MissFnB's Profile

I just wanted to express my heartfelt gratitude for the wonderful experience we had celebrating our anniversary at your restaurant. From the attentive service provided by our server to the delicious, juicy steak and delightful crab cakes, everything exceeded our expectations. The manager's thoughtful check-ins and the surprise complimentary dessert with a handwritten blessing made our night truly memorable. Thank you for creating such a warm and inviting atmosphere. We can't wait to return for more happy Friday and weekend suppers!唔知點解話有人舉報我收左利益所以唔批，我無收利益，自己付費食飯，已重申，再發。到今日再唔批，因為唔可以mention server 名，所以deleted，唔讚得。…Read More

N年前食過一次都無執過，食沙田食到唔知食乜，星期日想食啲點心，經過見得佢又唔洗等位好肚餓就衝入去。一坐底pat左張QR code 自己落單就預左，waiter就企左幾位，客就全場5檯左右。點左炭叉燒包$52/2件，兩分鐘就到快過樓上老麥叫魚柳包。一咬，室溫嘅！點心室溫即係番蒸都仲要唔識。請位服務員換，佢應該都慣左，無出聲攞左，30秒換第二籠比你。😂😂😂個一刻覺得算啦，再咬，微溫！都唔想再出聲 唔想麻煩佢用多30秒來回廚房換一籠常溫嘅比你，去到呢度都唔好有要求，唔肚痛都當贏。點左麻辣燒賣$52/2件，純粹唔好食。點左千層豬扒擔擔麵好似$88，純粹豬扒常溫，加麵唔好食。仲有煎餃 最正常！咖啡 正常。下午茶兩個人大約330$仲話加一，唔會話係貴，但浪費時間同個肚。唔好judge佢整得難唔難食禁複雜，點心嘅溫度都未做到，唔怪得得幾台客。講起收加一，我諗來諗去都唔知個服務係邊？見到位女士名係叠字疑似係經理，企係度同一檯客人吹水吹到天黑都未吹完，又主動加水。我由坐低食到走，個五檯客都走晒禁滯，員工幾位，一直捱住無晒水無人會加🤷🏻‍♀️🤷🏻‍♀️好難得位女士眼尾望到一眼，電光火石間請佢加水先成功到，呢個加一服務就係呢個位，好彩（無收水錢已感激）該檯客走我地都跟住走了，見仲吹緊又拜拜又下次再黎又多謝晒。我地同其他檯當然係多謝都無句，但有清晰表達叫你埋單。所以唔會話呢間無服務，只係選擇性會得到服務。（但唔清楚係要識佢地定要日日去先有）總結係，當沙田新城市全個場餐廳滿晒而好攰好餓都唔敢再去。呢個group最差嘅一間，相信營業額都反映到啲，有時真係唔好賴個場靜所以無生意。成個場最靜係你，總有原因🙃🙃…Read More

星期六去完staycation 去binary breakfast. 真係想上來讚讚服務：有禮，速度👍讚環境：望住街，有陽光，都唔係好窄，舒舒服服👍讚食物：快得來有水準，食材也不錯👍讚餐牌：選擇足多樣化👍多謝你地比左一個愉快嘅用餐體驗我地，呢個愉快嘅小時光，足足點亮一天嘅快樂☺️🫶🏻…Read More

星期日下午兩點想搵個地方食個飯 而希望搵間唔收coupon既食下 諗住正價有服務去到門口 排左一秒即刻有位 老實講 個位都幾偏僻 我唔係專登睇水牌有咩食專登去搵 真係唔知行左幾年harbour city 都唔行去呢個位入到去 三張卡位吉既 都唔比我地坐 係都再帶我地入去張唔舒服既二人世界檯 窄既 我地拿住好多大袋 好多時 明知人地好忙 好多人等位等等 我地都唔係要迫人換檯呢啲野 好多時你問 人地都唔比 又話等間好忙 所以我都會預你充滿信心 好多人係星期日既兩點幾會衝入來 到時令你做少左生意唔好 算啦 我食完成餐飯 成場都係半滿 只入過兩檯客 仲話打卡餐廳 坐係路中心 窄到袋都就來要孭住食 唔會想打你卡 我只想舒服啲食飯 係唔阻你做生意下個餐牌貴到呢 台灣野來講係blue blood 為免啲人又會話 食唔起唔好食 就睇下係咪禁blue blood啦 唔好講野食先 個落單衰過樓下茶記 全餐飯見到佢著到啡色皮鞋達達聲行到好似cat walk 都難頂 送食物上來pat係你檯面 嘩！ 原來over price係呢啲服務度 正😂😂食物 魯肉飯係淡而無味 真係好難做到 麵無咩好好食 麵一碗 你收98碗都仲幫你搵借口比黎交租 好似成130-140 我真係笑左出聲 個蛋卷無特別好唔好水就唔好講 大把人睇到 你要收就收 都係一買一賣成件事 唔係話你貴 放得係呢個場都由你 禁既價 成半場吉既你都比啲禁既位人坐路口 袋都要放大髀 食物就無咩好收到呢個價 個飯直頭難食 服務差到一個點 成場係服務員 埋單都要四分鐘先叫到人 個啲水既收費就算啦 成個體驗食野唔係話貴就要寫呢啲食評 只係定價比一般台式貴 都明白環交呢個租 見你好辛苦加啲食材入去收到200幾300幾既飯都有 都理解既 但係得黎難食！服務差！位差！ 三管齊下 好難做到 所以成日坐唔滿都好合理 呢個月係呢個場食左十餐 有coupon好無coupon好貴過佢好平過佢好 真係諗唔到邊間差過你 服務同中環個間有距離 寫出黎純粹想個管理人或者老闆睇到 唔想半條租都捱唔到 中環正路好多 想讚一讚既係 啲歌揀得好…Read More

今次第二次去，第一次唔敢寫食評住，第二次都係維持到，值得一寫。荃灣區來講 實在驚喜，可以講如有係荃灣區想食西班牙菜，都唔敢expect啲咩，多數都係fusion左啲港式呀 又無啦啦整啲牛扒唔知點解… 但呢間無，佢控制得個menu好好，tapas就tapas… 仲有菜/禽/肉/鮮菜式比較唔錯。我問服務員，請問有無香檳，佢答我我地有cava ，好感動佢對個drink list既了解。 唔計中環，如果去尖沙咀隨時都唔知drink list賣緊咩😞 上次尖沙咀有位係有無賣杯頭都唔知 佢問我拿番黎睇…. 整體服務唔可以話係驚天地 泣鬼神，但以2021年餐飲業所面臨既難題同壓力下，客觀認為呢間服務態度極有禮貌，飲完一杯都仲主動問要唔要多杯，整體用餐令人感到十分愉快，當你猶豫叫咩仲會主動推介一下，不得不提另一位負責收碟服務員亦一眼關七，動作敏捷得來都睇清睇楚先收。食物整體平實tapa，唔係某啲比港女影相個類爆晒煙花又吹晒泡泡棉花個隻，係平實味道好會想回頭再食既類型。豬豬份量都做到好岩胃口 皮肥肉香。OpenRice 襟左我地係來慶祝周年紀念，餐廳好好係我地叫甜品時送上精美畫花 我地係感動既顧客 真心鍾意感謝，佢仲話 本來想整個心形❤️既churros比我地…雖然無心型😂😂😂但都係度多謝佢地既服務同美食、安排同禁靚既一手字既祝福，必再回來。係2021年仲有某餐廳同你計較係人地生日出隻吉碟比客人既年頭，呢隻碟就能讓客人感到溫暖。如果 閣下尋找荃灣區平實既一餐tapa night, 推介。仲有必需一提，係我食過價格最平實既西班牙菜！ …Read More

尋日下午有約，有人表示要慕名而去朝一朝，我隨手打開openrice睇一睇，掂啦，禁多笑笑正評。 坐低10分鐘，先知新開，再感受下現場成手野既伏，實在令我驚嘆如何做到一面倒116個正評？（可能我唔好彩啫）首先，服務係近乎零，我四位唔該，「掃左未呀？！」嘩 我以為我做錯事，衰過茶檔。詳情唔想講，基本形同自助。 全程黑面，隔離兩檯都係員工用膳，無問題既，企緊既同事得閒過去吹兩句禁解。食物無咩好提，唔熱，一般，真心未去到難食，但唔會叫好食。基本唔會回頭，你預同區citywalk中庭間中式野再之下...裝修同坐整體似客記，連同個open bar不停勁大聲打野飲，嘈到呢，邊位設計個open bar用呢啲機打野飲，但做中餐，比個叻！ 見啲客人埋單要自己行出去，但收加一。食完既野又無人收，下下要叫，服務費個費去邊既呢？ 其實荃灣西既客，唔算係個類比50$話貴要投訴個隻。但唔好下午茶近700$4位，差服務，常溫食物，同嘈吵環境。唯一亮點有個男服務員肯主動幫我哋埋單。同埋間野開左半年都未有，荃灣西做區內客既三樓，有百幾個笑笑既食評，即係未有半年有百幾人去慕名誇區去食，食既人又會人人都知你有另外間餐廳叫咩名，人人食完都留笑笑正評，如此超班既餐廳真係聞所未聞，實在吸引到我行去試一試！當天目測佢禁既人流講緊星期日有幾檯禁多，竟然唔洗排隊，又會禁好彩既我？ 再細看其他食評既相 又係小貓三四檯。 真係難以想像人人讚不絕口既餐廳為何紅日都門庭冷落？其實客人條脷又唔係未食過野未去過其他地方食，不如好好花時間做好食物及服務，我相信為區內提供有一個真正既好選擇，好過客人慕笑而來，中伏一次永不回頭。 …Read More

食開另一間Argentina steak house今次純粹卜檯試下新野，呢個價單比較，服務差到從未遇過。着先問我要咩水，waitress問完，佢走開左但又唔比我🤷🏻‍♀️🤷🏻‍♀️我都唔會追問因為我食飯多數只會飲酒。 另一位口罩一戴一露既waiter又行過來問，我又要再答，終於黑住面比水。跟住一分鐘內，分別有三位waiter黑面問我食咩，我就開始著著地，係咪要五分鐘內埋檯五次？而佢問我食咩，唔係一般知你未黎過推介菜式wor! 而係三位黑住面，好似茶記叫lunchABC餐禁既款🤷🏻‍♀️🤷🏻‍♀️🤷🏻‍♀️可能坐五分鐘都未叫到野真係好錯，我估佢地可能想我同佢道歉🤷🏻‍♀️🤷🏻‍♀️🤷🏻‍♀️Ordered左杯white wine常溫既，都知中中地伏，麻煩佢地換一換，waiter搵另一位junior換。 兩個頭盤，佢上盤包。頭盤一到，一戴一露waiter加兩位waiter應該係五分鐘內再分別問左我三次main course order。Ordered埋main course 食完坐下。8:05再用一個好鄙視既表情同聲音同我講，你地8:00要走架，有人等位。 唔知點解我地入座聽到20:30交，但唔緊要，我即叫埋單，但又等7分鐘，waiter黑面攞埋卡機同單放係檯面，當然多謝都唔會有一聲。我將credit card放係佢單上面等佢碌啦。等左好耐另一位waitress拿走我張卡，但又留低部機走左去，當然，都係一支箭。個男waiter又叫番佢番來碌。我8:05即叫埋單，坐係度都睇佢地都玩左20分鐘。禁其實你地都唔係禁急？🤷🏻‍♀️🤷🏻‍♀️🤷🏻‍♀️係呢個食飯過程，佢地黑住面埋黎超過15次唔止，但唔係黎check你地係咪food ok 定everything ok..而係佢地無溝通下不停重重複複 不停催趕你。 全程傾吓計都覺得煩同有壓力，唔講以為我食免費餐定一折券？食物無咩值得講，sirloin and ribeye 肉味濃但都乾 10安都食唔到，其他side dish同app既chorizo 幾好，應該話合理既。House white常溫。1400$中環基本消費，唔係預你要飛，但呢啲服務係橫掃中環既奇葩，想貼錢買難受推介大家試試。 浪費我每星期同男朋友最期待既happy Friday，差到我懷疑自己同人生🤷🏻‍♀️🤷🏻‍♀️🤷🏻‍♀️…Read More

一年無來，食物尚可，但熱度不足。一場服務員，但幾乎無服務，零笑容，埋單都係。冷氣風口大到吹足一個鐘，頭髮飄飄。收茶費每位8蚊無問題，但個茶膽懷疑沖左800壺，淡過水。無咩特別事唔會再來，同剛開業比較，差天共地。食物：乳鴿，味道不錯，但不脆不熱，33蚊無投訴黑金流沙包：夠軟夠熱夠流晒心，招牌菜實屬無得輸！炒腸粉：有色無味，唔熱，個容器係冷冷的，唔知做咩$79燒賣：唔錯 有粒鵪鶉蛋叫做懷舊金曲進化版。炸雲吞：原來有芝士 中西合一 夠脆員工表現不專業，只顧同事間無聊對話，不理客人。…Read More

一坐底發現餐廳牆上有個鐘 離開一刻再望望 發現鐘上時間沒變過 細個會係好開心既時刻講句：「好開心呀！如果依家時間停係度就好啦！」大概係呢一個時空凝固既感覺出餐食物係素顏美女 即係「簡單。寧靜。本質有涵。唔浮」直接講就係「好味道」純粹係影完覺得上鏡無真人禁靚 所以唔想PO相 如果大家係要搶FO野韓妹式大眼仔食物可以唔洗去 兩種口味 幫唔到你! 未上檯之前我個心講緊嗱唔好再拿兩條切到面禁大既羅馬當沙律比我！！上個湯之前我個心又講緊唉唔該唔好再比瘋狂茄糕當tomato bisques比我！！當然最後係完全無 大概係受過太多傷害 所以諗多左 至於咩味自己去試確實無渣流 Rib eye十年無食過強勁Cajun味有D懷念 但唔係極美式瘋狂Cajun powder 比D情深食下會食到D 再見路絲馬莉再見既味道！成晚唯一傷心位係 點解我會無食到甜品？酒水我個人唔太識 有咩建議自己請教下位老闆 但問之前考慮清楚 因為呢位老闆講起酒來關唔到總制一樣 除非閣下好似我禁真心想聽或者好想長知識 唔係既直接請矩推介一支就得 一個人對一樣野鐘意起上黎 真係會關唔到總制 個人理解記得我行入餐廳個刻 呢位老闆話：「食野係享受好味食物，唔係睇食物。。。。等等」我聽完覺得 都係既 但其實又唔太認同 呢度係有美食紅酒外 仲有牆上唔係用機OUTPUT係手畫既字句圖案 仲有檯上面唔係叉電係點火既燭光 仲有其他唔係眼望望但拿住個地球儀同你吹水既客人 另外有一位關唔到總制既老闆加上「one fine day」同埋「I can't make you love me」人生十大後悔之首，點解我2017年愚人節先遇到呢度？人生就係一個大整蠱。…Read More