hiutung1213's Profile

估唔到係中環街市，竟然會有咁高性價比嘅 omakase食🐟火炙漁夫丼 （$208） 兩粒帶子勁大舊，魚生燒得啱啱好，外面微微焦香，裡面保持到鮮嫩口感，外皮俾火炙過之後更加香口，真係無得頂！ 最令人驚喜應該係個醬油飯，醬油味超香，只係食白飯都覺得超好食，軟糯得黎粒粒分明🍣廚師特選Omakase set （$318.4）入面有10件壽司+1件手卷壽司一上枱，店員就會好細心咁介紹每件壽司係咩魚魚生食得出超級新鮮，每件都切得厚薄適中，而且有我最鍾意嘅海膽同蟹肉😍拖羅蓉手卷份量十足，而且拖羅蓉新鮮到有種入口即化嘅感覺，食完仲想encore！🥣鯛魚茶漬湯每個餐都有一碗，個湯超級鮮甜，入面仲有一小片鯛魚片🍇葡萄乳酸（$38） 葡萄味突出，酸甜適中🍑白桃乳酸（$38） 乳酸嘅酸度同白桃嘅甜味平衡得好好，味道好fresh總評：係中環可以用呢個價錢，食到呢個質素嘅omakase真係cp值好高，而且最近逢星期日至四仲有happy omakase hour 嘅8折優惠，岩曬收工都朋友仔一齊黎聚一聚！…Read More

完全難以想像尖沙咀竟然會有咁好食，而又價錢如此親民嘅餐廳🍳 香煎脆邊蛋肉餅飯（必叫！好食到癲左！）($42)真係要瘋狂稱讚呢個肉餅飯！本身對肉餅飯理解依然停留係兩餸飯嘅肉餅，但見基本上每枱都有碗肉餅飯，好奇心驅使下決定試下佢，結果一試就驚為天人！太陽蛋嘅脆邊啱啱好，咬落去「咔嚓」聲，中間又keep到滿滿蛋油肉餅好厚，肥瘦適中，口感紮實，外層微微焦香，撈埋蛋油同飯一齊食，真係停唔到口！🍞 咖央多士($25)多士烘到金黃色，外脆內軟，咖央醬搽得勁滿，甜而不膩，仲有淡淡椰香同斑蘭味，100分！🐷 蛋炒豬腸粉($27)豬腸粉炒得好夠鑊氣，蛋香十足，加咗少少豉油同蔥花，腸粉滑溜又入味，唔會太油膩，做小食份量啱啱好🍜 叉燒豬油撈麵($45)叉燒肥瘦適中，麵嘅份量都唔少，不過可能豉油落得多左，個麵偏鹹，想食淡味少少嘅朋友仔可能要提前同店員講聲先🍹 羅漢果水($25)羅漢果水好明顯好足料，清甜潤喉，飲完喉嚨即刻勁舒服💰最誇張係價錢！叫到成枱嘢食，有飯有麵有小食有飲品，埋單都唔使二百蚊，抵到癲左！街坊價錢但質素拍得住大餐廳！總評：呢間餐廳絕對係隱世平民美食，味道好得黎又抵食，尤其個肉餅飯真係無得輸！唔食真係會後悔ga！…Read More

最近鍾意同朋友仔係尖沙咀搵食，咁岩朋友話想食泰國菜，於是就一於試下呢間泰濃麵！🐚卜卜蜆船湯黃麵船湯好濃郁，加埋少少黑胡椒嘅辣，將個船湯底完全昇華左黃麵夠晒彈牙，索晒啲湯汁，蜆嘅份量都比得誠意十足，勁多隻蜆，而且粒粒都脹卜卜，冇沙又嫩滑，真心好食！ 🐮頂級安格斯牛肉清湯金邊粉安格斯牛肉片真係冇得輸！肥瘦分佈均勻，入口即化個清湯底雖然睇落好清，但飲落好鮮超有層次，同金邊粉夾到絕！ 🍊熱柚子蜜柚子蜜酸酸甜甜好開胃，夠潤喉🫚熱薑蜜呢個有驚喜！薑味夠濃又唔會好辣，加埋蜂蜜甜甜地好易入口，而且飲到底明顯見到好多薑蓉， 足料！鍾意薑味products的朋友仔絕對不能錯過！本身見佢個甜品都好吸引，不過因為本身同朋友仔都唔係特別肚餓，所以決定將呢個機會留返下次！…Read More

💗呢間係石亭同沃川兩間尖沙咀居酒屋嘅新分店（歷史26年同23年）💗一行到門口已經見到非常日本風的banner同燈籠，加埋店內嘅裝修風格，十足去左日本咁💗據店員講，舖頭拉麵每日只賣100碗, 賣哂就收鋪，所以想食真係要早d去到！✨主菜🦐金龍 濃湯海老拉麵蝦湯湯底好正，鮮味十足，但又唔會太鹹，而且食完都唔會覺得好口喝，證明係真材實料！配料亦好多下，足足有4隻蝦，蝦肉爽口彈牙，仲有一片慢煮叉燒，半隻糖心蛋、香筍同炸日本牛膀條🥩巨龍 特盛慢煮叉燒濃清湯拉麵一入口就化開，肥瘦均勻，肉香爆棚但完全唔膩濃清湯係呢度嘅其中一個賣點，清得黎又唔會覺得淡而無味，呢個好值得一試✨小食🐔名古屋雞翼雞翼外皮脆卜卜，咬落去啲肉汁多到爆，我同朋友都覺得佢超好食！完全超出預期！🥟 韭菜雞肉軟骨豚餃子餃子煎到脆脆哋，入面啲餡都幾足，韭菜同雞肉嘅組合好fresh，仲有軟骨嘅脆口，食落超有層次！ ✨飲品🍊富士柚子汽水柚子味好fresh，酸甜平衡，氣泡夠晒爽，飲完可以解膩，同拉麵係絕配！ 🍑白桃蘇打白桃味好香，唔會太甜，幾好飲呢度仲可以儲印仔，食幾次已經可以輕輕鬆鬆換到小食甚至拉麵，勁抵！👍…Read More

呢間越男仔已經係沙田開左好耐，算係沙田區比較出名嘅越南菜，咁岩今次行經，一於去試下！✨ 主菜🦪河內三鮮（生蠔，生蝦，滑雞）椰汁酸湯煲 ($168)一上枱已經聞到好香椰汁味，加上醋嘅微微酸，粉絲吸曬湯汁精華，撈飯食一流！生蠔肥美鮮甜，一啖咬落去爆汁，完全冇腥味；生蝦新鮮夠大隻；滑雞嫩滑得嚟又入味，三種食材夾埋一齊食，完全係鮮味盛宴，果然係皇牌菜！🦑招牌原隻魷魚釀咖哩炒飯 ($138)原隻魷魚釀滿咖哩炒飯，單單賣相已經滿分！魷魚彈牙有咬口，炒飯粒粒分明，咖哩味香濃但唔會辣，加埋外層包裹嘅魷魚，層次感豐富，正！🦐手工越式蝦餅 ($75)蝦餅足足有8件咁多，外皮炸到金黃酥脆，入面蝦肉紮實又鮮甜，點埋個甜酸醬，真係食到停唔到口！🍤越式炸脆脆蝦片適逢越男仔8週年，店員姐姐每枱送左一盤蝦片，蝦片超級脆口，蝦味好出，仲唔會好油膩，抵讚！✨飲品🥥原隻椰青 ($45)清甜解渴，椰肉嫩滑，飲完仲可以刮埋啲肉食，夠晒滿足！🍍鮮菠蘿白雪 ($13)菠蘿味好fresh，加埋椰汁甜度剛剛好，夏天必點！埋單仲發現呢杯做緊優惠有半價，所以只需要13蚊！勁抵！總結：呢間越南菜真心高質，食材新鮮，味道正宗，每樣菜式都有驚喜，一定會再encore！…Read More

前排朋友升職了，同佢食餐好嘅慶祝下，所以揀左係沙田新城市嘅Odelice歎法國菜，cp值高得黎又岩曬同朋友仔chill下！我地order左2人晚市套餐($538)，包左2份小碟+2份主菜，小碟範圍仲可以自由選擇前菜或者甜品，等於可以唔洗額外order都有飯後甜品，超抵！✨餐湯🍅今次嘅餐湯係蕃茄湯，個湯超濃郁，飲落仲有啖啖玉米茸嘅口感，fresh得黎又夠開胃✨前菜🐮烤牛骨髓(+$35)原條牛骨上枱，牛骨髓烤到啱啱好，加上香草同蒜蓉舖係上面，未食已經聞到濃郁脂香！搭配脆卜卜嘅酸種麵包同酸黃瓜，完美平衡番個油膩感✨ 主菜：🍷紅酒燉牛面頰意粉牛面頰肉燉到好淋，一咬就化開，意粉掛滿濃郁嘅紅酒汁，紅酒味好香！🦞 龍蝦馬賽魚鍋(+$135)呢個係我同朋友最期待嘅主菜，一上菜就見到大大隻嘅半邊龍蝦！龍蝦肉爽彈鮮甜，點埋個海鮮番茄汁一齊食更perfect！青口同大蝦都食得出好新鮮，不過最超出預期嘅竟然係個煎盲鰽魚，魚肉結實彈牙，我同朋友都讚不絕口！✨ 甜品🍓士多啤梨蛋糕係我最愛嘅芝士蛋糕，中間有士多啤梨醬夾心，兩個女仔飯後share一件芝士蛋糕就岩岩好了！唔會太膩同時，又成功滿足左想食飯後甜品的心！完美！飲品🍏Matcha Apple Zest ($65)青蘋果味同檸檬味好突出，兩種味道加埋好fresh，後調有淡淡嘅抹茶香，朋友仔試飲左啖都話唔錯🍍Frozen Tropicolada沙冰 ($65)入面有菠蘿、香蕉同椰奶，椰奶同沙冰簡直perfect match！總結：成餐飯由頭到尾都高水準，每道菜都好好味，而且餐廳裝修充滿法式風情，無論係同朋友仔黎聚會、情侶黎拍拖，定家庭聚會都係一個好好的選擇，絕對值得再encore！ 😋…Read More

之前係旺角同科學園都食過CHIMAC，覺得佢ge韓式炸雞真係好好食，盼星星盼月亮終於等到CHIMAC係沙田開分店，身為沙田友ge我當然要去試下！雖然去ge時候已經過左lunch time，又係工作日，但堂食ge人都唔少，於是決定外賣翻屋企食menu有單點，亦有二至四人套餐，包左主食小食同飲品，價錢都唔算貴，於是我要左二人特攻炸雞盒二人特攻炸雞盒($168無骨/$188有骨)包左一款原味+任選1個味道，2款小食，2款迷你飯，同埋2款飲品一拎到手仲係熱辣辣，仲要勁香炸雞味一邊行一邊傳出黎，搞到我勁肚餓😂好彩拎到翻屋企都仲係熱ge！自選口味炸雞我要左蜂蜜焦糖味兩款炸雞外皮都炸得好脆，脆漿厚度恰到好處，雞肉依然好嫩滑，原味更加突顯左雞肉ge嫩滑同外皮ge脆，蜂蜜焦糖味甜甜地，甜味減低左炸雞ge油膩，我同朋友搶住食😂小食👉🏻炸紫菜卷+魚糕串（7選2）炸紫菜卷入面包左粉絲，外脆內軟，好香魚糕串有4串，口感彈牙迷你飯👉🏻韓式牛肉飯+辣炒年糕（6選2）牛肉飯雖然份量唔算好多，但牛肉夠入味，加埋d牛肉汁甜甜地，送飯一流炒年糕夠煙靭，唔會煮得過淋，辣辣地真係好好食飲品👉🏻 coke zero+蘆薈樂…Read More

放工唔想煮飯，但最近疫情咁嚴重，又唔想出街食，所以搵咗呢間喺雅濤居嘅西餐廳麥外賣，食物質素唔錯之餘，餐廳環境又乾淨衛生，絕對可以食得放心🥩美國極佳級安格斯大草原自然牛西冷配燒汁-medium 5成熟 ($176)平時食開7成熟，不過預計埋外賣會係個盒入面焗一陣，所以特登叫左5成熟，焗完返去果然係我想要果重生熟程度，夠肉味夠juicy！西冷都幾大塊下，肥瘦適中，仲有少量筋位，配上燒汁好jeng～🍖烤豬西冷配檸檬帶子青蘋果絲($106)豬西冷厚度好夠，連埋啲青蘋果絲一齊食，酸酸甜甜感覺好fresh，令成個口感層次都豐富左，呢個青蘋果絲絕對係呢道菜嘅亮點！帶子雖然得一粒，不過都幾大粒下，食得好滿足👍🏻兩份扒餐都會有薯蓉墊底，薯蓉食得出係真材實料，好香，而且絕對夠飽🤣🫕忌廉龍蝦湯每個餐都跟一碗龍蝦湯或者西湯，我就揀咗龍蝦湯，龍蝦湯香濃油滑，龍蝦味好足，屋企人讚不絕口☕️熱即磨咖啡 coffee🍟追加 薯菜+$8薯條係粗身薯條，雖然係外賣，但拎到返去嘅時候依然好脆， 而且薯仔味好足，100分等外賣嘅時候見到佢啲甜品都好似好吸引咁，不過因為點餐果時已經點左唔少，所以決定留返下次再試！餐廳環境幾好，衛生、優雅、闊落，等疫情冇咁嚴重嘅時候，絕對會帶屋企人去堂食…Read More

呢間一望過去就會成功地比佢個外星人吸引到嘅鋪頭，每次經過都好想買，但次次都冇機會，今次間分店開到黎屋企樓下，一於決定買兩杯試吓🧋黑糖波霸鮮奶 (大杯 $35)因為唔鍾意飲太甜，所以叫咗微糖，雖然冇靚靚嘅黑糖掛杯，但甜度非常適中，珍珠份量唔少，亦夠彈牙，鮮奶係用全脂奶，奶味好足好好飲🧋手工芋泥烏龍奶茶(中杯 $33)一拎到手就已經有驚喜，淺紫色嘅芋泥掛杯超級靚，雖然烏龍味道稍淡，但勝在芋泥份量夠多，每啖都可以飲到綿密嘅芋泥，芋泥夠香又唔會好乾，好滿足ps.店員小哥哥好貼心，主動問我洗唔洗少冰，好有禮貌超級好評！總括，茶星人真係絕對性價比極高，芋泥product係絕對會回購的，不過下次可能會想試試芋泥鮮奶會唔會再滿足d…Read More

最近OT太多每次都想買手搖飲品安慰下自己受傷嘅小心靈，但次次飲珍奶真係會肥死，所以今次就揀左公司附近呢間主打新鮮水果優格的輕時光試下~一行入店就見到好多新鮮水果，店員仲好pro咁討論緊邊個西瓜甜d好食d，比人感覺真心好專業好有heart💕🍹芒果熱情果優格果昔 ($38)同事最愛芒果同熱情果，呢個combination完全滿足左佢嘅願望，味道酸酸甜甜好開胃，因為用左真材實料水果緣故，唔會有奇怪的水果香精味道，飲落仲會食到熱情果的籽，同事飲得勁開心~🍹雜莓優格果昔 ($38)至於選擇困難症的nana，因為好多莓都中意，就直接揀左雜莓😂雜莓酸酸甜甜好fresh，而且入口綿密，完全中曬我的喜好😍加上賣相好靚，掛杯的顏色相隔令被野飲勁適合打卡~奶昔方面，可以揀全脂或者light，對於減肥人士黎講完全係超貼心，不過老實講全脂肯定係最好飲的，所以nana同同事都自暴自棄地揀全脂😂總括黎講呢間絕對係高質+健康的水果奶昔店，飲厭左珍奶想健康d，絕對非佢莫屬！…Read More

好耐之前已經聽聞過呢間嘅吉列牛好jeng，今次咁岩約到朋友有時間，一於就去試下🍱吉列牛定食($148)一坐落張枱上面已經有個爐仔，好明顯地呢個吉列牛絕對係每枱必食~定食有一碗飯，一碗味噌湯，兩款小食，同埋一碟吉列牛，吉列牛係自助式地放上小火爐上面烤，感覺幾得意~牛肉好嫩好好食，加上個吉列面好脆身，配飯一流🤤一百分💯🍲咖喱忌廉烏冬($78)原本以為吉列牛應該係最jeng，但試過呢個烏冬之後先明白，原來最唔起眼果碗先係最jeng😍咖喱可以配雞肉or牛肉，咖喱雖然餐牌上面寫係小辣，但因為mix左忌廉所以基本上食唔出辣味，不過因為咖喱夠香濃，加上忌廉超creamy，配上彈牙十足嘅烏冬真係jeng到世界第一！而且呢個咖喱忌廉汁分量都幾多下，撈完烏冬之後仲可以偷埋隔離吉列牛定食d飯黎撈🤤總結就係，呢個咖喱忌廉無論配咩主食都係一流！🍖韓式甜辣醬單骨雞翼($65)雞翼味道偏甜，甜甜辣辣的味道有d似m記個泰式辣醬味道，幾開胃，而且分量好多，兩個女仔食得好滿足🤤🍖蒜片牛舌心($58)朋友瘋狂推薦呢個牛舌心，的確夠咬口幾好食，不過就得3片，稍嫌分量偏少😂…Read More

週末同屋企人去石門食飯，咁岩行經呢間台式飲品，門面係Tiffany blue完全滿足少女心，好似幾吸引咁，就一於試下🍹重型黑糖珍珠鮮奶($38)對珍珠情有獨鐘的我黎講，有珍珠就一定會揀，而呢間個珍珠真心整得唔錯，夠咬口同時又唔會過硬，鮮奶應該係用左明治鮮奶，奶味好濃好好飲入面除左珍珠之外仲有仙草，仙草分量都幾多下，珍珠+仙草口感perfect，飲完全杯奶之後仲有唔少仙草同珍珠未食曬，絕對足料！黑糖揀左少甜，所以掛杯嘅黑糖比正常分量少，但呢個甜度對我黎講岩岩好，呢杯我絕對會encore！🍧芒果沙冰($38)芒果沙冰雖然冇得揀甜度，但甜度依然適中，沙冰打得好碎，唔會飲得出明顯冰粒，底層加左椰果，增加左咬口，夏天飲一流！題話，翻屋企途中同屋企人去藥房買左d日用品，比錢嘅時候比店員哥哥叫住左，問我手上嘅芒果沙冰係邊買，佢覺得好吸引都想買杯黎飲😂真係好fun事實證明顏值真係好重要，而呢杯芒果沙冰嘅顏值絕對係滿分💯…Read More

一開始係openrice上面就已經比呢間鋪頭個名吸引左，因為夠曬特別，至於原因……大家都明白啦😏講翻食物先，我地三個女仔order左3碟，雖然分量聽落唔多但個個都食到好飽咁走🥘德國香腸拼盤($88)香腸種類數得出應該有3種或以上，自問對香腸冇咩研究實在講唔出邊款打邊款，但食肉獸表示很滿意🤤🍔安格斯牛肉迷你漢堡伴車打芝士及松露薯條($88)漢堡包身明顯有烤過，食落脆口得黎又唔會乾，漢堡扒配車打芝士一如既往地好食😍薯條上枱嘅時候仲係熱辣辣的，炸得好脆，面頭個松露醬好香，配埋薯條一齊好好食🤤🍕黑松露，巴馬火腿薄餅伴火箭菜($98)pizza餅底焗得鬆脆而唔會過硬，火箭菜鋪滿左面頭，黑松露醬同parma ham真係夾到絕！🤤🤤🤤重點係，午市套餐有6折😍(除左chef special之外)，計落真係超抵食！🍹Pineapple juice, orange juice ($28@1)果汁係鮮榨而並非出面買果汁先生果種，呢個價錢黎講性價比算唔錯🍸Flower garden ($88)雖然我冇試到呢杯，不過朋友話呢杯cocktail幾好飲，而且我坐係旁邊都可以聞到甜甜的味道，感覺上都幾好👍🏻呢間餐廳最特別嘅地方係，佢有shisha可以食，望落都幾唔錯ga，不過因為時間太早嘅關係，我地就冇叫到，下次如果夜d氣氛好d應該會order黎試下😍(p.s聽聞如果vip房冇人訂的話，仲可以同朋友仔一齊入去唱歌)…Read More

身為一個火鍋熱愛者，打邊爐對我黎講絕對係一年四季都可以做嘅事💕一早就聽聞呢間雞煲好出名，再加上最近因為翻工太忙已經好耐冇食過火鍋，今次就一於同fd黎試下呢間~胡椒豬肚雞煲($178半隻雞)雖然半隻雞聽落唔係好多，但其實對於兩個女仔黎講已經完全足夠，可以食到好飽~胡椒豬肚雞煲個湯絕對係全個火鍋的重點，因為加左雞入去煮的緣故，令個胡椒豬肚湯底極鮮甜~💕我同朋友最後幾乎飲曬全個湯，而且值得一讚的係，呢個胡椒豬肚雞湯絕對唔係cheapcheap味精湯，因為食完全餐落黎完全唔會feel到口渴，絕對真材實料！材料方面，豬肚同雞件分量都好足，豬肚夠爽口，雞件就算煮到最尾都依然好好食~自家炸響鈴($60)本人覺得響鈴絕對係火鍋必點的配料，因為響鈴可以吸收曬個火鍋d湯汁，絕對係世界之最！💯而且現場見到幾乎每枱客人枱面都會有碟響鈴，可以見到響鈴究竟有幾受歡迎~紅薯粉($35)紅薯粉偏向似粗身粉絲，唔洗等太耐已經夠淋可以食得，係同樣可以吸收湯汁的配料，又係火鍋必點配料之一！另外值得一提的係，呢間個雞煲係一上台已經可以食得唔洗等，絕對岩曬d冇耐性的朋友仔~…Read More

每次同同事出去食lunch諗唔到要食咩的時候，大家都會不約而同地諗起呢間餐廳，因為……佢選擇夠多！menu上面可以揀的食物多到令人花多眼亂，完全係選擇困難症患者又愛又恨的餐廳😂蒲燒鰻魚滑蛋鐵板飯 ($62包餐飲)鐵板飯就見得多，不過鐵板滑蛋就比較少見，一上台嘅時候，鐵板絕對係熱辣辣到聽到滋滋聲，同埋會見到面頭d木魚絲被熱力烘到瘋狂郁😂鰻魚雖然唔係原條，但分量都絕對唔算少，美中不足的大概係個飯整體搭配比較dry一黎係個醬落得好少，原本都只係係滑蛋個面見到幾滴，更別說飯入面了其次應該係因為個鐵板係下面同時用熱力烘緊，食到最尾d飯都依然係好熱的，同埋會有飯焦💕…Read More