ccd2138's Profile

約咗太古城睇戲，未夠鐘想飲杯野，喺太古城人生路不熟，誤打誤撞去咗呢間，門口見到佢有個類似吧枱嘅物體，咁就諗住入去一試，本人都唔係對cocktail要求太高的人，叫咗一杯Margarita，見到個店員做沙冰就知出事了，完全無味，鹽邊得一半，根本就係一杯檸檬沙冰，之後叫店員加少少酒，佢個樣就非常之不願意咁加左兩滴俾我「完全覺得佢係敷衍我」我見到我冇出聲，就咁算數，心諗幾十蚊由得你，之後我都係飲返啤酒算數，再加埋食咗個薯條，埋單＄200唔使，係呢個檔次，都算係咁㗎啦，不過就一定唔會再飲cocktail...…Read More

第一次叫呢間外賣，叫左干炒牛河，下午茶餐既四寶麵，小辣米線........打電話落order個陣已經同佢講用500蚊........好喇，到佢送到黎，首先係一個無著衫既外賣紋身仔，拖住架開到好大聲既音樂外賣單車係我門口，之後唔出聲遞D野食俾我，咁我俾張500蚊紙佢啦，佢示意無得找，但係佢又無出過聲話無，咁但係我落單講明我俾500嘛!!!!OK，咁我搵左張100俾佢，佢粒聲唔出找左錢就走左............(已經感覺唔多良好架喇 ，因為講明500蚊架嘛，好彩有得俾者，如果唔係都幾尷尬...........)之後，我計下計下，收多左我兩蚊，咁我都算，當俾tips，D野食好食就算啦........(再感覺唔良好多D...............!!!!!!!!!! )打開野食，發現小辣米線變左清湯 ，再check下其他野食有無問題，其他就ok，但係以上3件事已經火都黎喇，於是打去同佢講........ 打去又係個落order既女人聽電話，同佢講我個外賣小辣變左清湯，點知佢答(態度有D奉旨的語氣):咁呀，可能佢漏左加落去啦，下次俾返我......之後就收左線...外賣紙我都已經撕爛左，以後以後都唔會去幫襯呢間餐廳 …Read More

本人第一次寫食評，原本對呢間酒樓都無乜野，但係今日呢個下午茶，真係食到一肚氣…………一入門口有個姐姐開門，我覺得係呢個姐姐最好，佢係著黑衫的，應該係部長，之後我同太太bb，三個人坐左一張卡位，之後佢地問我要咩茶，我叫左香片，都呢一刻都好好咖，但係放低左壺香片，個好姐姐走開之後…………我同太太寫完點心紙交左俾佢之後就黎料了………………我叫左一個叫孖寶既餐，係兩雙燒乳鴿加一個烚茶加一窩米線的，故事就呢個黎料喇，首先我揀左米粉，佢打單嗰陣話無米粉，問我轉咩，咁我就話改瀨粉，之後黎嗰陣俾左米線，我問點解，佢話無瀨粉（咁我講嗰陣點解唔講？？）好，算數，反正米線都岩食，無出聲，其他野食都慢慢咁到齊，但係差牛肉腸粉同雞扎，等等等，我三點多小小落單，差唔多四點先追單，因為我見到蒸點心差唔多收檔，所以我就叫人埋黎問啦！！等等等，等左好耐都無人過黎，終於見返好好人嗰個姐姐，問佢我叫左牛腸同雞扎未到，點之喺呢個時候有一個四眼仔大聲話腸粉賣晒，請記住係好大聲，幾枱客都望住嗰隻，之後我就話係追單，已經左好耐，佢先收聲，態度極之差，之後個好姐姐幫我check單，發覺原來無落到腸粉，（點解我落單你呢個又講呢！！）但係個雞扎喺有落單既，咁我又算，睇住個好姐姐幫我去點心部追個雞扎，點之個點心師父又大大話：收哂檔喇，乜都無咖喇，雖然唔係同我講，但係聽到都火起，好！我又算多次，好姐姐幫我取消，食完喇，想要牙簽，啫，我張枱無，咁咪睇下第二張枱有無啦，幾張都無一支牙簽，咁剩係見到岩岩好大聲講野嗰個四眼仔囉，佢囉完之後唔係放喺枱面，係掉喺度，好似我得罪佢咁，我覺得，我都已經係附近搵過無先叫你啫，洗唔洗，我食完執埋枱唔洗你做好無呀！！！埋單168，我覺得去大家樂都好過佢，起碼啲人有禮貌啲我我以後都唔會去呢間酒樓，大家會話屋村酒樓係咁咖喇，所以我都無要求過啲乜，食物普通，服務普通，但係呢啲普通真係衰過好多大排檔…Read More