dolphin121's Profile

從來未試過買麥當勞早餐會咁嬲，顯示屏製作中同請取餐兩邊都無左我張單個no(呢個已經係好常見既情況)，去到櫃檯前面見唔到我張單，咁同執餐果個人講，佢望兩望都搵唔到袋外賣，問左佢幾次都唔睬我又唔繼續幫我搵又唔叫人執，淨係係度做其他啲單，鬧佢先叫人搵，好，終於搵到喇，我叫兩個餐，佢拎黎得一袋野，又無野飲，打開睇下袋野又得一個包，終於執齊曬，返到公司一打開杯野飲，我叫奶茶佢俾檸水我，仲要個包勁樣衰想點呀😩…Read More

甚少去將軍澳，次次去啲舖頭都唔同曬，今次係一個好唔起眼即商場見到呢間日本野開左，環境又唔錯就試試佢。一坐低有籃擺袋已經覺得好貼心☺叫左幾個dinner set，隨即就有飲品同蕨餅，蕨餅好好味，唔會太甜又唔會好實👍👍晚餐我叫左日式燴牛肋條烏冬，牛肋條整得岩岩好，唔會好實又肥瘦適中，啲汁好入味，連啲紅蘿蔔同薯仔都好淋好入味，另外啲烏冬好彈牙，唔會好粉，又唔會有急凍既感覺，如果啲牛肋條可以用個大少少既容器擺盤就更好，方便用沾麵既食法去試啲汁加烏冬☺☺朋友叫左滑蛋鰻魚帶子烏冬，滑蛋整得幾好，入面有少少半熟，如果可以再滑啲就更好，鰻魚都係高質既，帶子煎得岩岩好，所以整體都唔錯😍…Read More

食完主菜叫個甜品，餐牌得三款甜品，諗住叫拿破崙，點知無，轉左要心太軟，20:50落單，要等15分鐘，我地覺得合理，之後等左20分鐘都未黎，覺得唔對路就問係咪整緊，佢話整緊，好啦，再繼續等，等左七個字，再唔對路再問，點知得到既回應係，"整緊架喇，應該第一個整穿左，所以而家整緊第二個"😒我地好無奈，整穿左要我地等咁耐唔好意思都無講過，咁係咪代表廚房整三次都穿，我地都要繼續等?! 我地仲有講，已經等左45分鐘，都係回應我地整穿左要再整過，到我地食緊既時候，幾個waiter自己係我地附近討論係咪真係等左45分鐘，專登講俾我地聽既，我地就再講我地係20:50叫既，而家都21:37喇。其實係我地問之前老實講要再整過我地都唔會咁嬲，仲要同我地計確實等左幾耐，呢啲係咩服務態度?! 仲要講到我地催單係我地唔岩咁，完全係惡人先告狀😵同埋係我地等既45分鐘入面，好明顯我地只係爭甜品未食，啲waiter好得閒咁係度自己碰杯飲野食意粉都唔收枱，甜品上左都要叫先識拎餐具黎最尾仲有個插曲，埋單既時候因為好多唔同既折扣，所以我地有睇返點解有啲七折有啲八折，因為真係太多優惠，最後走果時見朋友無拎到張單，我就諗住拎黎自己keep record，就聽到個waiter係背後講，"放心咼，我做核數架"，咩料==又無話你條數唔岩，我都係想拎黎自己keep姐，我地又無得罪你，你收足錢又無損失，我地損失左時間仲要食到成肚氣😠😠😠…Read More

好少食完即刻要寫食評，窩夫唔熱，似係整定曬，啲雪糕拎出黎已經溶溶地，又無乜味，其中一個抹茶窩夫勁求其咁整pat綠茶醬同紅豆上去就算，叫兩個窩夫形狀完全不一樣，好明顯唔同整法但係價錢差唔多，而且入面有毛髮，見到之後未食完都已經唔想再食；叫左杯珍珠奶茶同一杯朱古力奶綠，得個甜字，而且兩個杯都有不少污漬；入去既時候無乜人，食到一半多人等位，未食完就趕住收野，轉頭就出埋張單要趕你走；仲有啲櫈又高又坐得唔舒服，啲位又迫，唔會再去…Read More