summx2's Profile

去開觀塘睇廚具就順豐食熱飯先返屋企，觀塘有好多工業大廈，入面都有好多唔同美食，有朋友介紹去食台灣野，台灣就好似我第二個屋企咁，以前一有時間就會飛台灣一轉，咩都唔做就係去夜市食，食，同食．今次入到去好似返左屋企咁，好親切。職員同廚房交流都係同台式國語，好懷念呀...台灣野飲不嬲都係以甜為主，鮮榨檸檬椰果，fresh得黎好開胃，幾個女仔黎傾計飲杯野打卡都值得👍🏻👍🏻台灣腸係我至愛，台灣的味道，加熱肉燥拌麵每一啖都好香好滿足，唔食得辣朋友都食到最愛最愛就係藥燉排骨，好懷念係夜市入面排排坐飲湯，超濃郁，排骨燉到剛剛好又唔爛，飲完一碗仲想叫多碗如果鍾意台灣美食朋友仔岩晒👍🏻👍🏻👍🏻…Read More

荃灣荃灣，我終於黎到啦，放假的日子想出去抖下氣，除左要做好防疫措施，我地仲要快快食完就返屋企😌十二味有好多分店，但都未有機會試，因為一個人叫太多食唔晒，兩個人就可以叫多d今次lunch hour 時間去，人就唔算多座位闊落唔迫，同埋d 野飲大大杯，超級抵食人見人愛酸菜魚，個樣就好靚仔，色香都做到，味道我個人鍾意食酸d，但如果食唔到酸的朋友卡岩晒啦，又開胃又送到飯另外叫左麻辣香鍋田雞，拿...我對田雞係接受的，除左田雞之外仲有好多配料，有薯仔，蓮藕片，雲耳...份量超級多，超級抵食乾煸肥腸，😋😋😋必叫必食，我個人鍾意食香口野，肥腸炸到脆口，唔會有肥膩感謝，一口肥腸一啖熱情果梳打，very good…Read More

今日在淘大個邊做野，午飯時候，周圍都係人搵食真係唔容易，夏日都接近尾聲但胃口都麻麻地，想食d 酸酸甜甜的食品，揀左暴谷車站，人唔算多，座位舒服，位置夠大，可以舒服食個飯一黎到叫左杯野飲先，我叫左杯龍眼冰，我個人超鐘意食龍眼肉的人，佢d 龍眼大大粒，食落去啖啖肉，好好味👍🏻因為朋友唔係好食得辣，改叫咸魚芥蘭，有咸魚但一d 都唔腥，芥蘭爽口，切到細細舊，一啖可以放晒入口，岩晒細口的女仔海南雞飯，食雞唔洗lun 骨，一啖擺晒落口，口感滿足，紅色醬汁帶有小小辣味，開胃👍🏻最鐘意就係冬陰公，酸酸辣辣非常夠味，一入仲有大蝦，配合埋湯汁一齊放入口，好幸福去唔到泰國都可以黎體驗下👍🏻…Read More

今日難得平日放假，孖住條友去銅鑼灣行街順便搵食，因為太遲起身所以去到4點幾先去食飯，突然間好想打邊爐，雖然下午茶去打邊爐我都覺得好痴線，但邊爐fd無論咩時候都可以即興去食😋揀左間好多fd 都話會再encore的老鍋，佢有幾款湯底揀，我個人鐘意重口味所以揀左麻辣，一上台就已經好香，入面有蜂巢豆腐，鴨血，最估唔到係有龍眼肉，我自己就超鐘意食湯底：料夠，重口味，唔算太辣，但非常香，超適合食吸味食品等緊配料黎既時候最好就叫返碟小食，佢有幾款推廣，豆腐即叫即炸，外脆內軟，又滑，超級好味，可能我平時小食炸野，一食就愛上左配料就叫左酒香白肉，見到佢咁厚本身冇乜期望，但又一d 都唔老身，加埋佢個沙茶醬，very good不得不講要點自家製三秒響鈴卷，又係即叫即炸，酥脆唔會太油，配合個湯底冇得輸👍🏻👍🏻👍🏻…Read More

晚飯時間到了，book 左今日8點，餐廳在新都會廣場入面，未到時間的話可以在商場行下街先，餐廳唔算大，但已經有好多人出面等位，入面已經坐滿人，我地兩個人唔算肚餓，叫左一個二人套餐，入面有16款主菜，我叫左A4，B5,S6鐵板龍蝦汁魷魚意大利飯，超級香濃的龍蝦汁，每一粒飯都有汁，魷魚多，撈撈佢熱辣辣食，超級滿足小食拼盤，大份抵食，即叫即炸，朋友仔傾計必叫，他他醬係我至愛醬燒豬肋骨配薯角醬汁有小小酸辣，可以中和返肉的口感，減少肥膩的口感，上中的皮燒得脆，份量超級足夠，整體來講相當唔錯👍🏻👍🏻…Read More

因為特別的日子要慶祝，所以想搵間氣氛，食物，價錢都合適的餐廳，上網睇到好轉人介紹家嫂，但因為臨時臨急趕唔切book 枱所以膽粗粗walk-in，去到真係好好彩有最後一張枱，入到去已經坐滿晒人，氣氛非常熱鬧，今次食火鍋放題，一上枱就已經放滿好多唔同的小食，細細碗全部都可以任食，最印象深刻係黑松露蝦多士，真係又脆又香又有蝦味，我食左幾輪刺身方面新鮮，帶子，甜蝦鮮甜，海膽回甘，非常好之後就上雞煲，去到e 個位，我已有些小飽，好後悔冇餓左一朝先黎食火鍋配料非常新鮮，真係誠心推介朋友黎食，價錢絕對非常實惠，一間非常有質素的餐廳，一定會再幫襯…Read More

戚起條癮想去食燒肉，但又唔想係屋企燒大油煙，元州街有間非常多人排隊的燒肉鋪，6點去到都已經坐滿人，非常誇張，本口已經貼好meal，有牛有豬有雞，又有唔好份量選擇，我今次兩個人去食叫左一份牛舌牛板鍵牛五花300g $135我個人超中意牛舌，又唔老又大塊配d 檸檬汁超perfect, 牛五花燒到卜卜脆真係不得了，牛板鍵唔可以燒耐，燒到岩岩好即食另了叫左豚肉set 200g,豚肉好似韓燒燒到卜卜脆非常香口加泡菜，一流，佢地既肉都好新鮮，起碼上碟唔會見到有冰係到，突然間想食燒肉可以黎e 到試試…Read More

今日去新蒲崗拎d嘢，就周圍去睇下有咩好食。經過呢間車仔麵，入去食左個下午茶，搵到一間有香港地道味道嘅小食，叫左香炸豬扒同埋韭菜豬紅豬扒即叫即整，1人份量，咬落去非常juice, 完全冇雪味，又食唔到酒味，唔老，肉質彈牙，見到好多枱都有叫到豬扒，就知道一定要叫韭菜豬紅，韭菜多但放在面就索唔到下面d 汁，但撈撈佢就非常好食，豬紅新鮮，唔會一夾就散，有豬紅味，但建議比多小小汁蓋過菜面另外叫左凍檸茶，茶味夠，唔澀，香港味道…Read More

因為今日有事要去深水埗所以在附近食好西，深水埗除左有菜檔同地攤賣便宜的蔬果、鮮肉之外，仲有好多美食，經朋友介紹去左試一試傳說中的蛋牛治有得簡烘唔烘底，我就簡左烘底，麵包烘左脆口，但唔係烘到硬又或者脆到餅乾咁，仲有軟軟地感覺非常好，牛肉岩岩好又多又滑又香，蛋有小小燶邊，配合得非常好我知道豬手都好出名，但我叫左平時應該好少人會叫鯪魚球米粉，我以為普普通通，但佢既鯪魚球是自家製，有雲耳，彈牙好食，米粉就一般…Read More

夏日炎炎，出街食飯真係唔想食又熱又干的食物，要搵d 涼伴開胃的食物，今日黎到上水試一試d 開胃小菜，但可惜無涼粉，叫左涼伴豆皮豆皮是豆腐最先起的一層皮再曬乾，稱為豆皮，可唔今日更氣太熱，我自己覺得唔夠凍，但辣味，酸味，香味都夠，值得一試另外叫左尖椒豬肚飯，白飯煮得爛左d、有一pad pad，唔夠乾身，尖椒有去籽，個人覺得唔辣，豬肚爽口，洗得乾淨，炒得夠鑊氣，如果飯乾身小小就完美。堂食時都見有好多人外賣，證明都有一定客源，如果出涼伴米線就好了，好適合夏天食用…Read More

晚上6點幾的時候，店內已經坐滿人，等左一陣姐姐好熱情咁叫我地去，我一開頭有d 嚇親，姐姐的熱情招待令我覺得不自在😅見到枱枱都食氣鍋雞，咁我地都唔執輸叫埋一份，再加炸豬扒氣鍋雞，雞同埋雲耳都超級多，2個人都食唔晒，佢將d雞放入鍋入面，隔水蒸，所以d雞汁係晒個鍋入面，雞表面佢放左好多胡椒粉，可能係避開d 雪味，味道唔錯，只係唔夠滑（我覺得）另外叫左個雲南米線，包一碗米線，生菜，腩肉，豬潤，火腿，湯有小小辣味，不過不失叫了一份豬排，佢一份分左3小份，即叫即炸，好脆口，肉有彈性唔霉肉，我自己覺得多左小小酒味，但都好食…Read More

孖Day Off 訓到自然醒就落街搵野食，聽朋友講過太子附近有間黃店，所以去試一試佢，店舖環境唔大，座位唔多，11點幾去都有幾枱已經坐左人，兩個人叫左兩個粉：蠔皇花膠撈米，粉一上枱，我同男朋友都對望左，因為個碗太細😅😅份量唔多，定係我地大食呢？花膠本身靚，發得好好，好大塊好有冧好有只黏性，加蠔油，正，好好味手切肥牛米粉，牛肉有牛香味，食完個口仲有牛香，唔老岩岩好，我個人好鐘意e 種米粉，幼身同爽口，湯都好有味加左樽花旗蔘，我平時都有沖花旗蔘飲，但佢有加龍眼同鋒蜜，所以甜dd，因為我平時飲就咩都唔加，但唔鐘意花旗蔘味都可以試下👍🏻…Read More

今日男朋友帶我黎到深水埗搵食，鋪頭標明食醉雞米線，黎到門口已經有好多人排隊，可能岩岩開，所以多人黎試一試，我地叫左砂鍋人蔘雞配賴粉，砂鍋胡椒豬肚雞配粉絲，醉三鮮砂鍋胡椒豬肚粉絲，佢地樣樣都是砂鍋上，一上枱非常熱，所以手唔好掂到個煲，係一唔方便的問題，可能我食得重味，胡椒味唔夠，湯頭的胡椒味都唔夠，所以豬肚同雞都唔夠味，但讚的是有得揀粉絲，粉絲可以吸湯既味，但又會突顯出湯唔夠味，如果胡椒夠味，成年事一定唔同晒砂鍋人蔘雞賴粉，um...都係一句個味道唔出，係有人蔘味，但唔濃，所以成件事都是一般，賴粉唔係間間都有得揀，但佢地既賴粉是非常散，用筷子是夾唔起🤦🏻‍♀️終於試到醉系列，醉三鮮，酒味非常濃非常好，海鮮都算新鮮，但花生唔夾，可以唔洗放。如果大家來食可以試下佢醉系列，其他就自行決定la…Read More

我是酸菜魚的fans, 因為在大陸食過酸菜魚之後成日在香港都想搵到個味道，所以周圍去搵周圍食，今日黎到九龍城e 間鋪頭，在環境同店的設計都冇乜好感（女人鐘意睇外表先😎）入到去只見工老闆娘同老闆忙於照顧客人，座位唔多，但枱枱都坐滿我就叫左酸菜魚同干鍋肥腸酸菜魚一上枱，聞到陣味同賣相都相當出色，識食一定飲下個湯先，個湯真係超好味，一飲啖我就同我男朋友講以後食酸菜魚一定要黎e 間， 夠酸夠味👍🏻魚的份量都好足，好滑，好嫩，我地加左萵筍，入面仲有d 薯粉，薯粉都夠林又入味，2個人食剛剛好👍🏻👍🏻接下來就係干鍋肥腸，我要讚的是佢地整得好乾淨，入面冇肥膏（我個人不喜歡）炒得好香口，咬落去有脆脆的感覺，非常好，下次可以的話一定叫多d 朋友黎幫襯…Read More

又到試新店的時候，我本人是一位非常喜愛藥膳雞湯的愛好者，對藥膳雞情有獨中，見到太子有新店仲要有黃酒藥膳雞湯米線一定要試一試，但是...非常非常非常失望，重要的事要講3次。佢店的主打有招牌癡花膠雞濃湯米線及藥膳黃酒雞米線，我就叫晒兩款，先講招牌癡花膠雞濃湯米線，因為係我男朋友食所以我都冇影到相，佢的comment 就係湯唔夠濃冇味，花膠是有的都唔係碎，e 樣野值得一讚，雞的份量都可以接受，但最緊要的湯就唔合格。而我點左藥膳黃酒雞米線，先講讚賞位是😊佢怕湯會凍左唔好食，有個火去滾住食是好的😊雞件斬到細舊d 對女士來講入口會方便d☹️湯冇酒味，唔好講黃酒味，就連花雕酒的味都冇☹️米線唔夠靚，夾都夾唔起，又硬又碎，放入個湯都食好困難☹️雞是斬到細舊係好，但要注意火喉，再用火滾住食已經老左總括，有非常大的進步空間…Read More