aprcs2t47wqz的個人專頁

見到門口好多人排隊諗住應該幾正幾好食🤤排隊嘅時候一路睇網上嘅食評，見大家都大讚！咁就買嚟試吓，排到我嘅時候見到有個lotus 焦糖餅碎嘅麻薯波波，應該係新品(?)睇個名感覺流晒口水好好食咁😳$20一個包仲要冇拳頭咁大✊🏻已經都唔算平，後來試咗一啖直接揼咗😦個皮好硬好硬，今次真係真係Bon Bon硬😅入邊完全食唔到焦糖味，一入口全部都係啲cream😖本身個人已經唔係特別喜cream仲以為係吉士醬添ᐡ߹ - ߹ᐡ總括而言，真係唔值得花$20去買呢個新品，但原本嗰啲菠蘿皮麻糬波波應該仲可以一試🫡…查看更多

想食咗好耐呢度嘅玫瑰醬年糕，但係一直都冇機會，今日返完學之後就搭左車過咗嚟試，但係點知佢個玫瑰醬年糕賣晒😰最後求其要咗個芝士辣炒年糕同埋雞蛋看地球2.0等咗差唔多15分鐘先有，啲店員工作效率好慢，切手卷都用咗差唔多成2分鐘😖芝士辣炒年糕好普通，叫咗BB辣都係好辣，啲芝士都比較少，唔算好抵食。雞蛋看地球2.0唔錯，但係冇乜驚喜，蛋皮都唔會好乾，但係賣相唔係好吸引，總括而言唔算太差，但唔一定要試🤓…查看更多

大約11:45嘅時候嚟到，入去第一個職員跟住佢就叫我哋出去出邊等一陣，都幾好有個位坐下但嗰度冇冷氣好焗喺樓梯口位🥵入到去之後唔知係咪因為第一批等咗差唔多20分鐘先有，另外最想食嘅招牌芝士炸雞冇貨😟有好多口味都賣晒，最終嗌左一個half half 原味炸雞有啲油，甜辣醬醬汁唔好食，10分滿分最多5分，因為一開頭食落去真係好好食，但係越食越覺得利，食到好辛苦～食完應該有排都唔會想再嚟食，有啲失望😅…查看更多

第一次去咗食呢間餐廳 見到門口有個牌寫住學生價全部$42 見到好似幾平幾抵就入咗去 點知道入咗去啲姐姐完全冇理過你 求其搵咗個人同佢搭枱 之後就開始落嘢食 叫咗個西冷牛扒 牛扒啲筋好多 又老又奀😅 嗌嘢食嘅時候 問佢有咩飲 佢好冇禮貌咁話：「咪平時飲開嗰啲囉 你平時冇飲嘅咩？」之後去到買單嘅時候 佢要我比$62 話因為我冇講話我係學生所以要比正常價錢 但係我着緊校服 相信正常人見到校服都肯定係學生啦 同時門口個牌亦都有寫住話只要着住校服就有呢個優惠🥵 真係唔好去呢間餐廳 想入去受氣就你鍾意啦😶‍🌫️…查看更多