鋪的裝修都好似泰國的海南雞飯店，一張簡單的不銹鋼枱，係香港應該唔係咁易搵返呢類風格的店鋪，同泰國一樣都係主打簡單親民的海南雞飯，花巧野唔多，驚喜係有泰式奶茶，而且中午跟餐都係加8蚊，性價比嚟講算高，當然平心而論，泰國當地食，當然就價錢同味道更加之好食，不過係香港，呢間算不過不失啦，優點我幾鐘意佢跟餐個湯，陣胡椒味好重，但我見有唔少人走湯，始終食野都各有各心味，缺點：雞肉比較少。整體評價：耐唔耐午餐可以食下…Read More

係上水粉嶺區居住或者工作的人都知道，上水粉嶺基本上出色的小店係小之又小，呢間小店每次經過都有陣幾香濃的醉雞味，所以今日lunch去試一試。我地一行四人都係清一色叫招牌藥膳醉雞麵，講真，小店都唔好預期座位會太好坐，但呢樣野我都接受到，算係小店風味的一種。碗麵上嚟，我先呷一淡湯，感覺良好，但藥膳冇想像中咁濃，甚至有d食唔出有藥膳，但酒味係幾濃的。因此我覺得係同出面的醉雞藥膳有另一種唔同的食法，我比較欣賞的係豉油，有辣味同唔辣揀。我點左辣味，個豉油味幾正。至於雞肉，幾十蚊的麵，不能太要求，正正常常啦。係上水嚟講，我覺得間鋪都ok的，因為上水難食的鋪比較多…Read More

同朋友食生日飯，預早經OpenRice 訂枱正價餐牌有拆。嚟到覺得間餐廳氣氛好好，音樂啱聽，每張枱都有電子爉燭。雖然附近好多酒吧，同係開放式地鋪，但係間餐廳傾計好寧靜，d座位安排都好有心思，坐唔到座位有唔同feel。餐牌野食同選擇都幾多下，野飲有果汁，cocktail，我地係度叫左幾樣野，邊飲酒，邊慢慢食野傾計，完全好似享受緊生活咁，d野食整體都算唔錯，唯一出名的海鮮串燒就冇我預期咁好食，但整體上仲可以比出一個較高的分數…Read More

每次中午經過鋪頭門口都有唔少人係度等緊入座，一直想試都未有機會，尤其9月後粉嶺中心有唔少學生食客。今日見門前人數唔多決定一試，雖然前面等3張枱，但都等左20多分鐘，入到鋪內的感覺係環境幾精緻，好好坐。待應人數好充足，至於食物就不過不失，唔算有驚喜，但價錢同環境還可以，叫左一個壽司午餐，飯握得唔錯，拎起好結實唔會散埋一舊，以我食左咁耐壽司經驗，握得幾靚，魚生鮮味果d就中規中距，始終6，70蚊，唯一我覺得需要改進的係壽司餐入面有舊蟹柳壽司，寧願改做甜蛋壽司好過，在上水至粉嶺都唔多店舖比較出色的情況之下，呢間鋪都可以食下…Read More

Finding a good restaurant is not easy in rush time, we are attracted by beautiful appearance and menu. Although the store is not very bigger, but the decorate is good, simple and clear. We also order set lunch, either chicken and pork also not bad, the waitress very helpful and friendly。The only bad thing is my set near by kitchen, some time feeling hot…Read More

聽朋友推介，爵士拉麵是一間圪立已久的老店，以前中午時份需要排隊，老闆十分有性格會在你面前煮麵加調味料，心中一直想找機會嘗試。加上疫症不能出國關係，一直想在香港找到一間店舖能回味一下日本的味道，也許太多的期望，所以換來點點失望。今天剛好去聯和墟一試，看見店內人數不少，心想應該會有水準，入到店內店員貼心奉上涷荼，看看餐牌，本人要了一個爵士拉麵，心想價錢最貴及用店名的拉麵，應有水準。但隨之而來的是一種曾經有過期望的失望。首先外型不討好，麵內有一條蟹柳，幾片肥牛，完全是白灼，令到外形像韓國部隊鍋或者打邊爐。叉燒不入味，蛋太熟，湯底不夠濃味，麵底不優質而且麵中有些微鹼水味。整碗麵90多元與店舖賣相及標榜北海道原創不成正比，試後令人難以推薦。比我的印象更像港式拉麵。我想往後應該不會再光顧了。…Read More

本人都幾鐘意食車仔麵，因為可以睇當當時的心情去選擇食乜餸，配搭自由度好高。住係元朗，車仔麵檔都算幾多，今次食一次食郭記，感覺上裝修幾新，位都算闊好坐，今次要左三個餸，瑞士雞翼，咖喱尤魚，咖喱魚蛋，當中有我最鐘意食的咖喱尤魚，因為一般車仔麵檔都只會有尤魚，但卻係最失望，同我想像中有d出入，佢唔係用咖喱汁奄到入味，只係尤魚溝咖喱汁係碗麵入面，咖喱汁已經同湯溶到一體而尤魚就變返普通尤魚，而另外試的二個餸都唔錯，瑞士雞翼同咖喱魚蛋都入味，魚蛋有咬口，唔會淋。另外比較欣賞的係佢湯底選擇算多。而特飲 紅豆奶茶中規中矩。整體嚟講呢間鋪都算啱食…Read More

有朋友介紹呢間泰式麵，平時自已都鐘意食泰式野，但係香港食泰麵反而第一次，今次lunch有時間所以試一試佢，店內鋪頭唔算大，但裝修環境都幾唔錯，位就窄左少少，但對於我呢d瘦人嚟講冇乜影響。同朋友要左碗泰式雞肉米粉同泰式豬肉米粉，飲玫瑰奶荼。先講個湯底，冇想像中咁濃味，不過本人比較接受到好濃味野，對一般香港人嚟講都夠味，雞鎚份量都夠，整體配搭得幾好，特飲選擇唔算多，但都算得上中上，整體嚟講係元朗度算係有d特色，而且味道整體唔算，所以都推介…Read More

這間小店位於北角鬧市的一條小巷裏，第一眼的感覺是店鋪雖小，但很精致，而且門面及裝修均很有格局情調，像只是做熟客或者老馬識途的食家。這間店取名酒盜，顧名思意主打是日本的清酒，從店中所見，店內儲備了大量的清酒，本人對清酒認識不多，只選取了價錢不貴的一嘗，壽司選擇了12貫，及單叫了曼魚，三文魚，蟹膏，蝦。整體而言是中上的，尤其帶子，蟹膏及曼魚都不錯。而且壽司中飯的比例是非常之合適，剛剛好，不太多亦不太小。另外本想試海鮮丼但店長說已經沒有了，轉改豚肉丼，味道還可以。在座位上只見到有二款雪糕，看見有冧酒雪糕，於是便試一試，感覺味道幾特別，而且酒味不重，對於不太飲酒及女士都可接受。整體來說，這店是做精品食物的，可以一試…Read More

元朗區酒樓一向都比較多，要食點心選擇唔少，老馮荼居是一間裝修比較別致，有懷舊風味的點心小店，而且沒有收取荼位費及加一服務，當然小店不會像傳統酒樓般好坐，充滿喧嘩聲熱熱鬧鬧，比較特別的是他可以邊飲涷檸茶，涷咖啡，邊食傳統點心。一行四人約二時嚟到，都要稍為等一會兒位。今次食左的點心及評分如下：燒賣-口感肉質唔錯 8分腸粉-蝦同叉燒肉質及份量一般，皮唔夠薄 6分蝦蛟-蝦唔夠新鮮，皮唔夠薄 6分叉燒包-口感佳 8分鮮竹卷-口感佳，汁夠 8分咖喱尤魚-好味 強烈推介 9分…Read More