jennyhk852's Profile

今日買左鮮芋仙 MＥＥＴ ＦＲＥＳＨ既仙草凍家庭裝同屋企人一齊食。雖然鮮芋仙 Meet Fresh而家既質量比起剛剛開始食既時候有D唔同，但始終係香港暫時品質最岩我地口味既仙草凍。 有時淨係食仙草凍會太悶，所以今次買埋招牌鮮草冰沙。屋企人既小朋友超級喜歡吃 MＥＥＴ ＦＲＥＳＨ既芋圓，所以都買左兩份一齊食。黎緊天氣超級熱，應該會成日想買黎食，希望MＥＥＴ ＦＲＥＳＨ或者外賣平台再多點優惠就好了！…Read More

話說好耐無去過太古果邊了，咁岩商場最近有NBA既展覽，大家都知商場既餐廳消息多數都比較貴。所以我地行完街就去左附近搵下有咩特別野可以試下啦。於是乎就去埋香港三大社交平台打卡景點之一既怪獸大廈(鰂魚涌海山樓)行下，不過始終有點人物依舊，面目全非既感覺，影唔出之既情懷。原本諗住去入去間7-11增值八達通，點知見7-11同公園中間有條路仔就行入去望下。咁岩就比我地左捐右捐見到一間好特別既餐廳 - 銀杏時光。後尾上網睇先知原來係一間社企餐廳黎既。晚餐會有沙律吧，雖然選擇唔算好多，但食得出蔬菜都非常新鮮。而無味精既住家湯水同糖水大家可以隨心享用。主食方面我地就叫左一人份既豉汁蒸倉魚，生炸乳鴿同埋吹水醬乾鍋鹿茸菌雞柳。豉汁蒸倉魚調味好好，岩曬無飯家庭，又或者唔識煮魚或蒸魚既我地。因為老實講自己真係唔識處理生魚，而久唔久都會好想食蒸魚，美中不足係倉魚上檯時再熱D就更加好了。推介大家食呢到既吹水醬乾鍋鹿茸菌雞柳，真係好惹味，又夠份量，伴白飯食就一流啦。可惜我夜晚戒食飯，或者下次有機會再到附近的話中午會黎食下午餐。生炸乳鴿就同出面既餐廳水準差不多，餐廳唔同既崗位都有長者擔任，服務比出面既餐廳更有禮貌都多左一份溫暖既感覺。好耐無試過寫食評，但因為而家好多時北上，始終難免會比較兩地既餐廳。今次覺得呢間餐廳無論裝修、環保，以致食物質素、服務態度，餐廳理念都好值得香港人去試下。最最最重要係可以一邊食飯一邊廳住歌，感覺好特別！而且仲可以點唱，真係一個好特別，有驚喜既晚餐。…Read More

中價位既西式餐飲，入座時已說明限時90分鐘用餐時間，服務好好，食物質素滿意既！我選左lunch set,意粉食得出唔係來貨既意粉，手工製既意粉！但甜品芝士蛋糕略嫌回溫過了點致上檯時而前端部分已溶解了。誠意之作! 飲品方面，點了凍檸茶，糖水另上，自己可以調校合適自己嘅甜度。餐廳位置唔算係地鐵上蓋，但鄰近地鐵詞站，所以位置都算係便行既。而且座位充裕，絕對適合一個人或一班人用餐的。而且環境、燈光、裝飾都幾打卡，會推介比住附近或附近上班一族。…Read More

兩碗糖水呢個價錢個人認爲份量偏細份，而且芋圓好似未煮熟咁硬的，但明明係煮好咗。仙草份量少得很，對比起另外食到既鮮芋仙來說，食鮮芋仙可能更合我們家口味！整碗糖水西米份量多到以為自己叫左西米露。唯一係外賣採用密封包裝，就算外賣回家都唔驚會整瀉或者倒瀉。衛生度相當高分。但係以呢個價錢、呢個份量、呢個味道嘅話。可能因為我係草根階層，所以以正常價錢購買絕對會認為份量相對地偏貴。而因為見咁多好評先會試，所以以今次用餐體驗來說就算再有優惠應該都唔會再試。…Read More

係某平台買左voucher去試樂茶軒既素食tea set仲有香港好少有既手工茶啤可試下我地唔夠精明，其實其中一SET手工茶啤可轉非酒精飲品但坐低無幾分鐘 個店員就收左餐牌同上左兩SET手工茶啤了其實我唔飲啤酒架諗住朋友可試下ONLY素食方面，以優惠價錢黎講算唔錯當中個青瓜素雞最好食我估係薑汁糕最難食差不多半價去試樂茶軒既素食tea set會覺得ok ge但正價就真係太貴啦部分店員會服務比較好真係睇你彩數🤣…Read More

襯仲係新開張時，試下新既過江龍料杯杯。咁我就買左好靚既彩小芋紫芋冰沙 😌原價$48而家$38甜度係固定甜，初初都有d擔心，但飲落唔算好甜。仲有好香濃既芋頭味道加仙草、jelly同啵啵食，口感相當豐富！…Read More

520呢個咁特別既日子，當然要搵間餐廳食個BRUNCH啦~但由於近排天氣真係太熱喇! 所以無咩事都唔想離開有冷氣既地方! 見CAFE JOO係地鐵出口直達商場內既餐廳，所以就簡左佢啦!入座前職員有提醒我地用餐時間係入座起計90分鐘。我地大概中午12點左右入座，侍應遞左印有QR code既點餐紙比我地。大家可以掃完QR code睇餐牌或者睇檯上面傳統既餐牌都得。但建議大家睇電子版，因為可以知道邊D食物或飲品已SOLD OUT! 你無睇錯，我地都一樣覺得好奇怪，明明lunch先岩岩開始，點解lunch set咁快就sold out? 不過既然坐低左，又費時再搵第二間食，就試下喇!我地點左一份All Day Breakfast、一杯熱既伯爵茶朱古力咖啡同一杯凍既薄荷朱古力咖啡。All Day Breakfast ($138 + 10%)炒滑蛋唔滑、薯餅好淋、烤菠蘿係輕輕一煎而已🥲 整體係得個靚字～ 我會形容為打卡專用。詳細食評可見以下YouTube link: https://youtu.be/g_1mr0t4au0（統音樂版）伯爵茶朱古力咖啡 ($45 + 10%)呢杯咖啡真心覺得ok既，對比起極度失望既全日早餐。伯爵茶味同朱古力味都飲到，又出奇地夾到！唯獨咖啡味唔算濃，同價錢相對貴～ 精品咖啡舖以同樣價位可以買到杯更大杯的。薄荷朱古力咖啡 ($50 + 10%)薄荷味好勁，勁到有少少辣口🤫但味道唔算好化學味。朱古力係度數高既味道，唔太甜、咖啡味都濃，但薄荷味實在佔太重比例，多少有d扣左分。說實在的，所有食物、飲品以打卡角度評分絕對合格有餘。但以整體服務、食物質量來計算的話，會再幫襯第二次既機會就唔大啦。以同樣價錢，我相信亦知道會有更多同類型既餐廳可以選擇。…Read More

好耐無食過燒肉啦! 因為食量唔大，所以唔想食放題，一來好難食得回本，二來純個人偏見🙃 — 總覺得放題好難食到靚既肉。終於約到朋友去一齊去試燒肉801啦~ 因為普遍食評都話佢既質素唔錯既，最重要係價錢唔算貴(有d人可能覺得好平添🤣)。另外，我地入座時檯上面已擺左兩碟醬汁，感覺就唔太理想😣。因為望到其他未有人入座既檯都係一樣，如果入落樽到，比客人自己倒係碟仔到，又或者入座時先拎上檯會好d。呢碟牛舌太薄，無咩食緊牛舌既感覺，要厚身先食到牛舌既質感咁話😂。幸福既味道原來就係咁~ 望住就已經好想食啦! 雖然未至於入口溶化，但就每一啖都勁juicy、勁多肉汁🤭! 就咁睇可能以為出面燒到燶燶地，但其實裡面仍然滑嫩多汁，真係估佢唔到! 好彩有白飯相配，咁就可以一滴不漏咁食曬呢碟牛喇! 連d汁都唔可能放過😝~為左可以試埋豬肉同雞肉，我地就點左一個802楽盛り150G，另外追加左米飯SET。雞肉燒耐左肉質仍然嫩滑，唔太濃味既，少少焦香更添風味。豚肉味道不錯，但係唔知係咪燒耐左所以韌左d。牛肉味道質感其實ok既，但因為食左另外兩款牛，所以就覺得差少少🙂。…Read More

呢間自助烘焙店香港暫時有兩間分店，分別位於尖沙咀同銅鑼灣，而且兩間分店既位置都相當便利。詳細收費準則大家可以去佢地既網站睇下。 今次我地就去左尖沙咀分店美麗華廣場二期試下整綠茶流心撻 (6件裝)。如果你係講究設備先進、材料上乘既話，呢到未必會符合你既預期。始終佢既賣點(我認為)係側重打卡多一點。所以如果屋企有齊打蛋器、焗爐等等既話，買D材料就可以屋企自己整。相反，如果屋企無相關設備，但志在追求成品品質多於打卡既，可能搵返D相對側重烘焙技巧既會較為合適。 仍然睇緊既話，相信大家都同筆者今次既目標一樣，就係同朋友一齊整餅，享受烘焙過程之餘，又可以創造獨一無二既記憶時光。網上預約好既我地，同職員溝通好後，比完錢就可以開始整餅旅程啦～職員會睇或者問下你需唔需要帶你行一個圈，介紹各個區域咁。整個環境都非常適合打卡，最重要係職員友善之餘又提供足夠私人空間比客人自己去一手一腳去拎材料、製作烘焙至成品。仲有手機座提供比大家可以自拍或者影低烘焙過程。真係細節位貼盡顯細心、貼心~價錢方面係貴左D，但係就唔洗自己張羅用具材料或用淨既材料儲存方法地方等等，最最最重要係唔洗自己清洗工具。 好喇！係時候入正題啦😆呢到既教學主要係由一部i-PAD教大家由拎材料到製作過程，過程完全電子化既！當中過程例如材料或餅底要雪啦、放入焗爐焗啦、焗完餅底要放涼等等，呢D等待既時間就可以去唔同打卡位影相打卡啦~…Read More

好滿足既一餐👏🏻因爲晏晝無時間食野，變相早d食晚餐。早食晚飯既好處係唔洗等位 👍🏻芝麻醬豆腐蕃茄沙律作為前菜非常開胃👏🏻 沙律菜同蕃茄都食得出非常新鮮👍🏻明太子雞亦、炸豬扒、都炸得不油膩而保留到肉汁，仲有炸豆腐都香脆可口，佐酒一流。牛舌燒得爽口，火喉控制得好好👍🏻因為知道會食得炸物多，所以除左沙律仲有叫多個炒雜菜。晚餐就當然要食返個稻庭牛肉烏冬！咁就唔驚夜d肚餓啦🤣甜品係一定要食既！菠蘿sorbet 清新甜而不膩，椰子偏雪糕味多一點而椰子味香濃。完美既一餐由美味既甜品畫上完美句號☺️真心推介👍🏻環境開揚、服務員服務友善一流，今次因為腸胃不適，所以唔敢叫刺身魚生吃，下次會再試下魚生刺身，之後再去隔離觀塘海濱公園再欣賞迷人海景。…Read More