poonchihang's Profile

朋友話想試呢間，咁啱係佢女友生日，咁一於決定打電話去訂位，打到去係一個阿姐接電話，我好正路咁講晒幾位、咩時間，講完晒，之後個女人話呢家唔喺餐廳，記唔到，咁唔緊要，我話咁我話晏啲再打嚟，佢堅持叫我用WhatsApp, 我話我都唔方便記低電話，我記性又唔多好，所以我話晏啲再打嚟訂，佢都話要WhatsApp，我都仲未回佢之際，已經cut咗線，更好食都假，畀錢仲要受氣？ 我無咁賤格！ 知你勁到唔憂做，記住維持呢種態度！…Read More

食物好食與否，除咗講求廚師的技藝，用心服務顧客亦足以改變顧客對食物的感覺，話說與太太及外母幫襯黑龍，點餐時才發覺全店店員都是日本人，言語上溝通不是太順利，但基本點餐沒有問題，不久，麵食陸續送到，每個麵都有一隻蛋，通常都是流心蛋，但太太的卻是全熟蛋，正當我們感到奇怪之際，其中一位店員表示，觀察到我太太有身孕，不宜吃生雞蛋（因有機會有沙門氏菌）所以轉了全熟蛋，大家可能覺得微不足道，但這細微的關心，令我與太太非常感動，一個簡單的麵食，不是純粹交易，是帶點關心，足以令我們感動。…Read More

對於南洋咖哩一直情有獨鍾，香港整得好食嘅店舖寥寥可數，日前路經佐敦，與太太想起此店咖哩，隨即幫襯，過往幫襯過幾次，質素仍然不變，服務質素同樣無進步，不過只係食個幾十蚊嘅咖哩牛脷飯，對服務，我無甚要求，但當我食到半路中途，一隻超大曱甴由卡位牆邊爬出嚟，太太尖叫，隨即與我一起彈開（利申：我倆是怕曱甴之人），有職員上前捉曱甴，可惜捉唔到，去咗隔離，職員只係捉咗三十秒，見唔到隻嘢，當無事發生走咗去，無諗過解決佢，要我再出聲先至積極啲捉走佢，最後，我哋都係自己調位，拿拿聲食完走人；到叫埋單，應咗你，之後又無下文，唯有自己出去櫃枱畀錢。今次係本人第一次寫食評，估唔到係投訴，其實出發點係愛之心責之切，唔想一間老店沒落，而且話哂遊客區，唔好影響香港，唔好失去我心中最好味嘅南洋咖哩。…Read More