毛毛白貓's Profile

平常很少到旺角食午餐，今日見完客，隨意走進餐廳醫肚，這間味吉，也是因為不用等位才選上它。打開餐牌，店員很殷勤上前介紹，我選了厚切豚肉拉麵，起初以為$58一碗，原來$58只有一片豚肉，那麼來個3片的要$78一碗。這個價錢的拉麵，我期望味道應該非常好才值這價格。無錯豚肉的確厚切，而且帶點肥糕，看來有點似東坡肉的質感，但3片裡有只有一片是"林"，其餘的兩片都要花些時間咀嚼。這裡沒有午市套餐，飲品要另加$10，我和兩位同事一起，加了兩客特價小食 -餃子及炸豆腐(每客$25)每人點一款拉麵，加小食兩客及兩杯飲品，共$325。老實說，不太值這價錢。不過他們的服務也算不錯。…Read More

星期五晚係旺角食飯，因為唔想等，見元綠開左新舖，就去試下，好多年冇去元綠，估唔到比我印象中好， 有驚喜!呢間樓上舖，門口不顯眼，如果唔係有傳單，都唔知有間新舖，裝修看來簡約，但枱面偏細。打開餐牌，點了一些店舖推介食品，先來一客"山椒醬油漬壽司"，全部係白魚，上面黑色一粒粒係山椒，味道帶點辛辣，幾特別，不過如果可以在塊魚下面掃一點醬油可能更好味。店長推介有新鮮運到時令海魚，可以即劏做刺身，冇諗過食迴轉壽司可以食到即劏新鮮海魚，盡管一試，朋友選了一條奇型怪狀既魚，等左約10多分鐘，一碟薄切既刺身出來，薄薄一片片可見師傅刀功，估唔到有驚喜!又點了一款元綠炸蝦卷，外表平凡但口感鬆化，飯糰內包住炸得香口鬆脆的蝦，外面鋪上蟹子，好味!跟住點了一客"三色花之卷"，沒什麼特別，只是平時吃的花之卷都是用三文魚，這裡一次過有三種魚，賣相一般，但食得出用料好左，而且魚生厚切，好鮮味!還有點了一些熱食，例如鹽燒青花魚﹑鹽燒魚餅等，食物都OK。我最欣賞係"辣汁芝士焗蠔"，生蠔我從來唔食，但這款焗蠔就真的好味，外脆而內軟，帶點辣味，加上焗芝士既香味好惹味，兩隻才$28，好抵食!冇諗過可以係迴轉壽司店，可以吃到即劏即食既新鮮海魚，聽講時令海魚每日返貨的款式不同，總體來說食品質素好左，食得出用料新鮮，加上刺身賣相精緻，看來元綠真係決心改革。價錢方面平均每人約$160，可能因為食左一條即開鮮魚，不過都算物有所值。…Read More