WinnieCheung2970's Profile

經Openrice訂坐了3月14日下午3點半，踏單車去到大尾督交還單車，時間是2點半，早到了，於是到食店詢問吓店員早到可否安排提早入座，點知去到負責的店員話我無訂過座，又話我早到就等吓，咁安排唔到無辦法啦，我又唔係話要打尖，店員的態度非常惡劣，好似唔憂做咁，之後負責店員仲問我係咪記錯日子，我話經openrice, 佢之後話我唔應該用openrice訂座，負責店員話佢地已經無用openrice, 真係好好笑，你唔用openrice既訂座功能，你間店唔去處理好佢，仲話個客唔應該用，真係痴線，跟著負責果位店員知道講錯野就話會幫我安排，安排入去，叫我地用QR code落單好似講急口令咁，態度好差，我地order了*兩碗櫻花蝦炸軟殼蟹拉麵🦀，其中一碗加錢轉博多拉麵，另外一碗加錢多筍，但加了錢轉博多拉麵果碗完全食唔出有什麼分別，一碗又加錢多筍，來到都只係得4條筍，同沒有加沒分別！！另外，又order了雞🐔脾拉麵，menu係日式醬汁雞脾，但來到是豉油雞脾！！太離譜了吧！！又order了一碗自選拉麵，點了炸雞件，轉烏東，雞白湯，炸雞件同麻醬沒有分開，來到成件雞濕淋淋，雞白湯完全無雞味，好似加左好多奶，成碗湯好似忌廉湯撈烏東，超難食，我無食哂只食左50%！！炸雞軟骨，炸粉超厚！唯一可以接受合格的是蟹子玉子燒同飲品~真係沒有下次！！！…Read More

今日同朋友打邊爐興祝birthday, 7時入座，2個半鐘任食火鍋，$158+10%，價錢真的好抵，入座後，火鍋料選擇唔多，只得20款左右，我們點了番茄薯仔湯湯底，湯底來到之後，等了半小時都未有火鍋料，侍應叫我們出去自助櫃攞住野食先，等了又等，再催促侍應，他叫我們再點過，廚房唔見左張單，簡直太離譜了吧，我們唯有再重新落單，落左5次單都沒有來牛肉，豬肉, 白鱔片，豆腐，響鈴等等，經過多番催促，9點先把漏單的食物送來，接著就叫我們結帳，食物遲送來，未夠鐘就要我們埋單先，門口根本沒有人等位，還催促我們交枱!!!服務質素完全差，食物質素完全不合格~花膠似漂白橡膠，牛肉豬肉雪到似硬繃繃，手打三寶丸一毫子咁細粒兼唔新鮮，蔬菜又黃又無菜味，豆腐又酸酸地，象拔蚌似橡筋，蝦又唔新鮮發黑的，真的一分錢一分貨，完全失望! 沒有下次! …Read More

剛剛打電話去訂座，打了三次竟然接通後掛我線，我再打第四次，有位女服務員接聽，我問她為何掛我線，理由是機件故障wow! 之後我話book3月18日，講完人數，語氣不好又趕收線，問完我電話號碼就話ok, 簡直不知所謂，時間都沒問清楚就想掛線，好趕咩，仲要駁咀話我，我可以自己講，一間食店除了裝修，食物質素，服務態度都好緊要，觀塘區咁多食店，競爭咁大，我好懷疑咁既服務態度好似唔想做生意!…Read More