sakura_lam's Profile

約朋友平日食晚飯，叫左兩個Dinner Set。Dinner set 有5個courses，除左甜品外，每個course都有多款選擇，加埋一差唔多5百蚊/位。Starter - 夏威夷木瓜蝦沙律木瓜好大個好清甜，沙律份量好多，個汁酸酸甜甜，好開胃。Soup - 磨菇忌廉湯磨菇全都打成蓉，飲落有磨菇鮮味，勁好飲，蒜蓉包熱辣辣脆卜卜。Entree - 西班牙辣肉腸雜菌酥盒 / 香芒雞肉撻一咸一甜，個皮一厚一薄，兩個都好好食。Main - 同朋友分別叫左牛同魚。(1) 炭燒美國牛肉眼，烤香蒜，烤蔬菜，黑椒汁叫左5成熟，好大份，處理得好好，肉嫩多汁。(2) 香煎智利白鱈魚柳，焗芝士椰菜花，烤茄子，日本醬油汁煎得好香口，脆邊，個汁甜甜地，好正。Dessert  - 燒菠蘿配乳酪呢個都幾特別，係熱辣辣既原片菠蘿加乳酪。菠蘿好甜，用生果做甜品唔會好HEAVY。呢餐都食得幾開心，每道菜都好滿意，待應好熱情咁介紹d野食。我因為遲到，令朋友等左好耐，餐廳送左兩片蒜蓉包俾佢食住先，好貼心。晚餐有幾個COURSES，最好預充裕時間食，餐廳環境幾好，好啱同朋友慢慢食同傾偈。工廈黎講樓下大堂都幾光猛同企理，搭LIFT上去一出就見到餐廳，好易搵。…Read More

星期六下午兩點入座，唔使等位。叫左$68牛肉片午餐，跟湯，油麥菜，蝦仁拼元貝，白飯。加左$5飲蜂蜜綠茶，最後加一$80。師傅炒野前會將一張錫紙擺係你前面既爐邊，啲野食炒完放上去，就一路keep住熱辣辣。牛肉片燒到咁上下，師傅就倒啲汁落去，個餐好似寫黑椒牛肉片，但食落有啲似沙嗲汁。油麥菜就用蒜黎炒香。蝦仁元貝反而係甜甜地，似蕃茄炒蝦既味道。本來以為係日式鐵板燒，但食落味道似中式小炒多啲。不過呢個價錢有咁多野食都幾抵。…Read More

自從幾年前發現係葵廣既藝餐之後，耐唔耐都會黎幫襯。呢度環境簡單，小店風味，提供韓國家常料理，食物實在係唔錯。由於位置唔易搵，平日晚上一般較清靜，最啱約埋鐘意食韓食既朋友一齊吹下水，順便行下葵廣。飯卷，餐牌好似無寫，要特別問店員蛋卷及泡菜煎餅石鍋飯除左飯卷預先整好外，蛋卷，泡菜煎餅同石鍋飯都係即整，熱辣辣上枱。P. S. 以前都係呢度食過炸雞，但確實一般，大概非此店擅長既料理。食韓國野其實唔一定等如要食炸雞，到訪此店不妨試試其他野食。…Read More

星期一既晚上約左朋友，想搵個坐得舒服兼坐得耐既地方食飯，第一時間諗起好耐無去過既樓上CAFE。上OPENRICE一睇，見到呢間新開既CUBBY CAFE，雖然食評唔多，但都對食物都一致讚好，決定一試。甫一入店，整間CAFE以白色為主調，配襯色彩繽紛既小玩意同坐塑，的確似一間玩具小屋。由於係星期一晚上，客人唔多，整晚不過3枱客人，環境非常安靜。同朋友兩個人每人叫左個SET DINNER，包一個DISH及一杯飲品。DISH 1) 西班牙雞肉焞飯呢個自己叫既，除左配雞肉，另外好似仲可以配海鮮或蝦。焞飯外表看似意大利飯，蕃茄及檸檬汁帶出酸味，清新開胃，加上薄薄既洋蔥及芝士碎，質感豐富。DISH 2) 意式博洛尼亞肉丸意粉本來係配長通粉，朋友特別要求轉做意粉，食落覺得個醬好特別，朋友仲特意問係用左咩醬。飲品叫左一杯曲奇朱古力特飲，賣相好靚好大杯，可惜無影相，另一杯榛子咖啡賣相麻麻，但飲落唔錯，裡面仲有榛子碎。以呢區樓上CAFE而言，CUBBY CAFE食物水準令人驚訝，晚餐價錢稍稍偏貴，但因為新開既關係，店主俾左拆扣優惠，又抵番。雖然無叫小食或甜品，但當日見到另一枱既客人既小食都覺得賣相吸引，希望下次有機會再黎試試。:)…Read More