Vesta.ccm's Profile

放工想就近食d野 見到越南pho嘅相望落幾吸引就入去試下了220左右嘅價錢 我期待嘅係一碗非常不錯嘅pho湯底：確實有些犀利 牛肉香味濃郁 鮮甜而清爽 牛肉：有肥牛同牛腩 肥牛夠嫩 牛腩夠香 份量非常多 而且半生熟的肥牛熟度剛剛好 是少有的完全冇渣的肥牛配菜：分量較少 basil只有三四片 辣椒不夠香 醬汁搭配不錯 沒有魚露粉：非常失望 沒有米香 的確是順滑 可惜非常軟 入口即碎 完全沒有pho的精髓 我沒有想過會有這樣差的口感 作為一碗pho的靈魂之一 簡直大失所望…飲品ok 飲左杯姜蜜 冇乜好講…Read More

比較懷疑生蠔Gillardeau No.1是否真的是No.1 生蠔整體而言合格但不值得88一隻配酒也不太好喝 想像不了有人會開一枝這樣質素的chardonnay（原價3xx）最後轉了Prosecco 還算能入口 但原價376的話也真的比較離地 半價188只能說是合理價錢餐湯不錯 沒有特別好/差啤酒薯仔一般般戰斧牛排真心不錯 口感調味火候都很好 但我們問店員兩位叫會不會太多的時候 店員表示應該不會結果只能講兩個人真的基本不可能食完 我們也不願意浪費食物 可是真的沒有辦法吃完甜品的話焦糖燉蛋味道合格 有輕微顆粒感 不夠順滑點燃火焰紙後的焦味也不太討好建議不要叫Brownie 服務態度其實不算特別好 但也算比較值得稱讚的一點呢間嘅Gimmick主要都係玩火 不過present同實際味道真的麻麻 建議：可以好好考慮一下生蠔如何更新鮮/質素更高：改良套餐的不合理性：餐酒真的沒有更好的選擇嗎 入貨便宜的酒很多 真的要提供一款難以入口的酒給客人嗎…Read More

禮拜一下午茶時間 唔算忙嘅時段叫左碟炒飯 15分鐘見到遲過我叫嘢嘅幾檯都黎曬咁咪問一句有冇漏單黑色衫個位侍應 好唔耐煩咁叫我等陣我問多句幫我問一問大概幾耐左右到 唔該佢望都唔望我就走左去20分鐘嘅時候 我見到其他檯d炒飯都到曬咁滯問多一次佢都話幫我睇緊有冇漏單30分鐘嘅時候我真係頂唔順 問第二位同事話比個最後時間我呀唔該佢話漏左單 叫我等多20分鐘ok嗎咁姐係兩次都冇幫我睇過就咁敷衍人？態度真係差到離譜廚房都好離譜 點解可以漏完單話起碼20分鐘 等就等 唔等就算咁 你漏單唔會優先處理係咩玩法？你地d炒飯係絕對8分鐘出到個質素黎 20分鐘姐係重新落單做曬其他單嘅時間啦黎食飯要預左惡劣嘅態度 忍受所謂冷壓嘅檸檬汁水（其實做過呢行都知道一係superjuice 一係叫貨）同埋預作冇飯可以食藍田人真係慘 呢間野咁都生存到 真係連狗都不如…Read More

講起上嚟真係好耐冇食過啲咁離譜嘅食物本身想早餐食個大快活 但係男朋友完全接受唔到食大快活唯有喺隔離食呢一間咁嘅嘢叫咗個香煎雞扒配煎蛋煙肉講真呢幾年我都未試過喺一間餐廳嘅煎蛋 可以咁慘不忍賭究竟啲咩煎蛋先至可以咁難食佢絕對唔係一般嘅煎蛋 佢有蛋殼 而且個蛋黃喺成個蛋白面唔平均咁嘆開我懷疑佢根本就唔係煎蛋黎然後過煙肉 我冇諗過，原來個煙肉🥓竟然係烚熟咁，完全冇香邊，好似條死屍咁樣攤咗喺度然後個雞扒 係硬嘅唯一值得讚嘅，應該係佢嗰啲茄汁焗豆 幾正常嗰幾條生菜，同埋個一片蕃茄 望落幾新鮮其實佢都唔係第一次咁樣 幾個月前去過食區最貴嘅嗰個牛扒餐 咩王牌牛柳 真心真心$128 我不如自己買塊扒自己煎牛扒完全咬唔入 啲湯，都唔係特別好飲想像唔到呢間嘢，竟然可以喺啟田商場生存咁耐竟然仲日日都有人食大快活，壽司郎，茶泰就喺隔離 點解啲人仲會用$87兩位（早餐）嘅價錢食啲垃圾？…Read More

係藍田真係越黎越少野食，新開d店又排隊排到癲。冇咩選擇之下都會食下呢間嘅，刺身壽司唔算貴又多選擇，質素就中規中矩啦，一分錢 一分貨呀嘛。前幾個禮拜見到佢出左日本生蠔，幾平又大隻（令和怪物🦪🦪）開心到呢，但係成日冇貨，不過都唔緊要，終於有貨嘅時候買左，然後就中伏了…我買左三次，比左三次機會佢。冇一次係開得正正常常嘅，每次都有一半以上係開爛左個殼，成隻蠔都係砂！仲試過幾隻係開到個蠔中間爛左。d殼大塊到成隻指甲咁，好心你開到咁就處理下先啦…拿，明白開得好係幾難嘅，但係好心你都沖下水啦，都係正常價錢又唔係特別平，比咁多次機會你都冇改進，態度差就已經習慣㗎啦，但係食物質素就真係忍唔到囉….新鮮度一般般啦，外賣冇冰袋，唔洗期望太多。蠔係鮮甜嘅（都暫時未試過係壞嘅）大家住藍田想食🦪，唔想去一田買蠔嘅話就係度買，然後自己沖水啦🤭 …Read More