之前食過一次酸菜魚，覺得唔錯，就決定再去食。咁男朋友見到餐牌上面個鐵板餐有個焗薯，望落幾吸引，所以就叫左個西冷牛扒鐵板餐。我地大約7:35pm落單，我個酸菜魚未夠8pm就到左，咁我肚餓就食住先啦。一直等一直等，我差唔多食左半兜酸菜魚，個鐵板都未嚟，咁就問下個侍應，問左一個侍應，過左10分鐘都仲未有，講緊已經等左大半個鐘，再問第二個侍應，先話漏左單，會即刻整，咁就繼續等啦。。。等到8:25pm左右，個鐵板終於出現。。。點知個樣係咁。。。我咁大個人第一次見鐵板係會用萵筍墊底。。。仲要佢啲萵筍望落好唔新鮮，擺左好耐咁。。。（講緊我兜酸菜魚都係用萵筍墊底，感覺佢係將啲餸頭餸尾求其放埋落碟鐵板到），跟住啲薯條又乾爭爭咁，一眼望落去係完全冇意欲食。。。因為我地坐走廊位，我地會一直見到啲侍應推住其他餐出嚟。佢menu有個扒類嘅燴飯先係六七十蚊，望落仲靚啲，有焗薯有車厘茄！！！但依個等左差唔多成個鐘嘅$108鐵板餐係連車厘茄都冇粒，亦都冇焗薯。問返個職員，佢話焗薯賣曬🤗 賣曬焗薯都算，點都唔會係攞萵筍同啲乾爭爭薯條嚟敷衍啲客掛。。。你烚幾棵西蘭花放係側邊都好啊。。。更加唔洗講果塊所謂嘅西冷牛扒。。。仲要話係招牌西冷。。。實在係不敢恭維。。。一句講曬，唔會再幫襯。。。。。。。…Read More
