yan子's Profile

唔夠人手等好耐先有人黎幫你，野食唔好食。得個樣。價錢都唔平，大家睇路🤔石燒霜降牛小排肉質唔新鮮，鞋口，石板要燒一段時間先夠熱。但跟餐個糖心蛋幾好食😋吉列牛純粹多左層炸皮，味道差唔多個蕃茄海鮮鍋唔值呢個錢，湯底偏甜，海鮮都麻麻地…Read More

一行5人連1個bb7點15分入座，食到一肚氣。7點半落單，8點黎左2個餸，蒸魚和龍蝦伊面，8點半追下點解只係黎得2個餸，原來漏咗單，其餘6樣無落單，已經覺得奇怪。點解落咗2樣無落其他，但我哋都同佢講咁而家落返單，咁無理由未食飽就走？到咗9點都係未黎齊。食物叫左8樣1.古法蒸老虎班條魚係新鮮蒸得都幾好味，蒸行岩岩好鮮嫩幼滑，加上做緊優惠半價都好抵食2.波士頓龍蝦加伊面底龍蝦食落都新鮮鮮甜，肉質彈牙，同樣都係做緊半價優惠。3.叉燒例牌 叉燒入味，上面啲糖唔係死甜，味道好，但肉質較散有雪味4.燒鵝例牌燒鵝肉質鬆散但皮脆，一般。5.乳鴿都幾大隻肉質ok,略嫌有啲雪藏味，味道好6.咕嚕肉呢個啲醬太甜，皮似翻炸，粉厚，重要百幾蚊7.椒鹽魷魚唔推介，完全冇魷魚味，又唔夠熱8.金銀蛋莧菜呢個係足足等左2個鐘既菜，但客觀講都好食嘅，只係無特別好食嘅感覺…Read More

一家人2022年前打算食返餐好既😂有老有嫩最好就食中菜啦。放假邊度都咁多人，咁岩見到屋企付近糖心軒有位就入去食。坐低見到而家晚飯做緊食滿1200蚊送雞煲翅優惠，我哋一行6人都唔難食夠1200蚊丫🤣1.鹽酥魷魚都幾大碟幾多，惹味夠獲氣2.叉燒厚切又肥瘦適中，有少少燶邊，夠大碟，好味😋3.龍蝦伊面龍蝦新鮮，肉質爽脆但略欠鮮甜，都夠大隻啖啖肉4.上湯豆苗好味又唔油膩。5.炸子雞寫明用新鮮雞做的，果然唔同其他一般酒樓，肉質好食唔怕有梅味雪味，皮又脆，肉質鮮嫩，推介👍👍👍👍👍6.雞煲翅6兩免費送的，一人一碗剛好有6兩，幾好食，食落都有啖啖翅，絕對無hea🥰7.老虎班不得不讚下呢條魚，火喉剛剛好，好滑，豉油成功令條魚更加鮮甜，水準之作👍👍👍8.菠蘿生炒骨生炒骨用新鮮菠蘿炒的，剛好解了生炒骨的油脂感。不錯👍最後更送糖水，有蕃薯糖水和紅豆沙選擇，紅豆沙好味😋…Read More

一家人(4個)打算趁疫情好少少岀去食餐飯，咁岩見佢有晚飯優惠就試吓。點菜時因為未齊人所以打算點左餐先之後叫起啦。個經理過嚟點餐時我哋都未點完就走去做其他野，一次都算連續幾次都係咁，點一次菜要分開幾次落order😰真係好無癮囉，睇到佢唔夠人我心諗都算啦，做人要包容啲而家可能經濟唔好啦。到差唔多齊人時經理話之前點果個白灼蝦（98蚊）賣晒，建議我哋轉蒜蓉開邊蝦（118蚊）😰又算。因為我細佬遲放工咁賣晒就無都明嘅。但食飯全程食完又無人收碟，最後有個好人啲嘅阿姐比啲乾淨碟我地自己換。但最嬲嘅係啲野食完全唔好食，最離譜係碟蒜蓉開邊蝦，收人$118，夠膽死比六隻蝦你，半斤都冇。仲要啲腸都未有處理過就咁上比客。條魚又蒸到熟得滯，無曬魚味。最後叫咗個果醋黑豚肉炸到濃曬，又苦又得炸粉。總之未試過咁勞氣，有圖有真相😡…Read More

下星期父親節又唔想同人迫，決定早一個星期食再加上爸爸又鐘意食中菜就決定黎呢度食。本來對傳統酒樓中餐無咩期望，但結果竟然意外地好食。既然慶祝父親節，當然要請爸媽媽食好啲啦，一黎到就去海鮮位度叫餐。自己親自去睇住佢㨂海鮮，計過岩價錢先落單唔洗失預算嘛龍蝦2斤9重，特價13.8一両，加伊面底40蚊，蝦肉爽甜新鮮又美味再order一條大石班$480 肉質好正果然新鮮即叫即煮係唔同啲剩係食海鮮我哋5個人都見飽飽地所以就叫左2碟菜中和返邪惡既感覺估唔到啲菜又幾好食喎又大碟唔似出邊得幾條咁。食到最後埋單竟然有糖水送，實在太開心，有渣渣仲有一個有芋頭同西米（唔知係咩）的糖水…Read More

咁岩有機會住到酒店，附近無咩想食的，便到樓下最近的餐廳。星期日的早上人也不多，兩個人飲茶獲安排坐卡位。坐得舒適又方面聊天。有一種放鬆的感覺。黑䐁肉叉燒肉質鮮嫩多汁，外表微焦很好吃虎椒唔知係咪咬到粒核，好辣。但穫氣足，喜歡吃辣的會覺得好惹味牛肉球牛肉球好耐無食過咁好味了，有陳皮味鮑汁鳳爪炆得夠林夠入味，花生又夠林 好好味總括來說，可能因為本來都無咩期望，所以覺得有種出乎意外的好吃，下次有機會會想再來吃…Read More