楊師奶's Profile

M叔叔其實都算幾進取,起碼時不時都會出D新野:),唔使咁悶對呢期出個板燒烤汁豬柳飽幾有興趣,就試下先板燒烤汁豬柳飽~個飽同板燒雞腿飽一樣,個餡就換左燒烤汁豬柳,M叔叔D豬柳一向都幾好食,加上洋蔥同燒烤汁都幾夾,唔錯脆薯皇~即係炸薯角,好食過薯條,M叔叔D薯條一向都唔好食,不過佢以前出過一隻好像彈弓的那隻薯條就好好食,可惜現在沒有了:(總括都不錯的…Read More

好開心!!將軍返黎喇!!我覺得m叔叔最好食的包就是將軍漢保,點解m記唔將佢擺入餐牌:(今次仲蔕埋玉子,同老公一人一個餐,將軍漢保水準依然,拿上手仲熱的,當然好味,但玉子就...m叔叔d蛋一向都唔好食,無論炒定煎p.s依家m記係先排隊買食物,再等候另一店員拿食物,見到他們的包都是即制的,所以拿上手都熱熱的,這改進很好…Read More

老公一直想試呢間d生牛肉河,咁就即管同佢試下啦.....有下午茶,老公叫左個生牛肉河($26),椰汁紅豆冰(+$6)俾我飲^.^我唔肚餓,下午茶無野啱食,就叫左個特價的沙爹串燒半打($34)要了雞.牛生牛肉河~老公話d湯同河都ok,但d牛唔得,好un椰汁紅豆冰~不好甜的我覺得太甜串燒~雞都算滑,牛就真是un,不過個沙爹汁就唔錯價錢就唔係貴,不過試過就算…Read More

婆婆生日,由大舅父打點,因為方便婆婆,他在這裡定了兩圍,幾錢一圍就不太清楚,但以菜色來說應該不便宜,先來上湯龍蝦伊麵~幾多龍蝦,用上湯無芝士咁膩,伊麵都食左d,撈左上湯幾好味,但要留肚食其他,乳豬~好脆,唔錯炸蟹拑~因知老公鍾意食,俾左佢,佢話好食西籣花炒珊瑚蚌~珊瑚蚌爽口,西籣花就硬了點翅~一向無咩興趣,俾埋老公,佢話味都ok,係翅少d蒸東星斑~蒸得剛好,好滑,d豉油好好味鮑魚扣花菇~只食了花菇,好入味,鮑魚給了媽咪,因佢喜歡食,雞~到這度菜已8成飽了,只食了一舊脾位,好滑,炒飯同餃子一起上,沒吃飯,吃了餃子,個湯好味,餃子都幾好壽包~唔太甜,啱我,另外原來橙汁,汽水,啤酒係任飲的,眼見男士們都乾了不少,哈~我都飲左三杯.........橙汁^.^食物不錯,服務不差,大家都好開心盡興,婆婆年年有今日,身體健康!!…Read More

近期睇到軟硬個M叔叔廣告,好Q呀!令我好想試下新出的椒財餐,同老公一人一個餐試晒牛雞兩種,雞就同板燒雞腿包一樣,只不過汁就換上黑椒汁,而牛就只是佢漢堡包件牛拉長左,再加D洋蔥同黑椒汁,都係換湯不換藥,但佢跟餐的薯條就好得呀,成條彈弓咁,好得意,都好脆,個味好好,完全唔使點茄汁,仲有如果你買呢兩個餐會有利是封送,好鬼Q呀,啱晒我地呢D已婚人士,可以用來封利是,又唔會好似銀行同保險公司送的咁'娘'咁老土,仲唔使特登買D得意利是封呀!雖然個包係好麻麻,但因為得意利是封同個薯條會再食個椒財餐^.^笑臉是給利是封同個薯條…Read More

與友人相約在旺角行街街,大家都未食野,呢幾日天氣凍左,好想食碗熱辣辣的粥,友人都讚成,我就提議到這裡其實自己一直都想試好耐喜愛魚的我要了魚腩粥~d魚腩好滑呀,唔腥有魚的鮮甜,相信是新鮮魚的,粥底是我喜愛的,充滿魚味而且不會太傑,看過食評都知佢大碗,都驚自己食唔晒,但估唔到食下食下食得晒喎,因為真係好好味友人不好魚,所以要了肉丸牛肉粥~她說牛肉好滑,肉丸好味,她同我一樣細食,但大大碗粥都食晒,可想而知真係好味食完碗熱辣辣的粥,好舒服呀!!…Read More

睇左呢度食評,一直心思思想試下,昨天咁啱行到這裡就叫個人人都話抵食好食的芝士焗龍蝦伊麵外賣試下叫了後先發現我沒足夠現金,便同他們說等一下我再拿,我想焗都要一些時間吧但都立即到櫃員機拿錢,拿了立即返去俾錢失望一~芝士焗龍蝦伊麵我估不是即焗的,我來回大約5分鐘,但見他們己包好等我拿失望二~明明見到這個是$48的,怎知俾錢時說$98,我當然問下啦,那女人說晚上是$98的,我心想我是$48才買呀,另一女士(老闆娘?)即說她(即我)是外賣呀,份量是一半的,是$48,當時我即想如果我不出聲,那麼我便買了本是$48的但要付$98的??食味都不錯,但經過這事件,我相信不會再來了.......…Read More

一向對pizza hut的pizza都無興趣,不過佢d蒜蓉包就的確幾好呢日心思思好想食蒜蓉包,就拉左老公來^.^下午茶時間我當然是叫了蒜蓉包下午茶餐,蒜蓉包依舊好吃,好香,我食晒成份呀老公就要左個加國風光迷你批套餐,我無食,因為食左蒜蓉包都飽晒,見佢食晒但無評語,我估都ok啦蒜蓉包勁好味,其他的無興趣,服務都唔差,環境幾好,因為唔多人可以兩人坐卡位,d卡位大到我估可坐6人,好舒服^傾下計談下情,不知不覺己日落黃昏,食得開心^.^…Read More

之前因為這裡的笑臉,都試過外賣海南雞飯,但很令我失望,說真的自己就不會再來了,但友人想來試,就俾多次機會呢度啦!叫左海南雞飯,炒蘿白糕,串燒半打,馬拉盞通菜海南雞飯~咦?似乎堂食的好點喎!還是他們的質數一時時呢?雞無雞味但都算滑,飯就都係唔得,好像加了黃色的白飯,只有色沒有味...三色醬都係得薑蓉好d,個湯我無飲,友人只是飲了少許,估計不太好炒蘿白糕~呢個不錯啊,好香,幾野味,但蘿白糕都是粉多蘿白少串燒半打~要了雞和豬,燒得干了點,但都未至於鞋到食唔到,點d沙嗲醬食都唔差,個沙嗲醬幾好食馬拉盞通菜~味道係唔差的,但太多油了,雖知炒菜會油膩點,但都唔係咁多吧!!總括來說海南雞飯還是不要來這裡吃,亦不要抱太大期望來!!…Read More

有日行行下見到呢度有下午茶餐只是二十多元,未食飯都有d餓,同埋記得上次同媽咪食過小籠包幾好,就入去啦叫左個小食+點心+飲品的茶餐小食要左涼拌辣茄子~一d都唔辣,仲甜甜地,不過都幾好食點心當然要小籠包啦,熱辣辣,差d俾d汁辣親,好多汁,d餡都好食,個皮好薄,但唔易穿,我見到有個鬼佬唔太識用筷子,好粗魯地夾粒小籠包,都唔穿呀!飲品要熱豆漿~唔會過甜,味道剛好,仲有d豆味,唔錯另外一坐下來就會好似茶樓咁開壺茶俾你,我都諗住佢實收茶錢啦,點知無喎,只另收加一,服務幾好,抵俾!!…Read More

難得老公休息肯陪我玩煮飯仔,一齊去citysuper買料,老公休息當然瞓到三點不露,大家都未食野,去cooked Deli醫肚先啦我就要了我喜愛的抄粉絲,雖然都係唔熱,但我鍾意食老公就選了食BC Burger Combo轉blueberry milkshake,有d奇怪點解佢轉milkshake,佢話想試下喎....但個餐都好貴下,我可以食到兩份抄粉絲.....不過個包同薯條真係幾巨型,老公大食,佢食完呢個餐都話好胞老公唔太喜歡食青瓜,呢度青瓜擺包上,啱晒佢,佢話個Burger好食,我都試左d薯條,幾脆,唔錯,好過M叔叔好多老公仲讚杯milkshake好正雖然係貴d,但老公覺得好食,又食得飽,都抵番啦…Read More

一向是板前的粉絲,但成日行過見金水下午茶半價好吸引,終於自己一個走去試下可能係閒日,都唔算多人,不過都有7成滿,睇黎半價都吸引到人三文魚壽司~半價左$4碟的確好平,而質數以$4黎講都ok的,好過超市咁啦,都食左兩碟,真係好平吞拿魚腩壽司~唔夠肥美,而且無咩魚味,不過十幾蚊食到所謂拖羅,都預左啦珍寶帆立貝壽司~吓!咁就叫珍寶呀?同平常的帆立貝差不多,不過又係無鮮味海膽軍艦完全唔得,d海膽勁唔新鮮腥到暈,食左一啖頂唔順,即刻吐出來,立即飲茶沖走d腥味燒三文魚頭~半價左$15,但好唔得,燒焦左不特只,仲要燒左都好腥,你話條魚會幾新鮮!!!佢\有個汁跟,有d似魚露,嘩!點左仲腥,勁點豉油蓋\左d腥味都食到d,不過食左1/4都係頂唔順,放棄!!吉列炸蠔~勁細隻好似$5咁,食落以為自己食緊炸粉,隻蠔呢??去左邊??價錢半價左睇落好平,但以質數對比下都係食唔過,覺得將貨就價,唔知佢\正價時質數會唔會好d呢??但佢\令我太失望,唔會再試了…Read More

媽咪好喜歡食kfc的唔辣上脾,特登去買幾隻一齊食去到好順口咁叫左4隻唔辣上脾拿走,特登拿了$34等佢唔使找,點知原來$36,我呆了一呆,收銀員見此便說他們加了價.......吓!你地已經唔係平啦,仲加價!!買完後再看看餐牌,發現全部都加價了kfc越來越唔抵食呀!!…Read More

其實一直想去吃很久了,但要就老公,他對魚生興趣不大,因此每次也望門輕嘆.....日前的特別日子,我強烈要求到此,終於得逞^.^最想吃吞拿魚腩蓉及吞拿魚腩,便叫了香葱吞拿魚腩定食同強迫老公叫極上吞拿魚腩定食>.<香葱吞拿魚腩撈埋d飯一齊食,好味啊!!極上吞拿魚腩~好肥美呀今餐老公就係食左少少香葱吞拿魚腩飯,極上吞拿魚腩定食d飯(吞拿魚腩我食晒),兩個蒸蛋同個面豉湯,我就食得好滿足呀佢梗係唔夠飽啦,跟住仲要陪佢去第度食....老公呀,就我一次啦!!…Read More

其實一向都聽說和民的大名,但因怕等候,因此卻步有日下午茶時間,見人潮散去,一家又未食午飯,就入內一試食物不錯,價格合理,但最驚喜的是有兒童餐具,我囡囡很開心,也食多點呢!而侍應也很細心,知道小孩子不能渴熱茶,就給我囡囡一柸湲水還付上飲管呢,囡囡吃了不少(平時同她外出吃,她都吃很少呢),好高興的一餐,(要知道不是很多餐廳會供應兒童餐具,就是酒店亦沒有呀)…Read More