kmyvivian's Profile

晚餐想食意粉，聽朋友講過Pici有手造意粉食，決定去試試。餐廳環境比較暗，侍應多是外國人。晚餐有套餐亦可以散叫。我地最後決定叫一個二人轉餐。落左單，侍應好快就奉上用紙袋盛載麵包，我一向對西餐既麵包都有期望，食時要微暖，同埋外脆內軟，呢到既麵包唔暖，亦唔係外脆，好似放左係到好耐咁，有點失望。前菜點左肉丸，賣相唔錯，我無食，老公就覺得味道ok。主菜我地加錢點左黑松露細扁麵同埋墨魚汁結他麵。先上黑魚汁結他麵，一上枱就聞到好香既烤蝦味，隻蝦都幾大隻，肉質都爽，黑魚汁麵食落有點咸香味，唔係只係得墨魚汁色，麵質有咬口，唔會好淋，煮得夠乾身，碟底唔會水汪汪。跟住再上黑松露細扁麵，我個人好仲意食扁麵，第一次食黑松露係一片片鋪係麵上面，個汁剛好掛住每條扁麵，配埋黑松露一齊食都幾夾，個汁其實都幾濃味，但又唔會蓋過黑松露既味，唔錯。套餐包兩杯飲品同兩個甜品。甜品只有兩個選擇，一款係Tiramisu, 另一款係意式奶涷，兩款都點黎試下。奶凍都幾滑，Tiramisu一向都唔係我favor, 試左一啖，味道正常啦。…Read More

晚餐想食意粉，又怕繁忙時段要等好耐。諗起一田超市入面有間UCC，就去睇下。我地兩個人，等4張枱，10分鐘左右就有位，都算好快。點左一個蒜蓉海鮮意粉同奄列海鮮飯，其中一個主菜加左$46變套餐，有湯，沙律同飲品。沙律同湯先上，個湯類飲落似蕃茄湯，味道都可以，但係個湯唔熱，同埋我覺得太稀。沙律主要係生菜配麻醬，無咩特別。跟住上蒜蓉海鮮意粉，意粉都ok, 唔會好稔，海鮮配料都算豐富，有帶子，魷魚，蝦，仲有d蘑菇，食落幾有蒜香，都可以。再上奄列海鮮飯，有隻連殼既青口插係飯上面，擺碟都有d心思，不過，奄列無蛋味同好薄身，海鮮飯入面有蝦、帶子，另外有d蜆，個汁酸酸地。下次可能就咁叫海鮮意大利飯會更好。食完主菜，再叫左份鮮果法式多士，都等左好一會兒先有，賣相都幾好，我滿心期待食熱辣辣既多士，點知唔熱既，味道OK，食到蛋味，但如果邊邊再脆D，食落係熱既就更加好。鮮果都幾甜。如果下次再黎，會再試下佢既其他甜品。…Read More

之前黎過食下午茶同晚餐，覺得食物都唔錯。今次又黎食晚餐，可能時間尚早，唔使排隊就有位。以為晚餐餐牌都係同之前一樣，點知有新菜式，即刻試下先。點左黃金蟹肉意粉同Risotto紫薯燒雞。兩個既賣相都吸引，黃金意粉有成隻蟹殼伴碟，意粉唔會太腍，蟹肉份量都唔少。Risotto紫薯燒雞既顏色好靚，Risotto沾滿紫薯顏色，食落去有淡淡既甜味，Risotto唔係好硬身，紫薯配Risotto又幾得意，有驚喜。晚餐加$25叫左件Spicy Melon蛋糕，不過我就覺得蛋糕外層太漏，麻麻地。…Read More

呢到既小籠包皮薄餡靚，裡面有滿滿既湯汁，夾起上黎皮又唔易穿，每次黎都會食，而佢既勝瓜小籠包，加左勝瓜，食落多左份清新味，食多件都唔會覺得膩。另一樣我會必食既係佢既蒜蓉波菜，波菜顏色碧綠，食落又爽口，配上蒜蓉，清清地唔油膩，好好味。我試過佢蒜蓉菜心，但係無波菜咁爽口，所以每次都係食返蒜蓉波菜。佢既其他小食好似蝦肉煎餃，四季豆都好食。煎餃皮薄香口，四季豆惹味。炸豬扒麵我就覺得一般，豬扒肉質都鬆軟，但係無咩肉汁，比較油膩。黎呢到食小籠包同蒜蓉波菜係我既首選。…Read More

朋友之前食過碗屋放題，極力推介，今晚一班朋友一齊試下。共有兩頁餐牌50款食物同一些甜品任點任食。刺身有10款，我地點晒全部刺身試下，賣相好唔錯，睇得出新鮮有光澤，我最鍾意食帶子同赤貝刺身，夠厚身同大隻。魚刺身我唔好，但都試左其中一片，厚切食落爽口，都唔錯。蝦刺身我都試左一隻，普通size,都新鮮。壽司方面，因為怕太易飽，唔敢叫太多，我試左海膽同鰻魚小手卷，海膽好味夠份量，鰻魚就普通。熱食方面，醬燒銀雪魚係我地至愛，魚油多夠滑朋友點左醬燒茄子同蒸蛋，朋友兩款都讚，蒸蛋好滑，呢兩款朋友都有再追加。鐵板燒牛肉有厚同薄燒，大家一致認為厚燒好食d，要趁熱食，肉質鬆軟。鐵板帶子味道唔錯，不過細粒d。炸蠔都幾大隻，裡面有汁，唔錯。燒羊扒我都覺得好食，肉質鬆軟，唔會好多肥膏。燒紫芋年糕，朋友試左話都唔錯。燒粟米同雞翼無咩特別。燒鵝肝我地覺得好唔得，食落有一陣怪味本來對炸軟殼蟹好有期望，不過一試就有d失望，隻軟殼蟹都大隻，不過食落好油，無咩味我覺得鯛魚湯好味，夠熱，有濃濃魚味，我有追加左一碗叫左烏冬試下，都煙韌同滑身。餐廳每人送一款小食，我選左鮑魚，都幾好味。我朋友之前黎過，好鍾意食呢到既枝豆同肉骨腸，但今次黎，無包係任點餐牌入面，要另外散叫，朋友好失望，最後我地都散叫左枝豆，仲另外叫左枝柚子酒飲添。枝豆我無食，柚子酒ok唔錯。甜品我見到有榴槤大福，本來想試，但係係炸既，又打左折扣，最後無食到。雪糕有芒果，綠茶，豆腐，柚子同芝麻味。我食左豆腐，柚子同芝麻，我自己覺得柚子最好，味道清新。豆腐同芝麻都唔錯，豆腐同芝麻味濃，不過我覺得豆腐甜左d。另外，我地都點左朱古力糯米糍，紅豆和果子，白皮明月冰卷，雪糕糯米糍同朱古力流心蛋糕試下，全部細細粒，整體味道都ok。朋友覺得今次放題熱食選擇比之前少左，所以有d失望。不過佢既刺身質素真係唔錯，同埋無漏單，叫左幾多就黎幾多，又無限時，可以由6點開始食到尾。侍應加茶收碟，落order都快手。喜歡食刺身既朋友可以一試。…Read More

之前從未試過黎潮庭飲茶，今次本來都係黎隔離既翠園飲茶，但好多人要等位，見潮庭唔使等位，就試下。點心款式尚算多，除左有一般點心，仲有一d潮州小食。兩個人叫左4款點心1.原籠馬拉糕而家好多酒樓既馬拉糕都唔係用傳統庶糖做法，好多都係奶皇馬拉糕，我個人就對奶皇馬拉糕一般，因為重奶味，比較膩，亦都無咁鬆軟。潮庭呢個原籠馬拉糕就岩晒我口味，原籠細細個，又香又鬆，好味。2. 黑椒牛肚牛肚份量多，濃濃既黑椒汁掛係牛肚到，牛肚爽口，正3. 子薑皮蛋春卷呢個點心係其他酒樓都未試過，我仲意食皮蛋，所以就試下。結果無令我失望，子薑同皮蛋配埋蝦肉好夾，蝦肉彈口，唔錯唔錯4. 棗皇糕無特別驚喜，但都ok整體點心水準都好，以後翠園之外，多一個選擇。…Read More

呢間餐廳歴史悠久，裝修後都無黎過，最近朋友提起呢間餐廳，推介佢既凍檸茶，就黎試下。叫左兩個鐵板餐配黑椒汁，一個係西冷扒，另一個係牛仔骨拼牛扒。個餐包餐湯跟餐包同一杯野飲。首先黎餐湯，夠熱，辣味夠，酸味多返d就更好。配既係牛油法包，個包都熱熱地，不過烘得唔夠脆。到鐵板出場西冷扒- 有差唔多成塊鐵板咁長，而且好厚身。我要五成熟，廚師真係有控制到熟度，切開塊西冷，顏色有層次，外層淺啡，中間粉紅色，西冷好厚，食落去鬆化牛仔骨拼牛扒- 牛仔骨同牛扒各一塊，都好大件。 牛仔骨都鬆化好味，無肥膏又多肉，當然就無西冷咁厚身。另一款牛扒相對就差d, 入口無咁鬆軟，但都可以既。黎埋餐飲，叫左凍檸茶同熱檸水。我本身好怕澀味，所以從來唔會叫檸茶，今次朋友推介，就試下。檸茶無澀味，清得黎飲到茶味，唔太甜，檸檬無苦味，好飲。以後黎呢到食飯，我就可以叫凍檸茶飲啦熱檸水平時我就成日飲，今次呢杯我都擺左一陣先飲，但檸檬都無出苦味除左鐵板，呢到晚餐都有小餸同炒粉麵，之後有機會會再黎試。…Read More

沙田一田超市開返，入面有幾間food court形式既食肆，呢間Taylor Shellfish Farms係其中一間。見佢新開張有優惠就黎試下。蒸煮波士頓龍蝦配薯條-原隻龍蝦，賣相吸引，蝦肉都爽口，但未算好鮮味。配菜薯條新鮮熱辣，粗幼適中，好味。煙肉燒生蠔-蠔都算大隻多肉，煙肉咸咸香香，幾惹味，配合燒生蠔食， 都唔錯芝心蝦球-流心芝士餡，略嫌蝦球唔夠彈牙，太硬我見佢既蠔肉煎餃子都好吸引，下次有機會會試下。…Read More

之前黎食過午餐，都唔錯，不過無食過刺身。見晚市有特價迷你丼，就黎試下。雖然特價細細碗，不過海膽同帶子刺身都好鮮味，尤其係海膽,丼飯食到醋酸味，我仲意。另叫左原條鰻魚壽司，鰻魚都大條，好味。吉列廣島蠔即炸，熱辣辣。另老公叫左日式叉燒烏冬，佢都話唔錯，整體食物都ok。餐廳係用平板電腦自助落單，點滿4款食物，就可以抽一次獎，有機會抽到免費野食，不過今次唔好彩，抽唔到。點左既食物，會由一架火車造型既送黎，幾得意。…Read More

同朋友黎過呢間泰或餐廳好多次，每次大家都好滿意，今晚又黎開餐。桂花魚雙弄-差唔多次次都食，一邊係椒鹽味，另一邊係酸甜味，兩款口味都好食，個人就愛椒鹽味多一點，夠香口。朋友都愛食埋好似炸過既海草配菜。蝦餅-又係我地既必食菜，蝦餅熱辣辣又彈牙。馬拉盞炒椰菜苗-椰菜苗爽口冬蔭公大頭蝦海鮮鍋-湯料豐富，夠酸夠辣。泰式海南雞-第一次食，雞都算滑，可以泰皇燒牛扒-正，入口超鬆化，我最愛紅咖哩南瓜牛尾-牛尾入味，南瓜又係我仲意食既海鮮炒金邊粉-今次我無食，不過之前食過都唔錯既佢地推出左4款夏天生果特飲，每款都叫左一杯，每款都好味喎。…Read More

之前都黎過食晚飯兩次，覺得佢既乳鴿好味同抵食。今晚突然又想食乳鴿，同埋見到佢出左關於蟹既新野食，所以又黎食。蟹粉麻球- 麻球都好QQ, 不過個皮太厚，蟹粉份量少，食唔到蟹粉味。蟹粉蛋白炒飯-呢個蟹粉汁都算多，但都係無咩蟹粉味。乳鴿-今次既乳鴿無之前咁熱，之前食係燙口，今次都熱，不過未至於燙口。好彩，味道同肉汁都保持水準。原茄三色翠苗-湯浸菜苗，湯味濃，配住菜一齊食，好味。天鵝金枕酥-之前無見過有呢款點心食，見到有榴槤，就試下。榴槤好甜，賣相都靚，不過，如果酥皮可以再薄d更好。…Read More

生日飯，想鋸扒，上網睇到介紹呢間牛扒唔錯，就黎試試。點左個2人餐，有餐包同餐湯，個湯有d似豆湯，麵包有3款，微暖，都好味。前菜點左一個配魚沙律，一個凱撒沙律。塊魚熱熱地，配沙律菜，好味。凱撒沙律就普普通通，無特別。主菜點左 羊T骨同西冷扒。 羊T骨入口鬆化，唔錯。西冷扒，近邊部分稍硬，中間部分就鬆軟很多，配菜既沙律酸酸地，我仲意食。個餐包2杯飲品。整體黎講，算不過不失，試一次都可以既。…Read More