maggieyip0319的個人專頁

今次係我第一次去食EXP，之前好多次經過都好多人排隊。今晚比較夜，成九點先去食晚飯，所以唔洗等位就可以入坐喇！我地三個人去食，叫左五樣野食，其實好多但同行嘅男性朋友就好大食，佢話包底，哈哈！我地分別點左3杯果汁，小食有水牛城雞翼，芝士焗薯配煙肉牛油果醬主菜就有墨汁意粉，三文魚PIZZA同鴨胸炒飯我好鍾意飲果汁，EXP嘅果汁非常吸引我，因為係MIX埋幾款生果嘅juice樣樣我都好想飲，不過最後我揀左杯Capital C ＄35，係mix左橙，Kiwi同草莓酸酸甜甜好岩我口味，好好飲啊！先講下兩款小食先，因為我覺得雞翼係好普通，加上我又唔係特別鍾意食，所以我好少出街食飯會點雞翼嘅，今次係朋友話食過好味所以要點，就係咁，我終於試到第一次嘅水牛城雞翼喇！嘩～啲雞翼炸得好大隻啊！同堆個醬嘅色完全引起左我嘅食慾，哈哈！咬落去果然冇令我失望，雞翼炸得外脆內軟，個醬係酸酸甜甜，好味！個醬有啲似韓式炸雞，但我覺得EXP炸得好食啲！跟住係我想點嘅焗著塊，係MENU一見到佢個菜名就知唔可以唔點，因為成個配搭都係我好鍾意食嘅材料！芝士！薯仔！煙肉！牛油果！面頭有一大Pat嘅酸忌廉同牛油果醬，好好食好邪惡啊真係＞W＜雖然煙肉嘅比例唔多，但薯塊都好夠，三四個人share食就最好喇！因為食得多都易飽嫁！到個Pasta喇，叫左呢個燒帶子墨魚汁意粉我對於黑色料理又係零抵抗力的～呵呵！可能我個人重口味嘅關係啦～意粉上面嘅三粒燒帶子size都OK嫁！又夠厚！個墨魚汁唔會太稀太水，GOOD！跟住就係個三文魚PIZZA，賣相好吸引講真，呢個價錢食咁大塊嘅PIZZA好OK啦～啲料又足WOR！個PIZZA又焗得幾好味！不過食果陣會整到成手係汁囉～哈哈～好JUICY嘅PIZZA，我LIKE最後個鴨胸炒飯我冇食到啊，因為我怕太飽了！所以就唔評論，但我見朋友佢地都有係咁食，應該都唔差嘅。叫左咁多野食，埋單都好似只係500幾蚊，OK喎！下次要再同多啲朋友一齊黎食！…查看更多

是日為好友慶生，荃灣出名多好野食，於是就去睇下搵吾搵到好野食喇！行左一陣都未搵到間岩心水既，甘岩就行經Olive Cafe見到店內環境好似幾好FEEL，而且睇到門外MENU價錢中等，就決定入去喇！兩個女仔都吾大食，所以只係點左一款小食，兩款主菜同埋兩杯cocktails由於店內燈光比較暗，我地手機ge質素又麻麻，所以冇影到店內環境。不過燈光柔和，情調幾好，每張枱都有蠟燭照明，適合情侶或者同事放工後去食野傾下計點菜後waiter送上餐包同油醋普通冇乜特別，點油醋食係開胃ge點左小食炸洋蔥圈，炸物都難整得吾好食，夠熱，冇乜可以挑剔好友鍾意食飯，而我亦對意大利飯情有獨鍾，所以我地點左呢款黑松露菌蟹肉帶子意大利飯飯ge軟硬度煮得幾好，味道亦入味ge另外點左一道主菜，係我鍾意食ge咸豬手，吾係好多cafe同西餐廳有豬手食，所以我地就決定試下不過呢到既豬手，真係我食過ge豬手中最差ge可謂係難食，menu係寫手烤豬手，suppose外脆內軟ge，但係呢個豬手，似係用汁或者湯煮出黎而且，味道吾係平時食到ge咸香，而係有D藥材味咁樣，我同朋友都食完伴碟ge薯菜淨返一半ge豬手冇食到我地一人叫左一杯frozen cocktails朋友果杯吾記得左係咩口味，不過我自己覺得草青味重而我就點左strawberry口味，藥水味重，都係飲左一半都冇就吾想飲但如果鍾意酒味重D ge朋友不妨一試我地飲吾慣酒，所以覺得入口比較苦。總結黎講，olive cafe ge環境都食物都吾差，但要小心點菜，例如佢地ge豬手就真係麻麻，但其他食物都吾算差，下次再去會試埋佢地其他ge菜式。…查看更多

係openrice搵到呢間咁多好評嘅fusion餐廳睇到d菜色都幾特別同吸引所以決定約埋3個好友去呢到gathering地址寫住係廟街 於是我地好傻仔咁行左入去有廟街牌坊果邊原來係對面街 要過馬路去返對面 大家千其吾好好似我咁啊當日已經BOOK左張4人枱, 不過就安排左坐係最出嘅枱餐廳吾大,燈光暗暗地同柔和FEEL,幾好情調我地點左幾款菜,包括芒果魚柳沙律,四季PIZZA,PORK RIBS同埋雞肉卡巴上菜前侍應端上一兜贈送嘅胡椒餅,味道有小小辣味,配上個好FRESH嘅汁,都幾好食朋友們叫左支白酒,侍應以一個冰袋裝住送上,確保白酒吾會耐左吾夠凍,服務吾錯不過我吾識飲酒嘅,所以我對支酒都冇乜評價第一道黎嘅梗係前菜,芒果魚柳沙律份量十足!而且配上芒果同佢一個酸酸甜甜嘅汁,真係夠哂開胃啊!跟住係四季PIZZA,係MENU推薦菜式之一,芝士非常FULL鍾意食芝士嘅朋友一定吾可以錯過啊!個PIZZA底厚度同脆度都恰到好處再黎一份PORK RIBS!!呢個真係好正啊!!整得幾淋,骨肉分離!!吾會浪費左D痴係骨上嘅肉仲有就係雞肉卡巴,係中東美食,岩岩好四件,一人一件味道不過不失,冇乜特別,但都幾飽食飽飽之後我地想繼續坐下吹水,跟住就叫左份甜品,係蘋果批加雪糕UM....吾識點形容,可能我本身都吾食M記嘅蘋果批,所以就麻麻地個批,不過朋友們都覺得吾錯嘅最後餐廳坐淨我地呢枱,餐廳經理老虎仔就同我地吹左兩句,佢係印巴藉人士,年紀輕輕已經係MANAGER,全因為佢真誠友好嘅態度同熱情,令老闆好重用佢佢仲調左每人一SHOT酒俾我地,杯酒視覺效果好靚,睇住D酒慢慢沉落去化開好正!最後大家都好開心咁離開間餐廳,一定會再返黎試過啊!!…查看更多

自從天橋底間媽咪雞蛋仔分店摺左之後，真係好耐都有食喇！不過，食過佢地嘅雞蛋仔之後，真係吾會再對其他雞蛋仔有興趣嚕！雖然係星期一，但都幾多人係門口排隊買雞蛋仔啊！我同朋友一齊買一底朱古力雞蛋仔SHARE，＄17一底，價錢合理，不過等左差吾多10幾底先到我地，因為全部雞蛋仔都係即叫即整，吾同其他店舖整家好多底，不過為左確保每底雞蛋仔都有質素，件件都新鮮滾熱辣，等耐小小都值得嘅：）整好喇！就甘睇都見到好多朱古力！真係粒粒都有朱古力！我鍾意媽咪雞蛋仔嘅原因，就係因為佢地嘅朱古力口味唔係用可可粉或者朱古力粉溝個粉漿出黎，而係係原味粉漿再加入好多粒嘅朱古力粒，食到嘅朱古力味一D都吾假嫁：D除左粒粒朱古力，仲有白芝麻，胡麻同原味，吾食朱古力嘅朋友都可以試下其他口味：）另外，雖然冇試過佢地嘅格仔餅，但都見吾少人買。如果大家有日行經紅磡，真係要去試下喇！…查看更多