eatravel365's Profile

🍜喺社交平台碌到呢間位於觀塘巧明街嘅米線餐廳「藤椒知味」，小編咁啱啖附近，於是試咗個下午茶餐。🌶️店名都用藤椒做主打，當然要試試佢地嘅知味滕椒湯底！小編揀咗下午茶雙拼套餐，配料就揀咗藤椒雞扒及藤椒牛肉。配送飲品一杯，免費升級熱特飲！🍲上菜速度快，肉片份量感人。但湯麵只屬微溫，欠缺冬天嚟碗熱騰騰湯麵個種幸福感。藤椒湯底喺清湯帶微微藤椒味，整體偏淡，算不上出色。藤椒雞扒及藤椒牛肉並沒有任何藤椒味，只係普通茶餐廳嘅雞扒及牛肉片質素。🥄幸好，桌上放置自肋藤椒油！額外添加藤椒油後，香味提升不少！藤椒油喺全場最出色作品。🥱整體而言：1. 座位空間寬闊。2. 店員親切，上菜速度迅速。3. 茶餐廳質素，整體表現一般，試一次就算。藤椒知味地址：觀塘巧明街99號巧明工廠大廈地下15號舖電話：23983329/23983836營業時間：星期一至六 07:30-20:00#香港食好西 #香港 #野生代言人#觀塘#巧明街 #巧明工廠大廈 #藤椒知味 #米線 #藤椒…Read More

🍲妹妹同朋友食過一次呢間位於柯士甸站附近嘅「金撈老鴨湯刺身火鍋專門店」，大讚火鍋湯甜又足料。於是我地特登約咗日帶埋兩老試試。🍄今次我地簡咗姬松茸豬肚雞鍋，原隻雞上鍋，店員再於食客跟前將其剪成雞件，成件事好震撼！湯頭鮮甜香濃，鍋中仲有大量豬肚及姬松茸，好足料。🦐市面上火鍋店大家諗到嘅配類，好似和牛肉，桶蠔，蔬菜雜菌菇，水餃⋯好齊全。小編更欣賞嘅係店家自家功夫手打嘅北海道干背滑，及黑松露鮮蝦滑。真才實料，北海道干背滑帶一縷縷干背絲，黑松露鮮蝦滑入口濃郁黑松露香。小編大力推薦！🍜火鍋嘅壓軸出場絕對係煮返個麵食，而店家居然有水晶寛粉供選擇！水晶寛粉吸收咗湯汁嘅精華，再加上原來Q彈口感，超級正！必試推介！👌🏻整體而言：1. 座位舒適，燈光明亮。2. 店員親切，有人情味。3. 上菜速度迅速，手打蝦滑及干貝滑好正！金撈老鴨湯刺身火鍋專門店 (佐敦)地址：佐敦文昌街25-47號文昌樓地下41及43號舖電話：23327600營業時間：15:00-23:45#香港食好西 #香港 #野生代言人#佐敦 #柯士甸 #文昌街 #火鍋 #打邊爐…Read More

🚇經過鰂魚涌，友人大推呢間專食咖喱嘅良心小店。位於鰂魚涌站五分鐘路程，近近地就試一試～🍲糖心蛋肥牛烏冬（$72）：肥牛份量都多，烏冬口感偏軟糯，咬落有淡淡香甜味。咖喱醬汁濃稠度恰到好處，唔算好濃稠，但係又可以掛到汁。味道方面喺預期中偏甜口嘅日式咖喱。有椰菜，粟米等野菜平衡一下整體口味無咁易膩。糖心蛋熟得剛剛好。🍛豬軟骨野菜咖喱飯（$75）：份量好大，米飯及豬軟骨好足料，完全唔會驚食唔飽。一貫嘅咖喱醬汁，小編更喜好伴飯～豬軟骨肉比軟骨多，但一讚豬肉質感軟熟淋身，烹調得幾入味。👌🏻整體而言：1. 座位比較緊貼，空間比較狹窄。2. 食物質素合乎預期，價錢合理。3. 上菜速度迅速。4. 無味精，多蔬菜，抵讚。5. 附近街坊可以一試。…Read More

🥗Fettosh Salad ($95): The salad contains fresh veggie like cherry tomato, cucumber, romaine lettuce, green bell pepper. Served with vinegar sauce which make it more appetising. 🫘Hummus ($90): Silky smooth mashed chickpeas with sumac and olive oil. The combination of these flavors give an irresistible nutty flavor profile. Come with 2pcs of pita bread. Trust me, you need extra pita bread for this finger-licking dip!🫓Pita Bread 2pcs ($22): Served in warm plate. This flatbread gives a chewy bite, perfect match with the soft smooth hummus dip! 🧆Falafel 5 pcs ($95): Fired minced beans with fresh herbs balls were served with tahini sauce. Strong earthy flavour of herbs, creamy and oily rich tastes. Crispy outside, soft and creamy on the inside. 🧀Hallumi Cheese ($95): Traditional Arabic cheese served in hot sizzling pan with tomatoes, mints and mixed peppers. Hot pan enhances the milky flavour and extra soft texture of cheese, together with tomato herbs sauce, giving an unstopped bite. 🍗Chicken Shish Tawook ($220): I like how it comes with the exotic grilling box. Each serving comes with two skewers of chicken cubes and one skewer of vegetable. Chicken is marinated overnight with aromatic spices, still juicy and tender. Must order for meat lover!🥑Lamees Avo ($95): Homemade creamy pistachio avocado smoothie. The amber alike layer is pure honey, giving the drink extra sweet and rich texture. And those chopped pistachio nuts giving a crunchy bite, enriching the drinks to another level! …Read More

🍴午市時間喺寶琳附近，想食重口味食物。於是試下呢間位於新都城中心嘅新派泰菜餐飯。小編都係偏好啲濃味嘢⋯於是叫咗最穩陣嘅青咖喱雞肉飯。🍛椰香青咖喱雞肉飯：青咖喱醬汁口感偏濃稠，有椰奶香味。汁醬惹味，拌飯一流。留心注意就會發現到醬汁中有煮到極之軟淋，半溶狀態嘅茄子，十分入味。雞肉方面，店家先煎香雞皮，再加入青咖喱醬中烹調。食得出雞皮有微微焦香。呢點幾抵讚。🍍菠蘿椰青特飲：可叫走甜，基本上係菠蘿切丁，再加入椰青水。另搭配一片斑斕葉作裝飾。味道就係椰青水。👌🏻整體而言：1. 座位舒適，燈光明亮。2. 食物質素與價錢合理。3. 上菜速度迅速。YOLO 地址：將軍澳新都城中心三期1樓132A & 138D號舖電話：21916620營業時間：11:00-22:00#香港食好西 #香港 #野生代言人 #將軍澳 #新都城中心 #甜品 #咖哩 #糯米飯 #泰式 …Read More

🍽話說最近每次早放工就會出街覓食，今次喺旺角流連之際，試到呢間新派泰式餐廳。小編覺得佢地嘅飲品及甜品真係好有驚喜，好出色！🍛冬陰功海鮮炒飯（$116）：有香濃嘅冬陰功香味，入口微酸辣。炒飯嚟講⋯米飯偏濕，口感偏淋身。海鮮包括章魚、蜆、小蝦仁粒及墨魚片。海鮮都幾新鮮。米飯整體都幾大份量，小編大食胃都夠飽。🥣配 是日餐湯：雜菜湯，包括蔬菜塊如紅蘿蔔，西芹。搭配一片薄切法包。🍸牛油果蜂蜜芫荽沙冰（+$32）：小編好鍾意呢個搭配！既有牛油果嘅香滑，同時有芫荽嘅清新，而非草青味。好適合炎炎夏日！🍰提拉米蘇巴克斯蛋糕（+$42）：推薦加購嘅食品！喺紮實嘅巴克斯蛋糕之上覆蓋豐厚嘅提拉米蘇忌廉奶泡，以及數件充分浸淫於濃縮咖啡及蘭姆酒嘅手指餅乾。一次過滿足兩個願望。呢份自家製手工蛋糕真係令小編覺得好驚喜，回頭之作！👍🏼整體而言：1. 座位舒適，燈光偏暗，整體感覺放鬆。2. 店面裝修有特色，基本上每個位都可以打卡。3. 私心大推提拉米蘇巴克斯蛋糕，回頭之作！4. 店員主動帶位，解釋餐點及食物，幾友好。No Money So Lonely 地址：旺角彌敦道700號T.O.P 4樓406-408號舖電話：59212838 (whatsapp)營業時間：12:00-22:00/22:30#香港食好西 #香港 #野生代言人 #旺角 #彌敦道 #甜品 #窩夫 #班戟 #泰式 …Read More

🥞最近返工有啲攰⋯決定放工後食間行休閑路線既餐廳，放鬆下精神狀態。呢間位於東港城嘅文青餐廳，其實主打甜品，如窩夫及熱香餅。但小編獨自於晚市時段到訪，所以叫咗個晚市套餐 。🍝蒜香雞肉菠菜忌廉手工闊麵（$128）：闊麵口感偏有彈性，感覺蛋漿較麵糊比例高，因而完全無麵粉糊口嘅感覺。闊麵掛汁力強，每啖都食到忌廉味濃郁嘅醬汁。如果雞肉嘅份量可以再多啲就好！🎃配 南瓜湯：點餐後立即送上的是日餐湯。有南瓜蓉嘅口感，入口有南瓜嘅香甜。小半碗餐前湯，邊飲邊等待上正餐，不俗。🍵配 熱甘菊香草茶：隨餐附送一杯$33之內嘅飲品。呢杯甘菊香草茶雖然係茶包，但係幾香菊花味。配搭醬汁多，鈉質高嘅重口味食物，解膩正好。🍰紐約芝士蛋糕一件（+$19）：可以加購是日精選蛋糕，櫥窗有數款蛋糕供選擇。呢件紐約芝士蛋糕，口感綿密軟滑，最底層餅底鬆化。最底作為裝飾點綴嘅焦糖醬都好味！超抵食之選！👍🏼紐約芝士蛋糕讓小編對佢哋嘅甜品好有信心！一於搵日叫埋朋友一齊試埋窩夫及熱香餅，再同大家分享！🙌🏽整體而言：1. 座位舒適，整體感覺幾輕鬆寫意。2. 店面裝修靚，行文青風格。3. 紐約芝士蛋糕質素幾好，對甜品有信心。Ocio (將軍澳)地址：將軍澳重華路8號東港城2樓238號舖電話：37050395營業時間：11:30-22:00…Read More

🌽上次出咗札幌牛油粟米拉麵嘅食評之後，好想好想再食牛油粟米拉麵。上網搵到呢間有55年歷史嘅日本過江龍拉麵店，趁平日下午茶時間少啲人排隊即刻試一試！滿足下心癮，過下口癮！🍜牛油北海道帶子粟米拉麵（$88）：湯底味偏清淡。有塊半溶牛油，搭配粟米粒及三件北海道出產嘅帶子。每件帶子都有足足匙羹咁大，鮮甜肉厚，肉質彈牙。都幾新鮮。麵質同一般嘅拉麵有啲分別，口感比較鬆軟。🍛極上燒汁海鮮丼 配麵豉湯（$138）：顏色豐富，賣相幾吸引。海鮮包括：北海道帶子、燒三文魚、烤鰻魚，以及魷魚。灑上蔥花，更加色彩奪目。另配麵豉湯，套餐完成。🥢北海道帶子一串兩件（$42）：巨型帶子個頭，鮮甜肉厚，肉質彈牙新鮮。👌🏻整體而言：1. 座位都舒適，慢慢食傾下計唔錯～2. 茶市套餐抵食。3. 過下口癮都ok。八番麵工房 Deluxe 地址：上水龍琛路39號上水廣場5樓511號舖電話：39969719營業時間：07:30-22:00#香港食好西 #拉麵 #香港 #野生代言人 #上水 #日式 #八番麵工房 #龍琛路 #上水廣場…Read More

👭🏻最近經常喺旺角出沒，見到呢間新開嘅甜品店，主打芋泥甜品～對於芋頭控嘅小編當然要試一試啦～🍵抹茶牛乳冰雪（$48）：幾香抹茶味，頂部有香濃嘅忌廉，中間抹茶牛乳偏向沙冰口感，最底有椰香啫喱。口感都幾豐富。🥭甘露椰香雪冰（$48）：最頂有一蓋奶蓋忌廉，中間喺芒果主打嘅口感，同時有淡淡椰子香。底部同樣有椰子味嘅啫喱，口感偏企身。🍧黃金海岸（$78）：呢份3.6棉棉星球有兩款份量，份量都幾多，二人共享可選擇一人份量。沙冰重奶香，口感細緻綿滑，周邊圍上冷凍咗嘅芒果肉。好驚喜，內部仲有芒果雪糕，以及爆趣珠珠！值得推介！👌🏻整體而言：1. 3.6棉棉星球系列值得推介！初芋 地址：旺角西洋菜南街2N號新江大樓地舖營業時間：14:00-00:00#香港食好西 #旺角 #初芋 #甜品 #香港 #野生代言人…Read More

之前食過位於觀塘嘅分店，主打台式食物，外賣拎到返屋企都仲係好味。經過大埔，驚覺開咗分店！二話不說拉埋朋友入去食返件蛋餅先！👭🏻入店先發覺呢間分店路線有別於觀塘，偏向飯麵套餐。小編同朋友分別叫咗泡飯及牛肉麵套餐，再加少量小食。🍲原粒胡椒豬肚雞湯泡飯（$59）：胡椒湯濃香，有粒粒胡椒湯渣。豬肚切得好大塊，幸好軟糯易咬。酸菜偏甜，餸湯飯正好！雞件肉質偏柴，但勝在份量多。🍜特級牛三寶麵牛腱肉牛筋牛舌（$98）：肉量足，有齊曬三款肉食。牛腱肉，牛筋正常；牛舌厚切，加上煮嘅火侯影響，變相真喺少啲牙力都咬唔郁⋯切薄返啲會更好啦（亦有可能小編係日本食到嘴刁曬）🥗雜菜（+$15）：份量足，有粟米，西蘭花，紅蘿蔔，及菇片。 水煮另加醬油，健身減脂朋友必選。🫔芝士肉鬆蛋餅兩件（+$26）：蛋餅及包裹住芝士及肉鬆。呢個價錢係抵食嘅，但同樣價錢，觀塘店出品優勝許多。🧋靚靚桃膠烏龍奶茶（+$22）：粒粒桃膠，偏軟淋身。小編揀咗微糖走冰，茶底味都幾香，更可自行選擇添加其他材料～換購價相宜。🧋燒仙草奶茶鐵觀音（+$18）：仙草口感軟滑，多糖雖然邪惡，但風味真係好好！唔怕肥嘅朋友可以試試～🍡黑糖薑汁混一式綜合手工芋圓（$44）：糖水底可選黑糖薑汁或椰汁。小編想清爽啲，所以揀咗黑糖薑汁。有黑糖及薑味，但又唔會太甜。- 🍠自家芋泥（+$13）：足料！芋泥香滑，同時食到粒粒芋頭。微微偏甜，抵食！👌🏻整體而言：1. 價錢親民，都幾多街坊幫襯。哥哥添飯•妹妹泡茶 (大埔)地址：大埔大明里6號寶豐樓地舖電話：62860988營業時間：星期一至日07:00-22:00#香港食好西 #大埔 #大明里 #台灣菜 #野生代言人…Read More

👭🏻係上水舊墟附近發現呢間小店，店內都有唔少顧客。一於拉埋阿媽內進食個下午茶先～🍔芝士安格斯牛肉漢堡配脆炸薯條（$98）：麵包內裡鬆軟，食得出店家特意微烘焗再上碟，唔錯！漢堡扒厚肉多汁，口感偏鬆軟。厚漢堡肉加上清爽嘅蕃茄生菜，平衡得剛好～薯條外皮嘅酥脆，同時保留到內裏軟糯，係小編鍾意嘅口感！🥩炭烤澳洲草飼肉眼伴燒汁（$128）：兩隻手掌份量嘅肉眼扒，滿足到小編大口食肉啲慾望！搭配香脆薯條，好滿足！如果可以搭配少少沙律就更好，視覺效果都更出色～🫖桂圓紅棗（$32）：茶壺設計幾特別！上邊係壺，下邊係茶杯。幾有儀式感～👌🏻整體而言：1. 座位都舒適，慢慢食傾下計唔錯～2. 店員親切，幾友善～3. 上水偏少呢類型嘅咖啡小店，呢間係其中之一！4. 星期五及六嘅晚市會有歌手及結他手駐場表現！Holiday Cafe 地址：上水新祥街21號地舖電話：26383489營業時間：12:00-17:30；18:00-12:00#香港食好西 #咖啡店 #香港 #野生代言人 #上水 #漢堡 #意粉 #小店 #型格餐廳 #新祥街…Read More

👭🏻前排朋友生日，講到明想食川菜⋯呢間位於寶琳嘅「元元酸辣魚」好似唔錯。我地食到好滿足～🥢元元酸菜魚拼水煮牛肉（$308）：實在太好，餐廳推出雙拼選擇。讓選擇困難嘅小編可以全部都擁有！湯底可選擇辣度，辣椒王者可以大辣，而唔食得辣嘅朋友可以揀唔辣。使用大盆盛載，食材滿滿。🐟酸菜魚：值得一讚，魚片真無完全無骨，肉質軟滑無腥味。盆中除咗必備酸菜之外，仲有萵筍，木耳以及寛粉等配菜。餸飯一流。🥩水煮牛肉：軟滑肉片，配搭芽菜，豆腐泡以及寛粉等配菜。肉片分量較魚片少，但兩人共享都足夠。整體又香又辣，好合適餸飯。🥒清炒萵荀絲（$68）：口感清爽，萵荀切絲，男女老幼都啱食。健康之選。實不相瞞，小編會因為呢道清炒萵荀絲再次到訪。🍎蘋果醋（$30）：餐廳選用醋頭家嘅果醋～有多款果醋口味供選擇，小編都係揀咗傳統蘋果醋。酸酸甜甜滋味又解辣！配中菜真係好夾。🍯紅糖磁粑（$48）：即叫即製作，磁粑偏軟身，米香一般。沾上黃糖及黑糖，甜糯。作為飯後甜點尚可。☺️整體而言：1. 都幾多人排隊，建議於平日下午茶時段到訪，避開排隊人潮，從而享受更佳嘅座位環境及服務。2. 店面裝修乾淨企理，燈火通明，座位都舒適。3. 店員熱情招待，落單上菜有效率。4. 小編私心最鍾意清炒萵荀絲～元元酸菜魚 地址：將軍澳新都城中心2期2樓2035-2036號舖電話：24889688#香港食好西 #將軍澳 #酸菜魚 #野生代言人 #新都城…Read More

👾阿妹某次經過覺得餐廳好有特色，襯著放假特登終於可以入去坐下～食住特色窩夫，傾下計放鬆下～🦀自家製蟹餅配太陽蛋牛窩夫（$158）：即叫即製鹹點窩夫，由吹彈可破嘅太陽蛋，覆蓋住香炸嘅自家製蟹餅～切開除咗滿滿嘅蟹肉絲之外，估唔到仲有波菜～濕潤蛋液搭配蟹肉絲及外脆內軟嘅窩夫，都幾搭～🫘抹茶紅豆雪糕塔牛窩夫（$118）：萬無一失嘅窩夫甜品配搭。焦糖醬忌廉，蜜漬紅豆，搭配抹茶雪糕磚，最底放置窩夫一件。再以士多啤梨片作伴碟。賣相好似美人魚尾咁～🍟厚切薯條配松露醬（$78）：普通薯條，未算得上厚切，但值得一讚薯條炸得剛好。蛋黃醬味濃，隱約有輕微松露味。正名厚切薯條配蛋黃醬更合襯。🦑墨魚汁意粉配帶子蟹肉蟹籽（$168）：帶子彈牙，蟹肉蟹籽分量正常。黑魚汁意粉勁道彈牙，要留意墨魚汁食到嘴巴烏黑色。著白色恤朋友更要注意呢～🥤紫薯拿鐵（$48）：奶味比較紫薯味更濃厚，白至紫漸進色感覺幾夢幻幾靚～☕️Dirty（$58）：偏果仁香，幾順滑。👌🏻整體而言：1. 打卡餐廳。2. 座位舒適，燈光偏暗，感覺幾放鬆。3. 店面裝修靚，店內大量模型公仔，成件好潮！4. 幾適合同朋友放工嚟飲返杯，吹兩嘴。Al Forno Cafe and Bar 地址：銅鑼灣告士打道218號地舖電話：54742658營業時間：星期五及六：12:00-00:00；其他：12:00-22:00#香港食好西 #銅鑼灣 #咖啡店 #香港 #野生代言人#窩夫 #甜品 #意粉 #小店 #型格餐廳 #告士打道…Read More

👭🏻最近約咗個好耐冇見嘅朋友出嚟敘舊，見到好多朋友仔推薦呢間位於長沙灣嘅咖啡店～有好多打卡位可以影相，食物質素不俗，我哋叫咗兩份午市套餐試試。🍽午市套餐真係好抵食，一張紅色紙幣就可以獲得是日餐湯、拌菜、正餐，以及飲品一杯。單價一杯熱拿鐵都已經$40，所以午市套餐真係超級抵！🎃當日嘅是日餐湯係南瓜湯，濃稠程度適中，嘅唔漿口，亦唔會太水狀，恰到好處。好香濃嘅南瓜味！🍛香煎珍珠帶子蟹肉蕃茄意大利飯（$105）：意大利飯偏軟。蕃茄微酸開胃，珍珠帶子分量唔多但有口感有彈性，最欣賞店家大方地灑上一層拆殼蟹肉。🍝泰式冬陰功鮮蝦意大利麵（$105）：入口先係蕃茄嘅酸甜味，慢慢先有啲輕微嘅冬陰功辣香味。大概有六隻蝦仁，口感q彈。泰式嘅意大利麵感覺幾特別。🍟粗薯條配松露蛋黃醬（$42）：唔算特別粗身，但有外脆內軟嘅效果。松露蛋黃醬，蛋黃醬較松露味更突出。小食嚟講不過不失。🙌🏽整體而言：1. 每份主菜都幾大份，實行打卡又飽肚！2. 餐廳設有多個打卡位，可以慢慢影靚相。3. 店員服務態度幾好，唔該幫手收走完食嘅碗碟。Boholic 地址：長沙灣福華街561號君凱豪庭地舖及1樓營業時間：11:30-21:30電話：23883668…Read More

👭🏻早日同媽咪去咗大埔中心一田行街，經過「喫茶ちょうぼ」。靚靚裝修，絕對打卡不二之選，於是我地都湊下熱鬧，喫茶一番。🍛日式紅酒燉牛肉蛋包飯（$115）：侍應呈蛋包飯後，於客人面前將蛋包界開，再淋上獨家醬汁。雞蛋味香濃，口感軟熟。牛肉偏韌，進食需要多咀嚼，勝在脂肉平衡，入口有油脂香。🥓炸北海道大蝦配四元豚豬扒（$188）：真係好足料好多！食肉獸必選！炸豬扒皮薄肉厚，炸蝦大隻厚肉，配搭南蠻蛋黃醬汁幾惹味。伴碟嘅沙律菜解膩唔好。份量真係好大，足夠二至三人分享。🍲味噌海鮮燉飯（$128）：擺盤賣相幾工整，海鮮分別有墨魚圈、青口及大蝦。每粒米飯都滲透咗香濃嘅忌廉味噌香。加上磨菇及珍珠帶子，口感不錯。小編是日最喜歡之選。🍮日式布甸（$32）：一粒微酸嘅士多啤梨作為點綴，更突出布甸濃牛奶及雞蛋香。口感實在，偏挺身，再加上焦糖汁及忌廉，適合嗜甜嘅朋友。或者作為飯後甜品，二人共享剛剛好。☕️ 泡沫咖啡（$39）：賣相出色，泡沫綿密。表面有花花圖案，口味偏榛子香，唔酸。店家好有心思，連個杯都選有榛果形象，好得意。🥛焙茶牛乳（$45）：最先入口喺香濃嘅焙茶味，過後有淡淡嘅牛奶乳香。值得一讚套杯碟好靚，媽咪拎著影咗好多相～☺️整體而言：1. 都幾多人排隊，建議於平日下午茶時段到訪，避開排隊人潮，從而享受更佳嘅座位環境及服務。2. 店面裝修靚，座位都舒適，慢慢食傾下計一流～3. 店門口有啲日本小精品販賣，例如乾花，線香，幾得意呢～喫茶ちょうぼ 地址：大埔安邦路8-10號大埔超級城B區2樓276號舖電話：25641888營業時間：11:30-22:00…Read More