lyrixel's Profile

之前有朋友食完之後話幾好食，所以前幾日去咗試下自助餐區啲嘢食選擇唔少，個蘑菇湯真係好好飲 😋 蘑菇味好濃郁，又唔算太膩，就算我平時唔飲湯都忍唔住添多一碗仲要飲品區嘅咖啡係 capsule，我見到嘅時候都嚇咗一跳 😂 主菜食咗個三文魚卷，都算ok，三文魚唔會太乾，但係個芒果汁係有驚喜嘅！本身我係用試伏嘅心態去試下，但係冇諗過芒果汁同埋三文魚會咁夾，個汁好解膩，食到舐舐嘴😋😋性格比嚟講都算好抵，百幾二百食個高汁嘅半自助餐都好滿足! 下次會再 encore 個三文魚! …Read More

我之前喺到食過螺螄粉，印象中係好好食嘅，尤其係啲酸筍次次都會食唔停口隔咗半年再去食，嗌咗份牛肉螺螄粉，啲米粉仲未煮淋（有啲直頭係硬嘅），湯底得返死辣一啲風味都冇，唯一仲係好食嘅係酸筍 🥲自問自己唔揀擇，但係琴日碗粉真係食唔落口 🥲啲牛肉都唔算少，不過不失，係啲米粉同個湯底令到成碗麵好難食。印象中啲小酥肉係 ok 的，但係琴日冇食，而家質素好難講。價錢嚟講算係俾呢個份量，如果食曬一定會食得飽，純粹係真係擺唔落口。…Read More

之前食過一次晏晝，琴晚食咗晚餐定食，水準差咗好多我嗌咗個鯖魚+築前煮+秋葵+三文魚茶漬飯得個秋葵叫 ok 好食🫠 築前煮鹹到我完全食唔到 本身我諗著會係有少少肉 點知舊舊都係蓮藕 全部菜都係煲到啡曬 完全一啲顏色都冇 😂 連送飯都嫌鹹 真心嘔白泡 連我一個唔揀擇嘅人都覺得真心好𠹌難食同食唔曬就知咩事個魚就 ok 啦，我自己唔驚腥味，啲骨多咗啲，但係我知呢個唔關餐廳事味道就係正正常常煎魚咁，佢話係柚子我一啲都食唔到柚子味 個茶漬飯舊三文魚細到我寧願佢唔畀我 🥹 但係個飯都算入得口個秋葵因為係菜加柚子醋所以冇中伏 😂😂😂 整體真心可以以後唔細再食 btw 鋪頭冇人但係全程都冇添過茶 🫠…Read More

晏晝自己一個食，嗌咗個 Eggs Benedict 同一個每日限定奶蓋布甸。Eggs Benedict $108賣相 4/5味道 2/5性價比 3/5除咗擺盤靚之外真係冇乜嘢好讚，poached egg 嘅蛋黃熟晒同冇味，hollandaise sauce 唔夠流質又太鹹。用咗 Croffle 取代 English Muffin, 但係因為 croffle 唔索汁，反而冇傳統嘅咁好食。Croffle 味道 Ok 🫡 成個嘢食完會膩，本身應該靠個汁啲酸味去平衡返，但係個汁完全冇應有嘅酸味。奶蓋布甸 $68賣相 4/5味道 4/5性價比 3/5今日係抹茶玄米，奶蓋偏鹹，但係同布甸平衡得好好。奶香味重，唔會死甜，唔算膩，份量啱啱好做飯後甜品。TBC 食物質素算 ok， 似乎甜品好食啲，啱食 tea 多過食正餐。…Read More