facialmask's Profile

提早幫奶奶慶祝生日, 決定來金兜記餐廳。其實金兜記在午市時段一早試過, 食過的都是點心, 終於可以一試晚飯茶式。 今晚的菜單，非常豐富！因為生日，決定食豪一點。 頭盤點了手拍青瓜, 呢味菜少少甜, 少少辣, 幾香口~~ 接著主菜如下: 日是老火湯 據說金兜記每日都有不同日是例湯, 款式多達二十多款。我地當晚的是淮山杞子大眼雞煲豬展. 上桌前店員好細心地將湯和材料分開, 材料非常充足, 以及豬展近軟骨部份很嫩,我同老公都食過不停, 忘記留肚 八寶鴨 八寶鴨要提前預訂的, 炆得好嫩, 好腍，連骨頭也好軟, 好入味，鴨內的餡料，有蛋黃蓮子等，只顧住食, 沒有數內裏是那八寶。 鵝掌炆鮑魚 D 鮑隻隻都好大隻, 放入口淡淡肉, 爽中帶稔, 出乎意料之外, .同 D汁送飯簡直是絕配, ..鵝掌炆得好滑, 輕輕一啃，骨肉已經分開，正. 即燒乳豬 -值得推介的是燒乳豬, 金兜記的燒乳豬真的是做得有聲有色, 爆脆無比, 肉亦嫩, 油潤而不膩, 上湯蒜子浸莧菜, 來算是全晚最輕口味, 清的一道菜,其實這時已吃至好飽了。莧菜浸於上湯中, 味美清甜,而家湯內沒有半點油, 正合我地口味 啫啫雞煲-真惹味!!! 將雞件在爆香料頭的瓦窩內，煎至皮焦, 新鮮滾熱辣 食入口, 件件雞都好入味, 而家肉質亦能保守鲜嫩, 好味道 原本我地打算點壽包興祝生日的, 但我地實在經己吃得太飽了, 一致決定不點了, 留在下一次吧 總括而言：食物有水準，特別是乳豬和鵝掌炆鮑魚 ，非常好吃, 奶奶食得好開心, 這亦是我地一家就想見到的。…Read More

呢個煲超多海鮮，用料十足，清甜，睇黎D海鮮都真系新鮮個隻。火鍋料：1.雪花蚌 2.花枝丸 3.腐皮卷 我最中意就系嘗試新野架啦！哇~ 好特別囖個雪花蚌，滾水拖兩拖就食得， 超香麻油味之餘，爽夾彈！花枝丸同腐皮卷口感都唔錯，同平時食開個隻龍蝦丸有得FIGHT~! …Read More

到北角晚飯，越南菜館， 華順越南餐廳。 要了一個海鮮蝦酸湯、咖喱海鮮蝦煲、牛油蒜泥炸雞翼、越菜併盤、法式蒜泥包、海鮮炒檬粉和一碟馬拉盞炒通菜。海鮮蝦酸湯味是酸酸的，不過易入口，內裡有蝦、芽菜、蘿蔔、魚件，味道實在很暖胃，不過不足的是魚件不新鮮，就算放在酸湯也未能蓋其腥味，但還是值得喝的越菜併盤，有雞串燒、札肉、春卷、牛肉碎夾蝦片，看來是依人數給份，雞串燒不過不失，札肉是現成的，春卷是傳統的米紙包，餡料很足，再配以生菜包真是很滋味，牛肉碎夾蝦片也是驚喜的，加上檬粉和一些蔥，就如吃生牛肉檬粉的迷你版一樣，吃後也不覺太咸和口乾；咖哩蝦海鮮煲，有魷魚、蝦及一些燈籠椒，再伴以大量的粉絲，粉絲把咖喱汁吸盡，但卻很好吃，魷魚卻有點馬虎，大大的一片觸鬚，卻沒有斬件而上，對注意儀態的女士來說，吃時需要點技巧，不然會醜態盡出；炸雞翼，我覺得是香口之食物，炸到恰好，但未能說做得很特別，只能說師傅炸得很到家，肉還是很嫩；海鮮檬粉，也出現同樣的「魷魚怪」，大大的一塊很難放進口裡，但炒得很好，不油卻很惹味，值得再試；蒜泥包、炒通菜也不過不失。 老闆很有禮貌。…Read More

和味館，當晚我哋好早去，所以咪有咩人，老細親自過黎向我地介紹菜式， 首先上係北海道魷魚圈、但問老細魷魚圈係唔係要點芥辣食，魷魚圈已帶有淡淡芥辣味及魷魚嘅鮮味，老細話魷魚圈灼熟後加了芥辣油調味雪凍，食到魷魚嘅鮮。而一夜情其實係用鹽餣一晚再用雞油蒸，這個味道唔算出眾。至於頭抽雞不愧係招牌菜，頭抽帶出雞嘅鮮味，而肉質好嫩滑，原來係用新鮮雞煮嘅，真係好好食，所以好快清唒。仲有碟和味龍、竹蟲、蜂蛹，見到個樣，大家都唔敢輕舉妄動，尤其和味龍貌似曱甴，經過一陣爭扎，試食下幼身嘅竹蟲似炸薯條, 粗身嘅蜂蛹似魚春, 黑色似曱甴嘅和味龍就硬少少無咩味，用嚟送酒都幾好!鐵板薑蔥魚卜離遠已經聞到香味，魚卜食落好似花膠，但較薄身入哂薑蔥嘅香味。…Read More

！湯底鮮甜無比，仲有陣好似龍虾味，再加三隻新鮮虾及兩件肉質軟腍嘅排骨，真係好好味。黑鼓油炒蘿蔔糕、自製黑松露豆腐、海鮮釀油條、星加坡蝦麵、馬來西亞炒麵、新加坡少貴勺及一隻海南雞，另外每人一客清雞湯。首先侍應攞五個壺同杯來，仲以為係茶，然後佢放低時話係清雞湯，再望吓隻杯裡面原來幾粒杞子，將湯倒杯中好熱，飲下去是清清淡淡的雞味，但並沒有油。跟著點嘅餸陸續上枱，黑鼓油炒蘿蔔糕味到好特別先係甜，然後辣，最後少少苦，但味道又恰度好處。還滴咗白松露油，而炸過嘅弄豆腐都好滑。海鮮釀油條就好脆、好鮮味，好香口好好食。星加坡蝦麵同上次一樣個好味到湯都飲哂，蝦好新鮮，不過排骨好軟…Read More

咗吉列日本黑豚定食、薄紙脆豚定食、原味芝士包包、吉列野菜盛皿、雞肉沙律醬排烏冬、香蒜和牛卷及豚肉煮。牛卷就到喇!煎得夠香，入口牛肉有牛味仲有肉汁，加埋醬汁味道啱啱好。再飲啖啤酒豚肉煮、日本黑豚定食、薄紙脆豚定食、原味芝士包包都到，豚肉煮就好似扣肉一層瘦一層肥隔住，好香豬肉味，但係唔覺得膩。而所有炸脆都炸到一樣金黃色，咬落去脆卜卜，脆漿啱啱好唔會厚，但每種口感都唔同，吉列日本黑豚外脆入面是軟腍嘅黑豚肉，更有肉汁滲出，有濃濃豬味而不羶。而薄紙脆豚，就真係將塊豬扒揼到好似紙咁薄再炸，食落口感更加脆口。最後係原味芝士包包一切開熱辣辣嘅芝士流出黎，即聞到芝士香嘖嘖，入面帶著豬扒同芝士一齊食，好野味，令人飲多幾啖啤酒。最好就係所有吉列都唔會油膩，最怕食吉列成口油，哩度吉列真係做得好好，但係食得太多怕熱氣，其實每碟吉列都跟埋椰菜絲，可加枱上嘅沙律汁食，有兩種味介辣同柚子，我比較鍾意柚子味酸酸地好開胃。想唔到菜都可以吉列，吉列野菜盛皿包括有吉列豆腐、吉列西蘭花、吉列蕃薯、吉列冬菇、吉列南瓜，豆腐係整碎加入紅蘿蔔及青瓜粒再做嘅，係一個誠意之作。最有驚喜嘅係吉列冬菇同外脆，咬到入鮮冬菇嘅汁擁出黎，而且好滑，散出冬菇味出黎。如果唔好鍾意食吉列，我見意食哩個雞肉沙律醬排烏冬，夏天就更正，沙律菜好新鮮，而面有沙律醬裡面有柚子沙律汁，撈埋一齊食酸酸地兼且唔似西式沙律會滯。 …Read More

位處於中環嘅日本料理都知道會係高當，上到去裝修設計有日本色彩，但係好舒服，對住門口係天婦羅同魚生吧枱坐位，右邊有窗邊位，窗可以見山景同文物建築，但將會拆卸，聽職員話夜晚有燈光仲靚！ 首先係前菜，前菜已經好精美，有蟹仔、魚子鮮蝦肉、三文魚卷，炸得好脆，咬落去咯咯聲，又重蟹油嘅香味。魚子同鮮蝦肉夾埋一齊就更加鮮味，而三文魚卷，有三文魚係面好鮮脆，三文魚好軟滑鮮味，內有露荀爽脆，整個夾住醬汁一齊食好鮮味好開胃有多重口味。 然後就送黎魚生，裝飾得好靚，仲有隻用車厘茄做嘅兔仔，分別有三種魚先食薄切左口魚好清甜，再食油甘魚比頭先左口魚味濃少少，但同樣清甜，最後食吞拿魚腩入口即溶好甘好香好鮮味。再黎一碗好清好香菇味嘅湯，再繼續到主菜天婦羅，想夠新好食啲嘅就要坐係炸爐前面，炸一樣食一樣，哩度除咗提供油海鹽，仲會俾兩種鹽，例如:綠茶鹽同咖哩鹽等。 其實哩度仲有鐵板燒房，無咩煙，都好多人食鐵板燒，食材同樣好新鮮…Read More