ap9bkgsd82wf's Profile

今日去咗大會堂做完嘢，屯門市廣場開咗呢間新餐廳就忍唔住去咗試了🥰🥰呢間餐廳價錢嚟講算中間啦，我就叫咗個卡邦尼意粉食，本身想飲咖啡，但係見蘋果紅茶都幾特別，所以就叫咗試吓比我想像中嘅蘋果茶淡味少少加咗錢要個湯同埋餐包，個包嘅size就略嫌細咗少少，不過個湯就好抵讚啦，誠意十足，有好多蘑菇蓉，而且夠晒熱！意粉都冇令到我失望，因為佢哋用咗厚嘅煙豬肉腩，有別於平時出邊食嘅煙肉薄片，而且肥瘦分明意粉加咗個蛋之後就更加滑溜，而且我哋鍾意食佢個汁，甜甜地幾有新意環境嚟講都幾好坐嘅，下次會試食pizza…Read More

之前喺網上面見到呢間餐廳賣Omakase套餐好似幾抵食，所以帶咗屋企人嚟食間嘢位於屯門黃金海岸入面，超市嗰層，唔算難搵其實都幾抵食，同埋師傅會一路煮一路同我哋介紹菜式好有心機，最欣賞佢煎嗰個魚，魚皮可以煎到脆卜卜，連平時唔食魚皮嘅我都有成塊魚皮食落肚😂個蟹肉茶碗蒸都好好食，食得出雞蛋嘅鮮甜刺身都好新鮮，唔使掩任何醬汁，成嚿魚擺入厚度食嗰浸油脂嘅香味都係一種享受😎👍🏻👍🏻👍🏻唔知而家仲有冇呢個套餐呢？…Read More

呢輪好多網上嘅平台都做緊自助餐優惠，見到黃金海岸酒店餐廳做緊優惠，我又未試過，咁就試吓啦估唔到都幾多嘢食，而且啲嘢食都好啱我嘅口味，例如有法式薄餅同印度薄餅呢啲唔係間間餐廳都會有嘅嘢，主菜類型都好啱老人家口味，唔會太鹹同太重味精，值得一提嘅係長腳蟹都幾新鮮，而且佢哋fill盤嘅速度都好好快,而最令我意外嘅係佢嘅甜品有好多款！！真係睇到眼花撩亂，我哋最尾所有甜品都要一件！仲有佢有龍鬚糖食，真係童年嘅味道啊雪糕佢就有Movepick雪糕，整體嚟講我都幾滿意，而且佢都好似成日做優惠，好抵食😂…Read More

去完日本一直都念念不忘，上次冇喺日本食壽喜燒，結果今日如願以償，有朋友約我一齊去食壽喜燒，我哋揀咗元朗YOHO MALL呢間餐廳，不過六點幾都好多人排隊，我哋搭咗差唔多成個鐘先有位呢度嘅壽喜燒我只能說係不過不失啦，牛肉唔係口，但係牛味都唔係10分濃，成個餐飽肚嘅，但係味道方便，我諗都係過下口癮就OK，而且抽氣唔係好足夠，所以比較侷促稱讚嘅職員嘅反應都好快，好留意每台客人需要，而且都10分好禮貌👍🏻…Read More

今日行完街冇咩嘢做，想周圍搵餐廳食下午茶，但係周圍都咁多人好少一人枱坐，所以就黎左Oliver Super Sandwich 估唔到佢又做下午茶優惠，唔好諗住下午茶份量會少咗，佢嘅份量依然係好大份我叫咗個下午茶set，有酥皮湯同埋三文魚意粉，仲配咗杯伯爵奶茶，我本身個人就好鍾意飲伯爵茶嘅，呢杯伯爵奶茶真係冇得輸，伯爵茶茶味好濃，但係飲落又唔會嚡口，都算順滑，酥皮湯簡直係我至愛啦，好耐都冇飲過酥皮湯啦，呢度嘅酥皮即叫即整，所以好香脆，而三文魚意粉都幾好食，其實下午茶都有呢個份量都真係好抵食…Read More

去完旅行返嚟同朋友見面，大家都有想食生蠔又想飲酒，於是就揀咗呢間網絡好有情調嘅元朗吧呢間班地方唔係好大，我諗夾埋都冇10張枱，但係枱同枱之間空間感好大，唔會覺得好迫，而且坐高腳凳，成個氣氛又upgrade咗職員們都好細心介紹，我哋唔同好嘅味道，又會教我哋食邊隻好鮮，又淡味食到燶味，仲好風趣添佢哋呢度cocktail都幾好飲，比較推薦大家試飲佢嘅Beautiful Mistake另外佢哋嘅墨西哥粟米片都幾好食，佢有幾種醬可以點…Read More

之前喺楊屋道附近食完嘢，又未夠盡興，臨搭西鐵之前都特登搵間糖水舖食甜品喺海之戀商場，見到呢間日式糖水舖，嗰日其實都前一個鐘去，但係見都仲係好多人食，都應該幾好食，於是就坐低咗見台台都好似食緊疏乎厘，咁我哋都跟吓大家叫咗個Tiramisu疏乎厘原來呢度嘅疏乎厘都幾出色，疏乎厘本身蛋香都OK嘅，配埋佢個Tiramisu醬同埋個雪糕，好濃郁嘅咖啡味，甜味我就覺得啱啱好嘅，不過我個朋友好鍾意食甜嘅話就話可以再甜啲另外叫咗個窩夫仔，佢個朱古力醬都幾好食…Read More