Amber_wong's Profile

難得嚟到樂富呢度嘅有間咁chill嘅餐廳，就喺地鐵站旁邊非常方便。餐廳向着間開咗隻非常大嘅窗，雖然窗外冇乜風景睇但室內裝修非常別致，充滿小趣味。我哋各自叫咗一份set lunch $138, 除咗主菜會跟一份餐湯麵包同飲品今次餐湯係南瓜湯，非常濃郁同creamy, 而且好香南瓜味，餐包係有啲似sourdough,煙煙韌韌～主菜我哋分別叫咗自家製肉丸(和牛)手工意粉同皇后薄餅，肉丸我初頭以為係好似ikea嗰種細細粒，冇諗過佢係咁大粒但因為咁所以入面保存咗好多肉汁，篤碎佢撈埋啲意粉食好正～意粉食得出真係手工製，同平時食開嗰啲好唔同，有少少粗幼又不一，同埋口感好彈性。皇后薄餅係意式薄餅嘅經典口味，只有羅勒葉，蕃茄醬同水牛芝士～蕃茄醬食得出都係自家製唔會死咸，加埋個薄餅皮好正，唔會實的的咁～同埋分量真係超大份，我哋兩個都食唔晒要打包拎走總括來講即係一個唔錯嘅用餐體驗～有時間都會再同朋友嚟試吓佢其他菜式…Read More

呢間基本上每日中午都超多人，但我今次都係第一次試～因為經openrice訂餐，所以一去到就拎得超方便。叫左通菜、牛腩丶牛筋同豬軟骨辣汁米線，另外再加多份牛腩好鍾意佢辣汁，係甜辣個種加埋牛腩本身有嘅腩汁令到成個湯底都好濃郁～牛腩係偏瘦少少，有人覺得柴但我接受到～特別一讚係加餸係會另外裝比你，感覺比較均真。牛筋炆到好腍滑，基本上唔使用牙都咬到～但豬軟骨就比較失色，唔係好入味而且炆得唔夠火喉，中間就軟骨仲係硬嘅，下次應該唔會再叫通菜好新鮮爽脆，啲葉吸晒湯汁配埋米線食好正…Read More

睇到網上grp討論，知道有自取promotion優惠，所以我都唔執輸叫咗一份試下紫薯藜麥沙律$30呢款lunch box係全素，另外亦有兩款葷菜配飯嘅選擇～就咁睇賣相已經覺得100分，雖然價錢平但擺盆上都仍然見到好用心，冇話做平價外賣就Hea你。入面紫薯同kale嘅份量都多，而且都好新鮮，入面種配搭左紫椰菜同埋佢哋自家製嘅vinaigrette,酸酸甜甜幾開胃👍🏻不過入面藜麥嘅份量就偏少，不過咁嘅價錢都冇咩好挑剔～有機會我都會想試吓其他款式…Read More

呢間小店唔顯眼，喺球場旁邊嘅小巷入面，就咁睇裝修我覺得似酒吧多過食台灣菜超鍾意食佢嘅紅燒牛肉麵，因為好足料入面啲牛肉大大嚿，而且個湯底好濃郁又唔會太油膩，好怕食牛肉麵成層油喺面朋友就叫咗個豬軟骨肉燥飯，平心而論我覺得呢間啲牛係比較出色，相比之下豬軟骨就比較一般可能肉嘅部位比較瘦所以食落有少少柴，同埋入面有軟骨嘅部份都唔多。我哋跟餐叫咗杯香芋珍珠奶茶，呢完全就係我中學時期回憶嘅味道如果期望佢係新鮮芋頭咁你可能會失望，但我完全唔介意因為我超鍾意呢隻味另外都叫咗一份麻辣牛肚小食，佢個汁幾惹味，牛肚係偏爽口啲嘅，配埋青瓜絲一齊食唔錯～題外話呢度老闆人好好，亦都好細心，我哋撳錯Menu冇咗折扣，佢都主動話俾返我地，呢點好抵讚…Read More

超耐冇食過酸菜魚，所以同朋友去過下癮鋪頭裝修好古色古香，入門口旁邊仲有個涼亭造型嘅卡位，非常有特色。酸菜魚$268非常好係可以自己調整酸度，我超怕啲酸菜魚唔夠酸，呢度就非常貼心～魚肉超嫩滑，煮得恰到好處。酸菜湯底少少麻又帶點鮮香，入面啲萵荀都好好食，keep到爽脆之餘又完全吸收晒湯底精華。秘製麻辣炒薯粉$88雖然材料好簡單，只有椰菜同薯粉，但佢嗰陣麻辣味好有層次，而且食得出好有鑊氣，啲薯粉炒到條條分明，椰菜又夠爽脆黑糖脆炸糍粑$58新鮮炸起免頭重鋪咗少少黃豆粉，底下嘅黑糖甜而不膩，糍粑少少煙煙韌韌，幸福快樂嘅感覺…Read More

返工前做完尖肚子餓，又唔想食太多野，呢間真係一個好選擇今日食雞肉牛油果三文治$23，入面仲夾有新鮮羅勒同生菜，非常美味又有益同埋加有牛油果，所以睇落細份但食落都好飽肚再配多杯自己沖嘅protein就係very good嘅morning啦…Read More

勁多貓貓的Cafe餐廳難得星期末休假🤩我哋四點鐘左右去到。去到門口已經見到好多人排隊，不過好彩我地有訂位，好快就安排左坐位。入去之前職員提醒我哋要着好鞋套先，因為啲鞋始終污糟可能對貓仔健康來講都唔太好，加分加分入坐時職員有講到坐九十分鐘同埋最低消費為100蚊。因為係下午茶🫖，我地叫左兩個輕食同野飲。芒果酸奶同凍朱古力。係咁熱的天氣，凍飲梗係乜都好飲，但不得不讚呢個凍朱古力，令人超有驚喜，好濃厚的朱古力味，加上有好多碎曲奇，有咬口，我一啖就飲左大半杯， 相反芒果酸奶就較為普通左少少，係用芒果醬而唔係新鮮芒果。黑醋四重芝士沙津比想像中少cheese, 但沙律菜幾新鮮好爽脆。Burger with friesburger大大個份量十足，大啡菇煎香左，加埋塊好Juice嘅漢堡扒咬落去真係超滿足！由於貓貓s太可愛， 九十分鐘好快就完🤩 …Read More

同屋企人嚟呢度食晚飯，其中一個原因係佢呢度嘅主菜係可以即叫即煮，比起一般自助餐舒服嘅地方係你坐喺個位度就可以，唔使行出行入去攞可以同家人舒舒服服咁傾偈而且佢嘅主菜份量雖然唔係好多，但我一份都食得出係用心烹調，我哋尤其鍾意佢嘅煎帶子，外表香脆，入面煎得啱啱好，非常好食除此之外取餐區入面嘅食物亦唔錯，其中生蠔或者刺身都係不斷會refill整體來講，有機會都會再嚟食飯，無論係食物或者係服務質素都好好，環境亦都非常舒適…Read More

今日同屋企人嚟呢度食飯，因為我哋下午嚟所以Walk in都有位覺得佢啲嘢食同飲品都好有創意，有好多新嘅嘢可以選擇下其中最鍾意就係呢個鰻魚滑蛋飯，佢個鰻魚真係好足料成條放喺啲飯上面，配埋啲滑蛋真係令人忍唔住一啖接一啖咁食另外一叫咗呢個蟹肉pizza,個餅底好脆，加埋上面芝士同醬汁超級yummy另外冇影到相但我哋叫咗個花生醬沙冰，係超級濃郁嘅味道，好好飲花生愛好者一定要試一試！！…Read More

見到好多人都話佢哋服務態度好差，但我今次去個姐姐都幾有禮貌，可能呢日比較好彩叫咗個中辣嘅招牌豬扒米線，但原來麻辣要加兩蚊？我睇個餐牌好似就咁寫住$45,唔知點解姐姐話要加多兩蚊🧐豬扒唔算好多，但到我拎返公司都好香脆，又夠厚身湯底方面可能因為我叫咗中辣，真係好辣，但湯底本身鹹味唔算好重，辣味比鹹味多，可能我比較重口味會想佢再咸多少少總結都唔錯，次次行過門口都俾佢香味吸引，今次終於試到…Read More

好開心朋友陪我黎食呢個lulu豬tea set🐷餐廳嘅位置喺內街入面，有少少難搵因為我哋事前book好咗，所以嚟到餐廳個T set好快就送到枱面佢跟餐會每人有一杯飲品，我哋都叫咗matcha latte, 係出乎意料地好飲！抹茶味好香茶味又夠濃食品方面甜品整體都偏甜啲，但lulu豬嘅造型好可愛，呢度加返好多分🐷另外好鍾意食佢午餐肉壽司，飯粒都好煙un…Read More

當晚黎嗰陣啱啱開返晚市堂食，所以超多人好熱鬧～黎放題係最鍾意就係食佢哋嘅芝麻雞翼，新鮮炸起皮香脆肉嫩滑但因為減緊肥所以都唔敢食太多所以我哋主要都係叫呢款花雕醉鮑魚，夠入味又唔會太鹹，要鮑魚本身亦都爽口，唔會啲肉質霉霉爛爛所以都order咗好多round 屬於回本之選同埋值得一讚佢上菜速度好快…Read More

大大碗分量十足，次次黎親都食唔晒碗麵🤪雖然佢係米線鋪但其實我覺得啲米線質素麻麻地，偏淋身。但我就鍾意佢嘅湯底，雖然係麻辣湯但唔會成層油又浮喺面，食起上嚟都覺得冇咁大負擔。不過佢嘅辣度真係唔係講笑，四小辣都已經辣到飛天🔥餸菜方面呢每次必叫嘅一定係墨魚頭！食得出好新鮮，唔會軟趴趴反而好爽脆😛另外滷水豬手同豬軟骨都係我嘅最愛，兩樣都炆得好淋勁入味，豬軟骨直頭炆到變咗啫喱咁。同埋佢哋嘅汁都係偏甜少少，唔會死咸😋…Read More

呢間商場啱啱開，餐廳同埋舖頭都唔係好多，相信大家行15分鐘就可以行哂。由於我哋去嘅時候係食飯時間，好多間餐廳都排滿人，最後決定食呢間台灣餐廳。第一個餐我哋叫咗台灣牛肉麵，配料有三款分別係牛丸，牛展同埋牛腩。食麵講個湯先，都幾夠牛肉味湯頭唔算太濃，普普通通水平。個面最值得講係個牛丸同埋牛展，牛丸係咬落有兩層，第一層有濃厚嘅牛肉汁，第二層就係肉丸，口感幾好又彈牙。而塊牛展煮得超級軟，食得出係慢煮牛肉果類，味道佳！第二款原本想嗌炸髀拌麵，可惜人手點錯關係，變咗滷水雞扒🤣個拌面方便就普普通通水平😉雞扒都算大隻，滷得幾入味。我哋亦都跟餐加錢嗌左兩杯嘢飲。分別係芋頭豆乳小芋圓同芋頭鮮奶小芋圓，兩杯試完之後，我覺得鮮奶好飲啲，口感濃滑啲同埋肥啲🤣👍🏻…Read More

咁快又到中秋節🥮！放假梗係搵好東西食 睇左好耐最後簡左依間餐廳食牛扒第一個係鰻魚燒牛飯配沙律 麵豉湯（要加錢）鰻魚煮得啱啱好，醬汁都好夾！由於我哋嗌左大份，所以有兩片鰻魚肉，而係鰻魚下邊，就藏有幾塊燒牛肉，牛肉係醃過比較淋身少少，對比之下，鰻魚味道出色好多🤣飯都可以食多幾啖！第二件我哋嗌左400G岩燒肉眼配沙律 溫泉蛋 嘢飲（需另外收費），員工會係我哋面前切開原塊牛扒，重量係416G ，(其實以人手都好準㗎喇）價錢會跟返實際重量計算返。大約10分鐘後，就可以出去拎餐。塊牛扒好足料大，但切開入面就有啲生😅。好彩塊鐵板仲好熱，可以煎返熟少少先食。可能因為佢偏生，煎一戰之後塊牛扒就啱啱好5~6成熟，一啲都唔鞋，有肉汁，冇梳打粉味。呢間餐廳比我嘅印象係牛扒當日質素相當高，比起我以前食幾間石燒牛肉都較好大家有興趣可以試吓…Read More