Huntingfoodwithme's Profile

早排留意到呢間位於尖沙咀海旁嘅下午茶買一送一，即刻同朋友book咗枱過嚟慶祝佢嘅生日🥳 今次食嘅係佢哋嘅afternoon tea ($588/pax)🫖呢度嘅鬆餅好大個，一上枱嘅時候係微暖嘅，內裏都夠濕潤，但係略嫌第一輪嘅鬆餅有少少Overcooked，第二輪refresh嘅鬆餅就啱啱好🤏🏻 配埋佢哋嘅clotted cream，草莓果醬同藍莓果醬都唔錯，自己更加鍾意藍莓果醬，味道更加豐富🫐五款手指三文治麵包都好鬆軟，當中最令我滿意嘅就係鮮雞蛋配松露蛋黃醬，佢個松露味都幾出，但係整體來講餡料都偏少，所以唔係好食到佢餡料嘅味🫢五款甜點就以慕絲蛋糕為主，但係味道都未算好濃郁，最好食嘅係吉士撻，夠香同夠滑，撻皮夠鬆化，另外比較好嘅係青蘋果慕絲蛋糕，紅桑子朱古力蛋糕就正正常常，但係伯爵茶慕絲蛋糕就冇乜味，櫻花馬德蓮更加係甜到懷疑人生🫠除咗三層架下午茶，佢哋仲會有個蛋糕trolley，每日嘅蛋糕款式都唔同，當日係玫瑰開心果蛋糕同埋紅絲絨卷蛋，自己覺得玫瑰開心果蛋糕幾特別，而且食到開心果仁💚 不過蛋糕體就比較粗糙🫢紅絲絨卷蛋都夠濕潤，buttermilk份量比較多，兩款甜度都適中💝因為今次朋友生日，餐廳仲送咗cheesecake畀佢，呢件cheesecake真心超滑，芝士味都算濃郁，畫埋碟幾有心思🫶🏻茶品叫咗Irish breakfast 同Royal blend，自己覺得後者更加出色，有一種甜甜嘅後調☕️始終呢一間係來自英國嘅皇室御用品牌，所以佢哋用餐嘅細節都令人感受到嗰種英國皇室嘅優雅氣派🇬🇧侍應全部都好有禮貌，加埋成個雅致嘅環境同無敵維港景色，成個用餐體驗都唔錯👍🏻 雖然佢呢度所有單品都可以refill，不過如果要正價過嚟食呢個下午茶嘅話就有少少貴，抵唔抵食就見仁見智🤣…Read More

I am a big fan of the company because of the nice grill meats🤎 the price was way cheaper than other branches, so I love to visit their branches at local universities:)Roasted chicken was well grilled, tender and not dry👌🏻 the salad was fresh and portion was generous. The dressing is good that it could be on the side. …Read More

A cafe with blue and white tones as interior caught my attention when I went Tai Kwun. So, I decided to visit it later and it didn’t disappoint!The latte was a bit towards the fruity scent, but quite smooth and the latte art was cute. The price was fair in Soho area. With toilets but no wifi.…Read More

早排去開旺角又見到呢間麵包店，諗住買個布甸包食下，估唔到佢哋新出咗泡芙，仲要超好食🤤 趕住要快啲分享畀大家🤙🏻原味脆皮流心布甸泡芙($20)攞上手已經feel到好聚手，一搣開個泡芙啲吉士餡好澎湃咁湧出嚟，好彩有用個碟墊住🥰 食落好香吉士同蛋味，口感都好滑，比較甜，但唔算好膩，同埋因為拎咗返屋企用焗爐翻熱，個皮外面嘅曲奇皮脆脆地，泡芙本身就軟軟地，食落真心好正🫶🏻另外佢哋嘅布甸包($15)都唔錯，今次揀咗焙茶味同原味，自己印象中另一分店好似有伯爵茶味都好香☕️ 自己覺得食布甸包一定要用焗爐翻熱還原返佢出爐個口感先正😛 法包烘過之後都好脆口，厚度適中，麵包同布甸漿比例都拿捏得幾好🤪原味布甸雲尼拿味都好出但唔膩，焙茶味就有層次，自己比較鍾意焙茶多啲❤️自己覺得佢哋嘅甜品整體都係比較甜一啲～如果唔係鍾意食甜嘅朋友可能未必咁啱，不過自己覺得真係好正🥰 另外翻熱布甸包到有少少Tips，如果雪凍完之後翻熱嘅話，烘5分鐘就會外邊法包熱，內面布甸係凍嘅，自己覺得呢種冷熱交融嘅口感都唔錯🤣 如果將布甸包擺喺室溫度返熱嘅話就會係還原出爐口感，布甸就會更加流心🫶🏻🤪大家可以根據自己喜好試吓～…Read More

好耐之前已經路過呢一間嘅Cafe，雖然位置唔算好就腳，但係都有好多人慕名到訪，人氣可見一斑🫡 朝食全餐 ($88)感覺有啲似和風all day breakfast，可以揀一樣主食、關東煮同埋一個主菜，呢到嘅關東係用鰹魚湯底，蘿蔔鮮甜，而且索晒佢哋湯底嘅精華，仲有獅子狗、芋絲、黑薯糕，飲埋碗湯落去真係暖笠笠🥰 鰻魚都好夠肥美，是日三味飯團都幾啱打卡🤍安格斯牛小排蓋飯跟是日自家漬物 ($218) 呢個都幾有驚喜，牛小排夠肥美，煎到外面香內類粉嫩，食落去肉質軟腍，飯面鋪滿雞蛋絲，加埋佢個蛋黃撈飯超正💛呢度嘅飲品都相當有研究，今次朋友就嗌咗一杯京都宇治鮮奶抹茶 ($60) 飲落口非常creamy，茶味同埋奶香都幾平衡🍵自己嘅鮮奶焙茶 ($48) 個拉花要加一百分☕️飲落去順口，而且焙茶嘅炭焙香味都幾出🫖紅豆奶油厚吐司 ($48) 呢個一上台個造型真係勁qq🍞麵包烘到外脆內軟，而且估唔到紅豆同埋牛油嘅組合都幾夾🫘藍莓鬆餅 ($26)入面仲有啲藍莓蓉，蛋糕體夠鬆軟濕潤🫐 總括嚟講，呢一間嘅食物質量都幾好，而且坐得幾舒服，店面雖然唔大，但係員工感覺都幾友善，當日仲玩咗貓🐈 而且成個文清嘅氛圍都令人幾放鬆，如果假日過嚟同朋友打卡都唔錯📷…Read More

自己之前都有留意呢一間麵包舖，佢哋大約下晝五點開始就會做日本文化祭優惠，細包買三送二，大包買二送一🎌 雖然唔係好知同日本嘅文化有咩關係🤣不過有優惠就梗係要試吓佢哋嘅麵包🤙🏻綠茶紅豆軟包 ($22)包體好鬆軟，尤其係用焗爐烘完之後真係有外脆內軟嘅感覺，而且係撳落去會回彈🤍不過綠茶味就唔算好出，紅豆蓉都幾甜，份量算係正常🫘紫薯甘薯軟包 ($22)同紫薯麻糬包 ($20) 兩個包體都係好鬆軟～甘薯內餡都幾多，而且好似蜜糖咁勁甜～紫薯麻糬包嘅麻糬係偏有咬口一啲，份量都幾多，不過兩個包嘅紫薯味都唔算突出～總括嚟講，以~$13一個咁大嘅包嚟講，有咁鬆軟嘅包體真心有驚喜～餡料算係幾多不過就未算好濃味，路過都可以一試～…Read More

Heard from residents that it was a very famous shop in the neighbourhood and their mochi was a must-try in Tsuen Wan. Actually for the price of $6, I could not demand it for more as the mochi was soft and generous in portion. However I found the sesame stuff was way too sweet and you can literally see the sugar on it. Once in a lifetime would be good enough 👌🏻…Read More

呢間甜品店由開業到而家一直都好受歡迎，鍾意呢到嘅豆乳甜品夠濃郁，今次食嘅就係三色芋圓豆花 ($32)💜除咗最基本嘅豆腐花，佢仲有好厚一層嘅特調椰奶同少少黑糖，所以食落都好夠甜，不過自己覺得menu可以寫返有椰奶，一嚟自己唔鍾意椰奶，好辛苦係佢哋個餐牌搵冇椰奶嘅item turns out 都係有🫠豆腐花夠香豆味，而且滑，芋圓、地瓜圓同埋紫薯圓有十幾粒，而且食落去口感煙韌又有味，份量慷慨🫶🏻 一定會回訪！…Read More

This is a newly opened bakery in Tsuen Wan. Tried their products several times and it did not cease to surprise me! Love their basque cheese tart the most. This time, I tried their basque cheese pudding bread ($22)The pudding itself was rich in flavour 👍🏻 however the bread was hard to chew. Hope there’d be more pudding inside as well.Overall not bad👌🏻…Read More

I knew this cafe fong a long time because of their worker-friendly environment, and it didn’t disappoint me ☺️ the environment was cozy enough, spacious and bright. The wifi was quite stable with lots of socket available😛 The dirty was good, milk was silky and the coffee was with a nutty scent.Definitely recommend this cafe to workers!…Read More

已經見過好多人去食呢一間甜品，不過可惜自己唔係住呢頭，又成日食到好飽先行過嚟呢一度，所以一直都搵唔到機會試，今日特登同朋友過嚟就係為咗食呢一間🫶🏻想食呢間，其實都係為咗食佢個開心果心太軟($68)☺️開心果味都幾出，而且佢個流心好澎湃，再加埋開心果碎係頂，開心果控一定會好滿意💚 旁邊嘅乳酪雪糕咁都幾細滑，同埋因為佢係乳酪味，所以冇咁膩，同心太軟一齊食幾夾🤪不過就覺得佢上枱嘅時候都唔係好夠熱，所以呢個係會少少扣分🤏🏻朋友就嗌左佢哋嘅黑草($48) 入面有好多芋圓、紫薯圓同埋地瓜圓，口感都幾煙靭，而且係有各自食材嘅味道，小丸子嘅份量都幾多，幾有咬口，加埋黑糖條同埋仙草，份量都算合理，如果想簡單食碗糖水都推介呢一碗👌🏻…Read More

呢排大館都有好多唔同嘅展覽，今次嚟到就試吓呢間主打西西里gelato嘅cafe🫶🏻同平時嘅gelato唔同，呢一間有唔少都係用雪條棍造型嘅勁cute cute～加埋西西里風格瓷磚同埋檸檬樹裝飾啱晒打卡✨今次嗌咗一份招牌意式雪條Popsicle，今次揀嘅strawberry sorbet($39)啱晒又想減肥又忍唔到口嘅女士（我）🤰🏻呢到仲可以按個人喜好揀不同朱古力醬及配料，每款都係加$5🍓今次加咗黑朱古力醬同埋開心果碎，唔單止個樣ig-able咗，成個味道同口感都昇華咗🍫Gelato ($49/2; $59/3; $69/4) 以中環地區定價嚟講算係合理啦😛今次揀咗香芋、花生、荔枝同豆腐，如果平時鍾意食重口味嘅話，花生就會最適合，因為佢食落去係最nutty🥜 其他口味食落去都比較輕盈👌🏻Cookie parfait ($69) 曲奇雪糕好特別🍪同平時嘅Cookie and cream唔同，佢係比較朱古力味出，加埋大量嘅Oreo碎同埋粟米片，食落去口感較豐富，不過比較快會融，要食快啲🤣除咗gelato，佢哋仲有意式沙冰、croffle雪糕、Arancini及鬆餅等，想嘆杯啡都得☕️未食夠喉仲可以買自選口味嘅禮盒裝拎返屋企品嚐～…Read More

抓住Restaurant week嘅尾巴嚟到La Favorita，咁就review晒所有The Sixteenth嘅餐廳🤩 最一開頭吸引我嘅都係佢嘅裝修，好似意大利嘅歌劇院咁，加埋佢啲職員都好熱情，配合埋餐廳嘅音樂，有種好似去咗第二個時空，放下生活繁囂嘅感覺💃🏻Set lunch ($198/person)有三道菜，前菜揀咗Vitello Tonnato ，佢嘅生牛肉好嫩口，加埋酸豆同埋tuna mayo好夾，另一個食法係放埋上佢哋啲餐前麵包做open sandwich😂Prosciutto e melone 嘅parma ham鹹香十足，油分唔會太高，值得一讚嘅係佢啲火箭菜係勁新鮮一啲都唔苦🥹加埋哈蜜瓜食真係一流🤪Tagliata di manzo (+$58) medium就啱啱好，食落去肉質軟稔帶牛肉香，同埋佢啲sides都好高質，西蘭花好軟熟，佢啲薯仔仲要烤過勁香👌🏻Ziti seafood putanesca 蝦同八爪魚份量都幾多🐙長通粉都幾有咬口，而且佢海鮮嘅精華索晒落去個醬汁，加埋啲車厘茄成碟食落去好豐富🍅Tiramisu 咖啡香好突出，而且佢lady finger嘅部分較多，食落去唔會好膩☕️ Lemon sorbert上菜好精緻，面頭嘅蛋白霜甜甜地，中間嘅雪葩都夠酸，最底仲有crumble，好清新🍋今次仲係到同朋友慶祝生日，多謝侍應們超熱情咁唱意大利文嘅生日歌🎂 成餐服務都好好，加埋佢個環境真係好華麗，令人覺得整個用餐體驗都好滿意🥰以後一定會再回訪🥳…Read More

People claimed here as the most authentic Taiwanese chicken, however I found it just average. The set for one allowed customers to choose one portion of chicken, then 3 sides. I chose the chicken thigh which was very dry and hard to be chewed. The chicken itself was tasteless, with the scent of refrigerant 🥲 other sides including cucumber, mushrooms were average.The sauce was mildly spicy but monotonous. The portion was not really that generous, just average. Impossible to feel full after the ‘set for one’…Read More

呢一間係由秘魯嘅廚師開嘅秘魯菜，自己平時都比較少食秘魯菜，今日想搞啲新意，趁住Restaurant week到訪午市，盛惠$198一位🇵🇪Xoxo chicken 炸得幾香口，個炸皮比較厚身，但係咬落去幾有層次，而且啲肉汁都鎖住喺入邊，整體唔會話太乾，佢個蛋黃醬有少少辣，點埋就夠晒惹味🌶️另一份前菜Salmon Anticucho雖然佢嘅三文魚幾肥美，燒完之後將啲魚油迫晒出嚟，但係份量實在係太少🫣主菜就要咗mushroom stir fried rice係食之前店員仲會將蘑菇汁淋上表面，但係食落去菇味唔算好重，佢嘅飯嘅質感幾特別，飯粒嘅形狀本身比較遠，咬落去有少少似糯米🍚 原本另一份要咗red snapper，但係因為佢哋冇晒，所以轉咗做sea bass，佢個醬汁都幾正宗，而且魚肉都幾嫩滑，但係份量都係比較少🤔最後甜品就要咗唔使加錢嘅Alfajor，佢個曲奇唔算好鬆化，帶淡淡嘅牛油香，中間加埋焦糖醬同埋椰子粉都幾邪惡😈總括嚟講，食物感覺就正正常常，環境都算好坐，但係店員係確認Booking嘅時候cut咗線，而且因為嗰日已經預早左打電話通知佢哋會遲5分鐘到，但係佢哋去到夠鐘嘅時候又再打一次嚟，之後一路食飯收碟嘅速度極快，中間亦都冇乜加水，然後過咗一個鐘就俾我哋埋單，成個用餐體驗感覺好似好趕時間咁💩 而且價錢都唔算平，自己未必會再回訪～…Read More